KATRINA_吃遍世界的个人专页

今日天氣麻麻地，收工勁大雨，完全無意欲想出去食飯。我又懶得煮，決定周圍睇下有咩外賣既好選擇。最近日日都出街食火鍋、放題、燒肉，搞到個人膩膩地，就想食啲健康簡單既食物，經過比我見到chotto maki。主打壽司卷物既餐廳，我叫左幾款外賣。我叫左Crunch和spice me up。分別喺三文魚、蔬菜、露筍、天婦羅脆片、玉子、wasabi mayo醬和黑芝麻醬。另一款喺鰻魚、帶子、青瓜、海帶、蘋果jelly、辣既mayo醬。賣相太吸引啦！打開盒，顏色豐富又好靚，調味相當恰到好處，唔會太淡口無味，又會愈食愈滋味！材料相當新鮮，而且即叫即製！最鐘意crunch，醬汁好香甜，入口脆脆地又豐富三文魚香味。壽司味道層次好豐富，可以遲啲再黎食。…查看更多

今日接女朋友收工去食午餐，話說佢太多假要清，所以今日請左半日假。lunch time好少出銅鑼灣食飯，搵左一間日式燒肉餐廳，食個燒肉午餐。餐廳主打飛驒牛，聽到都好吸引啊！我地叫左A5日本飛驒牛燒肉定食和壺漬燒肉定食。餐廳通風系統都幾好，食完都無一身燒肉味，而且都有充足冷氣！空間感又大，唔會好逼。A5和牛油花豐富，入口牛肉味道極為濃香，而且用上簡單鹽和胡椒調味，已經好足夠。套餐有8片和牛，由於油花非常豐富，所以女仔黎講都好夠飽。壺漬燒肉好吸引，師傅先調味醃製好，放入壺中，入面有洋蔥蒜片，加上牛肉。我揀左牛小排和橫膈膜，肉質香嫩，牛肉味道同樣濃香，質素中上，非常驚喜。餐廳話白飯可以添，我即刻叫左多一碗飯配燒肉，非常滿意！最後套餐包左甜品，我揀左芝麻雪糕，女朋友揀左紅豆雪糕。…查看更多

講到Omakase一定係最近最流行嘅一種餐飲方式有廚師幫你揀咗唔同最新鮮嘅食材今次你都鮨逸今次同老婆試一試佢嘅25道菜嘅Omakase首先前菜已經有非常之多嘅選擇有沖繩水雲，松葉蟹腳，蕃茄水果，水母刺身，海膽豆腐。大多數前菜都會有一啲酸汁，而且海鮮非常鮮甜。跟住落嚟有粒半嘅刺身啦同埋龍蝦刺身。龍蝦睇得出非常之生猛廚師，職場喺面前將活生生嘅龍蝦劏開，味道非常鮮甜。壽司都試咗幾款，當中最愛就飛陀螺莫屬啦。入口即溶非常之重嘅魚香味。而且更為比較少唔會食到成口渣。最新期嘅體驗就係拎住成隻海膽嚟食味道鮮甜。最後仲有一碗非常之鮮甜嘅毛蟹飯作結。仲有一杯紫薯雪糕，唔算太甜，非常滿足。…查看更多

今日是一個與女朋友好好慶祝的日子，因此要找一間又舒服又靚的餐廳好好享受一個晚上。前菜是三品小吃，有磯煮鮑魚，魷魚和鮟鱇魚肝。當中最愛得是魚肝，不得不說，味道鮮甜，完全不會有腥味，略帶點點酸味，非常開胃。接下來是三色刺身，有帶子，赤身和海膽。同樣是非常新鮮，鮮甜無比。和牛他他，牛味香濃，入口即溶，加些海膽和魚籽醬，略帶少少的甜味，中和了當中的膩，非常出色。進入主菜前，還有一份茶碗蒸。墨汁海膽三文魚籽蒸蛋。三個字「香，滑，甜」大概說把這款菜介紹好了。主食是壽喜燒，當然是少不了大量牛肉幸好這邊服務非常好，都有專人幫你燒先來的是比較普通的煎牛肉，可是味道已經非常出色，配上生蛋黃，十分香滑。下一碟是牛舌，配上酸汁洋蔥蒜片，非常清香鮮膩。酸汁更是令你期待下一碟。中間還會穿插一些蔬菜，不會只單單有肉，非常貼心的安排。壽喜燒醬汁會愈燒愈濃，到後期可能會比較咸，但可以跟廚師說一聲，他們也會控制住醬汁的味道。當中不得不提和牛，一看就知道絕非普通牛，牛花很漂亮。一口咬不完。主菜過後，會有一杯香菇清湯，味道較為清淡，陣陣的日式香味，用以解膩。然後就到釜飯了。三文魚籽黑松露釜飯，非常香非常惹味，還可以自己添加三文魚籽。三文魚籽帶點點咸甜味，加上黑松露的濃香，只會令人覺得不夠吃。甜品以一份水順玄餅和柚子雪糕作結。…查看更多

