Ms Charming的个人专页

隔咗好一段時間無出街食飯，早排終於出番黎食下美食，見下朋友聚下舊朋友提議去觀塘樓上店，坐得舒服啲，所以揀咗呢間日本料理夏日實在太熱，一坐底就叫咗野飲先凍朱古力 & 菠蘿乳酸梳打朱古力唔苦，岩曬鐘意食開milk choco既我有幾個前菜都好想食，唸緊食花螺定鮑魚好呢，最段想啖啖肉，都係叫鮑魚啦😂迷你磯煮鮑魚凍食既鮑魚，爽口而唔韌，佢地應該都要花咗啲心機同時間，先至令鮑魚咁入味芝士蛋捲另外，由於朋友仔唔鐘意明太子，所以只係要咗個芝士蛋捲。蛋係滑既，芝士味唔錯濃，所以唔會食完唔會覺得濟，做前菜都ok烤豬頸肉 & 煙肉蝦卷見唔少人都有點串燒，唔執輸嘅我哋，都叫咗兩串😂豬頸肉一粒粒係特別有口感，加上表面少少咸少少脆，都唔錯最特別係煙肉蝦卷，豬頸肉燒到脆卜卜，而裏面嘅蝦肉大大粒，又爽口，蝦肉新鮮鰻魚炒飯原條鰻魚成把間尺咁長，啲肉都幾厚，啖啖肉，加上係靚鰻魚，連微細嘅骨都唔會有！炒飯唔乾，加上鰻魚汁味濃，大大碟，我地2個人都食唔晒松島魚餅貪心地嗌多咗個魚餅，但一啲都冇後悔，好彈牙唔腥，我地兩個幾分鐘就清碟…查看更多

太子有兩間慢煮工業，一開始去咗白楊街，但發現原來朋友book咗呢間，好彩相距唔遠所以下次真係睇清楚係邊間店當日都幾多人，門口都有人等位有曬連續2年必食推介獎狀架！呢度個點餐方法，係先去收銀點餐同俾錢，之後就會有職員送餐蟹肉羽衣甘藍沙律：蟹肉起好曬，食起上黎方便。Dressing酸酸甜甜，而法律菜好新鮮，令到人好refresh好開胃法式豬鞍 加 牛油果：本身只係得豬鞍，而自己本身好鐘意食牛油果，可以選擇自由加配。表面加咗玉桂粉，配埋玉桂味嘅薯仔，好特別。豬鞍好厚，但一啲都唔韌，好多肉汁，好爽口芝士流心蛋大啡菇：表面好似平平無奇，但一切開，流心蛋就衝出黎。大啡菇充滿咗芝士蛋漿嘅味道蜆肉蝴碟粉蜆肉多到寫晒出嚟食極都食唔完，蝴蝶粉嘅芝士醬汁亦都好濃重，味道10分好。藍苺芝士蛋糕食完晒主菜試埋佢哋嘅藍莓芝士凍餅，清新得來酸酸地，甜味不太重啱啱好，呢一餐真係好豐富。…查看更多

同朋友行開黃大仙商場，見到有間新開嘅素食店，睇落價錢又唔貴，朋友又想食得清淡啲，就膽粗粗入去試一試。一坐低，帶位姐姐就話俾我哋聽，我地任食㗎，攞個碟，就可以拎出去拎嘢食啦。行到出去自助餐區，啲嘢食都好豐富，分別有沙律吧，熟食吧，甜點吧。分類仔細。有幾款新潮炸物特別好味，好似天婦羅番薯，天婦羅茄子，同天婦羅豆腐。又脆又鬆軟，點啊天婦羅醬汁，特別好味。熱食方面都有好多唔同嘅選擇，右手邊嘅金針云耳，炒得好入味。知識方面最好味就係茄子炆炸豆腐，配搭埋甜酸辣醬一流冇得頂食得素食，梗係要食埋佢嘅炒飯炒麵啦，炒飯夠乾身，啲飯一粒粒好好食。最令我欣賞嘅係甜品有錦滷雲吞，雜糧糕，紅棗糕，薑醋蛋，紫薯糕，同埋最好味嘅蛋散呀。仲有好好味嘅桂花糕，雖然冇影到。呢一餐素食真係幾好味，本身大家諗住輕食，但係食到勁飽捧住個肚走。…查看更多

