Nataliewong97的个人专页

韓式前菜種類多，味道也不錯， 尤其辣蘿蔔，本人覺特別好吃。 冷盤 刺身壽司雖然款式不多 ，但亦算新鮮及鮮味，可以一試 。 湯類為中、日、韓式 ，材料 十足，味道亦相當不錯。 食店內提供生熟食物， 生熟食物擺放得井井有條， 種類亦算多，迎合不同人士的口味 。燒烤的生肉款式多 ，質感新鮮 ，味道也相當不錯。 熟食多為 蔬菜類 ，適合食素人士。 店內亦提供任飲的韓式飲品 及韓國的酒精飲品， 款式及選擇 比同類食店 豐富， 適合不同人士的口味 及需要。 飯後甜品亦是值得一讚的地方， 除了一般的雪糕蛋糕等甜品外，還有自製的棉花糖。客人可以隨自己 喜愛的口味親手製作棉花糖 。這些難得的經驗 ，很少在其他食店獲得。…查看更多

係旺角行完街，朋友話想食韓國菜就搵左呢間梨滿園。兩個人叫左4樣野食，份量都幾大但因為好好味就好快食哂。豬肉炸醬麵幾有驚喜，雖然唔係好重既味道，但咸咸地再加左啲洋蔥同蒜去調味都幾好味。個人幾中意食韓國既麵，比起香港既麵彈牙，有咬口。特選牛肋骨係我覺得全晚最好食既野，記得要揀有醃製既。好好奇佢地係點樣醃既，好似將本身既牛味放大左兩倍咁。肉質淋淋地又有啲咬口。牛脷肉質相對結實同有咬口啲，雖然冇醃過，但煮完都好香牛味，加少少檸檬汁食更好味。特級海鮮炒年糕都好味，醬汁偏淡既，會適合唔太食到辣既人。年糕質地好煙韌，點多啲醬食會更惹味。海鮮比想像中多，青口最好味幾juicy。…查看更多

一到週年紀念日就係諗去邊到食嘅時候，上網就見到呢間係尖沙咀嘅高人氣法國餐廳，而且價錢亦都唔會好似普遍法國餐廳定價感高。餐廳裝修十分有格調，枱上亦放左假蠟燭，營造浪漫嘅氣氛，所以幾適合紀念日呢d日子黎。我地就叫左個二人set dinner:餐包：微暖，外層脆內軟Caesar salad: 份量十分多，蔬菜新鮮，微咸嘅風乾火腿同麵包糠有十分濃嘅牛油味，配搭一d軟身一d薄脆嘅Parmason芝士，配搭有心思，係高質沙律前菜吞拿魚他他：帶微辣，清新感覺，注意內有蕃茄洋蔥黑松露蘑菇湯：上菜時黑松露香氣撲鼻而來，入口以為會好濃味，但味道唔會太濃致膩，順口creamy嘅口感，蘑菇味隱隱約約浸出青蘋果雪葩：可以清清喉去食主菜，所以口感清新羊架：上面舖有酥炸碎脆，令到食落嘅口感更特別，唔會有羶味，要求七成熟口感更佳焗乳豬：肥瘦肉加上燒得微香脆嘅皮一齊食十分滿足，怕膩再配上蘋果醬會更清新結尾配上精美法式焦糖燉蛋，面有一層脆薄焦糖，滑口嘅燉蛋，配合一流，十分推薦…查看更多

最近天氣轉凍，所以就約左個朋友黎打邊爐。平時成日食得多麻辣火鍋，見到呢間有養生鍋就想黎食啦！一坐低職員就好親切咁比醬料我地撈，然後我地都好快就簡好湯底：桃膠美人鍋同埋酸菜白肉鍋。桃膠美人鍋係好滋補嘅感覺，有淡淡藥材味，好似老火湯感，仲要有原隻烏雞，夠肉地同嫩，有驚喜！酸菜白肉鍋係偏酸嘅，所以食落就好開胃，同埋本身鍋嘅配料都好多，好夠味。因為得兩個人，所以唔係叫左好多野。火鍋配料有南海貴妃蚌、蘇格蘭聖子、安格斯肉眼肥牛、墨魚丸、薯粉、生菜。海鮮夠鮮味，牛重肉味嘅而且算大碟、墨魚丸夠彈牙、火鍋配料都新鮮，所以加埋感補身嘅湯底就十分之滿足，建議大家點都加個薯粉結尾吸哂精華真係好正…查看更多

