anniebaby215的个人专页

尖沙咀鮨燐係近期食過有驚喜嘅廚師發板，以為已經食過好多好野無乜野會嚇到我，點知都有幾道菜令人驚艷⭐️。🍈先付►玉味噌富有杮：清點爽口似哈蜜瓜，玉味噌甜甜地有趣，幾鍾意►日本南瓜甘露煮►梅水晶🐟刺身7品►鮫鰈魚薄切：入面包住火炙過嘅蝶魚裙邊，有柚子香唔油膩►兵庫縣黃金武士蠔 + 水雲：細隻爽口►北海道鰤魚⭐️：半肥瘦已經口感好好，配三升漬香口；腩位仲要燒香咗，超肥YEAH，柚子胡椒正好中和一吓►針魚：濃濃魚味呀喂！今日師傅教先知原來光物魚 = 銀皮魚，銀色嗰層唔係皮，係皮下組織，多數肉質濃郁，正！►青森縣鮟鱇魚肝厚切⭐️：夠橙！夠肥！入口即溶！►長崎縣吞拿魚厚切：塊中拖羅漸變色勁靚！口感超正。►吞拿魚魚鮫⭐️：入口即溶，有少少筋越咬越香，大癲！🥩和食►和牛：幾滑，附炸蒜皮🍣 寿司6品►鹿兒島深海池魚：爽口但又有油香，少少帶子口感►九洲車海老⭐️：勁爽口，似玻璃咁脆►新鮮北寄貝⭐️：原殼空運嚟，超爽口►北海道馬糞海膽⭐️：爆漿！►神奈川黑鯥魚⭐️：皮下脂肪多，油香豐富►青魚箱壓寿司：昆布煮過清甜，青魚燒過後更濃味，飯加咗少少紫蘇同芝麻，香口🍲 汁物🍮 甜品►自家製抹茶奶凍：香濃幼滑有驚喜，附送粒黑豆都好好味HK$1680 對得住價錢。峰師傅有料又健談，手藝、知識俱全，即管考佢啦，佢會教到你好多野。晚市滿座，仲聽到有幾枱係熟客常常來，證明食物水準穩定，可以做飯堂哦~…查看更多

前排聽識飲識食識煮嘅舅父講，覺得醬缸係全港最好味嘅韓國餐廳，我就已經悄悄book定枱.... 醬油雌蟹頗多膏，唔會超級鹹我覺得幾正。但！係！點！知！醬！油！蝦！仲！鮮！之前係香港都食過其他店嘅醬油蝦，ok囉冇話好鍾意食，原來係未遇到醬缸。叫咗3隻醬油蝦，隻隻肥仔彈牙，超新鮮，蝦頭多膏好好啜，非常建議大家點。本人唔嗜辣 (怕)，但辣醬蟹嘅程度係港人易接受，惹味的，朋友覺得比醬油蟹更正，撈飯一流。朋友點嘅烤牛小腸頗大份，店員即場係你面前切+煎的，睇見都有食慾。配菜有洋葱薯仔一齊煎，香口！小花蟹湯清甜辛口，過癮，有蟹鉗。啱啱上台時熱到起滾泡，襯熱飲！成枱都係前菜，樣樣試啲大滿足~ 前菜無限追加的，我會推介以下幾款：泡菜餅，薄身、微辣，口感酥脆炒年糕，咬開煙韌好明顯每款食物都要送飯，紫菜飯一碗兩個人share 唔係好夠，兩碗就差不多。BTW 酒精飲料買一送一，叫咗菠蘿燒灼，下火哈哈幾好味~~~…查看更多

