andreyandy的个人专页

老實說，被呢間鋪吸引係因為出面個D玩具，我就點左個「岩手拉麵」，入面有三種不同肉料，麵係幼身白身麵，唔係蛋黃色既麵，軟度高，唔似普通既有咬口，味道溫和，順滑易入口，好似擔擔面。個湯就偏白，豬骨湯味道，油而不膩，味道唔會太濃厚，清清地溏心蛋做得一般，蛋白偏軟，但味道依然不太突身。只為閒嚐，普通就可以了…查看更多

普通來個LUNCH，來個小吃刺身沙律，新鮮、魚生又不錯，清胃一流，吉列廣島蠔，炸物一定無死，但無驚喜成份。點了醬汁吉列豬扒丼，風味醬汁幾特別，聽聞以12種材料經長時間熬製而成的醬汁，甜甜地。吉列豬扒的水準一般，肉身偏梅但皮脆，幸好點了醬汁後補救到，飯同菜絲加上厚厚的豬扒，份量極大，不過菜真係太乾身，麻麻地。價錢100埋單，不太抵食。…查看更多

本人對黑蒜油都幾情有獨鐘，奈何平時都只能自己煮一包「黑蒜油公仔麵」來慰藉，今次去到呢間鋪頭試下，店方加了大量蒜蓉，味道濃烈，湯底的原來味道被掩蓋不少，但係本人並唔滿足，湯底加了黑蒜油，但唔多夠香，麵質就唔錯，偏硬身硬麵，唔會太淋，叉燒就就肥肥地，又薄身，份量就唔多。而且份量都夠，唔錯唔錯！最重要係佢蒜蓉多，正！…查看更多

以前起大陸食既腸粉係一餅餅，樣衰衰又幾好吃，潮式腸粉就係咁腸粉，個樣似塊餅，入面有芽菜、冬菇、雞蛋、蝦米等材料，好爽口，加埋以豬骨熬成既芡汁，又濃又香，好好吃。另外點左個「煎蠔餅」，薄薄地，唔太油膩，最少不會看到油滴不停的慘況，香口野梗係味道郁濃，不過炸得太熱氣。 …查看更多

小店格局, 唔算太多座位, 環境係有d擠逼, 但總算簡潔，係唔錯既50有找就有一個套餐，luch來講都唔錯，忌廉湯:忌廉湯, 熱度足夠, 唔會太稠,不過都大致上都普普通通蒜蓉包就熱辣辣，好香脆, 又唔會太硬，我自己就點左蒜蓉香草豬扒伴薯蓉，其實都算幾平，而且豬扒好有水準，唔會起絲， 火候岩岩好，不連可以加多d汁，配埋蒜蓉，好夠味。不過伴碟既薯蓉，有埋豬扒少少汁，撈埋一齊就一流了。大致上都唔錯啦！…查看更多

新加坡菜向來特別，叻沙香港人好，所以自自然然香港都有星馬連鎖餐廳進駐，就係亞坤，當初睇新聞仲話要進駐50間。入到去其實就係類似新加坡既茶餐廳，點左碗海鮮蝦叻沙米粉，其實只有個湯底唔係我地平時食開，幾特別，有好重既椰香不過d料就真係麻麻地，一食落個蝦，好梅，真係好似食緊蔗啫咁，唔洗諗都知道係雪藏，唯一值得讚既就係麵既質地，至於魚蛋都麻麻地...最好食既都係唯一索左湯既豆腐卜。整體來講真係普通茶餐廳既質素，只係個湯底不一樣，就轉左名，咁就一碗收42。其實真係名大於實，無回頭。PS：見到咁多負皮，真係留名等睇佢又POST :你好，我們是亞坤餐廳客戶服務部，我們非常感謝你對我們提出之寶貴意見，這是我們不斷改善和提升我們的產品和服務的動力，期待你的再次光臨。如有任何寶貴意見，歡迎電郵給我們: cs@yakun.com.hk，亦可在電郵中留下你的聯絡電話，以方便和你作出聯絡。…查看更多

