anniekw的个人专页

陪仔女附近買返學鞋，佢地想飲杯嘢就順手open rice 揾一間女點咗芋香珍珠，仔點咗朱古力奶蓋珍珠個煮唔腍，仲係生生地，芋香全無只係一口香精味道朱古力奶蓋亦係難飲之物！應該無下次嘛…查看更多

新開張至今已來過兩三次，每次都是小孩要求下才來，有些甜品確是很吸引小朋友。星期日tea time時間，由頭到尾就只我們一枱客，但店內所有店員都像很忙各顧各，沒太有人理會我們，感覺是冷漠一點，但也算自由自在！signature 中有款棉花糖「神燈」，小朋友覺得有趣，其實也只是一枝普通的棉花糖，收$32大洋確是貴！不過小朋友喜歡也就算了！另叫了一份waffles 套餐，有四片waffles , 一小杯雪糕，少許芒果粒！ 芒果也甜！$48吃了棉花糖/waffles 口很乾，想要一杯水過過口，店員說是收$3！Fine! 家就在附近，忍一忍不要了！可能我想多了！ 想想Haagen Daz 也會明白客人吃完雪糕會需要清水過過口，客人會欣賞這種貼心細節吧！若不介意用中高價去「享受」冷感式服務，但又想用少於$100 去包場，這裡或可以是選擇！客，是要儲回來的，尤其是這區的中價位食店！下次，我仍然只會待孩子強烈要求才會再來！…查看更多

睇到報紙介紹, d相睇到好真材實料, 即刻call埋屋企人一齊去食! 叫咗個細蟹粥($88), 4個人每人一碗左右, 蟹食得出非常新鮮, 踏實嘅蟹鮮味道, 加上粥底綿綿, 即叫即煮, 好嘢! 食完唔會口渴!蜆肉春卷又係好出色, 一啖咬落去"卜"一聲, 跟住帶來濃濃嘅蜆味, 味道好特別清湯煮蜆($65), 一道好簡單嘅菜式, 但食得出廚師嘅心機, 上菜以鑊仔形式, 再以火水膏不停加熱, 堆起一個蜆山丘, 份量也不欺場, 湯鮮甜帶蜆香, 但有少部份蜆有沙, 如果呢方面可以改善, 就更加好嗱!我阿哥想食肉, 所以叫咗碟苦瓜炒牛肉($38), 大大碟好有大排檔風味, 唔錯唔錯另外, 再叫咗炒菜, 炸雞軟骨, 鼓油王炒面, 埋單都係$310, 抵食! …查看更多

星期日同老公去紅磡揾食, 見到呢間新舖, 走入去試吓1. 帆立貝拉面 - 估唔到有3粒好大的帆立貝, 仲要係另外調味煎熟先放上面, 因為我食到有陣陣牛油香! ...面同湯都質素都pass2. 咖喱豬扒飯 - 豬扒係乾少少, 但$35包湯包salad, 質素算相當唔錯, 唔知係咪因為平, 我要求加飯但店員話飯量係standard, 無得加...不過佢都好有禮貌, 所以無得加我都ok, 但因為汁多, 飯的份量確實係少咗d3. 炸豆腐 - 即叫即炸, 唔錯!夜晚有串燒食, 揾日再黎食過!…查看更多

平時夜晚閒閒地都$300/head, 見好多食評都讚lunch抵食難得同老公一齊放假, 一於go go go !我地叫咗一set "幸福和牛牛排二人前定食 $198有湯, 蒸蛋, 沙律, 白飯 & 5款肉類沙律 - 非常新鮮, 對於啖啖肉的燒烤, 呢個前菜確係唔錯蒸蛋 - openrice見食評話用黎撈白飯食, 我又試吓啦...又真係幾好味5款肉 - 三款牛都好正(牛舌, 牛排, 牛板翼), 加埋雞肉同豬肉....成個口都充滿肉香食物水準保持水平, lunch黎講份量都夠, 又唔使迫唔使等位平日lunch仲唔使加一呢!確實係一個愉快經驗!…查看更多