十二道菜式越後越好味，估佢唔到，好飽呀媽咪！前菜全部bite size頗精緻，一人一啖好難形容咩味🤣 俾少少概念大家：►金莎朱古力醉酒鵝肝：開心果鵝肝波波►糯米香酥鴨方：糯米立方►茉莉花燻燕子倉：糖醋魚►梅乾菜油爆蝦：香口小蝦脆炒湯！品！大！癲！必！點！►魚羊鮮：咳咳其實我唔食羊... 但竟然飲左3碗湯+食左N舊連皮嘅羊肉。白湯非常鮮甜暖胃，羊肉口感軟滑、羊皮Q彈，一啲騷味都冇，以為已經好好味，一點韮菜醬提鮮，味道昇華十倍，嚟食飯一定要叫唔該~主理睇得出手工野，以下幾道頗花巧：►芝士豆腐魚空氣春捲►仙鶴神針：魚翅釀乳鴿►翡翠文絲松葉蟹 ：松葉蟹菜汁蒸豆腐，係主打濃味嘅中菜中好清新健康►蟹粉龍鬚東星斑：麵條狀魚肉有趣最尾三道以為係時候休息，點知係最好戲在後頭！►茶王脆皮燻雞：皮脆肉嫩富茶香，勁有雞味►濃湯乾貝玉枕 ：瓜絲富口感，高湯香濃滋潤►十景炒飯：粒粒分明，蛋香瑤柱香食到鑊氣中菜大大碟，係要一大班人食先開心！…查看更多

一直以為ROOM3係西式餐廳，原來係西日串燒居酒屋。咁就大鑊，因為串燒我基本上要食好多先飽...串燒小試幾道，認真建議大家食串燒時想食就一人一串，一人分得一粒帆立貝/肉係一定唔夠喉：►廣島吉列蠔：醒目呀我地，一人一串唔洗分 ►孜然黑豚腩：可以再肥啲►西班牙黑豚玉子燒：唔太食到黑豚包住啲咩►鮑魚釀雞翼：鮑魚同雞翼吉埋一齊好難咬同Share，想食的話一人一食好啲►海膽帆立貝串燒以外食物好似有特色啲：►迷你蟹玉蟹肉酥盒撻：曲奇皮唔係酥皮我反而更鍾意，Bite size 一啖一個當前菜唔錯►北海道辣味魷魚肝汁松葉蟹肉意大利麵：好味，一人份量來的►火炙牛海膽紫菜TACO壽司手卷：鍾意紫菜TACO口感，唔錯Overall 食物OK，但可能同朋友食得太開心，對食物印象唔深，都五百蚊per head架。Cocktail /Mocktail 反而唔錯，點咗杯 Pearhoney Twilight & Passion Grove，清清甜甜啱女仔，當佢係有串燒小食嘅酒吧比較合適。…查看更多

大癲，再次遇到一間全！部！都！好！食！嘅餐廳🥹 我見男友食完每一份都有點頭，代表有金舌頭認証哈。真係道道都愛，今次唔打星星喇，🤯爆炸頭係我覺得驚為天人嘅項目：►熟成特上鴿皇胸腿肉🤯：痴線架，咬開不斷爆汁，好嫩好Juicy一定要嗌►生燒熟成合鴨胸：肥美，咬落彈牙富鴨香►三黃手羽元🤯：再次非常嫩滑，滿滿雞油香►日本雞皮：打摺方法串起令脆雞皮更有口感►日本雞胸軟骨：香口，大大塊►自家製月見免治雞肉棒：唯一投訴係想大舊啲，一人一半係唔夠喉►日本雞頸肉：任何動物頸我都鍾意，鍾意佢爽口►汁燒鮮雞肝：未見過咁大咁飽滿嘅雞肝►特上厚切牛舌芯：厚切，爽口►慢煮特選和牛三角肉：半肥瘦見到滿滿脂肪，口感剛剛好►特濃花膠雞白湯🤯：非常濃厚，湯面打起泡超正，懶cut carbs冇配烏冬，後悔►螢光魷魚漬🤯：係口入面爆出海水嘅鮮味，大愛蔬菜►日本小甘薯：連皮煙靱►日本山芋海苔燒：有少少黏黏，爽口►日本銀杏：好味但得四粒我係失望嘅，好似$28飲品我嗌咗「海鹽柚子酒SODA」，男友嗌「白桃乳酸酒SODA」，唔知係咪隔離飯香，白桃嗰杯超好飲有桃肉絲，好清甜~ 睇單先知 Sapporo 啤酒買一送一，仲免切餅費，大家可以留意返~…查看更多

