lwt_tung_20的個人專頁

餐廳嘅裝修幾有特色,以街道同埋車輪做裝飾，啱晒打卡🤩而且燈光同整個氣氛都唔錯，好適合同一班朋友嚟呢度傾吓計食吓嘢👏Burger賣相好吸引，而且香味四溢，烤過嘅麵包外皮令到成個Burger嘅外型能夠保持得好靚，食落仲好香👍蜜糖芥末大烤菇煙肉牛肉漢堡牛肉嘅份量十足，濃濃嘅牛香，入面有豐富嘅肉汁，正啊😍大烤菇咬落都超juicy,配搭埋牛肉一齊個味道好夾👍微微烤過嘅煙肉帶焦香，蕃茄同生菜十分新鮮，蜜糖芥末醬又令到味道更豐富，好快就食晒成個burger🐷香脆鱈魚柳漢堡平時都叫開牛肉burger，今次黎試吓鱈魚柳😆鱈魚柳Burger都冇令我哋失望，一樣咁好食，啱啱炸好嘅鱈魚柳咬落好香脆，炸衣一啲都唔厚，裏面嘅魚肉嫩滑，肉汁完全冇因為高溫烤炸而流失，值得一試😋黑松露芝士薯條好邪惡嘅薯條😈外皮炸到非常酥脆，芝士嘅份量都好多，能夠食到濃郁嘅芝士味，又帶點黑松露嘅香氣😻蜜桃冰茶食完burger同薯條個口乾乾地飲番杯冰茶就最解渴，味道清甜，個底仲飲到好多蜜桃蓉，唔錯👍…查看更多

冬天嚟到梗係要打多啲邊爐暖下個身，今次嚟到鮮入圍煮試吓佢哋出名嘅花膠雞煲湯底，暖身之餘又可以食得健康養生，因為怕多人所以五點鐘就去到餐廳，近門口個魚缸見到啲海鮮啱啱撈上嚟好新鮮🤩位吾算迫坐得都幾舒服，枱面好乾淨企理👍濃厚原隻雞煲花膠湯（半隻）叫咗半隻雞嘅份量，湯一上枱就聞到好香，加湯打邊爐之前我哋先飲咗佢嘅雞湯先，湯底好濃厚，花膠都相當足料，大舊又夠厚，鍾意飲湯嘅我飲咗好幾碗超滿足😍另外員工會為我哋剪好隻雞方便我哋進食，雞肉一啲都唔鞋身，煲完湯仲保留到佢嘅肉質，吾錯😋飲完湯食晒隻雞就可以開始打邊爐啦，因為係兩個人嚟所以淨係叫咗幾樣火鍋料～牛骨汁濃湯牛丸牛丸好好食，大大粒，咬落好彈牙入面好juicy,咬開仲見到入面一粒粒嘅牛筋,濃厚嘅牛香味係口腔入面爆發，忍吾住食完一粒又一粒🤤推薦👍爽口花膠鮮肉雲吞雲吞都冇令我哋失望，皮薄餡靚，粒粒都好飽滿足料，雲吞皮又索晒湯底嘅味道，正啊😋西班牙豬腩片厚薄適中，唔會太肥，所以食落去唔會覺得油膩，肉質都唔錯，淥耐左都唔會鞋口🐷紅薯粉晶瑩剔透嘅薯粉，淥完之後索晒雞湯嘅精華好入味，飽肚又好味😍…查看更多

雙拼湯底雙拼湯底叫左姫松茸冬瓜同血池麻辣湯，姫松茸湯底好足料，鮮味十足，我地將湯底既配料都食晒🤤麻辣湯香而微辣，怕辣既人都可以試下，用黎淥牛肉好正😍特尚手切牛牛肉好靚好新鮮，油脂分佈平均，厚薄適中，而且分量都好足👍肉質嫩，入口好易咬開，吾需要另外點醬料都好好食，湯底已足夠帶出牛肉本身既鮮味🤩台式鴨血鴨血分量都幾多，好滑無腥味，放落麻辣湯底味道一流😋五味豚併盤有午餐肉、豚肉片、豬膶、豬頸肉同豬皮，午餐肉切成一條條井字型擺盤幾靚，要讚下個豚肉片，厚薄岩岩好，又一啲都吾油，淥耐少少都吾會鞋👏豬膶切到好薄，夠新鮮，吾錯👍鮮打四寶丸四寶丸分別係牛丸、豬丸、墨丸同蝦丸，大大粒既手打丸入口彈牙，味道鮮，四款都好食😋唐生菜揀左唐生菜，棵棵都好新鮮😚總括而言，環境乾淨，食材新鮮，值得再幫襯👍…查看更多