媽媽生日，我當然要同佢食餐好！佢最鐘意食日本菜，我上網做定功課，早一個星期已經約左餐廳，帶佢食日式鐵板燒。午市時段，餐廳提供lunch set menu，選擇好多！我地叫左午餐B。餐廳空間感大，每個位置都有距離，好舒適。而且座位唔多，好彩有訂位。先來沙律，自選醬汁，我地都叫左蕃茄醋汁，醬汁好開胃，而且蔬菜好新鮮。之後師傅就煮了一碟燒帶子配孫籽醬，加上食用金箔，賣相華麗。帶子味道鮮甜香嫩！之後瑞來一碟特同媽咪最欣賞既龍蝦膏汁燒龍蝦，龍蝦肉嫩驚喜，味道豐富濃郁，非常滿足。之後主菜分別叫左美國牛肉薄燒，再加上燒牛柳！肉味非常濃厚，而且配上竹炭鹽、炸蒜片，味道層次更豐富。北寄貝清湯，更加喺清一清味蕾的好選擇。師傅煮上一碗豐富蝦肉蜆肉製成既蛋炒飯，啖啖海鮮！最後仲有雪糕。我同媽咪都非常滿足。…查看更多

今日同女朋友去左銅鑼灣行街，晚市開番之後即刻去食好野！已經禁咗晚市咁耐，我地最掛住就係日本菜啦！女朋友一向鐘意銅鑼灣某幾間日式餐廳，今晚首先去左「漁獲」先啦。我地先來刺身盛合，新鮮魚生厚切又夠肥美，新鮮即日飛機貨，魚生好鮮甜，水準非常高，魚油豐富！黎得袋度食飯，海鮮浜燒當然要點啦！蟹肉鮮甜，鮑魚肥美，即時喺餐廳自家水缸即叫即燒！我地仲叫左白鱔浜燒，女朋友最愛！魚油極香，滿口魚香，外層燒得香脆，魚肉厚實肥美！我地非常滿意晚餐質素！晚市回復之後，人客竟然唔少，我地都要訂位先可以食。…查看更多

今日收工約左朋友見面farewell，因為佢就快去英國啦！farewell飯當然揀左佢最愛既日本菜啦，今晚去左日式居酒屋食飯。8:00到餐廳人山人海，非常熱鬧！我地叫左幾款食物開心下！先來一客頭盤，燒日本白粟米，粟米非常甜美清香，白粟米味道比一般粟米甜度更高。生蠔肥美味道香濃，入口非常新鮮。前菜叫左清酒煮蜆，蜆肉無沙大大隻，清甜而且味道濃厚。之後黎左一碟泡菜炒豬肉，泡菜微辣味道好惹味，豬肉香嫩唔會太乾身。主食叫左兩款，一款比較特別，叫左日本章魚御好燒，類似日本大阪燒，粉漿調得剛好，唔會太厚實，加入大量蔬菜，章魚彈牙！A5和牛脂炒飯深得友人喜愛，牛肉味道濃香，飯粒乾身充滿牛肉香味。甜品叫左兩件蛋卷，過一過口癮！…查看更多

今日同媽咪黎左銅鑼灣行街，雖然疫情嚴重，但喺都想放假可以輕鬆啲特登約媽咪去食過日式鐵板餐餐廳唔算好多人，我地揀左兩個套餐！沙律好新鮮，爽甜配上油醋汁，好開胃！餐湯喺粟米湯，暖暖地粟米味道非常濃香刺身三式，有獅魚、油甘魚、牡丹蝦新鮮鮮甜，完全無腥味南非鮑魚、北海道大蝦、銀鱈魚，海鮮水準非常高，大蝦燒到脆卜卜，成個蝦頭都食哂！鮑魚香嫩多汁，完全唔會乾身！銀鱈魚好滑溜肉食揀左日本和牛，油脂豐富甜美，加上大量香蔥和蒜，入口肉味香濃甘香最後有黑豚肉炒飯、味噌湯、炒菜，飽足又滿足環境和服務都超好，我地都食得好開心…查看更多

今日放工去食個晚餐先番屋企！今日放工特別攰，完全無意慾想去煮飯，行行下見到有間粉麵店，入去食飽先番屋企休息餐廳主打藥膳湯底，以養生足料藥膳湯底最為人氣天氣開始凍，食番啲正氣啲既食物好窩心藥膳湯底好香濃，無中藥材果種苦澀味，反而有陣鮮甜香口甘香味道，入口即時暖身我叫左麻油雞，加麻辣，雞肉好香嫩好入味，用左雞髀，所以肉質夠哂香嫩香滑而且食到濃濃麻油味超好味！米線掛湯力高，非常滿足！藥膳湯可以配多種食材，下次試下水餃先…查看更多

