AAW的个人专页

尖沙咀新開咗日本料理，係金巴利街 (即韓國街)，地點超方便！立即試下先！Omakese 用料新鮮！😋😋😋制作水準一流！值得推介！👍👍👍尤其鮑魚加上肝醬，甘香濃郁！生蠔味鮮甜肉質豐厚！仲有沙甸魚，爽甜油香！食到呵呵呵！🤣🤣🤣熟食鰤魚同蝦！嫩滑多汁！壽司有好多款呀！😍😍😍有我嘅至愛海膽、深海池魚、牡丹蝦、赤身等等！配上柔軟度適中嘅醋飯，真心食唔停口！🤩🤩🤩跟著送上熱辣辣嘅清甜蜆湯！好有家的感覺！哈哈哈！😆😆😆最後係甜品，香甜蜜瓜同柔韌黄豆蕨餅！令人回味無窮！🥰🥰🥰…查看更多

由於疫情關係，無得食晚餐！又唔想同人迫！所以改咗係下午3點至6點食Lunner (Lunch + Dinner) 嚟預祝冬至及聖誕節！🥳🥳🥳Chris師傅非常用心設計每一道菜，Omakase 經常有驚喜！令人食到幸福嘅料理！🥰🥰🥰魚生類有特別口感嘅餃魚、鮮甜日本生蠔、深海池魚+燒舞茸+油甘魚+烏魚子，肉質鮮嫩肥美，脂厚油香，入口魚油甘香細膩、蜜金鯛+白松露+赤海膽，蜜金味清香配合矜貴白松露將味道提升至極點！另上一道雌性松葉蟹+蟹籽+馬糞海膽，蟹肉味濃郁，鮮甜蟹籽，加埋馬糞海膽，令人齒頰留香！😋😋😋熟食係鹽燒及汁燒生鰻魚，皮脆肉鮮有彈性，送酒一流！🥂🥂🥂食埋酸酸地水雲清清味蕾之後，跟著就係壽司時間，當然唔少得鮮甜帶子、油香肥美拖羅、濃郁味美嘅牡丹蝦連膏及海膽壽司，今次仲有熟成鯖魚，鮮甜倍增，魚肉的脂肪豐富，口感鬆軟而且十分嫩滑，另格外安排真鯛白子燒拖羅根，送酒推介！🥂🥂🥂重頭戲醬油蟹及蟹肉拌壽司飯，肉質鮮甜嫩滑，脂膏肥滿，啖啖蟹膏，配搭得宜，令人回味無窮！正正正！👍👍👍😍😍😍最後仲有豪華版太卷、鮮魚濃湯、清甜蜜瓜配自家製梅酒！食到呵呵呵！感到萬分幸福啊！🥰🥰🥰希望快啲無哂疫情，下年又再嚟食好啲！🤗🤗🤗🙏🙏🙏…查看更多

2020年開始🎉🎉🎉食開運Omakase！🤩🤩🤩希望全年都幸運又順心啦！🥰🥰🥰今次去鮨野，第一次食壽司師傅Chris安排嘅Omakase，除食材新鮮🐟🐙🐚，仲特別製作熟成魚！魚味濃郁！肉質軟綿，另外，壽司飯用二款日本米及三款醋，配搭適宜！Yummy😋😋😋👍👍👍刺身熟成獅魚同拖羅，肉質嫩滑味濃！😍😍😍日本生蠔鮮甜爽口！🤗🤗🤗松葉蟹配蟹籽，芬芳馥郁！齒頰留香！🤩🤩🤩仲有白子……非筆墨形容！正！正！正！👍👍👍壽司有象拔蚌、石鯛、赤身、赤牡丹蝦及蝦膏、鹽水海膽烏賊及北海渡海膽，甘甜美味！回味無窮！送酒一流！🥂🥂🥂抵讚！😋😋😋最後送上鮮甜魚湯及日本水果，簡直係完美Omakase！一定會再嚟食好嘢！呵呵呵！😆😆😆👍👍👍…查看更多

