jumb的个人专页

之前成日心思思想嚟mother of pizza，但係成日都嫌遠，因為喺銅鑼灣地鐵站行過嚟都一大段路㗎。 所以專登有一日就的起心肝行過嚟食。喺門口已經見到啲pizza係係一個傳統嘅窰入面烤緊， 覺得幾特別。坐低睇餐牌，覺得幾貼心嘅係通常一個pizza都係一個味，但係佢竟然加少少錢就可以一個pizza有兩個味。真係適合一啲人數唔太多，但係想試多啲款嘅人吖。所以我哋今次就揀咗山洞人啖啖肉同埋my parhma啦。個pizza比想像中快有得食呀，同埋原來真係好大份！每人可以分到四塊pizza真係好正呀！佢因為係用傳統嘅窯爐，所以有 陣陣嘅炭味，同埋佢嘅手拉薄餅令到個pizza嘅皮好薄身，而佢嘅皮又有好香嘅麵粉味！佢嘅材料非常之大份量真係食到好滿足呀！ 加上只係得我同男朋友兩個人食，可以食到兩款味真係覺得好滿意！…查看更多

喺德福行街行到攰，想快啲坐低唞下。見一風堂冇人排隊就拿拿聲入去啦，都知道冇乜驚喜㗎啦！ 因為我唔算太肚餓嘅關係我只係食咗一個細嘅赤丸拉麵，而男朋友就係食返正常size嘅拉麵。跟住佢口痕話要試下新嗰個赤丸茶碗蒸，點知係有少少中伏嘅拉麵喺一風堂其實個水準都keep到，唔會突然之間好難食，當然又真係唔係特別好好食啦。但係冇影到相嘅赤丸茶碗蒸個味就其實同拉麵係一模一樣嘅，連茶碗蒸上面啲餸都係拉麵上面嘅餸，所以食到好膩。因為啱啱先食完個赤丸麵，轉個頭又食過赤丸味嘅蒸蛋，實在唔係太特別。 下次都係食返普通拉麵算啦…查看更多

好姊妹轉咗新工喺中環返工，我見得閒就過嚟搵佢食晏，於是就搵到呢間喺交易廣場嘅 classified好彩我早少少過嚟攞位，中午時間嘅中環真係好多人！ 同好姊妹share咗兩個main course下面係龍蝦汁蝦意大利飯 ，上面嘅係煙三文魚egg Benedict個飯偏鹹咗少少但係啲汁都幾香，同埋好足料！每一啖都有切成小塊嘅蝦，唔錯唔錯 。上面嘅egg Benedict 好正！煙三文魚好肥美同埋大塊，我哋share完都飽曬啦！呢間餐廳可以再一戰…查看更多

點解話係宵夜嘅好去處呢， 係因為夜晚成日排曬長龍，所以我哋寧願食宵夜。同埋佢開得好夜， 所以我地都成日心思思想落嚟食嘢。不過食宵夜有個唔好處 ，就係好多嘢食已經賣曬。我哋次次都想叫嘅豉椒炒蜆佢次次都冇得食。冇得食炒蜆就唯有食炒鵝腸啦。佢嘅豉椒鵝腸，份量都算多，啲鵝腸好彈牙好新鮮， 唔係一般嘅急凍鵝腸，好好食。佢啲紅椒青椒同洋葱都好爽脆好甜，正！之後我就一定會食佢鹹蛋嘅菜式㗎喇，今次食鹹蛋 九肚魚，好香口，啲鹹蛋嘅份量啱啱好，唔會太多令到成個餸好濟，鹹蛋入口即溶 ，好正通常我地會外賣一個雞粥返屋企，同媽咪一齊食。佢嘅一煲雞粥嘅份量都好多，會有三個透明嘅外賣盒 佢嘅雞都幾滑，滲咗啲雞油喺粥入面，好好味…查看更多

同媽咪過嚟淘大行街， 佢唔想食煎炸嘢，又好耐冇食過上海嘢 ，就同佢過嚟食下上海婆婆喇。兩個人食四碟嘢 ，都幾飽 。首先嚟過冰鎮醉鷄先 。啲醉雞都幾入味 ，又好冰凍 ，因為成堆冰喺啲雞上面，唔錯唔錯。之後就上咗我至愛嘅雪菜炒粉皮 ，但係呢間分店 冇平時咁好食 。啲粉皮唔夠味 ，我地要另外加豉油，先有返少少味，同埋唔夠香口，有少少失望。第3碟就係唔會點輸嘅小籠包，熱辣辣,差啲淥熟個嘴.最後一碟就係好飽好濟嘅鹹蛋炒豆角 ,身為鹹蛋嘅超級fans, 我覺得呢碟都算合格,可以止到我想行食鹹蛋嘅癮…查看更多

因為我男朋友住土瓜灣，所以我哋成日都幫襯重口味。 佢嘅下午茶同埋午餐性價比好高 ，我地最鍾意係食蔥油雞飯，啲雞勁滑包埋嘢飲.都係唔使四十蚊佢嘅酸辣米線都好好食， 我成日會轉紅薯粉 ，個湯底幾正夠酸啱曬我 …查看更多

同朋友放工食個tea 估唔到有驚喜tea set 無記錯係50幾蚊，包一個即焗pizza + 1 drink我地揀左一個甜pizza 香橙榛子合柳桃pizza with ice cream! 焗得好香脆，好好味喎咸pizza 係自選材料，我揀左salami , rocket veg, cream cheese 。下午茶有咁嘅質素好難得呢！pizza 係即焗，足料，有火箭菜嘅pizza 好特別呢！包一杯野飲添！我覺得自己會繼續幫襯，嘻嘻🤭…查看更多