Omakase嚟講，師傅先決。Hashibami 有男師傅坐鎮一定有質素，果然今餐食得非！常！滿！足！食材極度新鮮同高質，🤤係今餐最回味之選！🦀前菜 ►鳥取松葉蟹配黄身酢：日式蛋黃酢醬酸甜得宜► 九州石垣鯛刺身►北海道秋刀魚刺身►北海道鮟鱇魚肝佐自製醬汁🤤前食一直有配其他嘢，呢度厚切生啪！大家見唔見到橙色嘅油脂位幾咁多，仲有好多油標緊出嚟，綿密豐腴，比鵝肝更香滑！►青森縣鱈魚白子天婦羅 🤤好似奶油咁creamy，以醬油、味醂及清酒調味再燒炙，完全冇魚腥，非常鮮；日本柚汁酸甜平衡咗油膩，點天婦羅汁或海藻鹽一樣好味。►佐賀海苔配北海道馬糞海膽🤤橙黃色小山層層叠咁大份好揼本，味道濃厚回甘。用脆脆佐賀海苔天婦羅包住，一啖有齊甘甜咸香。🍣 壽司 ►北海道毛蟹►宮城赤貝►鮑肝醬蒸黑邊鮑魚🤤：痴線隻鮑魚大隻到... 鮑魚肝醬撈飯無得頂►沖繩車海老►京都伊根中拖羅►京都伊根大拖羅🤤：俾雪花最多嘅蛇腹你，仲要三角位！啲筋超有咬口，油香同誠意十足。►長崎小肌►赤鯥魚🤤：每啖都係油脂香，又係我最愛嘅肥肥海鮮手卷 ►伊根吞拿魚手卷🍲 汁物►魚湯🍮 甜品►大分蘭王蛋糕►薑味雪糕配椰子曲奇🤤：欣賞呢度全部甜品自家製，薑味雪糕清清味蕾超清新舒服，仲要食到新鮮薑粒►開心果布甸🤤：香濃堅果味，一餐以此作結大滿足►哈密瓜晚市$1980有咁樣嘅質素非常超值！老闆話地點唔揀市中心，就係想投放多啲資源係食材，令食物質素更好，又真，唔只新鮮咁簡單，每一品都令人回味，要大大力推介俾各位+無限回訪 🥊🥊…查看更多

好耐之前食過 ALUX晚市，今次lunch去感覺大不同，原來轉左日西fushion menu。LUNCH SET $298 去到 $668都有，攞個中間點，揀咗一個pasta一個紅肉。沙律正常，南瓜湯OK；主菜紅蝦手工意大利粉頗濃味，我鍾意，但一得隻紅蝦.. 唯有大大力啜蝦頭食盡佢哈哈，好食；Ribeye 五成熟煮得剛好，切好有兩條肉，同朋友share 幾方便；甜品有Deconstructed Tiramisu，好味！lunch set affordable嘅，當食個地段，openrice訂位有全單八折優惠合理好多。見到社交平台其他晚市食物相好吸引，晚間生日或周年紀念日，餐廳仲會安排玫瑰花瓣佈置，唔排除搵日心血來潮試埋佢。…查看更多

壓力大就想食野，Lunchtime好好稿賞自己唔係罪！！！近近地去銅鑼灣食Omakase，13品份量剛好。星星係是日精選：🐟 刺身►深海池魚薄切：清甜，配 wasabi 沙律汁頗開胃►北海道鱈魚白子：口感我鍾意，creamy，好似加咗柚子皮，冇腥►赤貝：厚肉►龍蝦⭐：鮮甜架，我覺得要齋食蝦肉feel吓個鮮甜先，先再配蝦頭膏/海膽嘅濃烈，我鍾意紫蘇葉，可以最後包住一齊食►鰆魚： 煙燻過非常smoky，肉質煙韌🍚雲丹盛►海膽魚子丼⭐：呢個配搭唔會出錯，我要求少飯，撈埋味道更濃🍣 壽司►鰤魚腩：配柚子胡椒醬幾醒神►醋漬小肌魚：味濃，係秋冬之味，師傅幫魚肉扭咗條辮仔哈►秋刀魚：三升漬香甜，有青辣椒嘅勁、同醬油嘅鮮►黑鯥魚⭐：肥美帶甜、油質重無渣；燒過嘅皮勁香，要聞多幾吓先放入口►大拖羅：脂肪位輕輕燒過更香，配炸蒜唔錯►吞牙魚手卷：加咗天婦羅脆脆，口感超正前菜茶碗蒸有蟹肉加分，凍茄子OK。第一次食鱚魚天婦羅，冇乜脂肪，肉質乾身，HMMM 俾返肥野我啦，我接受到架！！龍蝦味噌湯用返頭先刺身隻龍蝦兩吃，龍蝦腳都有啲肉食，頗鮮甜。甜品有豆腐雪糕，咖啡竟然係驚喜位，用咗隻好靚嘅杯完全唔似 #我媽家姐 哈哈哈。Seasonal Omakase Set Lunch全13品 $748…查看更多