餐廳佈置裝修充滿泰國特色，色彩繽紛，啱晒去打卡🤩小食拼盤小食拼盤有串燒、蝦餅、春卷同埋雞翼，都幾豐富，串燒肉質嫩滑，有濃濃嘅香茅味，配埋沙嗲汁，色香味俱全，春卷都炸得唔錯，冇油膩感， 餡料有我鍾意食嘅粉絲同埋蘿蔔👍而蝦餅嘅炸粉就好薄，入面嘅蝦肉又好彈牙，正啊😋😋泰式燒原條魷魚配酸辣汁魷魚有濃濃嘅炭燒味，有兩種醬汁可以點，酸辣同埋甜辣，各有風味，酸辣就比較開胃，魷魚燒得幾好，食落唔會韌，好有風味，好似去咗泰國街頭食燒烤咁🤤原隻椰青海鮮焗飯椰汁好creamy，整個飯充滿椰汁嘅香味，配料亦相當足料，有魷魚、青口、蝦等等，最鍾意青口，飽滿多汁，有鮮味😍份量好多，食到勁飽🐷泰式奶茶有椰香既味道，吾錯😚…查看更多

餐廳裝修富有泰國特色，有卡位，坐落鬆動舒適👍🌟泰國街邊豬肉串豬肉串外皮微微燒焦一上枱就聞到好香，表面有蜜糖嘅甜味咬落好juicy,醬汁酸酸地帶有辣味,開胃之餘味道亦幾豐富,串燒嘅肉質軟腍嫩滑又多汁，食完之後個香味仲停留喺口腔入面～🤤❤️🌟香芒軟殼蟹米紙卷比較fresh嘅一道菜,醬汁亦都係酸酸辣辣,因為落咗生蒜頭所以另外仲有陣蒜頭嘅辣味同香味，米紙卷嘅外皮煙煙韌韌，中間嘅芽菜青瓜蘿蔔絲好爽口，入面仲有口感比較軟腍嘅牛油果同米粉，最後係香脆軟殼蟹，口感層次相當豐富，裏面薄荷葉嘅香味都好突出，吾錯😋😋🌟泰國燒春雞釀香茅黃飯燒春雞一切開熱辣辣冒着煙，雞汁係入面流出嚟，賣相好吸引，跟住就聞到陣陣黃飯嘅油香味，釀喺雞入面嘅黃飯索晒雞嘅精華，所以除咗香料嘅香味之外，仲食到雞嘅鮮味，好好食，推薦😍另外雞肉都幾嫩滑，蘸上甜辣嘅醬汁會更好食👍…查看更多

餐廳裝修色彩繽紛,感覺令人愉快舒適🥰主打無味精健康餐單，每日新鮮製造手工意粉，依加仲提供埋生酮餐單，健康又好味😋~Set Lunch~🌟芝士肉醬四重奏千層麵香味十足嘅一道菜，千層麵嘅厚度適中，調味恰到好處，香濃嘅芝士味無蓋過番茄嘅酸味，食到最後都唔會覺得膩😋🌟香煎西班牙伊比利亞豬肩肉 （9成熟）豬肩肉食落一啲都唔油膩，輕輕嘅調味更能食到肉嘅鮮味，加上新鮮嘅配菜，整道菜健康又好食👍小食🌟脆炸粗直薯條配松露蛋黃醬薯條亦做得好出色，外皮炸到非常酥脆，但又唔會出晒油，點埋松露蛋黃醬，滋味十足😍🌟鹹蛋醬雞翼充滿鹹蛋黃香味，裏面嘅肉質仍能保持嫩滑，正啊🤤下一次會再黎試埋晚餐🙌…查看更多

