阿斯蘭的個人專頁

之前社團吃飯味道不錯，今天路過晚飯也去試試吧，點了個680的4人套餐，加埋茶位、加一，埋單要成九百幾。味道是中上的，比金悅軒差一點，除了水煮牛肉，其他的份量都很少，男人的話3人食得完，沒什麼好的食材，呢個價真係冇下次，單點更加唔使講，性價比非常低，加上佢燈光超刺眼超不舒服，所以食完都想快走，服務中規中矩，無論是人均200或是有更高的預算，更好的選擇附近有順軒、丹桂軒、金悅軒，甚至金沙閣、陳老太。。。…查看更多

傳說中米芝蓮一星順德菜-彭慶記，但可能因為封關廚師來唔到？米芝蓮的收費，師傅仔的味道，材料沒幾多，就係食裝修。首先佢上菜超慢，得三四台客，但等半個鐘先上第一個餸，雞翼包飯，味道幾好，好食過拱北地下商場。條魚同師傅仔差唔多味道，有鑊氣，炆得不錯，呢個比較推薦。蒜香骨令我想起平時中午在師傅仔果碟三十幾蚊椒鹽骨碟頭飯，味道份量都一樣，但同順軒果個仲差得遠。炒飯接近金悅軒的水準，幾好。但個安格斯牛柳超多黑椒又辣又鹹，超差，個廚師應該同我學下點樣炒餸。除了條魚，其他菜的份量只比個茶杯多少少，材料成本大概佔收費的2成都無，係極之少（我哋4人去食，全部已點大份，我很難想像細份可以點少法？）總體而言，上菜慢、價錢唔平但份量極少、味道未達酒店餐廳水準，裝修就很好，但如果咁樣都叫米芝蓮一星，咁澳門通街都係星，師傅仔裝修下可以有兩星，順軒同李家宴有三星。彭慶記可能係我今年食過最唔抵食又無乜過人之處的中餐，折后找數都成千蚊但唔知食咗d乜，其他3個人都細食，但都只食7,8分飽，絕對無下次。…查看更多

一直以來這間餐廳風評都不錯，而且還是米芝蓮一星，所以就帶老婆來了但是，希望愈大，失望愈大我們是中午過來的，點了兩份套餐，說真的收費已經是米芝蓮級的收費了但是出來的菜大多數都是涼掉的，本來應該是熱菜也是涼的只有頭盆和甜品是較為好吃其他也沒有特別好吃，只是擺盆很好看而已，味道真的很普通，就像一般家庭主婦看完YOUTUBE的教學然後開始學做西餐的水準差不多，和任何一間米芝蓮餐廳都相差十萬八千里我給它評價那麼低，是因為食物吃不出食物本身的鮮味，調味沒有特別香料的味道，沒有香味，尤其是中間那個牛肉餅，難吃到死我和老婆都覺得，可能是教學餐廳，我們應該是吃到學生做的菜，而米芝蓮的評審是吃到老師做的菜，所以大家的體驗差了那麼多抱著期待的心期，幾百元一個人，吃到這樣的東西，完全是食環境，真係冇乜心情影相只是隨便拍了兩張，好不好吃你們自己看吧，還有完全是吃麵包吃飽的，很辛苦…查看更多

無意中發現這間金玉滿堂評價意外地差，真不知為何，我們已經吃了幾年了，除了開冷氣開得比較凍，其實也沒有特別差的地方我平時放假經常帶小孩去南灣附近吃東西、逛街或者去公園玩，逛完之後總會想到來這裡吃這裡數年前是長期要排隊的店，這幾年澳門開多了很多餐廳才不用排隊其實我很喜歡這裡坐得舒服，食物普遍算好吃，很多人以為它是甜品店，其實我更覺得它是西餐廳它西餐的菜色絕對比甜品更有優勢甜品屬於品種多，但味道和做法都只屬於不過不失的感覺，很好吃還不至於，但是我老婆還是很喜歡吃這裡的甜品，因為品種多，一定有一款適合她當天的心情但是我非常喜歡吃這裡的雜扒、冷麵，還有西餐葡菜的菜色例如鹹豬手，全部都屬於中低價，非常抵食真的做得比很多餐廳都好吃，冷麵很有輕食感，很多青瓜條，醬配得好，食一口便上癮停不到口蝦子麵超滿的蝦子，不輸澳門新馬路那些出名的麵店雜扒份量超大，幾十蚊夠兩三個人吃飽，而且入味又不會太鹹，肉質不差，屬超抵食的菜色脆皮蜂蜜鹹豬手超好味，還沒有在澳門其他餐廳吃過更好的燒春雞也是皮脆肉嫩，超多學生哥點不過大多數菜色都是偏重香口的，比較適合年青人口味老人家可能去到就吃甜品而已…查看更多