香港食飯真係太多選擇喇，好容易錯過滄海遺珠。諗都冇諗過富豪九龍酒店嘅富豪軒原來唔錯！新Menu九道菜正常水準，打星星兩道菜有驚喜非常推介：►富豪精選前菜蜜汁叉燒、腿茸戈渣、梅汁聖女果、富豪蝦餃皇►舞茸杞子燉響螺►原隻鮑魚扣海參►龍蝦汁大虎蝦配鍋巴：鍋巴香脆，點厚身龍蝦汁一塊唔夠喉，虎蝦爽口彈牙，整道菜令人回味►桂花脆鱔球：超！級！惹！味！脆漿有清甜桂花香，鱔味啖啖肉外脆內嫩考功夫呀►瑤柱珍菌浸菜苗►富貴櫻花蝦蛋白炒飯►楊枝甘露 酥脆合桃酥粵菜最啱一班人聚會，又啱長輩口味，有機會可以同媽咪嚟。服務員熱心嘅，但未算超級周到醒目，酒店嚟講要再提升。…查看更多

超鍾意 mille-feuille，一口吃啪咗三個... 食到店員呆咗 🤣成日去尖沙咀食飯經過，有得睇無得食。今次去TST睇SHOW專登早少少去千層酥當飯食！每日新鮮即焗，舖頭香噴噴；口感酥脆，咬落去真係聽到聲💥法式拿破崙蛋糕 我揀原味。打直嘅薄脆酥皮又幾方便開心SHARE，兩塊夾住cream一齊食，每啖都有酥脆口感加雲呢拿味。$38嚟講原味好抵食👍🏻👉🏻👉🏻 拿破崙泡芙 必點雙重鹹蛋黃！面層既鹹蛋黃paste真係好正，有砂粒感，少少overpower咗中間嘅custard，但食得鹹蛋黃就係想咁啦~~~~🤤Nut-crusted puff 揀返大路開心果味，開心果醬濃郁，每啖都感到幸福💕其實佢嘅拿破崙產品都幾多元化，我食左三款都仲有野想試，可以再幫襯呀！…查看更多

龍蝦汁捲捲意粉HIT咗勁耐第一次食真係聞名不如見面al dente又掛汁香煎海蝦有三隻爽口嘅但多幾粒更好挪威三文魚扒伴菠菜忌廉汁大大塊夠Protein我鍾意All Day Breakfast 雞扒嫩滑有驚喜Waffle有蛋香口感焦脆自家製開心果芝士蛋糕必點非常香濃，唔係假香精味日式焦糖布甸還好我食咗Cheesecake先太濃太正之後味蕾已經分唔到食緊乜甜品頗有質素，仲有幾樣未試晚市套餐會附送餐湯、熱洋甘菊茶同加購甜品優惠下次可以試吓咁叫，應該會抵啲其實我唔飲咖啡但見隔離枱嗰杯有pat tiramisu係頂於是跟丫係幾好飲，上面係cream來的每飲一啖都要抹一次嘴哈哈哈btw 見佢有本地烘焙豆同唔同產地嘅單品咖啡豆精品咖啡店嚟講食物質素唔錯唔怪得6pm已經full house…查看更多