餐廳位於科學園大樓之中，半開放式既設計，坐低就可以望落外面一片綠油油既草地🌿假日入黎感覺都幾chill，天氣好既話景色會更加令，打卡之選🥰踩單車經過呢度入黎食下野休息下都吾錯👍韓式烤牛肉泡菜Eggs Benedict 未試過韓式既Eggs Benedict，個配搭都幾新鮮🤣 泡菜既酸味減少左整道菜膩既感覺，搭配埋沙律菜，十分開胃😋松葉蟹膏番紅花意大利燴飯一上枱就聞到好香，充滿濃濃既蟹膏味，濃稠既醬汁包裹住軟硬適中既飯粒，食完非常滿足，推介🤤炸魚薯條超大舊既炸魚🤣炸衣酥脆， 魚肉嫩滑，調味恰到好處，配搭既薯條係薯味十足既粗薯條，可以蘸上茄汁&黑松露醬，吾錯👍Hazelnut Latte 榛子嘅微甜減少咖啡既苦澀，又唔會蓋過佢嘅果香味，入口幾smooth…查看更多

🌟天天海南雞賣相好吸引，海南雞係涼食嘅，皮薄肉質滑，但又唔會過腍冇口感，冇腥味👍上枱嘅時候已經淋上秘製雞汁，雞汁能夠帶出雞肉嘅鮮味之餘又唔會搶去佢嘅味道，兩者配搭得好好，再落埋青檸汁，好好味🤤除咗雞汁之外仲有辣醬、黑醬油同薑蓉可以蘸，個人最鍾意辣醬，辣度夠，相當開胃😋🌟雞油飯一至兩人份已經好多🤣石鍋保留到飯嘅溫度，飯要熱食先至好食👍飯能夠做到粒粒分明，有濃濃嘅嘅雞油香，但又唔會油膩，值得一讚🤩🌟黃金軟骨好有驚喜嘅一道餸😍雞軟骨外面嘅炸衣好鬆脆，再裹上充滿鹹香嘅鹹蛋黃，好邪惡，送飯一流🤤❤️🌟火焰原隻椰子八寶燉雞上枱嘅時候侍應喺椰子殼上面點火，充滿視覺效果🔥足料燉湯香味四溢，滋補又好飲😚用椰子蓋蓋住飲到最後都熱辣辣🤩🌟桃膠菊花桂花雪梨茶轉季最啱飲，滋潤得嚟味道唔會過甜👅🌟豆花年代奶茶茶味都幾香醇，杯底豆花帶微甜，吾錯😻…查看更多

以日本鬼怪為主題嘅人氣拉麵店，門口到店舖入面嘅鬼怪裝飾，加埋背景音樂傳來嘅陣陣鼓聲，就感受到濃濃嘅氣氛👹🥁雖然平時好怕辣，但係嚟到梗係要嗌呢度嘅特色麻辣拉麵啦，辣度同麻度都可以揀，第一次食就試吓小辣小麻先，麻辣令原本嘅味噌湯底冇咁單調，濃郁嘅湯底香而不油膩，越食越惹味🤤🔥拉麵較粗身，所以食落份量好多，夠晒飽肚，麵質唔錯都幾掛湯👍🔥炒豆芽菜辣麻辣味增拉麵 份量十足嘅豆芽菜，經過爆炒嘅玉米筍同豆芽菜食落好香好有鑊氣，為整碗拉麵增添唔少風味😋😋🔥增量叉燒辣麻味增拉麵超厚既增量叉燒，啖啖肉，食肉獸嘅至愛🐷好軟腍，充滿油脂香，非常邪惡😍🔥味玉蛋嘅顏色比平時食到嘅深色，好有蛋香，如果再流心一啲就完美啦🤩🔥肉碎飯肉碎飯都做得好出色，細細碗份量唔會太多，肉碎香得嚟又唔會過鹹，食到辣辣地嘅時候可以解下辣，食到最後好飽都俾我哋清晒🤤❤️…查看更多

鐘意貓貓嘅朋友一定來夢樂園🥰下午茶時段上到嚟冇咩人，可以安靜咁一邊享用午餐一邊同貓玩，地方唔大但係勝在乾淨企理，食物質素唔錯，有種家既感覺❤️🐱家鄉黑毛豬肉燥拌稻庭烏冬爆多嘅蔥花🤣醬油喺碗底，記得要攪拌均勻，肉燥份量都幾多，烏冬彈牙有咬口，有濃濃既醬油香味👍🐱風酥豬扒飯豬扒都幾大塊，食落甜甜地，幾香，唔會乾唔會鞋口，有肉汁😋附上有一細碗蔥，可以用嚟點豬扒或者送白飯，好食～🐱小食-黑白雲耳仔 & 花枝丸黑白雲耳既有蒜香又有少少麻辣，好開胃花枝丸彈牙幾好味🐱蜜桃烏龍加仙草 帶有淡淡蜜桃香味甜度剛好，加埋仙草飲落有口感，吾錯😚一坐低其中一隻貓就即刻走上我哋張枱，好可愛😍貓貓數量雖然唔多但係都好願意同客人們親近，老闆娘都好好人，過黎我哋張枱餵貓貓等我哋可以摸吓佢，下次一定會再嚟幫襯，嘢食好味又可以同貓貓玩🥰…查看更多

