dorothyhoooo のプロフィール

今日經手機喺gulu拎飛 (富盛大廈分店)，D003，我地7個人都預左會等好耐，到店門口等，見到門口部機顯示D002，即係下張到我哋啦，如是者等咗大半個鐘，手機顯示我張飛已使用，我立即入店詢問。我：我張飛未叫到但點解寫已使用嘅？（我係有禮貌咁問店員：下！你張飛過咗成個鐘架啦喎！我哋叫咗架啦喎！過咗架啦喎！我：？？？？？你冇叫過喎，出面顯示叫到D002店員：我有叫，你問下其他客我：？？？佢不斷強調張飛已過，另一店員問咩事，只係同佢講我張飛過咗店員：過左你要重新拎飛我：點解你出面顯示叫到D002？即係未到D003啦！過咗？我問左幾次佢都答我唔到店員：我唔識解釋你聽我：？？？？？佢地嘅態度仲要係串架，勁呀！佢地完全冇諗過幫我，只係叫我再拎飛，平時去其他餐廳都會話下張比你啦，同埋你連D004都未叫，我D003叫過左？仲有部機1-4人嘅飛都有不停咁叫號，只係5人以上冇叫過，即係部機冇壞，係你地根本冇叫過！於是去隔離分店搵負責人投訴，店員稱負責人唔在場可以同佢講咩事，佢不斷講唔好意思，但其實佢咩都冇做錯過。留左電話叫回覆，就睇下會唔會理我。上次去大棠路分店點心內有昆蟲我哋都冇話要投訴，只係叫你地拎走就算，但態度唔好真係唔得！…さらに見る

星期六日人均消費80-100（一杯飲品加甜品），以呢個價錢喺元朗嚟講我可以再搵一啲比較高汁嘅cafe。食物味度普通，喺客人面前直接用手接觸我order嘅蛋糕放上碟，因為只係輕輕掂一掂我唔介意所以冇咩所謂，如果遇到衛生意識好高嘅客人會唔係咁好。飲品正常，未去到好好食/飲要再去多次。另外店員極度冇禮貌，8成時間係對住位西面人食嘢飲嘢，可能我哋好嘈？我唔係好覺，整咖啡嘅聲音，閂雪櫃嘅聲音仲嘈，而且咖啡師同前面客人傾計聲音同我哋差唔多。如果店家覺得客人有問題應該上前出聲，而唔係全程西面眼超超！…さらに見る

8:15pm左右去到拎位，5個人，店員話要等陣8:30pm有兩張4人枱，不過係前後，問我哋坐唔坐，因為我哋想坐埋一齊，就算唔一齊左右都好，所以話我哋可以等多陣店員：隔離枱啲人都係啱啱食，可能要等好耐（之後走開咗）店員再行返嚟：你哋唔要呀麻，我比人哋㗎啦我：我哋等多陣其實佢由一開始態度已經唔好唔夠兩分鐘，其中一張4人枱隔離有人埋單，我見客人都係啱啱坐落去，而且未叫嘢食，同埋另外一邊有二人枱吉咗，問店員可唔可以叫客人坐另一張枱，我哋5個人就有位店員：唔得喎，你哋頭先話唔要張枱佢唔識管理啲坐位分配唔緊要，最重要嘅禮貌佢冇，串到一個點，我絕對唔係西客，冇用過唔禮貌態度對佢，因為呢件事，我唔會再幫襯貴公司，另一間分店都唔會去睇返啲差評，全部都係話服務態度有問題，麻煩貴公司盡快回覆我，你有需要知道邊位員工有問題，謝謝。…さらに見る

以前都係食開荃灣嗰間，以為元朗開左咁近我就唔洗再出去食。點知。。。我都係去返荃灣食啦😓- 入座/環境：由於我book左位，唔需要等就入得，我哋6人以上，好彩地有自己一個area，坐得係舒服嘅。- 服務：唔係冇禮貌，但完全唔nice，仲有啲啲惡，一啲都唔friendly。（朋友試過比人趕走，但我今次冇）- 食物質素：牛係好食嘅，但全部小食，係全部都唔好食，有啲可以用難食黎形容，我喺荃灣係不停order，但元朗呢間我只order一次。另外甜品（仙草）都唔好食，份量有啲少，好失望另外我哋有兩個鍋，荃灣可以一張枱比我分兩張單，因為我有會員，兩個鍋都可以免費鴛鴦鍋，食過咁多次都可以咁做，但元朗呢間就唔得，話一張枱一張單，呢樣野冇就冇乜所謂嘅，只係FYI講真呢間嘢湯底真係唔出色，我鍾意都係啲牛、小食同個甜品，得牛好食但小食同甜品都唔好食，仲要啲staff咁樣，我幫襯元朗一次就夠了…さらに見る