今年生日, 老公book咗呢間餐廳同我慶祝, 訂枱時問吓有無食物需要預訂...個waiter話唔使, 夜晚通常比較少人....7:30到達, 估唔到"比較少人"嘅意思係"包場"成晚真係得我地一枱, 食物選擇唔多, 但唔使我揀我返而鐘意!雖然無人靜d, 但環境relax, 坐靠窗可以望到海景, waiter亦非常有禮貌, 我叫咗銀雪魚帶子, 老公叫咗和牛大蝦由沙律, 湯, 主菜, 甜品, tea & coffee需然食物質素未至於excellent, 但係整體確係超值!其實都唔係好唔就腳, 位置為官塘碼頭附近!為食人士可以考慮吓啦!…查看更多

平時早餐時段搭車經過, 都見到好多人, 心諗一定要揾日黎試吓有咩特別!係附近有d嘢攪, 一於早少少去試佢個早餐先!揀咗番茄早餐: 包括一碗番茄湯底米&紫菜墨魚柳, 仲有炒蛋腸仔+厚多士, 一杯熱飲都只係$21蕃茄湯底足料好味, 個蛋又炒得滑, 厚多士夠熱夠軟睇得出, 有比心機去煮.... $21...近乎超值難怪坐滿為食人士!…查看更多

由佢得一個食評開始已經話要黎, 今日終於的起心肝去食...環境真係差, 又細又迫...12點未夠已經差唔多坐爆晒人!個個喺度等落單, 等嘢食....睇得出老闆有d手忙腳亂, 不過出得都算快食咗1個燒雞飯+ 1個海南雞飯+$5試肉骨茶 & + $3珍珠奶茶全部無失望, 油飯尤其好味, 只食飯都可以食兩碗!奇就奇在, 珍珠奶茶都幾正噃!大家要留意, 老闆5月尾要返新加波2星期, 朝聖人士要check check先好去.…查看更多

之前朋友帶我去食過一次, 可能本身極愛餃子, 未食已經墊底30分好感, 加上當時老闆娘坐鎮, 有傾有講有推介, 雖然味道未至於出色, 但街坊生意都so far so good....點知禽日再去食就衰咯, 服務+食物都差!叫咗碗餃子担担面, 當時得個女工+阿伯係舖(1) 個女工好無禮貌咁大聲叫我 "要唔要辣呀"....當時我睇緊書, 要過3-4秒先意會佢係問我 (2) 但又唔問我食咩餃....佢自把自為每款一隻, 仲要大大聲同我講"你唔同我講要咩餃!", 當時間舖得我一個人, 問一句真係咁難(3) d餃雪過夜, 疊埋d皮煮極都係硬嘅, 番茄餃雪完好難食, 唔好話無鮮味, 連味都無(4) 激死我! 我同女工講d皮好硬唔熟, 佢竟然同我講雪完d餃係咁...連阿伯都幫佢口...嬲到我即刻唔食埋單比錢, 佢先話"咁我整過兩隻比你啦"....可惜再黎兩隻都係超難食呢區大把嘢食, 咁嘅服務咁嘅食物, 下次一定唔幫襯!…查看更多

睇到蔡生係壹仔介紹呢間野, 字裡行間都知蔡生覺得間店有改善空間...可恨我一見"喇沙"兩個字已經流晒口水, 而且咁近我屋企, 蔡生嘅暗示我已拋到九霄雲外之前行過兩次想食lunch都未開, 令我更加想食!今晚終於同老公去試, 點知期望越大失望越大我叫咗碗魚蛋喇沙油面, 有d奇怪點解連烏冬都有得揀但反而無"摻摻"揀一邊等一邊幻想一黎到就立即飲啖喇沙湯底, 喇沙湯底應該又香又鮮又濃嘛!點知碗面一黎到發覺湯底偏黃, 一飲即刻令我失望到爆, 老實講, 湯底似咖哩味多過喇沙味, 湯係好濃, 但唔係咁嘅味道囉, 鮮味呢? 香味呢? 究竟佢地知唔知喇沙係咩味?一路食一路唔開心, 雖然蔡生有讚過佢地個蝦湯底, 但我決定唔會再黎!我覺得我係百佳買嗰隻紙盒裝嘅喇沙easy to cook, 煮出黎仲好食過呢間店多多聲! …查看更多

既然開係我屋企附近, 當然要去試下! 雜誌介紹lunch超值, 星期日孖埋老公去食!Set lunch都幾多選擇, 價錢由$59-$79, 包湯/salad + 主菜 + 可樂/有氣礦泉水如果要改咖啡就要+$20, 我地試咗一杯, 我個人覺得無咩特別!湯 : 南瓜忌廉湯, 好正! 又夠熱salad : 菜夠新鮮, d汁亦唔會過多主菜: 雞塊意大利粉 - 我覺得個汁濃咗少少, 但意粉本身嘅味道同軟硬度係我"飛佛" 龍利柳意大利飯 - 賣相好靚, 試咗一啖, 唔錯! 意大利飯都好味, 有大量的芝士, 所以細細 碗都好飽驚喜: 可能新開張, 每人送一客焗蠔, 芝士味唔會過重, 食到蠔的原味, 正! …查看更多