同家人喺平日中午黎到Marbling 歎semi buffet lunch 黎到先知原來係Mr.Steak 集團呢不過相對平時Mr.steak 嘅Semi lunch呢度係高質好多喎！就咁睇個salad + dessert buffet 已經覺得唔洗食main dish 了😂😂😂😂Smoked salmon，西班牙風腿，芝士...我至愛嘅前菜有5,6種唔同款嘅沙津，成日轉款嘅甜品，個maindish 係點其實我都唔係好記得😂不過記得牛扒係好好食嘅！值得一試！講講下又想去食了。。。最重要係，環境好舒服，唔會人山人海，個個傾計細細聲！我地12點，坐到3點，好正嘅一餐…查看更多

朋友請食飯，估唔到呢個海鮮餐咁正每款海鮮都可以選擇烹調方法，我地每種都試下清蒸大蜆，好甜！蒜蓉蒸龍蝦，肉爽，勁甜！清蒸肉蟹，有膏，蟹肉爽甜，好高質！豉汁鮑魚，彈牙，肉又鮮甜！南乳蒸鮮魷，好彈牙惹味豉汁蒸扇貝，又係好新鮮，甜呢個8寶飯勁驚喜，好足料，好入味，仲好好好大兜！要打包回家每人26x , 已包加一，另有燉湯，同飯後糖水，CP值爆燈呢，樣樣都夠新鮮！聽朋友講，超難book ,預2星期先有機會book 到呢！…查看更多

行完黃埔搵下食，發現有間新餐廳主打應該係西班牙fusion 比佢嘅paella 深深吸引左入去今晚嘅iced tea 全部買一送一我地叫左Signature Iced Tea 呢杯ice tea 我覺得唔係好夠茶味應該係落左太多糖漿，好似過甜，不過不失前菜係西班牙章魚沙津，同我嘅印象唔同，我喺西班牙食嘅章魚係切成圓型，用酸甜汁醃嘅，味道較鮮呢度係薄片好似冬菇咁個沙津係Caesar salad ,各有各好主菜係我最愛嘅西班牙燴飯，但呢個係中西合璧，混合左中式臘味，味道出奇地夾！每粒飯軟硬適中，落埋少少檸檬汁吊味，好惹味！我清哂成碟另一碟主菜係半隻慢煮燒春雞，雞皮幾入味，雞肉就淡口少少，但成隻雞唔會太油，比較健康口痕想食個芝士nacho! 中間嘅芝士再多d就好了旁邊嘅sour cream 好正！我好想再添…查看更多

平時去嘅連鎖式放題最出名就係一個字: 逼！呢間三木係同事介紹嘅，重點係坐得舒服因爲平日，所以有得坐入房，好寛敞呀！自成一角傾計好開心Encore 再encore 嘅原因除左環境之外，就係佢個海鮮拼盤喇每人一份有4件，師傅Random出，無得改今次我地有每人半邊龍蝦，大貝殻，鮑魚，同蟹蓋配um Chun 蛋。全部都好新鮮好甜！esp 鮑魚！又彈牙又鮮甜！燒之前問職員點燒，會燒得更好其他放題食物都唔錯，最impressive 就係海膽軍艦！海膽新鮮足料，飯就細細蕉，我食左成打…查看更多

我個人真係好重口味，一星期總要食下川菜呀，米線成日喺土瓜灣遊走嘅我基本上會1,2星期就食重口味一次。原因係:夠抵食，夠重口味經常食酸辣紅薯粉+2送(我通常都係午餐肉+豬大腸),配飲品，盛惠3x 大元。勁大碗，薯粉夠彈牙，成碗好有四川風味午市時配埋特價小食，正…查看更多

2位朋友同我慶祝生日張枱都幾大張，坐得寬敞舒服嘅。6點幾餐廳唔算太人，傾計都好舒服叫野食！Chop house 出名食burger. 我地叫左呢The BBC : BBQ醬牛肉漢堡配煙肉芝士，配薯條漢堡都幾juicy ,好有牛香。不過我更欣賞薯條，熱辣辣脆卜卜！呢個係蒜香大蝦配紅花食真係唔太推，雖然蝦係幾大幾彈牙，但個飯完全無味，好淡，同埋唔夠干身。Carbonara 係大推的好有creamy 好有奶油香，個汁好滑。食得多係會膩架不過作為Carbonara Fans 嘅我，我係包底的。左邊係Caesar Salad ,哈哈同平時嘅好似唔同，呢個無乜汁，淡口啲，啲菜又大件啲右邊半打蠔，都幾新鮮！海水味唔算重，但頗肥美的！…查看更多

男友次次都係叫Rainbow +小丸子即係大雜燴芒果預通常都舌，小丸子係幾有味的今次我叫西瓜涼粉，有啲失望喔，西瓜唔夠甜。涼粉都幾彈牙的。不過豬仔真係好多款式，價錢親民嘅。…查看更多

特色仙草百配係必食的！有凍有熱揀，梗係食凍啦熱死辣辣！好足料，以為芋圓係主角，原來仙草先係重點！勁滑！！！好正仲有小丸子，薏米，同埋好多好多料25蚊抵到爛！不過可能太好生意，雪得唔夠耐，唔夠凍，再凍啲真係滿分…查看更多