出外靠朋友，今次靠朋友先識呢間餐廳😂搭𨋢上到去，就會見到好泰國嘅裝飾有心思嘅，加上聽住啲職員講泰文，的確有曬置身泰國嘅感覺Lunch Menu都唔少款式，可惜兩個人真係食得唔多，只有叫咗3樣Pad Thai 泰式炒金邊粉: 配料都算豐富，河粉同蝦肉彈牙，酸辣令到人特別開胃，加上炒得唔乾，好容易成碟食曬馬拉盞炒通菜：有炒蒜粒係面，所以零舍香。通菜係嫩口，唔老紅咖喱雞飯：有咖喱汁味道，但係唔辣。椰汁味都比較重，送白飯係最好配搭…查看更多

荃灣西開始越嚟越旺，好多新商場，好多新食肆。本身過黎唸住行Dondondonki，發現太多人，決定食完野先再去。行行吓見到有川菜，又唔洗等位，我地兩個就決定試吓。好大字寫酸菜魚，可惜同行朋友鍾意食辣但係唔鍾意食魚可以一路飲住檸檬水，一路點餐可以選擇用QR code或者有paper Menu眼見其他食客嗰一鍋好大兜，所以兩個人點了一鍋經典香辣鍋，每個鍋都需要點5樣款料我地點咗雞翼、豬頸肉、薯仔、娃娃菜及粗薯粉豬頸肉爽口，厚度切得比較薄，所以唔韌單骨雞翼，個人比較喜歡食全翼，但朋友話單骨易處理多啲粗薯粉口感QQ，入味既，辣辣地，同埋麻子一齊咬，麻麻辣辣，唔錯另外，娃娃菜配辣味，係無得輸！可以再黎試下另一個秘製醬香鍋。提外話- 食完10點幾後行Donki就無人排啦😂…查看更多

銅鑼灣嘅高級中菜餐廳有好多，經過Lee Garden近近地就走上去。上到黎先知，原來呢間有做婚宴，論食物質素都唔差，如果選擇酒樓擺酒，都值得列入考慮之列。望入去都唔少人，差唔多台台都有人，都有啲信心行入去。唔知點解已經無曬特價餐，唯有用正價啦！南乳醬金脆肉：南乳味需算好重，所以唔會好鹹。咬落好脆口，豬皮及豬脂肪只有少量，但唔會覺得好肥膩。竹笙鼎湖上素：蠔汁炒菇，唔䶢亦都唔淡，味道剛好，大塊竹笙吸曬味瑤柱帶子蛋白炒飯：飯粒粒分明，算係香口。…查看更多

樓下係女人街，咩時間到熙來攘往但係其實稍移玉步，上多兩層樓梯，原來香港都可以有個令人放鬆嘅地方地點就腳，岩同朋友一齊黎食野玩boardgame報置好舒服，梳化軟軟，好relax點餐，有個寫字牌俾我哋自己寫啲字有啲樣衰😂儘量寫好啲俾職員睇先呢度出餐即叫即煮，好快就出到餐芝士吞拿魚焗長通粉：超濃芝士味，有拉𢇁。吞拿魚散落喺長通粉之間。味道唔會太咸，食完唔會口渴。蒜香黑椒雞扒天使麵：黑椒味重，雞扒入味，肉質軟滑。一直好好鐘意天使麵，粗幼適中，呢度時間煮得剛好。香蕉奶昔：用新鮮香蕉，見到香蕉之餘亦食到有香蕉質感，唔甜，甜度適中美式咖啡：小清新，啡味啱啱好，濃郁呢度完全令我改觀對樓上Cafe嘅食物質素，由於太多年都無去cafe，以前一直停留喺食物質素唔太好食，但呢度完全係好味，值得推薦！…查看更多

美滋鍋 —— 美美的滋補養生鍋如果大家鍾意粉紅色，就一定要嚟呢度食一個靚靚嘅養生鍋。一入到門口，就置身於一個粉紅色的世界。一坐低， waitress就已經將一部平板第過嚟，問我地想要食啲乜。經過佢哋推介後，我哋最後揀咗一個鴛鴦鍋，一半招牌辣鍋，一半知補美顏鍋..點嘅肉唔多，但呢個西班牙豬又爽又脆冇得輸..呢個豬肉丸入邊有芝士流心㗎，一咬爆漿呢個豬脆片都唔差架，跟住個漏斗2分鐘就食得午餐肉，脆脆薄薄的，唔錯另外我地點左冰豆腐同竹笙，吸曬啲湯底精華，好入味蔬菜方面，就主要點咗金菇，秋葵，仲有山藥添，處理得好好，好新鮮好乾淨。最後我哋仲叫送咗個柚子冰。打完邊爐熱騰騰，呢個甜品正好降溫。酸酸甜甜，好好味！呢度擺設都做得好靚㗎。係一餐好美味嘅晚餐，推介俾姊妹之餘，會同另一半再食多餐。…查看更多

