cherry_hon923的个人专页

🎏蒲燒鰻魚海鮮鐵鍋飯一上檯就超吸引眼球👀，被鰻魚、蜆肉等海鮮滿滿鋪喺飯上面，海鮮下面的飯粒吸晒所有嘅海鮮汁同材料嘅精華，真係夠晒鮮味！🎏關東煮涼涼地好適合食關東煮，有竹輪、腐皮、各類日式魚蛋、蒟蒻等，最底層竟然有一大舊超厚切嘅白蘿蔔，吸收左整個湯底，食落非常鮮甜。🎏洋食商店粟米燒粟米配搭乳酪醬一齊食，非常滋味，小朋友至愛。🎏 明太子玉子燒呢度嘅玉子燒唔算甜，保養有蛋香，口感適中唔會太軟，切開會睇到一層層，明太子醬咸香再加埋魚子一齊食，非常有口感。🎏菠蘿百香果乳酪味道酸酸甜甜，清新好飲。🎏開心果草莓芭菲長沙灣限定，絕對係打卡之選，芭菲非常大杯，底層是開心果醬加抹茶餅乾，還有百力滋同熊仔餅做點綴，非常童趣。…查看更多

已經第N次放學過嚟買shake啦！夜麻麻又可以食得飽肚又健康嘅好選擇！🥤澳洲牛油果奶昔+亞麻籽牛油果奶昔質地好creamy，牛油果味香濃，飲落仲有粒粒牛油果肉，加左亞麻籽做toppings，增添堅果香味，飲落口感更豐富立體。🥤美國士多啤梨奶昔+桃膠新鮮士多啤梨酸甜適中，奶味香濃不膩，仲飲到粒粒新鮮士多啤梨果肉同桃膠，估唔到呢個配搭都幾好飲。🧇紐西蘭奇異果蜂蜜窩夫窩夫外酥內軟，蛋香濃郁，中間有自家制既吉士醬， 仲有好香嘅蜂蜜味，同奇異果好夾，又唔太甜。🧇抹茶卡士達窩夫抹茶醬加上抹茶粉鋪滿整個窩夫，中間還有紅豆餡，可以中和抹茶嘅澀味。窩夫用新鮮雞蛋同牛奶，即叫即整，焗出黎蛋味特別香而且外脆內軟。…查看更多

旺角見到呢間雪糕舖幾搶眼，原來係澳門人氣雪糕DIGREEN。雪糕使用北海道函館3.7牛乳，絕不添加食用色素和香精。之前路過呢間雪糕舖見到芫茜雪糕🍦，估唔到今次再經過已經轉左口味😂居然有維他奶蜜瓜味豆奶🍈好吸引我🤭雪糕係杯裝的，食落非常冰爽，口感滑溜，感覺係直接將包維他蜜瓜味豆奶變成雪糕咁，一模一樣，不過份量有點多，絕對對得起個價錢，不過如果有size選擇就更好。朋友就試左「喜馬拉雅山岩鹽開心果雪糕」，軟雪糕口感好重奶味，質地紮實，開心果雪糕的味好特別，加上有岩鹽，食落鹹鹹地，幾特別，不過份量亦唔小，加上雪糕溶得快，令到個筒變濕變淋，影響到雪糕筒嘅口感，就算有個膠兜都食得幾狼狽…查看更多

年尾真係好多朋友生日啊！最近好似興起畫碟，代替生日蛋糕🎂去餐廳食餐好嘅，真係儀式感十足呀！🍣橫綱力士龍蝦卷橫綱是相撲力士資格的最高級，等於用龍蝦黎做飯卷都一樣咁高級！真係好特色！這款卷物結合了鰻魚、龍蝦、牛油果，層層疊疊，口感極度豐富，，令人回味無窮。其中龍蝦肉肉味清甜，肉質結實飽滿彈牙，帶來令人滿足的味覺體驗。🍣蓮子鯛嘩！擺盤超美，好啱打卡啊！蓮子鯛肉質緊實，鮮味十足 ，晶瑩剔透嘅魚肉 配上山葵同醬油點綴提升鮮味 ，真係啖啖鮮甜。…查看更多