食到感覺幸福嘅料理，就算好耐無寫食評，都執番支筆推介下！今次食新開日本菜餐廳地區十分方便，環境清幽寬敞!選擇了 [幸福] Omakase !食材新鮮！配搭恰當！賣相吸引！加上壽司師傅親切細心！感覺全晚都幸福啊！前菜有安康魚肝，口感細膩潤滑！再有鮑魚及鮑魚肝醬稻庭，肉質鮮甜彈牙！肝醬馥郁濃厚跟稻庭成絕配！白魚係平政魚，薄切配以微酸醬汁，清爽怡人！刺身有象拔蚌及笠貝，肉質脆嫩鮮甜！沙甸魚魚味濃郁肥美！鰹魚刺身微烤配日本洋蔥，清新甜香！最後係油香滑潤嘅拖羅配脆紫菜！齒頰留香！和食第一道係蟹肉蕪菁，軟綿細緻！第二道龍蝦配百合、栗子、丹波黑豆，鮮甜味美，肉質爽彈！跟著係六道壽司，分別有深海池魚、北寄貝、鰤魚腩、拖羅、赤牡丹蝦及蝦膏及馬糞海膽壽司，魚味濃郁、新鮮油香、甘甜細膩！各有千秋！應有盡有！回味無窮！加上有櫻花蝦拖羅手卷及松茸蜆湯！相得益彰！最後送上超甜日本蜜瓜同美味小蛋糕！幸福滿載！超正！抵讚！…查看更多

想食優質日本菜，立即諗起竹壽司！一如以往，選擇食Omakase~Take同坐壽司吧枱，因為一路食一路同師傅交流，又可以欣賞師傅手藝，眼睛也嚐味，當每份魚生同壽司送上嘅時候，感覺好親切同尊貴！今晚係Fujikawa大師傅，燦爛笑容兼努力地用廣東話介紹食物，真係一樂也！前菜有紅蝦，肉質軟滑，清甜不腻，白蝦則鮮甜肉質結實，螢光魷魚，肥美漲卜卜的，爽脆味鮮！煮物係日式鮑魚，肉質柔嫩細滑，鮮甜滋味！刺身包括伊佐木魚、吞拿魚腩、平政魚、針魚、象拔蚌同牡丹蝦，新鮮甜美！各有特色！吞拿魚腩入口即溶！齒頰留香！象拔蚌仲有兩款口味，刺身爽脆清甜！燒物則濃香嫩滑多汁！回味無窮！食壽司前大師傅送上粟米「刺身」，爽甜多汁！功效同食法國菜嘅雪葩一樣，令味蕾回復清新，真係細心！壽司包括吞拿魚腩、池魚、赤貝、右口魚、堅魚、海膽及赤鱸魚！每款都係時令食材！精緻獨特！海洋味濃郁！鮮甜可口！吞拿魚腩同池魚肥美油香！赤貝爽脆無比！右口魚油脂甘香，鮮味滑溜！堅魚微烤，香甜美味！海膽鮮甜甘香！赤鱸魚油脂濃香！配合壽司飯，妙不可言！最後仲有玉子燒，海鮮湯，吞拿魚卷及日本蜜瓜！今餐真係令人愉快滿足！唯服務仍需努力！希望下次會有改善！…查看更多

三五知己梗係去大排檔食晚餐啦！鵝頸街市係其中一個好選擇！今晚有炸子鷄，外皮炸到脆脆的！鷄肉入味多汁嫩滑！好搶手㗎！有時一早嚟到都賣哂！另外必叫之選係椒鹽鮮魷，炸得好乾身！柔軟香酥可口！唔會太咸，味道啱啱好！食到唔停得口！啫啫芥蘭煲亦不可不叫，芥蘭翠綠，少少辣惹味爽口，菜味濃郁！仲有豉油王焗蝦同油盬水煮蜆，蝦肉鮮甜！豉油咸甜適中，蜆肉肥美新鮮又彈牙！真係津津有味！因為環境比較嘈，所以傾計要大大聲！…查看更多