平日晚飯時間同朋友行過旺角，都會見到呢間安安燒大排長龍 今日同朋友七點幾行過，見到冇乜人排隊，於是就去試下一入到去，佢就會俾份menu 你，同你講邊啲今日已經賣晒 ，海鮮時價係幾多。呢份貼心好好！聽聞呢度最出名係撈芝士麵！當然就要試下！我地就叫左個創意蒜蓉芝士撈丁 成碗都係芝士同蒜蓉，鍾意食蒜蓉嘅人，一定要叫 ！不過我建議至少兩個人以上先好叫一碗，因為啲芝士會令你食到好滯，食唔落其他嘢就好可惜啦另外食串燒點可以唔叫燒茄子，又係勁多蒜蓉喺上面，每一啖茄子都會有熟蒜蓉，味道剛剛好！另外我仲同朋友都叫咗好多不同類型嘅串燒，但不得不提嘅就係佢嘅燒牛舌，牛舌又厚又大塊，燒到一啲都唔乾 燒蠔算大粒，好甜點咗太多串燒，兩個人食到滿載而歸另外呢度都有好多唔同嘅手工啤酒，不過我地今次就冇點到，下次嚟到一定會試吓…查看更多

大受好評嘅西班牙菜，終於都有機會試吓門面已經感受到簡約及型格路線啦平日晚上唔算太多人，所以環境唔侷促。身邊的客人都輕聲說話，唔會影響到其他客人用餐。✨北海道刺身帶子配柚子及青檸啫喱聽到個名就覺得好清新。帶子新鮮，既白又圓，肉質細嫩，清甜爽滑。配埋柚子及青檸啫喱，更加帶出帶子嘅鮮甜。✨酥炸魷魚圈炸粉唔算好厚，魷魚大大粒，爽口唔韌。醬汁有少少辣辣地，點咗更好味！✨風亁火腿多士係黑毛豬火腿（Iberico ham）黎架！味道都算濃郁，有種甘香但唔油膩的味道。火腿舖滿每一塊多士，所以每一啖都可以食到。✨西班牙燒乳豬全個晚餐嘅重點菜呀！睇咗好多食評，個個都話燒乳豬好食，第一時間點，但佢都係最後先上菜，果然跟住西餐嘅順暢黎食，唔急得😂乳豬肉厚，肉同脂肪嘅比例係6:4，入口比例正合我呢啲唔太鐘意肥膩，但又想要小小中和下嘅麻煩人😂乳豬皮脆，燒到啱啱好，好容易咬開。醬汁係蘋果蓉，清甜的醬汁好match乳豬！…查看更多

今日太想太想太想食啲有質素嘅日本丼，專登去咗呢間專門食丼飯嘅日本餐廳，好多人comment話好好味架，決定月頭係時候豪一豪俾自己啦🤩呢種裝修有置身日本感覺啦！一入到餐廳，員工好好，好仔細話俾我知今日咩食材係最新鮮，同埋有咩優惠😂丼飯同九貫有75折呀，岩曬我勁想食丼飯！唸咗好一陣子食邊款好，最後我點咗2號：原板韓國海膽、日本海膽、赤蝦、碎蔥吞拿魚腩黎到嘅時候，真係同menu入面一模一樣！我見呢個可以一次過試兩款海膽，加上好似好耐無食赤蝦，咁我就放棄留番下次先再試帶子個個啦！近左下個個係日本海膽，金黃色，大片啲，肥大厚肉啲，而且紋理同顆粒都明顯清晰。入口即刻化開咁，鮮甜的。韓國海膽雖然比較細粒，味道對比下無日本海膽咁濃郁，但同樣新鮮。赤蝦大大隻，脆肉爽口，蝦頭有好多蝦膏。佢寫住完熟日本桃呀，完全無法抵抗，結果忍唔住叫咁支😂白桃的汽水都幾甜其他啲壽司、刺身又唔貴喎，聽聞係新增嘅，之前無做壽司嘅。選擇同連鎖個啲餐廳差唔多，但我相信呢度一定好坐啲。…查看更多