假日又挑起拉麵癮，早前吃過豚王，覺得味道算為起香港見得人既拉麵店。入到去，今次我圈左廚師介紹，佢俾左個辣既叉燒拉麵俾我，一睇其實好岩我心水，因為我吃辣，加上配濃湯就一流。拉麵上面個團係辣粉同埋辣肉醬，而底就係叉燒。首先，麵質方面依然一如以往，咬口而不太軟，頗為適中。而辣肉方面，辣度算為中等，未至於去到果種辣會停留起口腔咁耐，湯味方面比較濃味，我不能稱得上太鹹，只係好稠身，叉燒今次吃不到雪味了，而且頗有口感，辣湯的味道亦入了味落去。整體上今次既赤王辣度可以再有待增加，質素保持到就好了。…查看更多

有時候，年輕人既感覺係瘋瘋顛顛，係啊，我地顛到同D老人家咁早起身排隊等位飲茶，其實加上我地想試下蓮香居既點心。因為我地早關係，去到等多陣就有位。皆因我地經驗未夠班，去到D點心都拎唔到幾多，但都有蝦餃、鹹水角、蓮蓉餅個D，至於裝潢方面，其實都係仿中式茶樓，古色古香。講下其中幾個啦蝦餃:皮好夠煙韌，因為平時同屋企人去普通茶樓食蝦餃，個皮好易穿同埋痴住張籠底紙，加上D皮都幾有油份，同埋蝦餃內的汁，所以吃上去都好夠水份，唔洗點豉油都有蝦汁味。鹹水角:唔太油膩，不過我嫌個表面唔係好脆，內面D餡都還可以。蓮蓉餅:芝麻甚多，餅皮有點乾身，頗普通，勝在蓮蓉餡鬆軟，不會有機打稠身既感覺。不過茶介都要10幾蚊，我覺得是抵的。因為之前細細個跟開公公學飲濃茶，呢到D普洱味較香，所以沖上去既色都好濃，味道好厚澀，加上佢用大滾水沖，逼哂D茶味出黎，朋友們就對濃茶不太喜歡了。…查看更多

起附近個頭番學，夜晚既時候就同一個素食既朋友去試下一個磨菇包。佢推介話真係好特別，叫我一定試下。我一開始，仲起到想緊佢葫蘆裏賣甚麼藥。裝潢好好，屬高貴既格調，加上打著分子料理既旗號，自自然然個價錢都貴左。我地就散叫叫左個籠仔黑松露蘑菇包同埋一個散食。主菜就普通，不值一提，期望過高。不過值得一讚既就係佢個蘑菇包，佢顛覆左我對包既外相既睇法，因為佢上枱既時候，我就話:唔好意思啊，我地無點呢個大蘑菇啊，仲要係生既。點知朋友就笑我呢個就係蘑菇包，不過個賣相真係做到好似蘑菇咁，令到我好有驚喜。個包都頗脹下，我怕佢係落多左發粉個類既包，不過吃下去真好鬆軟，同熱辣辣，不過個皮就得個樣，內裏既餡都偏少，但黑松露蘑菇好香好惹味，汁夠多。不過如果個餡多d，咁樣之後既包吃落都唔洗咁乾。…查看更多

今日入左西灣河搵朋友食夜晚飯，就決定早D入去鴨脷洲，行下細個住既地方。入到去，物事人非，碰巧看到一間士多賣中式點心，就去光顧一番。伯伯係咁推介我食乜好，不過我最鐘意就係豆沙。買左豆沙餅同埋豆沙香蕉糕髮各兩個。豆沙餅，本身我見到咁大舊，以為佢個餅皮會好好厚，但係一咬，個皮就只有月餅皮咁薄，但係個餡起碼有半個大拇指既長度咁厚，食落都幾甜下，不過我鐘意食豆沙都係因為佢甜姐，加上食到一粒粒紅豆皮，唔錯。之後豆沙香蕉糕，我覺得呢個真係世界級。因為佢放起到我就已經見到入面深紅色既紅豆餡已經透左出黎。加上佢香蕉糕既精油不算太多，好清淡，香味都來自紅豆多，食落去好鬆軟，我仲諗住留番番屋企先食，兩個香蕉糕已經去左我個肚入面…查看更多