本來打算黎試下冒菜，但點知見到一張三峽烤魚嘅菜單，就心郁郁想食啦！同三個朋友一齊叫左個三峽香辣烤魚加六款配菜等左一陣，就上菜啦，係用gas爐一路燒住，烤魚係上菜嘅時候已經係熟左，所以都係等佢煮番沸騰就可以食啦！一黎到已經有驚喜，大量香菜莞茜舖滿成個熱爐，香味十分吸引。魚嘅size都算大，夠我地四個女仔食，魚肉新鮮完全唔會霉，配料夠足。我地叫左（土豆）薯仔、玉子豆腐、金菇菜、鮮淮山、蓮藕片、雲耳，全部都係食辣必配！十分推薦感嘅配搭，材料十分入味，而且分量多，中意食辣嘅人一定要食下！…查看更多

朋友介紹左呢間西餐廳俾我，雖然位置唔係太方便但都想去試下。見到餐牌上既手抓海鮮覺得幾特別，就揀左幾款試下，醬汁方面揀左2nd bite招牌辣醬，非常香口同海鮮好夾，亦都唔會太辣。最好味既係藍青口，食落juicy有咬口，膏蟹肉質比較結實，有好多膏但因為炸左所以冇左平時嗰種膏既味道。虎蝦都好好食，似避風塘炒蝦。香煎BB羊架唔會好大陣’蘇’味，肉質幾淋，點少少薄荷醬更加帶出到羊既味。芝士流沙粟米幾特別，粟米爽口，配上類似蓮蓉蛋黃醬鮮蜆忌廉意粉有驚喜，用牛油煮意粉，意粉粗身有咬口荔枝白桃梳打清爽既味道，荔枝既味道濃啲，幾好飲整體黎講食物質素好好，海鮮、肉同意粉都掌握得好，特別推薦佢既手抓海鮮。…查看更多

今日住係新蒲崗嘅朋友邀請食飯，介紹左呢間係附近嘅Wanna Eat, 起初以為係西式餐廳或者cafe類型，但估唔到都有驚喜。一睇餐牌就見到有好特別地見到有中式野食，好似紅油抄手、袖子雞定食等，於是我同朋友就可以簡一個中式一個西式感叫。叫左個紐西蘭西冷扒配沙律薯條，西冷扒叫五成熟岩岩好，肉質嫩，扒唔會好細塊，薯條係足料薯條，新鮮炸起，十分好食！另外中式就有宮保雞丁，有兩個小配菜附送，一個係蟹醋混蓮藕，一個係麻辣木耳，非常開胃野味，主菜宮保雞丁雞嫩無骨，多汁惹味，腰果都唔會淋哂，推薦！最後叫左杯Rose Latte, 有絲絲嘅玫瑰香味，唔，賣相都吸引，味道偏甜嘅。…查看更多

同朋友係長沙灣唱完K諗住搵間餐廳食飯，見到呢間粥底火鍋覺得幾新奇就諗住試下。餐牌非常簡單，有幾款套餐揀但只係湯底上既分別，我地就揀左蕃茄濃湯底。平時打邊爐都成日揀蕃茄湯，所以覺得佢既湯底幾濃味，真係用蕃茄去煲左一段時間。海鮮方面我地揀左 鮑魚 肉蟹 花甲 大蚌 貴妃蚌 蠔 鮮魷。必食係肉蟹、鮑魚同貴妃蚌，蟹肉質鮮甜，鮑魚新鮮彈牙，貴妃蚌好鮮有咬口。然後仲可以揀多六款食物，我地揀左美國肥牛 芝士腸 鮮雞件 日本烏冬 蜂巢豆腐 唐生菜。肥牛好好味，有少少脂肪。雞件都幾好食，吸到湯既味道。生菜煮一陣就食好爽口，亦都沾哂湯汁。食完所有餸，店員就幫我地加飯、豬油渣同脆米煲個泡飯。泡飯好惹味，同脆米一齊食會覺得係兩種唔同口感既野混埋一齊但又幾適合。份量真係好多，食唔哂個泡飯，呢個價錢食到海鮮而且質素又好覺得幾抵。…查看更多