一入大門，就見到佢哋招牌式嘅海鮮檔..所有海鮮都超級生猛，扎扎跳。一坐低就即刻睇吓Menu有乜嘢食，哦！原來唔係剩係得海鮮咁簡單㗎啵。望吓個Menu湯底已經有好多選擇。我哋最後揀咗佢嘅，鎮店之寶 - 「花膠雞濃湯 」一嚟到就已經好驚喜！店員仲好好地幫我地將個雞斬件，建議我哋先飲咗湯，再食雞同埋花膠，最後先再打邊爐。花膠雞湯簡直無得輸啊，濃得來完全入晒味。雞同埋花膠配搭得充滿鮮味啊！飲完花膠雞湯後，配上冰豆腐同埋龍口粉絲，完全令到花膠雞湯升華到一個極點。所有花膠濃湯嘅味道，都吸收晒落去呢兩種配料入面。由於同行嘅朋友唔食牛肉，我哋就點左芝士腸、西班牙豬腩肉、豬眼根、淮山、同埋金菇。兩隻豬肉嘅味道都唔錯架，仲好彈牙，碌兩碌就熟。其他配菜都好新鮮。湯底好，就算普通配料都變得好味！…查看更多

不論平時一杯杯家庭裝雪糕，定一盒盒雪條或者雪糕批，質素都一定有保證。堂食仲有更多唔同味道、款式可以選擇，配埋流心brownies，做飯後甜品一定係最佳之選😍經典味道朱古力及士多啤梨😍朱古力雪糕球入面有朱古力碎粒，甜度岩岩好，入口好滑，朱古力馬上溶喺咀入面。士多啤梨雪糕球有果肉，啖啖果香，酸酸甜甜。今次朱古力布朗尼有啲失望，平時佢入面會有少少流心，但今次得軟身，有點可惜😔希望下次去番呢間分店再食時，會變番平時咁啦！…查看更多

新都會電梯下的日本拉麵店，不論午飯還是晚飯時間，每次都見到好多人排隊，太好了，今日剛巧不用等位位置十分開揚，正正電梯旁，快食就無所謂，如果約朋友打算長談，另覓地方會比較好以食拉麵為主的餐廳，點了一個俺流鹽湯拉麵，朋友就試下係咪真係用日本米，所以點了叉燒飯，再加一碟餃子。俺流鹽湯拉麵：湯底清淡，但略嫌多油。拉麵麵質彈口，不錯。叉燒韌，似煲湯後嘅湯渣🤦🏻‍♀️俺流叉燒飯：真正圓碌碌日本米！呢個飯比樓上個拉麵出色，而且叉燒不老，醬汁惹味，送飯一流。俺流餃子：細細粒，外皮唔太厚，仲有肉汁，不過不失。…查看更多

好耐以前見過呢間賣廣告，寫住6小時任食火鍋加放題，每次見到都話想試。好彩有個有記性嘅朋友仔最近提一提，咁我地3個就話黎試下啦平日晚上黎到已經好多人好熱鬧啦！坐底後就馬上點湯底，有好多款湯底選擇，我地最後揀咗新出嘅冬瓜雞白鍋火鍋無限追加系列有好多食物，一定夠曬飽！只要點咗湯底，講咗俾佢知人數後，根據人數而送上特定份量，刺身及海鮮好快就送到上嚟刺身：全部都好新鮮，大讚蝦刺身，彈口，肉質唔霉，有蝦膏；北寄貝爽甜，可以再出去添加人頭份量，每人一隻。有鮑魚、象拔蚌、海蝦、大蜆、沙白、魚腩😍打邊爐有海鮮，絕對係必需呀！海鮮類通常都唔會落太耐，怕太韌，幾分鐘就可以。因為全部都新鮮，鮮甜彈牙！沙白又甜又無沙，好快就開殻食得！海蝦同海蜆可以無限追加，我地都加咗次呀！外面仲有好多熟食、火鍋配料、甜品、飲品架，特別在於呢度有埋小小迷你點心，燒賣蝦餃個啲都有！有唔少熟食及沙律，而呢個味都似雞煲，雞肉滑口，味道濃，朋友都拎多咗轉額外配料刺身追加除咗有平時的甜品生果之果，呢度仲有榴槤雪條（圖右中）大腳八（圖右下）；一打開榴槤雪條嘅包裝，已經有好濃郁嘅榴槤味湧出嚟，有啲食緊真榴槤嘅感覺，記住留肚食！…查看更多