今日同男朋友慶祝拍拖紀念日，早早已經訂左位，同佢食個豐富晚餐我地都鐘意食日本菜，知道旺角區有間出色日式居酒屋，一定要去試試啦我地先叫左口魚沙律，魚肉先燒香，入口油脂豐富，魚味甘香！鰻魚干好岩送清酒！咸香豐富！炸雞軟骨，炸到脆卜卜好香口，軟骨位香脆完全唔覺得油膩！燒牛舌男朋友最愛，入口爽嫩好juicy，咸香黑胡椒味道濃厚！配味噌醬好夾啊千府特選壽司拼盤，九款壽司太出色和牛入口即溶，牛味突出！大拖羅超肥美香嫩，入口魚味非常濃郁！牡丹蝦香甜爽口，蝦肉好鮮味！帶子甘甜新鮮，配黑松露濃香！黑毛豬腩肉炒麵炒飯，加左沙律醬好惹味，口感好特別！…查看更多

今日同男朋友食飯，特登揀左佢最鍾意既日本菜之前成日都聽朋友介紹位於灣仔既家賀屋，主打日本新鮮刺身壽司，又喺一間受人歡迎既居酒屋！我地先揀左家賀壽司，賣相好靚好吸引，由海膽、牡丹蝦、吞拿魚蓉製成，入口非常鮮甜，蝦肉爽甜彈牙，海膽嫩甜驚喜，我地再叫白子壽司，入口好creamy我地叫左兩個主食，海鮮刺身丼飯和冷烏冬！刺身丼飯好新鮮，極力推介大拖羅、鮑魚、海膽、吞拿魚蓉、池魚等等，肥美新鮮，極度鮮甜，最愛入口鮮嫩鮑魚烏冬好彈牙，醬汁清甜！我地仲叫左玉子燒和燒白鱔，即叫即燒好香口，魚肉鮮嫩皮脆，魚肉唔會腥！玉子好香甜，蛋味重！最後叫左雪芭甜品…查看更多

今日同男朋友去左屋左樓下食飯，因為早排買餸經過見到有間日本壽司店，好多人排隊幫襯！我地又好想試下，今日收工特登約埋去試下餐廳既水準7:00到餐廳都已經要排隊，menu選擇多，價錢仲好抵食啊！我地叫左幾款壽司試下先超推介大拖羅魚腩壽司餐廳用左日本直送鮪魚，來貨有保證，而且質素真喺好驚喜！入口魚油豐富，魚味非常濃郁，甘甜油脂香而不膩！三文魚腩同樣突出，肥美魚肉入口非常消足！蟹膏軍艦是我覺得驚喜的壽司之一，濃香蟹膏咸香鮮甜，濃郁蟹味噌完全唔會太咸！三文魚籽鮮甜新鮮！我地一定會再回頭！…查看更多

有時候街坊小店都有意外驚喜，今日去左佐敦買Christmas party既裝修品！愈買愈肚餓決定走去醫肚食個飯先，行行下見到有間平民價錢既街坊小店性價比的確吸引，我就去食個午餐！主打港式粉麵、粥品、油器，已經好耐無食港式粉麵店啦今日一試回味無窮啊我本身想食粥，但喺又怕太熱，結果叫左鮮牛肉粗麵，再加2隻水餃湯底轉左酸辣湯底，應該會幾惹味！鮮牛肉大大片，份量都唔少！牛肉香嫩無渣，食得出無咩落鬆肉粉水餃大大隻超滿足，餡料豐富皮又薄！的確值得再次回頭！…查看更多

試問有邊個唔愛食燒肉Zizizizi之後望住啲肉變色的果一刻就夾起放進口裡 就是人生的一大享受經朋友介紹，今天來到一間比較高級的燒肉店而且在酒類的選擇也不少前菜先吃了一款法國的生蠔（芬大奇）海水味較濃 而偏甜開胃一流配上一杯仔的日本清酒為接下來的重頭戲做足準備這次叫了不少的款式當中較為特別的是牛大腸 日本雞頸 日本喜之次以及必點的牛肉盛合牛大腸本身並不吸引 可是其邊邊所有啲肥膏卻是精華所在 入口即溶 怕肥者就不是嘗試了雞頸口感比較爽口彈牙 令你有一種不像吃雞的感覺 十分有趣喜之次太高難度了 是由店員燒的味道咸香 又有一種甜味風味牛肉盛合則是有不少牛部位當中最愛就是牛腩想不到單單的燒牛腩都可以如此軟淋多汁…查看更多

今晚收工唔想番屋企煮飯食，唯有去屋企附近睇下食咩好朋友介紹左我去一間潮洲菜餐館食個晚餐！我好少食潮洲菜，所以唔知有咩喺必食！問一問店員佢地都好用心介紹menu！晚市有孖寶套餐，性價比非常高啊！我叫左一條蒸大魚，另外再加左一個潮洲蠔餅，聽聞是餐廳人氣選擇即叫即蒸大魚，魚肉非常香嫩鮮甜，唔會蒸過火，滑溜又唔會腥！我食左一陣蠔餅就上碟熱辣辣卜卜脆配埋辣椒醬超惹味蠔肉份量多而且爽嫩鮮甜，炸粉唔厚，的確出色。…查看更多