大根冷蕎麥麵$125名符其實只有大根同蕎麥麵，絕對係追求健康嘅好選擇。大根超厚切，使用鰹魚汁及甜醬油燉煮，美味全被凝縮其中，食落軟爛，多汁水潤。蕎麥麵食落有彈性，沾上鰹魚冷麵汁，配上紫蘇梅子，好醒胃。豚肉冷烏冬$135滿滿嘅一碗烏冬，鋪有鰹魚花片和紫菜，底層有涼拌嘅秋葵、火炙叉燒 、日本忌廉慢煮雞蛋 ，淋上秘制醬油，冷烏冬非常彈牙，叉燒經火炙後皮爽肉香，份量剛好。華田麻薯傳統班戟$118以麥芽和可可製成的阿華田PANCAKES，雖然顏色有啲不討好，但食落冇果種好似朱古力咁甜咁漏，可以一口接一口，再沾上加入麥芽脆片煮成嘅醬，再加上入面嘅麻薯，食落非常軟糯，十分滿足。…查看更多

位於天后嘅鮨吟月，係日式Omakase餐廳，環境舒適，食物出品高質，值得推薦！每次食廚師發辨，都好期待。師父用心機製作，食品口感豐富，間唔中都要預返啲時間好好享受下。⭐️三文魚籽鹽水海膽茶碗蒸去日本餐廳好喜歡點茶碗蒸，像布丁般滑嘟嘟，而且細細碗特別精緻，今次呢個用海膽製作的茶碗蒸，真的非常豪華🌟鹹鮮鹹鮮，食落非常有層次！⭐️障泥烏賊烏賊用上𠝹紋切法，新鮮程度很好，烏賊刺身近乎透明，食落肉質彈韌黏糯。…查看更多

宮古市直送秋刀魚刺身秋意濃濃，最適合食時令嘅秋刀魚！個擺盤十分精緻，啱晒打卡呀！秋刀魚睇落都好新鮮，色澤紅潤均勻，脂香濃郁，配點薑蓉、葱花和醬油，食落魚肉甘香鮮美。海螺南瓜薯仔沙律頂部鋪左滿滿嘅黑魚籽，中層係海螺薯仔沙律，最底層係北海道南瓜 ，一口就可以食出多種層次！鹹鮮鹹鮮，超開胃🤤寒鰤魚配青森蒜片鰤魚味道濃厚，魚肉富有彈性 ，配搭濃烈嘅蒜片食用，風味再濃厚一點。鮭魚牛油果沙律鮭魚油脂分布平均，食落非常絲滑，配搭牛油果一齊食，口感更豐富。…查看更多

喺門口經過原來係米芝蓮餐廳，當然要試佢地的招牌蝦籽撈麵啦！撈麵都有好多配搭，有炸豬排、牛筋等等。我哋選咗安格斯溫泉蛋蝦籽撈麵$89，仲可以選粗麵或幼麵。一上檯賣相好吸引🤩，仲配有3舊墨魚餅！麵質爽口彈牙，帶濃郁的蛋香，一啲鹼水味都冇！面層鋪滿勁多蝦籽，撈勻後鮮味十足！！佢哋仲會配一碗湯汁，可以好似食沾麵咁食。其中最驚喜係墨魚餅！炸得外層勁脆！入面墨魚肉彈牙，好真材實料！仲外我叫左街頭金錢肚麵$90，份量可以選中份或大份，我呢個係有d餓（標準），再加左籠仔腩汁生菜 中份，仲試左奶蓋芝士紅豆冰（凍）。金錢肚爽口彈牙，炆得啱啱好，生菜份量適中，配埋腩汁好惹味。最suprise係奶蓋芝士紅豆冰，紅豆冰飲得多，估唔到加埋奶蓋件事正好多！奶味濃厚，紅豆軟糯，一定要試！———————————…查看更多