為左慶祝朋友生日，搵左佢最中意嘅日本餐，見到好評如潮都要食下！一開始有個開胃前菜，睇個賣相已經好吸引，服務生細心地同我地介紹每樣野食，有野菜漬、蟹仔（好可愛）、 海苔加酸汁同芋蓉，酸酸地幾開胃，蟹仔成隻食好脆同少少鹹嘅另外 叫左八件壽司拼盤，有左口魚、平政、 深海八爪魚、真鯛、深海池魚、三文魚、吞拿魚甜蝦同附加嘅燒玉子，魚類十分鮮，完全唔腥，呢個拼盤比散叫抵食！炎燒六色珍味蠔：蒜蓉 清酒 昆布 芝士煙肉 海膽 天婦羅，蠔鮮 肥美，十分推薦食呢個，而且蠔嘅整法都好特別！串燒拼盤八本： 大蔥、牛肉、雞腎、雞軟骨 鵪鶉蛋、雞翼、露荀、雞肝，十分推薦，燒得岩岩好，每樣都好野味同好食，拼盤亦比較抵食。最後叫埋個海膽炒飯就畫個完美句號，有新鮮海膽舖面，炒飯十分香，味道似中式炒飯，海膽鮮美，值得一試！…查看更多

行開佐敦尖沙咀個邊覓食，見到新開左間高級日式餐廳，有omakase 提供又唔太貴就十分想食！於是上星期四就決定同朋友一齊收工去食晚市omakase 。餐廳環境非常優雅，可能因為omakase 我地可以坐工作台個邊，對住師傅坐，一黎師傅阿潮就好親切感問我地有冇咩唔食，非常貼心，然後好快就開始準備我地嘅食物。前菜：青瓜、麻醬豆腐、醬油漬吞拿魚（三小碟嘅感覺，十分清新同開胃）左口魚（肉身及群邊 ）：師傅提議先食肉身有酸汁混和，清新同特別嘅一道，魚肉爽口，有魚油味，切得晶瑩薄身。池魚：用左薑蔥、芝麻醃一醃，魚肉厚實，唔會有魚腥味，新鮮之選深海池魚：肉身厚實，非常新鮮，想一試再試等候熱點中途比左蘿蔔漬、牛蒡嘅漬物清一清味覺，令人唔會等到悶海鰻鰻魚飯：介紹食法，將飯分四份，試作三食：1原味、2加配料、3加入鰻魚湯做成茶漬飯，最後一份飯可以重覆以上最中意嘅做法，用活鰻製作，鰻魚汁香濃，鰻魚新鮮，十分推薦。金目鯛：稍稍燒一燒面，上面加一點酸梅，有wasabi（可因應要求唔放）：濃濃灸燒嘅味道，十分香嘅魚油味小飯團：有蝦、三文魚籽、海膽、蟹肉，用料上盛拖羅橫間膜加牛油果：新鮮，好味，製作方法特別，魚油味唔膩口甜品：玄米茶雪糕（加左楓糖漿），甘甘地茶味雪糕，中和一整餐嘅味道。師傅知道我地中意甜品再親自整個蕨餅比我地，好好味，多謝師傅嘅心意。…查看更多

終於約到朋友一齊黎試醉胡爐，離由尖沙咀站行左十幾分鐘就到，裝修幾有氣派，位又寬敞，已經好期待！為左慶祝朋友搵到工就豪一豪試佢嘅龍蝦湯底，好快就有人拎配料比我地整醬汁，然後就上鍋啦，十分有效率！鍋底超正，首先落左d牛油同酒炒香龍蝦同蜆，聞到都覺得好吸引。之後落埋龍蝦湯底，鮮味十足，趁落料前飲一飲湯，鮮味之餘又唔會膩或者太鹹，打邊爐都岩岩好！材料我地兩個女仔叫左少少都夠飽啦，有花雕醉滑牛（肉味同酒味濃，好野味）、西班牙黑毛豬豚肉（夠肉味，新鮮，薄薄地嘅）、鮮蝦帶子餃（高質餃，蝦爽口）、手打芝心牛丸（牛味濃厚、野味！），最後叫埋烏冬、薯粉岩岩好，吸收哂湯嘅精華…查看更多