前菜是一份炸海鮮時蔬，只有一隻蝦，味道似日本天婦羅，不過不失麵包方面，薄餅和芝麻條幾好食的，很香口小龍蝦特別，味道非常好，不過肉真的很少，而且肉質似乎不是很新鮮，咬感一般Pizza很好吃，輕食感重，不會膩，但上面的菜很散，基本只有火腿和麵餅，份量比較大也不貴，是那裡最抵的菜色這個麵非常少，只有兩啖，未試過在一間餐廳點一個麵少得如此可憐，到底是不是給人食的？味道也一般，雖然牛肉用料不錯，但我一定不會再點個飯量就正常一點，有一碗飯，材料也是高級，味鮮，軟硬適中，是我最滿意的一道最後就是牛扒，但怎麼看都是豬扒，看上去是，吃上去也是，但服務員堅持說它是牛扒，所以我吃了兩片便打包回家，結果全家人吃過也說這是豬扒味、肉質咬感咬也是豬扒，我不知道這麼大一間餐廳為可要騙人最後我個人覺得我非常不喜歡這間餐廳，主要是上菜極慢，每道菜之間等十分鐘，超無聊你只好吃它的麵包，該飽肚的飯麵吃不飽，主菜又不一起上，還沒上主菜就吃麵包吃飽了，食一餐飯兩個半鐘，人均五百，又沒多少貴價餸，非常唔值，仲要俾豬扒當牛扒…查看更多

這間餐廳我食過兩次，兩是都是外賣首先講一講，其實大部份炒菜都有鑊氣，味道不錯的，但是用料很一般，例如椒鹽九吐是用非常小的九吐，幾乎是吃不到肉，只吃到炸粉招牌的豬肚雞胡椒味極重，我個人是不大喜歡，因為已吃不到雞味所有的菜餚的價格，如果以一間大排檔風味的餐廳來講，佢算中高，可惜碟碟都係超細碟，我們平時食開飯，基本上一個人叫一味送夠食，佢果度第一次6個人叫9碟唔夠食，第二次2個人叫4碟都唔夠，薑蔥蠔得9粒唔算大隻既蠔，吃上去亦沒有爆漿的感覺，實在非常失望基本上就是遊客價。另外外賣的速度第一次還可以，第2次自取在現場等了45分鐘，有點耐。下次我寧願再行前少少，都唔會再幫襯佢，畢竟十月初五街有很多高水準又平的食店…查看更多