安定呢間芝味鳥應該十年都有，野食真係好吃過M記，不過兩睇，因為佢呢間無薯條，反而有每次都炸到好香既炸雞。今次叫左個皇牌套餐，其實佢既分類只係份量既分別，分別都不太大。不過我奉勸男人就叫皇牌，否則就會唔夠食。佢每日的粉面套餐都是有分別的，今次都叫左個海鮮焗飯，因為由小到大食左咁多年既經驗，除在焗飯，其他外賣都不太好吃。海鮮焗飯的料次次都好足，加上佢焗到D白汁有少少燶燶地，味道一般，但我就食哂。另外叫左個十年都一樣既忌廉磨菇粟米湯，味道似金寶湯，料足，粟米入面最有營養個粒芯都起到，不過去到最底永遠都有D粉狀既感覺，睇黎佢地落生粉落得太多。炸雞睇黎係呢間店既招牌菜，永遠隔15分鐘，拎番屋企都會仲香、仲熱、仲脆。不過缺點就係你會見到炸雞先生滴油，不過幾岩我口味，因為佢雖然油，但係好乾身，好脆好熱。不過外賣次次都要等4-5個字，好慢，因為佢樓面得1個人，入面個廚房就得3個人，我都慣了，玩玩下手機都過左。…查看更多

唐記，見到鋪頭地下D 8、90年代既階磚，就知道有番咁上下歷史。好奇怪，去到呢間野我從來來食過車仔面，反而次次得3個選擇，牛腩面，牛筋面，或者雙接。今次我淨叫左牛腩面，麵佢係用上海面朱，易咬，質地新鮮，不過湯同牛腩就真係與眾不同。首先，我覺得佢個湯底直情用浸住牛腩既汁，湯底是黏黏的，充滿膠質，係我人生覺得最好食過既牛腩麵，要知道，平時出去食既牛腩面只係普通清湯加腩汁，加多個麵同牛腩就已經係。但唐記唔同既就係個湯，環境麻麻地，四週都feel到油膩既感覺，非常$22蚊就食得正野，別無強求。…查看更多

以前成班同學仔上完保齡球堂之後就必黎來到食野，個個叫碟糖醋排骨飯、獅子頭飯，排骨菜飯，加多杯凍豆漿，食完個肚就似足有左咁。最好既就係阿姨，話:仲口渴既去門口自己"針"多杯飲啦。今日無野做，起左身又唔想食快餐就走左落樓下呢間食，叫左個糖醋排骨菜飯，加杯豆漿。因為我成日覺得個飯頗乾身，不過油份頗多，所以我成日都叫佢地俾多一碗仔既汁我。糖醋排骨菜飯，因為撈左個酸甜汁，飯無咁乾身，加上菜飯有小小鹹味，味道一流。排骨由於佢係炸過，雖然上枱已經變暖，個係肉骨都分離到，唔會變一絲絲。至於豆漿，甜味多，但係豆味適中，唔會話太重，好岩我。埋單40都唔洗，食完，真係有左咁。…查看更多

類似既鋪頭，柯士甸小路都有一間，不過價錢偏貴，而且味道一般，住起元朗附近竟然先知道有一間北京水餃店，於是決定lunch去試下。梗係點左兩個北京餡餅，水餃，蔥油餅北京餡餅表面雖有起始金黃之意，但略嫌個皮可以煎得更香更脆，而入面個餡就充滿韭菜，油汁頗多，但食到我lamlam脷，回頭菜之一。水餃皮厚，餡濃味，頗正宗，因為以前起北京生活既時候食水餃之餘要配白飯。唔錯唔錯，可接受的。蔥油餅煎得好香，蔥爆多，好夠熱氣，一流，不過就唔同北京既咁大份，但份量都足夠香港人需要。優價方面都相宜既，始終都起舊區，整體來說都唔錯，味道我覺得ok，可以再回頭…查看更多

如果你要追求扒既，outback係唔會俾到你期望的。但食過多次，我反而覺個其他小菜都有出色過其他餐廳既一面。其中一個就係炸洋蔥花，當初第一次食既時候，我覺個呢個好似一大份肉排散開咁炸出黎，當然，因為唔係我點啦。食落去，我覺得表面果D炸粉其實好油膩，食完成嘴，不過之後咬左，入面個D洋蔥肉就會吸左D油。口感真係好特別，因為入面係蔬菜，始終因為係炸野，罪惡感超級大，但係洋蔥肉既入口，就大減好多。其實呢間餐廳都不過不失為一間大眾既西餐廳，質素唔會比得上高級扒房。不過大家都可以不妨一試，雖然價錢二人食既可能偏貴，但都幾岩一班朋友聚會。…查看更多