古今二，主打新派日本菜式，供應多款日式料理，而且份量足夠，所以每次想食日本野都會諗起呢度。仙台牛舌煎牛舌肥厚，肉質煎的剛剛好，軟硬適中，配搭埋蒜片食用，超香口。西京燒銀鱈魚煎得外皮香脆，香味非常突出，食落肉質嫩滑骨少，啖啖肉。綠野仙蹤飯卷選擇非常多，我哋選了呢款，感覺比較清新。綠野仙蹤飯卷鋪滿芒果肉同飛魚子，食落非常鮮甜。入面卷有蟹柳、牛油果和蘋果，多重口感，非常滿足。另外仲叫左兩款串燒，串燒即叫即燒，非常可口。…查看更多

香港人除咗鍾意打邊爐仲好鍾意食日本野😋放工去咗公司附近嘅古今二食晚餐，日式料理當中最鍾意食刺身。今日叫左3款刺身，分別係伊佐目、秋刀魚、金目鯛。一上檯，就已經見到勁靚嘅擺盤，擺盤超精美，生魚片厚度平均，精瑩通透，睇落非常新鮮。💧伊佐目伊佐目是一種鰤魚，擁有獨特嘅口感，食落肉質鮮甜，口感絲滑，每一啖都好享受😋💧秋刀魚秋天係食秋刀魚嘅季節，魚肉開始足夠肥美，其油脂豐厚、肉質鮮嫩，一口接一食食唔停。💧金目鯛金目鯛油脂含量適中，肉質細膩，肌理緊實，有嚼勁，非常鮮甜。…查看更多

位於元朗加州花園附近有間叫「盈小館」嘅茶座，簡簡單單食個tea。酸菜魚薯粉都算幾大碗，大食嘅朋友仔驚唔夠飽仲可以加飯。酸菜魚味道唔錯，湯底酸酸幾開胃，魚肉都算彈牙，而且配料都幾多，有腐皮、酸菜同芽菜。薯粉晶凝通透，都幾掛汁。金磚四國西多士即叫即炸，味道超香，食落非常鬆脆，仲有一大片牛油同糖漿非常邪惡呀！仲可以$10 加配即磨咖啡(Espresso、Latte、Cappuccino、Americano)…查看更多

麻糬控絕不能錯過🤞🏻位於太子嘅Owens以波希米亞風作為設計風格，無論餐枱、座椅都以木系作元素，打造出舒適寫意嘅感覺，而且餐廳樓底高，就算坐滿人都唔會覺得有壓迫感。露絲瑪利香草燒羊架$198羊架一共有3椰件，份量差不多，擺盤也很美，羊架 7成熟，比預算熟咗小小，但肉質依然嫩滑，食落唔蘇。意式香蒜白酒煮蜆扁意粉$122扁意粉食落唔乾身，蜆肉每一隻都算大粒有肉食，而且冇沙，有少許白酒調味。跟餐餐湯係薯仔煙肉忌廉湯，飲落香濃又creamy，薯仔濃湯超軟滑，還有淡淡煙肉的咸香，富有忌廉奶香，勁邪惡啊！另外仲可加$38配升級法式蟹肉龍蝦湯，顏色紅亮，飲落湯汁濃稠，入面有一梳梳蟹肉，湯底又夠鹹鮮唔錯。追加小食，脆炸魷魚鬚＄28份量算多，唔算厚粉但炸得好酥脆，魷魚鬚好彈牙。餐飲包部分飲品，果汁/咖啡都唔使加錢，亦可用半價升級特飲。凍檸檬柚子蜂蜜，甜甜地又加左薄荷葉更清新。熱香茅生薑蜜，香茅味道口感清新微辣。伯爵蛋卷$38伯爵茶味甜度適中，蛋卷口感柔滑且富有茶香。內餡有煙靭同奶香十足既麻薯。開心果麻薯提拉米蘇$48.0面層是滿滿嘅開心果果碎，又脆又香口，下層是提拉米蘇，食落幾smooth 但又唔會太甜，最底層仲有好多麻糬粒粒。…查看更多