上次食過番尋味，約幾個姊妹試新menu，我揀頭盤法式焗田螺，田螺肉質彈牙帶微香草味，伴以香濃幼滑嘅忌廉薯蓉，充滿住法國菜風味，可能係前菜，食物只係微溫，如果再熱些應可以將香味提升，相信會更加出色！跟著餐湯係番茄忌廉湯配蒜蓉多士，微酸帶甜熱辣辣，順滑可口，配上脆香帶蒜蓉味多士，令人食慾大增！接著主菜焗豬仔骨配蜜汁燒菠蘿，肉質柔軟多汁嘅豬仔骨上有濃郁香辣特製醬，加上烤過嘅菠蘿，鮮甜不油腻，配合得天衣無縫！齒夾留香！百幾蚊就可以食到有水準嘅西餐！真係要推介！讚讚讚！…查看更多

多年無去農圃, 今次食鮑翅海鮮套餐, 第一道菜選擇馳名古法釀雞翼, 外脆內軟, 雞肉嫩滑多汁, 釀入香味四溢嘅糯米飯, 配上喼汁立即油而不膩! 簡直有劃龍點睛之效! 呢道菜果然名不虛傳!第二道菜係原個小南瓜海鮮燴鮑翅, 海鮮及鮑翅份量略少, 還幸原隻小南瓜味道好甜, 瓜肉已經燉到綿綿的, 飲落好有質感! 如果有更多鮮蝦或蟹肉添加鮮味就更完美!第三道菜係原條遼參配北菇鵝掌(伴菜膽), 遼參肉厚肥壯! 用鮑汁扣, 味鮮肉爽, 鮑汁咸甜適中, 加上靈芝菇及北菇有少少靱度, 令人食得津津有味!第四道菜兩款都要咗, 有生炒臘味糯米飯及生拆大閘蟹粉小籠包, 不過已經太飽, 我地選擇打包生炒臘味糯米飯回家, 現場品嚐生拆大閘蟹粉小籠包, 小籠包充斥住蟹粉濃郁香味, 鮮中帶甘, 回味無窮!最後, 套餐包括兩款甜品, 緊係都要試喇! 第一款鮮磨杏汁官燕, 香滑微甜沒有杏仁苦澀味, 熱呼呼加上有大量官燕, 食完覺得好滋潤! 另一款係椰香官燕凍, 椰子味好重, 兼內有甜味十足嘅大大粒紅豆, 有啲似紅豆冰!最後再最後, 服務員特別免費送沾有糖漿脆麻花, 甜絲絲的! 另外仲有桂花糕木瓜凍同椰汁榚木瓜凍! 清新可口! 提供有水準嘅食物加上窩心服務, 值得推介入!…查看更多

去厚福街覓食，發現咗一間甜品餐廳，晚餐有十款咁多，立即試下先！頭盤南瓜蘋果湯，味道甜絲絲，好順滑，湯裡有蘋果蓉，食落好清爽主菜瑞典豬肉丸、煙肉依雲士汁配扁意粉，豬肉丸混入大量香草，肉汁吸收哂香草味，提升肉味！扁意粉煮得軟硬適中，拌入香濃煙肉依雲士汁，菇味夠哂突出！食飽飽，加番杯藍莓柚子沙冰，柚子味較重，充滿果香味，好滿足啊！最後仲驚喜！原來有幸運輪玩㗎！轉到3折優惠！ 哈哈哈！今次真係夠哂Fun！p.s. 想玩幸運輪係有要求㗎！上FB讚完仲要打咭同upload食物相㗎！…查看更多

係尖沙咀食午餐真係好多選擇，今次試下新餐廳，呢間餐廳午餐係二道菜套餐，前菜我選擇咗是日餐湯 - 蕃茄海鮮湯，湯味濃郁帶酸，夾雜海鲜鮮甜味，食落除咗蝦肉之外，仲有魷魚碎粒及甘笋粒，非常滋味！主菜係香草茄醬芝士豬脊肉配上新鮮蔬菜，雖然豬脊肉肉質有啲"鞋“，不過只要切薄片混入茄醬及微熏嘅芝士，竟然食到豬肉香，而不羶，配菜的BB露笋同法國豆都好新鮮，只係微微焯過，青脆可口略帶草青味！哈哈！就算好飽，餐後加一份甜品當然係必要，我點咗綠茶芝士蛋糕，蛋糕由於充滿芝士香味蓋過咗綠茶味，不過質感好滑溜，甜度適中帶點咸，好滿足的午餐！…查看更多