早上有事到尖東 想食飯時經過依間cafe 被門口裝潢吸引 就決定入去試下😁 cafe門口有個靚靚打卡位，如果淨係飲咖啡嘅話 加上現在開始秋天 坐出去應該都幾舒服😋同朋友嗌左個意粉同bagel 但因為早上已經飲左咖啡 所以飲品點了tonics 但如果有機會再黎會點咖啡！旁邊客人的咖啡太香了～意粉賣相吸引，味道亦不錯，白汁夠濃，是我喜歡的味道，雞肉都好嫩滑😍😍😍 而且份量對於女生來說很足夠～不錯不錯😋Bagel炒蛋夠滑 磨菇好多 不過牛油果有點生 但份量真的抵讚！炒蛋都蓋過個bagel了😂Tonics選了lemonade和elderflower普普通通 cafe還是應該喝咖啡吧🙈臨走前員工走過來 說bagel salad dressing是新調的 所以問我們感覺如何 感覺細節都幾用心的～總括黎講 係應該支持的小店！😋…查看更多

一諗起一人鍋就諗起呢間十分多人讚好嘅台式臭臭鍋，離地鐵站唔算十分近嘅路程，但仍然值得一試！一入到去就聞到濃烈嘅臭臭鍋味道，係一種輕度版臭豆腐嘅味道。晚市時間都有幾多人食緊，但位都算多同足夠。當晚我叫左招牌臭臭鍋，小辣，配粉絲（可以揀配飯），等左大概五至十分鐘就上鍋，都算快，而且大部材料都熟熟地嘅狀態，感覺煮番熱一陣就可以食得。招牌臭臭鍋：一人份量岩岩好，有好多唔同嘅材料，例如細細舊臭豆腐、豬紅、豬腸、牛肉、豆卜、蟹柳、金菇等，全部都十分配合湯底嘅味道，湯底微辣嘅，有個種沙嗲嘅辣嘅感覺，粉絲吸收哂湯嘅精華，好野味！係超飽肚又滿足嘅一餐！…查看更多

去完中央圖書館，近近地見到樂面牛屋就心郁郁想食台灣野。餐廳裡面都算寬敞，位都唔少，但係午市時間都已經full哂。最後點左一碗清燉牛肉麵試，午市套餐仲有跟一杯野飲，有珍珠奶茶、綠茶等揀，我就試左養生之選姜母茶飲。清燉牛肉麵：湯底清甜，聞落有陣陣藥材嘅味道，有莞茜，有幾塊牛肉，唔算好焾，係厚實少少嘅口感，麵質係圓圓地條狀嘅，但我見到有其他客人嘅紅燒牛肉麵係扁扁個種，麵亦唔會煮到好焾感。一路食麵都不停飲左好多湯。配埋杯姜母茶十分滿足，暖胃。…查看更多

上到去覺得環境好靚，落地玻璃可以360度睇夜景，亦都有露天座位可以坐出去飲杯野。自助salad bar: 有鵝肝、海鮮，用既料都好靚南瓜忌廉湯: 好creamy，南瓜味都好突出Surf 海洋薈烤龍蝦: 好鮮甜燒得好香，肉質彈牙阿拉斯加皇帝蟹腳: 蟹味好香甜，啖啖肉好滿足，亦都冇燒到乾哂鱈魚: 有少少入口即溶既感覺，加少少檸檬汁更加帶到魚既鮮味大蝦: 都一樣咁鮮甜好味，加左啲鹽同黑椒調味青口: 咬落好juicyTurf 草原薈肉眼: 生熟程度適中，好香既炭燒味，亦都好香牛味烤豬小背排: 燒得乾左少少，但豬肉好入味，配埋bbq醬都好好食牛仔腸: 偏淋身但味道幾好燒春雞: 有少少乾，調味唔錯…查看更多