西西里龍蝦汁海鮮鐵鍋燉飯 $188海鮮鐵鍋燉飯賣相吸睛，海鮮算足料、大蝦蝦肉彈牙爽口，燉飯吸滿龍蝦汁，非常creamy，燉飯仲混合左不少菇粒，增加口感，另外最驚喜係有炸過嘅羽衣甘藍。蘭王蛋卡邦尼意粉 $148碟邊以食用花裝飾，還曬上芝士碎，賣相精緻。意粉中央有一隻蘭王蛋，比平時用的滑泉蛋特別，蘭王蛋蛋黃呈橙紅色，色澤光亮，蛋香濃郁。同意粉拌混一齊食，質感又滑又嫩，加上煙肉片非常滋味。焦糖鴛鴦烏龍芝士奶蓋 $48一個結合咖啡與茶的飲品，香氣沉穩，加上芝士奶蓋帶來甜甜的奶香芝味。草莓朱古力$48飲品外型非常童趣，忌廉上有熊仔餅乾、蛋捲做裝飾，整體甜度和酸度都非常均衡，草莓的酸甜與巧克力的醇香甜美是絕配。手工棉花糖朱古力布朗尼$68芝士奶蓋士多啤梨巴斯克蛋糕（半件) $98甜品擺盤非常靚，畫碟非常特別。朱古力布朗尼加入棉花糖烘烤，棉花糖和布朗尼融合在一起，口感非常神奇。巴斯克蛋糕內部濕潤柔軟，面層有粒粒士多啤梨，淋上芝士奶蓋醬，吃下味道非常驚喜。餐廳提供甜品寫字服務，甜品畫碟非常有心思，啱晒打卡。…查看更多

數學題，傳說女人都有兩個胃，咁2個女人總共有幾多個胃？答案係，可以食到3個甜品🍧🍧🍧由於我哋叫嘅甜品都係即叫即整，大約等了15分鐘就有得食🍴🍨Tiramisu 窩夫+曲奇雪糕$72其實係原味窩夫配Tiramisu 蛋糕，窩夫食落非常鬆脆，唔算厚實，搭配Tiramisu 蛋糕同曲奇雪糕一齊食，口感顯得非常豐富。🍨士多啤梨鬆餅+ 士多啤梨雪糕 $88鬆餅一上枱就聞到濃濃嘅蛋香味，口感軟綿，配忌廉一齊食，口感更加軟滑。🍨朱古力心太軟＋曲奇雪糕$70心太軟上枱時熱辣辣，外層鬆脆，切開後見到滿滿嘅朱古力醬，朱古力醬非常香濃，伴有杏仁，曲奇碎和曲奇雪糕一齊食，味道非常之夾。除咗以上甜品之外，仲有其他中式糖水、水果茶等可以選擇。…查看更多

「串燒王」喺朗豪坊附近，位置方便。款式眾多，肉類、海鮮、蔬菜，連炒飯、炒麵都有得食。食物即叫即整，新鮮熱辣辣仲可以揀辣度，由吾辣到大辣都得。🔥錫紙蒜蓉娃娃菜$38/份蒜香濃郁，娃娃菜索晒啲蒜蓉味，冇得挑剔。🔥雞中翼$36/串 （2隻）雞中翼燒得熱辣辣，雞皮脆口，有肉汁唔太乾，推薦推薦☝🏻🔥脆香雞皮$28/2串個雞皮真係超脆卜卜，好似食緊薯片咁呀，實在太邪惡啦！🔥蒜蓉原條茄子$38/條燒茄子係每次食串燒必食嘅，呢度燒得啱啱好，口感軟熟，超多蒜蓉、味粉都落得好足夠，超級入味。🔥牛肉串$28/串牛肉粒有香濃既孜然味，滿有咬口。🔥日本一口和牛粒$38/串味道爽口嫩滑，肉質細嫩、每塊丁方大小，一口一粒。🔥雞軟骨$28/2串燒得幾有咬口，正常發揮。🔥沙嗲雞肉串$28/2串燒得有點乾身，而且沙嗲唔出，普普通通。…查看更多