dulllam的个人专页

呢間舖都開咗好一段時間，今日咁岩經過見佢依家有pasta同burger食就入咗嚟試下。今次揀咗坐樓上，叫咗Carbonara同加配咗Iced Matcha Latte，埋單$83唔使加一。先講服務，一入到嚟職員已經即刻照顧客人，都幾窩心，態度好好。意粉唔係出面奶油味好重個啲，但都幾香，另外煙肉份量一啲都唔馬虎，好大塊同埋都幾多片。而matcha latte係奶味偏重啲，個人就喜歡茶味濃啲，不過都唔錯。返咗半日工，lunch time嚟抖下chill吓都係一個唔錯嘅選擇👍🏻…查看更多

懷舊既裝潢真係好得意，最得意係懷舊得黎，夾雜住現代人物既牆身畫！同班朋友一齊坐係度，靜靜地食下野傾下偈真係一個唔錯既地方！環境好舒服，個個食客都好休閒咁係度過日神！如果你為求搵個地方同朋友聚下，又鍾意懷舊既事物，呢度絕對係個好地方。如果你為求食餐好既，呢度只能夠提供一般cafe既食物質素，食物普遍黎講係四個字可以形容既「正正常常」。一句講晒，重氣氛多過重食物質素既小地方。整體價錢偏貴，但就慢慢坐都唔會俾人趕走。而且值得一提係呢度幾乾淨，連洗手間都好鬼乾淨，紙巾係用有質素既品牌，都唔係間間餐廳做到。…查看更多