天福隱身尖沙咀旺街後面, 雖然食物出品好有誠意, 價錢又平, 但人流始終唔夠大街旺地方夠大, 而且地光猛乾淨, 第一印象已經幾好!第一次去, 食牛丸河, 牛丸彈牙新鮮....連媽咪食完都讚, 仲外賣咗一斤淨丸返屋企食再去見到佢地仲有賣牛腩, 即管叫牛腩河試試, 出乎意料地好食, 又林, 又多汁而且好有牛味, 媽咪叫咗個牛腩飯, 只係$30, 牛腩分開一碟份量都幾多, 仲要包埋一大碗紫菜湯, 好正!好有誠意的食店, 仲有, 每枱有個醬料架, 比顧客自行加料 (炸蒜容, 冬菜, 辣椒油, 魚露, 醋...等等)! 下次再去試下佢個招牌魚蛋河先!…查看更多

雖然係土瓜灣地胆....但都要靠openrice揾食無聊search下土瓜灣有咩新店, 比我揾到呢間小店同老公行過去試下, 裝修仲有少少前身巴黎咖啡的感覺小店極力推介所選用嘅咖啡牌子, 每枱都貼咗一張postercard介紹我又見到有兩個後生仔做主廚, 仲有張certificate post咗出黎環境雖少, 但都幾warm, 又有雜誌借來睇, 感覺幾好hea....講返食物先, 見到餐牌有set lunch a,b,c,d, e,f,g... 價格由$28-35, 心裡大叫不妙呢個價錢...可以食到d咩呢? 15/16 究竟要試穩陣d嘅肉醬意粉, 定係羊扒? 但$35嘅羊扒...會唔會好難食...?老公最後叫咗白汁雞皇飯, 我就叫咗羊扒意粉 加餐湯再加$3(定$5...我唔記得咗)要飲野又再加幾蚊....如果要特飲....就加$12...我地要咗一個湯share, 係忌廉湯, 雖然我覺得唔夠香濃...但feel到係自製唔係罐頭湯, 加兩片細細塊多士....飲完唔會滯住, 味道都ok我個羊扒黎先....雖然份量唔係好多, 羊扒薄薄有三件+意粉+炒雜菜, 如果大食男仔可能唔夠, 但味道係好踏實舒服嘅, 食完唔會太飽太油太咸等等...老公個雞皇飯, 亦都一樣, 唔係好咸好濃味個種, 食得舒服慢慢坐睇雜誌, 傾下計飲埋杯特飲...我叫咗凍咖啡+雪糕滿足感慢慢散發埋單$100有找....一定會再黎! …查看更多

這間店由即將開舖時我已密切留意, 因為離我家只是街頭街尾之距, 確實就腳以往土瓜灣都曾出現過一些舊式的糖水店, 但以中式糖水為主打, 亦不合時宜的過甜....這裡款式很多, 本來以我性格應該會一一試味的...但由我第一次幫襯起, 我就情不自禁地每次都點蕃薯糖水這裡是我吃過最好味的蕃薯糖水, 糖水夠薑味, 蕃薯軟軟的沒有一點絲, 而且吸滿薑水的味道....今晚剛吃完一碗...味道還留在口內....真幸福! …查看更多

雖然屋企住附近, 但都無可能知道呢間餐廳, 因為舖頭位置確實幾偏....但只要睇清楚地圖...其實又好易揾到...好友生日話想食日本野....上openrice周圍摷...比我揾到呢間小店....亦多謝各前食家的食評比到信心....自從年中去過北海道食新鮮北寄貝, 活帶子....鮮味念念不忘....難得小店有得訂....今晚試過....確實感動....牡丹蝦都好新鮮....三文魚亦唔係紅當當個種....一行十人, 叫左成廿幾碟菜...總括黎講....小店食物質素真係唔錯, 刺生類固然首選, 但串燒, 熟食, 石頭飯等等....樣樣都十分唔錯....唔止值一個笑臉....應該係一個大笑臉....…查看更多