好少有閒情去到火炭食晏，同事介紹一間麵包店內嘅cafe，地方唔大，店內一邊買麵包蛋糕，一邊食日式西餐。午餐套餐加$8有麵包，當然加嚟試下啦！麵包只係微熱，合桃提子包最好味！麵包鬆軟加上合挑甘味同提子甜香！yummy!主菜叫咗幾款，帶子燴飯比較有水準，帶子煎得啱啱外香內軟，味道鮮甜！燴飯有好多料，好有咬口，飯就軟硬適中。其餘款式只係一般，尤其牛扒最差，同事要5成熟，但係送上嘅已經全熟！老到咬唔開！無哂肉汁！可以再幫襯！不過要小心揀食乜！…查看更多

為慶祝同事生日，選擇了一間日式餐廳，入到餐廳感覺好舒適，地方夠大，座位又寬敞，枱與枱有間隔，好有私隱！我及同事都被餐牌內相片吸引住，非常雀躍！以為好正！點知……我揀咗海膽三文魚籽蟹肉三色魚生飯，服務員立即通知無晒海膽，好失望呀！唯有改炎丸海鮮滿瀉魚生飯，見到張相真係滿瀉架！點知送上嘅時候係……除咗兩條鰻魚突出啲之外，唔見晒啲魚生，食落係有幾片薄魚生嘅，但唔夠新鮮，無鮮味，應該係無味！無得形容！鰻魚唔肥美，無魚味！只食到鼓油味！真係唔值$268，仲要咖啡茶，甜品都冇其他同事選擇咗唔同嘅定食同丼，反應都係一樣好失望，一啲驚喜都無！加上服務員態度麻麻，錯漏百出！唉……_…查看更多

午餐去試新餐廳！初初諗住德國菜淨係咸豬手，入到餐廳，服務員好細心介紹午餐係自助沙律吧兼可以加主菜，仲包甜品同咖啡或茶！服務員先送上餐湯，好多料！雖然味濃但不會太咸，好好飲跟著去沙律吧攞食物，原來俾我想像豐富好多㗎！除咗有好多款沙律之外，仲有細细件pizza，cold cut, 不同種類嘅麵包，3款腸，pork ribs & hamburger, 睇完立即決定唔叫主菜，食咗兩大碟又菜又肉，真係好飽呀！最後食埋甜品，飲杯咖啡！好滿足呀！豐富的午餐，值得推介！…查看更多

Farewell同事所以選擇一間公司附近又新開嘅餐廳！晚餐非常美味！物超所值！今晚大家食套餐百幾蚊已經包括有前菜、餐湯、主菜仲有餐茶！前菜有三款，風味BB魷魚仔有鮮味、自製鴨胸沙律肉質嫩滑、香煎蟹肉餅好香口！今晚餐湯係南瓜忌廉湯配脆香蒜蓉法多，熱辣辣好窩心！輪到主菜，竟然有6款咁多！最抵讚係最平嘅焗海鮮意大利粉係$128，最貴都只係$168嘅烤肉眼扒！嘩嘩嘩！抵食到每個年青同事都選擇食肉肉肉！哈哈哈！以為平就無特別！原來大家都諗錯喇！無論香煎三文魚、燒羊排或烤肉眼扒都香噴噴！肉質鮮嫩！又 juicy！回味無窮！制作認真同用料上盛！加埋熱情招呼！真係讚讚讚！！！…查看更多

以前去澳門必食嘅豬扒包，今日係香港食到更好味的金牌豬扒包！豬扒肉嫩又多汁！仲有新鲜番茄同生菜！讚！法包外脆内軟！再讚！上枱熱辣辣！香噴噴！讚讚讚！加埋飲杯茶香奶滑嘅港式奶茶！俾我感覺好幸福啊！餐廳老板同員工態度親切！服務好！效率高！雖然係快餐，但絕不馬虎！俾無限個讚！…查看更多