呢間絕對係我食過最CHEAP最乞兒既自助餐，我竟然見佢有10個好評，覺得太誇張了，身為食過既客人，決定挺身而出首先，我係舊年9月18號食的，唔係最近，我真係好少出去食自助餐都懶得影多幾張相的去之前佢既賣點係有龍蝦、有鵝肝，598+10%，星期日買一送一，晚餐我見有買一送一咁既優惠，所以就帶老婆去但係，簡直係感覺自己返左大陸，間野超多座位，爆滿，但係貴的食物係長期冇的，半個鐘先加1次，加一次都唔夠30秒就被拿光，因為自加10隻，但係十幾個人排隊，鵝肝係咁，生蠔呢，就開得好慢，每人限取3隻，所以大排長龍總之呢個自助餐俾我感覺就是俾錢去受罪，俾錢，但係好似D阿婆排隊派米咁! 總要好多都係大陸人，好冇質素的，你根本爭唔贏佢地，爭贏左D阿姨都會鬧你當日就係兩個男人叫經理出來投訴，同佢嘈，然後經理後尾又加多左一次龍蝦我完場食唔到一隻龍蝦，排左一塊鵝肝同3隻生蠔，咁樣都叫自助餐任食?!好啦，講返食物本身，D熟食，偏濃味，都係好普通的汁煮菜色，肉類為主，冇乜特別好味的菜色飲品同生果算係唔錯，任飲，有幾款果汁，生果新鮮切得好海鮮得蝦同生蠔係鮮味的，其他都冇乜鮮味沙律間間自助餐都係果D，冇得特別可以講壽司好散，唔好味，刺身得3款，亦沒有出色的點總之我就食過感覺好差，所以絕對唔會返食…查看更多

上野的速度有待加強，因為上野慢，好肚餓，一上來我就食曬了，都唔記得影相環境幾好坐，幾舒服，價錢好抵79元套餐有3籠點心+2杯野飲+2個飯+2個點品，非常抵點心不輸外面茶樓的，非常正宗，幾好味，夠大件!蝦餃有蝦味，滿滿都是蝦陳村粉都夠大碟，又唔怕油膩，不過好似要自己加鼓油，排骨夠味，正!半價14元碟娃娃菜我次次去都必點，好味又嫩又大碟野飲似係濃縮沖出來的，飲唔出鮮果味，可以轉下款甜品D榚點有D硬，不過仙草幾香滑另外我仲點左個華一芝士奶鍋麵，69元，真係好好味，好濃又脆，肥牛都幾多，一定返食總體而言係一間幾多不同種類、性價比又很高的餐廳，飲茶又得、食飯麵又得、連雜扒都有…查看更多

點解我話果度飲茶一流? 第一 因為附近2個停車場容易停車第二 唔使等位第三 午市飲茶全部19.8，抵食!第四 食物都算好味道，就一般中價位茶樓的水準，唔差的我已食過4次，一直想寫一篇食評，今日寫開就寫首先講一講必點菜色，鹹鮮鱸魚滑雞煲仔飯，我次次去都食呢味，食極唔厭，而且唔係好多地方有得食，嫩滑好味!鹹魚唔怕太鹹然後一般點心都算不錯，色香味都算有，但就未做到一流水準，而炸野就炸得比較差的，炸出來唔夠香。我認為其他野就冇必要詳細講，因為飲茶都係果D野，大家自己睇相好過，茶亦不算特別好飲或特別難飲，不過地方比較闊落，飲茶傾計非常盡興，所以一直中意約親戚朋友來呢度飲…查看更多

分享一下在澳門的正宗台灣味餐廳，銀河酒店裡面「鹿港小鎮」，材料新鮮，師傅手勢，集合曬台灣所有最好味的菜色，每道餸菜都色香味俱全，環保也算不錯，不過因為旁邊是賭場，比較嘈吵大推呢個三杯龍蝦，三杯的濃，龍蝦的鮮，完全沒有衝突松子鱸魚大份又鬆化，夠曬味，鹹同酸配得剛剛好，非常適中，屬必點業色鳳梨蝦球，也是台灣特色業色，好味道唯獨甜品失色，我就不會再點甜品，影相都懶得影整體而言，對於每個月都想懷念一下台灣味的我來說，吃得非常開心。…查看更多

每年生日必吃西餐，往年都吃天巢午餐，今年試下米芝蓮星級餐廳之中價錢比較容易接受的西餐，庭園意大利餐廳，$688海鮮拼盤送香檳，所以吸引左我訂位，一開頭有免費的麵包同開胃小食，都算係特別得黎又好食的，麵包個醬好正海鮮拼盤的蝦非常鮮味，超大隻又厚肉的法國生蠔一點都不腥，係我食過最好食的生蠔，下次去必點pizza $168非常好食又大份，味道剛剛好，屬薄脆類，連我2歲的女兒也食兩塊半pasta雖然細份亦有一流水準，我地仲點左個小菜叫乜野魚醬配肉片，都幾好食，不過都屬於細份量的送完香檳同生日小蛋糕，仲有銀聯卡85折，真是醉了！值得再去。…查看更多