做緊日市7折 / 晚市指定套餐65折，抵食呀，即刻約埋朋友試試佢 Lunch 嘅「旬·料理」。呢種四季料理同omakase相似，大家都係坐吧枱欣賞師傅手藝，師傅會以各種烹調方式呈現高級日料，食法比較全面。星星ITEM我最喜愛：► 先付 ⭐頭炮海膽魷魚有驚喜，海膽醬勁鮮甜creamy，入口有海洋感► 茶碗蒸大大碗，滑溜，瑤柱多到舖面► 刺身三品深海池魚王：肉質鮮甜、口感清爽，夾埋紫蘇花點酸汁食比較開胃北海道秋刀魚：甘香細膩，秋季當造夠肥，同薑蔥鼓油好夾兵庫縣生蠔：爽口！辣椒蘿蔔同柚子皮調味加添清新►十勝A4和牛牛板腱、大根肉質有彈性，特別鍾意牛筋部分嘅膠原口感，清甜大根索哂湯汁好味►天婦羅二品⭐◾️北海道瀨尿蝦：勁嫩，第一次咁食瀨尿蝦，點咖喱鹽仲正◾️山形縣舞茸菇：大！愛！好香菌味，鍾意食菇嘅人一定鍾意 ►烤鵝肝御飯鵝肝撈飯不得了香噴噴，為咗食少carbs，我只係食左兩啖飯►赤味噌湯味噌湯加咗好多丁字麩，喜歡►甜品咖啡雪糕偏多冰，清清味蕾如果卡路厘係每個星期拉average，我願意為左呢一餐，平日再食清啲，阿門。…查看更多

作為海鮮控，The Oyster House係我近期食過最正嘅海鮮餐！Seafood Platter 超新鮮！ 空運生蠔極度濃味爽口，一咬滿口海洋嘅味道； 磯煮鮑魚入味，口感嫩滑；紐西蘭青口，出色，老實講呢幾年唔點醬嘅青口佢真係最好味；法國黃金螺肥美、北海道帶子鮮甜。唔講以為好貴，二人份量都只係$199，重點：星期一二$99炸如果你嗌酒飲，必點～Whole Squid Risotto 肥嘟嘟肚彈彈，原來將飯釀咗係魷魚入面。魷魚煮得剛剛好，爽口唔老，Risotto味道唔錯，但偏淋身。Sea Bass又係無！得！頂！時間控制得剛剛好，非常嫩滑，勁厚。第一次見魚扒係充滿彈性～ 近期我都食好多Sea Bass，佢真係number one！Banoffee Pie 係重Cream，唔係實的的嗰種，啖啖香蕉味，唔太甜 (香港人對甜品嘅最高評價)，罪惡感減半哈哈！叫得The Oyster House，當然專食蠔，今次減肥中唔食得太多，下次嚟我要試哂咁多款～…查看更多

少貴，但超大碗，推介Creamy Baby，有三文魚，牛油果，雞蛋絲，豆腐，青瓜，蟹籽，木魚絲，脆炸蒜粒配芥末乳酪沙律醬，全部都係我鍾意食唔洗逐個剔，加咗隻流心蛋同轉沙律底，好味！…查看更多

上環食過一次，原來灣仔都有分店！💡一直以為佢係普通西餐，今日認真睇menu先知佢係澳洲菜，有駝鳥扒食！唔怪得份量咁大啦..... 本來都係諗住落街食個飯，上菜嗰刻呆咗 🫨🍗「法國蜜糖香草烤雞」出色！雞皮查完蜜糖再燒，有少少焦糖脆脆口感，但又唔肥膩，半隻份量剛好。🐷我叫咗「美式慢煮烤豬肋骨配脆辣雞」，半肥瘦豬肉嫩滑，真係大塊過我塊面，食完我都食唔落炸雞，由男友清枱。🥗 MAIN 最正係可以揀「走薯條轉全沙律」，大大碟🍄「黑松露芝士溫泉蛋大啡菇」大大塊芝士，中間隻蛋係流心與凝固之間，好食到叫咗兩個，一人一隻唔洗爭；💚「橄欖油炒西蘭花苗」爽口，應該係用牛油炒；🦐「黑松露蝦多士」係兩塊多士夾蝦滑，我覺得可以再肥啲 (?!)我見佢有100分鐘任食牛扒，都好吸引，希望減完肥呢個套餐仲有！🥹…查看更多