Beautysong的个人专页

話說之前係Klook買左按摩+晚飯package,琴日終於拉埋家姐嚟試，真係超驚喜喎！首呢個2人晚餐，包巴馬火腿蜜瓜沙律、水煮蜆、一個主菜、一個意粉、兩個甜品同嘢飲5百幾蚊聽落又唔係平呀，不過食落真係覺得物有所值，所以先嚟推介下！個牛扒係靚料，本身叫5成熟，個牛嫩到不得了，啲配菜係好有心思同埋好好食。之後叫埋大食嘅姐夫嚟，加多左個雞翼，又係正到不得了，雞翼上面搭烤煙肉，成件事昇華曬，大家必試！！跟住散叫多個豬扒，我初頭怕啲豬會有腥味同埋好實好鞋，點知個豬扒仲好食過牛扒，真係吹脹左，真係好水準喎，配個西西里菜一齊食好有層次，講真我係其他西餐廳都好耐沒食到呢個水準。最搞笑係個甜品，本身去凍櫃睇，十足Starbucks 個啲貨，睇落沒乜料，見係set跟就是但叫朱古力蛋糕，點知上菜個刻又係靚到暈，好食到打唔切卡就掃曬！食完之後再加叫左個聖誕限定嘅肉桂薑黃latte同埋焦糖燉蛋。個燉蛋係勁滑勁香，配埋個嘢飲真係成身暖笠笠～～本來以為係按摩完隨便就腳嘅地方食下嘢，估唔到咁驚喜，下次唔按摩都會再嚟食其他嘢😍So far 2人餐再叫小食2女1男都夠食，只係唔抵得再叫多個主菜同甜品～食到勁飽！嚟緊聖誕新年大家不妨考慮吓…查看更多

上網見咁多好評，都真係想試好耐終於book枱同一家人食中秋節一早經whatapps book枱、拎menu睇吓湯、海味、雞個啲要早3日訂如果決心嚟食建議早少少煲下個menu睇有冇嘢想食又要訂先今次做節，所以訂左個飽魚一品煲預先過左$500訂金啲嘢夠熱、入味，係個海參唔夠淋，但整體滿意薑蔥桶蠔超好食，但由於係跟重量，所以大就得4隻，如果細嘅就5、6隻咁樣，大家要留意返仲有好耐沒食嘅西湖牛肉羹，真係回憶嘅味道返曬嚟！呢度要加一，唔駛茶錢（但一個茶包泡一壺茶，感覺弱弱地）不過都合理呀，想飲靚茶自己返屋企飲啦整理嚟講，嘢食好味，但始終私房菜出菜唔會酒樓咁快，但都係合理範圍，食到回憶嘅味道係重點，老人家都好滿意…查看更多

今日同好姊妹一齊嚟試新野假日真係好怕同人迫，好怕去cafe飲杯嘢都要等位呢間就真心正要booking先入得每小時只能serve 3枱今日去到都有一枱帶曬單反、著靚靚嚟打卡難得有個日系風又安靜的地方留意返1）一定要預約，如未夠5日都可以whatapps 問吓有冇人臨時唔嚟攝期嘅（本人就係前一晚問有冇期）2）人均最低消費$80/位3）真係限時1小時，夠鐘就交枱，但可以影多陣相嘅如果大家想飲下嘢，靜靜地，不防嚟試吓…查看更多

話說琴日朋友同個女食完之後覺得OK推介我，我即時就book咗枱同媽媽提早食團年午餐。其實叫得「輕盈健怡」大家都知唔會好多嘢食，咁到底有咩食呢？1）沙律吧：唔同種類嘅火腿、吞拿魚沙律、水牛芝士蕃茄；水果類：切好一粒粒嘅橙、菠蘿粒、青瓜、蕃茄、幾樣唔同嘅沙律醬同埋麵包粒2）熱食湯粉部：自家製魚肉餅、魚皮餃、仲有其他腸仔啊、肥牛啊、蝦同埋青口係大熱，但一定都要經過廚師煮熱，並非凍蝦。3）點心部：蝦餃係超好食，羅漢齋水晶鮫、牛肉燒賣、奶皇包叉燒包都有4）湯：一個忌廉湯、一個中式湯5）飲品：紅茶、咖啡、水，每樣都有熱有凍，但係就冇檸檬有糖漿同奶，最後我自己過咗水果嗰邊拎咗啲橙同埋菠蘿粒自製冰紅茶🤣🤣總括來講，每人百幾蚊，你當去酒店飲茶食啲簡單湯粉麵,點心都OK啦，環境安靜，開晒dyson 空氣淨化幾。我同媽咪2個人去，媽咪最擦得，食左幾轉蝦同青口，我就樣樣都試下，12:00食到14:30，14:00後酒店仲送左每人一個芒果疏乎厘俾我哋食，開心到媽咪不得了！年廿九唔使同人迫，可以清清淨淨傾吓計食下野，真係一個唔錯嘅享受！驚OpenRice訂位仲有25 Asiamile ,正！…查看更多

今日去試SOGO對面黃金廣場的粥底火鍋。朋友仔食過介紹我話必試喎，唔講都真係唔知呢個商場開左火鍋店，原來係今年3月新開嘅。遲左放工去到大家已經開曬鍋啦，哇～成枱海鮮！仲要只係上左一半咋，肉類都未上！我仲以為$198試食係快餐店個種，每樣少少試下味，完全估唔到係咁足料！最興奮嘅係，原來唔係我想像個種蒸氣火鍋再加粥，而係食店一早淆好左煲粥，將粥同粥水分開，以粥水做鍋底，最後完曬個火鍋，先將個棉粥放返入個精華粥底入面，成件事真心驚喜。佢地有教學教點煮個粥（落左咩先），枱面有曬每樣食材煮幾耐，有埋計時器，我地幾個平日少煮海鮮嘅，都唔駛估估下推介：1）海蝦上到枱都仲識跳，要用碗蓋實嘅，原來每日下午5:00先返貨（這店只做晚市）真心新鮮2）鮑魚好鮮味（竟然有鮑魚！）我地用黎煲鮑魚雞粥3）A4和牛好香，但豬腩片仲好味，估佢唔到4）竹蔗水個味同出面真是唔同，職員姨姨推介必飲話明沒加糖精，係落紅糖煲，好有家的感覺，40蚊唔駛一杓可以有6杯，自家出品，我飲完勁問佢地有無得外賣（可惜沒）5）佢地嘅調味沙薑必試，唔多講～因爲出面沒呢種調味料6）全個鍋係粥水底，沒鹽沒味精，全吸收食材嘅鮮味，但本人鐘意濃味嘅，最後都係要問職員要鹽總結：5個女仔食到最後都食唔落個粥，實在太豐富，如果想食火鍋又唔想太膩，呢個海鮮為主，多菜少肉無味精嘅粥底火鍋真係好啱大家。$198試食係超級抵食，唔知新張優惠做到幾時。當日去個場都唔滿唔駛等位，但朋友話佢假期黎個次係爆曬～…查看更多