因為四月套餐好抵，一個pizza加一隻烤雞先118. 而且個醬汁好特別好香，好味，pizza也是澳門數一數二的好味，又薄又脆，一d都唔怕滯，所以白鴿巢分店同黑沙環分店我同我老婆都有食過，今次去食黑沙環果間分店，我地覺得無論環境同味道都係最有水準的一間，因為沾雞個醬比較好味。真係唔知點解，明明係一間唔錯的餐廳，我同老婆去親都好少顧客，已經第2次去到係好似包場咁樣，得我地一台，所以寫呢份食評支持一下佢!雖然佢個雞胸肉有少少老，但係因為佢全隻雞一齊燒，胸肉嫩的話腿就好容易唔熟，而且我本人好怕食到唔熟，所以可以接受胸肉有少少老…查看更多

呢間店本來係十月初五街做街坊生意的舖頭，之前一直係我既飯堂，味道好，唔算貴，食得飽。但係佢出左名之後，起價、多左遊客要等位、份量少左等等，因為1個月內有兩次食到毛髮，而且餸菜少到食剩曬D白飯，食唔飽，所以我而家少左去，但係今天心血來潮，寫開食評，就寫埋呢間我過往的愛，俾大家參考首先，佢既咖哩絕對係雷，超辣，辣到你食唔出食物本身的味道，所以建議一般人唔好點十月初五街，這裡臥虎藏龍，而牛記位於街頭，係簡單一間舖頭仔，三四十蚊都可以食到米芝蓮級的美味，有幾個月我幾乎日日都去食，日日食唔厭，所以一定係非常好味又唔貴的舖頭，特別推薦佢既牛腩，牛尾，羊腩，花雕雞，豬手都超正，中意食肉可以食豬手，勁厚肉！份量大牛腩有分普通牛腩同清湯牛腩，清湯牛腩其實就係爽腩，唔輸香港九記。…查看更多

呢個價錢點講都係咖啡室，但服務水準連茶餐廳都不如，首先入到去枱好細張，然後睇完餐牌好耐都冇人理你，叫個三杯雞，份量好細，得d骨，但味道算不錯，五十幾蚊個飯，點餐果時講明送野飲，已問清楚可以叫奶啡，但埋單果時杯野飲又另計，變左食個飲八十幾蚊，然後我同佢講理，佢就話系統係咁，奶啡唔送，我就話咁個飯系統送乜飲，叫佢補返就算，佢就話埋左單，冇得補，總之超唔抵，佢地錯仲態度差，用八十幾來食茶餐廳水準的食物，不會有下次！…查看更多

見到呢間餐廳竟然只有一個食評，為佢抱不平所以特別寫一篇我來呢間餐廳已經食過兩次，真心覺得值得一去再去首先真係唔係道道菜都抵食，不過真係冇一道係難食，第2次我係帶朋友去，綜合來講，所有朋友都話果度D野得，好味首先必須要介紹一道必點好味的前菜:川香口水雞，我地個個食到流曬口水，肉質鬆軟，好香的醬，有花生醬成份，但至於點調配就唔清楚，愈食愈辣，愈食愈過癮，食完一碟唔夠再叫然後講一講另一個我認為必點的主菜，炸生蠔，一般出面的炸生蠔都好普通，佢真係做得不平凡，尤其係佢D一粒粒的脆粉，食到係有蛋香味，又野味，但不會太鹹，送飯一流，第一次食到咁好味的炸生蠔，大概6隻左右，不過起碼都夠大隻，外脆裡面有汁另外如果唔喜歡食炸食辣，可以叫八大名菜入面的琥珀雞或者叫露荀百合小木耳，非常爽甜可口最後講講佢個炒飯，呢個飯真係唔怕油膩，健康，但又夠味，而且落足料，有好多帶子，唔係度度都食到…查看更多