呢間Brilliant Cooking 係葵芳新開嘅cafe 鋪頭嘅裝修好特別同新淨 位置都非常方便 係葵芳廣場隔離 經天橋落去兩分鐘內就已經到 如果想搵個地方坐係到慢慢嘆 呢到絕對值得一試我地叫咗兩個main course 首先係阿拉斯加蟹肉，日本象拔蚌&蟹籽配鮮蟹膏忌廉汁意大利飯（$148）同時都加左$20轉套餐同$10升級做意大利牛肝菌忌廉湯個忌廉湯熟辣辣 菇味濃 湯偏洁身 非常好飲 非常推薦加10蚊升級 絕對物超所值！ 而套餐嘅包有淡淡嘅提子香 表面好香脆 配埋個湯好夾👍🏻蟹肉意大利飯賣相十分吸引！而且入口亦都有淡淡蟹香 亦好足料 食落啖啖蟹籽好滿足🤤意大利飯軟硬適中 幾好味～岩燒美國香草包糠極黑豬鞍架配雜菜沙律&燒汁 配紫菜粉薯條$158呢個好好食！同樣賣相都係超吸引，黑豬鞍架好大份！佢嘅火候岩岩好，切開好靚，而肉嘅背面亦有一格格網紋 賣相真係冇得輸！ 本身佢配左茄汁同一隻鹹鹹地嘅汁，配肉都好夾😻而豬肉咬開亦有肉汁，肉質嫩滑，唔會好乾，而面頭亦配有香草包糠，一齊食口感好豐富～配嘅薯條都係即炸 又熱又脆 非常好食！套餐仲有包杯餐飲 我地就叫左港人最愛嘅檸檬茶估唔到佢個茶底又幾有茶香，而且甜度剛好，又幾好飲😂總括嚟講，呢間餐廳質素幾高👍🏻雖然新開，但係野食絕對值呢個價💪🏻💪🏻有機會一定要試下…查看更多

Sky720係25樓 本身見到地址得720號仲覺得好耐搵 但係原來果楝野都叫720 非常易搵～一出lift 已經係成間舖 好有氣氛 加上窗邊望到曬夜景 好浪漫🌹珍寶虎蝦意大利飯伴龍蝦牛油汁 $218一上枱已經好香蝦味 聞到已經好有食欲🤤啲蝦好大隻 食落好新鮮又彈牙 個殻好客易就甩到 好滋味～而意大利飯味道入味 帶有淡淡蝦香 估唔到佢嘅意大利飯仲落左芝士 而且啱啱好融曬落意大利飯到 配埋本身嘅蝦香味一流🤤楓樹糖漿燒銀雪魚伴牛油大蒜$338銀雪魚入囗好滑嫩 伴嘅汁甜甜地 同魚嘅味道好夾 入口嘅時候仲熱辣辣 而且亦都配咗大蔥 味道唔錯香蒜蜜糖雞翼 $98同樣上枱已經聞到好香蒜同蜜糖嘅味 賣相好吸引 入口好惹味 因為係即整嘅所以熱辣辣 雞汁多 肉亦好嫩滑 加上外皮香脆又帶淡淡蒜香 配埋蜜糖好好食🤤🤤成間舖頭嘅氣氛好好 望到好闊城市緊 加上燈光偏暗 枱面就放咗細細個蠟燭仔 營造左好浪漫嘅氣氛🥰有機會嘅話同另一半呢一間都係一個唔錯嘅選擇🌹…查看更多