星期日2:00去食，入座率竟然得一成。 Order完，嘢飲好快有，之後薯條都好快有，個場冇咩客，但2個主食等左成30-45分鐘先有，真係有啲耐。Order左蕃薯條，燒汁日本A4和牛燉飯，是拉差汁三文魚，雖然等得耐，但係食物外觀好靚好吸引，食落仲有驚喜👍🏻完全唔係因為太肚餓😂全部都好好食，好出色。 薯條份量多，我哋兩個女仔係食唔曬，三文魚比我想像中大份😂雖然價格個人認為偏貴，但都會再去多次同介紹比朋友🙈…さらに見る

之前見到有comment話店員唔識沖咖啡覺得好好笑，點知我遇到嘅係繁忙時間沖唔到有熱奶類嘅咖啡，我作為一名barista真係覺得又嬲又好笑。既然你哋會嘥時間去磨豆，嘥時間去填平咖啡粉，嘥時間去將手柄扣上咖啡機去沖煮咖啡，點解唔可以多少少時間去打奶泡。。。你哋慳咗嘅呢少少時間，我唔知點解啲食物仲要等成7個字先有，係多客架啦，我去過好多更多客嘅地方都唔洗等咁耐。我叫咗杯凍latte，正常嚟講杯咖啡係唔會幫客人落糖水，除非客人要求，店員亦冇問我要唔要糖水，咁當我衰，冇講唔要糖水。。。食物方面：叫咗個黑松露意粉，和牛漢堡set，漢堡都叫做好食，薯條亦都唔錯，意粉聞落好香黑松露味，食落cream味較重，冇咩黑松露味道，而且越食越鹹，食到一半真係食唔到落去，我都唔想浪費食物，但真係食唔到。…さらに見る

好耐之前去過大圍嘅屋子生活，嗰次嘅經驗係非常之好，食物好食，價錢合理，環境perfect。見開左新店，睇相好似幾靚咁就去試下，點知去到原來鋪頭唔喺好大，不過等左半個鐘就有位。商場冷氣唔大，入到去因為有大落地玻璃，所以由等位到食嘢都係好熱（唔易出汗嘅人）唔知係咪因為星期日關係，係冇lunch menu ，而佢所謂嘅set要加$25，想飲套餐提供嗰3款飲品以外嘅野要加多$20，total $45⋯⋯crazy😶叫咗個牛肉湯烏龍麵，一杯latte ，加個提拉米蘇窩夫。 冇一樣嘢有驚喜，麵極度普通卻索價$89，咖啡冇特別，甜品外觀好靚，味道唔錯，略嫌太少cream。服務態度方面，一個員工足以打破其他員工嘅努力，其實所有員工正常，冇話特別有禮貌或者服務好好，唯獨是有一位女職員感覺係好hea，好似好唔想做，唔想serve你咁，我留意到佢對每一位客人的態度都是如此。 另外我見有comment話會趕客走，我哋一行4人都食左幾耐下，都未見會趕人走，可能我哋唔係坐落地玻璃嗰到。總括來說，CP價極低，呢間野只有甜品吸引到我，會否再次光顧，不會。 我會選擇到大圍分店…さらに見る

Search TST 台灣野第一個就出現呢間，睇佢啲相又好似幾吸引，見又多人like，但就好失策地冇睇食評，去到先知限時40分鐘，開頭覺得冇乜所謂，當試下新野所以就入去食，未食前就覺得價錢係正常嘅，但係食黎就覺得唔值呢個價。叫左個滷肉飯，牛肉麵同甜不辣，滷肉飯正常冇話好好食，牛肉麵一啲都唔好食，毫無驚喜，甜不辣有腥味，個醬唔好食。 。。。。由於我食嘢係比較慢，店員提醒就嚟夠鐘意都仲有好多未食完，佢地訂限時40分鐘唔理佢咩理由啦，但對於我嚟講就係完全唔夠架原來，時間仲少過返工放lunch😀完完全全浪費左我食好野嘅機會😩今次教訓就係一定要睇食評！！！！！！！…さらに見る