乳酪雪糕本身不過不失，抹茶粉同糯米糍份量幾足～但上面兩支百力滋係*完全*受潮，淋曬，彎曲到半圓型而唔斷…整嘅時候見佢係喺一個密實盒拎出黎。叫咗抹茶控2.0因為預設組合有四款配料但係同自選兩款一樣價錢。於是儘管百力滋完全無法擺入口，都諗住本身唔係特別恨食就冇要求換。之後食食下都係覺得店員應該要知道，所以行返去提醒佢地百力滋完全淋曬叫佢地唔好再俾其他人。最初店員只係疑惑地望住我手上拎住杯乳酪，企左兩分鐘店員先不情不願出黎，然後好勉強咁話「哦，OK」，連唔好意思都冇講。建議冇咩事都唔好食，全部配料都唔知擺左幾耐，又完全唔覺得自己有問題。當下太震驚百力滋可以咁淋冇影低到彎曲的百力滋，不過我覺得佢完全冇打算檢討所以想試伏應該都仲係可彎曲的魔法百力滋。…查看更多