餐廳嘅裝修同埋燈光俾人一種放鬆嘅感覺，好適合Happy Friday同朋友過嚟食住炸雞傾吓計😚 Menu嘅選擇好多元化，除咗炸雞嘅款式多之外，其他韓式美食都非常豐富🤩蜂蜜牛油炸雞 半份炸雞個人鍾意甜加鹹嘅組合，蜂蜜牛油呢個味道冇得輸呀😍 熱辣辣嘅炸雞，佢嘅外皮香脆而又焦糖化，入面嘅肉仲保持到嫩滑嘅質感，連骨頭都炸得好酥脆，咬落好香，正啊🤤加埋檸檬汁，味道又更豐富，仲可以減膩❤️鮑魚人蔘雞湯食完炸雞有啲乾所以叫咗個湯嚟飲吓，不同於以往我食過嘅，呢個人蔘雞湯入面放咗好幾款菇，令到成個湯多咗一種清甜嘅菇香味，雞肉係用咗兩個大雞髀，啖啖肉啱晒我，又無煮到過於軟腍，我鍾意呢個湯唔會有過重嘅調味，食到食材原本帶出嚟嘅鮮味😋鮮橙汁大大杯嘅橙汁，飲落新鮮又解渴👍…查看更多

餐廳嘅卡位坐落寬闊舒適，一入座員工就即刻為我哋講解點樣燒同埋介紹各式各樣嘅調味，第一輪嘅串燒餐廳已經為我哋準備好，大部份係丸類，開始試燒啦可以🤤成個過程完全係全自動，將串燒放上轉動嘅齒輪上，慢慢等待佢燒好就okay啦，啱晒我呢啲懶人🐷燒到七八成熟嘅時候可以搽上燒汁，燒多陣之後就可以加自己鍾意嘅調味粉，有串grill辣粉、孜然粉、鹽同埋味椒鹽揀，亦都可以喺燒完之後蘸上泰式魚露或者柚子醬，有好多選擇😚比較容易乾嘅蔬菜類我就鍾意加燒汁，肉類方面加串grill辣粉同鹽就已經好好食，點柚子醬都幾解膩，魚嘅話就點泰式魚露好夾😋原本以為丸類會好普通，點知食落有幾款都好食，豬肉丸、墨魚丸、魚肉年糕都有再encore👍牛嘅話有得揀M6和牛牛柳😍仲有牛舌都要試下，但係要小心燒到過熟🤣特別鐘意雞串燒，就算火喉掌握得吾太好都依然好好食❤️雞腎好大舊好厚，新鮮，質感爽口單骨雞翼好快熟，外皮燒到微脆，好味大大粒嘅雞軟骨，惹味又有咬口雞卷肉燒完仲保留到肉汁，吾錯🤤海鮮類鍾意鯖魚同秋刀魚，輕輕用鹽燒，然後點上泰式魚露，好味又開胃菜類我哋叫咗好多串菠蘿同車厘茄，菠蘿香甜多汁，車厘茄清新又解膩，另外細細粒嘅日本甜薯都好好食，值得一試甜品類一定要叫呢度嘅雞蛋仔,燒完之後外脆內軟，忍吾住食完一粒又一粒，正啊🤩到最後仲有得揀Häagen-Dazs雪糕，完美結束呢餐豐富嘅串燒🥰…查看更多

Cafe嘅裝修以純白色為主，梳發坐落舒適闊落，有好多隻PePe公仔🤣💛呢度仲有board game玩，想私隱度高啲嘅話仲可以book房，適合同一班朋友上來聚會傾偈，作為樓上Cafe來講，食物質素算係唔錯👍Dinner Set🌟煙三文魚野菌忌廉燴意粉 $126 賣相唔錯，煙三文魚被捲成玫瑰花形狀🌹，忌廉醬汁份量多又creamy～🌟黑松露帶子鮮菌燴意大利飯 $122黑松露味道濃郁，食落先發現有勁多粒帶子，細細粒嘅帶子咬落嫩滑唔韌，Risotto嘅軟硬度啱啱好 Salad 🥗 & Cake 🍰 +$38田園沙律配嘅係我最鍾意嘅麻醬，開胃又清新～三款cheese cake中揀咗New York cheese cake, 芝士味勁濃厚,食到好飽🐷🌟蜜糖雞翼 $62聚會小食又點少得雞翼，雞翼啱啱整好上枱嘅時候仲夠熱，外皮香脆但肉質仲係嫩滑，好食😚🌟青蘋果乳酪 +$10 青蘋果味道足夠，可以再酸少少就好🤣🌟Latte +$8咖啡味道都幾香濃～…查看更多