jszesze的个人专页

是日週日停煮日兼且星期日後群症發作以為今日唔會有功課交之際行過黎買泡飯發現佢地正式開業喇影第一張相嘅時候佢地仲係"試業中"雖然本師奶同老公唔係高登絲打巴打但有新店開將 , 要試包細細地支持下嘅等待小學雞新鮮製作之時員工托出一盆仔試食小雞包叫老公拎一個一人一啖試驗一下細細個好得意,個包仔大過卷膠紙少少咁叮叮一個都製作認真個包仔面少少脆, 包芯都有2款蔬菜絲夾住件小小雞一人一啖之下都發覺味道合適老公話下次可以食一個標準版大包 新鮮即製嘅細包裝小學雞到手哇...好熱呀!!唔等喇~熱辣辣即刻試食炸漿夠薄, 雞肉非常嫩滑一啖咬落去肉汁流出..漉爆左條脷輕輕醃過嘅雞脾肉完全冇過咸 , 而且雞肉味十足不過13蚊細包的既份量的確係少咗啲P.S. : 豪大要加油..如果唔係會比人地打敗架喇…查看更多

哇...又儲左3星期未交功課喇..快快趣寫先記得星期五同個朋友去咗星巴優優閒閒Hea左杯熱朱古力當晚就即時喉嚨爆開...痛到爆...痛到星期日仲變埋學友與Jimmy嘅Jimmy把一樣 (謎之聲 : 自己谷歌一下啦)所以一定要食啲流質清淡嘅野會舒服啲粥底唔香唔夠綿豬肚同瘦肉冇呢味道不過切得好細好易食表面冇錯係煎得岩岩好但係內裡...極淋...成件係粉得2粒火腿係入面...蘿蔔味冇食到一口粉一口油唔熱又唔滑..仲有小小一粒粒勝在佢地個麻醬夠香咋老公嘅炒麵 , 大大碟山仔咁炒得唔錯 , 爽卜卜冇燶肉絲白雪雪 , 但有醃過味可惜又係一大Pat我唔鐘意嘅憲ps . 茶餐廳式現代粥檔真係唔多掂…查看更多

今日紅日我都唔知曚下曚下 , 見到老公冇起身返工先知道好在雪櫃得2日送啫 , 唔係星期六冇得做食家喇多咗一日假就喺屋企休息下啦 , 順便要去拎返張電腦椅由於下午食左件公司冶 , 等下等下等到9點3先有啲想食嘢行到去金水 , 成日見佢地9半點都好多人排隊但次次都冇行埋去睇下做咩仲咁多人本身冇打算入去食嘅我八卦睇下Menu我os : 噫...石頭飯,試唔試下呢老公 : 喂好多位喎,食唔食呀?食就攞飛呀我 : 噫...喂,原來9:30有40%架喎,唔怪得成人9:30咁多人啦睇下Menu先~~喔,石頭飯冇折喎 , 咁唔食喇今餐由老公話事, 劃劃紙佢鐘意點乜就食乜啦湯底又甜又咸唔識欣賞不過油份極少要讚烏冬非好嘢 , 一包一包既質數天婦羅得芋頭最好食 , 但全部厚粉不新鮮 , 一早炸定凍晒 , 一凍炸粉就硬哇~~~托盆咁大喎濃湯濃湯..湯底一樣咸到震...材料足 , 2款菇類.黃芽白.洋蔥.豆腐豆腐口感很滑但較硬 , 食落感覺其實好假...透明嘅粉最好食 , 滑嘟嘟好得意架所有串燒麻麻 一來唔夠熱二來乾柴有時放題都會比佢好食少少飯少料多幾好丫 , 出面好多時都會係飯多蝦天婦羅失敗...蝦身1cm , 但炸粉起碼2.5cm手卷紫菜淋了..軟殼蟹凍的...單上仲話製作需時 , 誤以為即叫即做P.S. : 冷氣微細之下比我食到入口係凍的 可想言之本身只係暖 莫非一到40%之時所有食物質數會大變身 就如同我另一食評一樣 , 下午人少之時質數達標 晚上人多之時什麼奇奇怪怪情況都有 睇黎要搵一次下午再去研究研究…查看更多

迷之聲 : 是日星期三喎 ! 你唔洗做師奶煮飯咩?我 : 本身要架 , 咁我媽要陪舅母去辦啲事吖嘛..我要幫舅母帶住個2歲B呀辦完事8點幾9點 , 行到去商場媽咪話食過幾次唔錯因為媽咪偏向西式, 而我鐘意清淡家常菜所以呢檔嘅料理對我唔吸引不過成9點喇...我太餓要有米飯到肚加上比個八厭B攪到我7彩成個傻婆咁叫媽咪求求奇叫個飯比我食先有力氣湊B珍珠米煮得幾好, 水量控制得岩粒粒分明 , 唔會散收收亦冇痴實晒4粒蔬菜就咁用水烚熟 , 冇油冇鹽gd ! 我最鐘意蔬菜用水烚熟就食個汁輕微油油地 , 味道有少咸有菌味但汁裡面幾乎搵唔到啲菌咁滯雞肉表面柴內裡算嫩有肉汁始終有汁打憲嘅料理我唔鐘意食冇試過唔知好唔好食媽咪偏西式實話好味架喎大概15-20cm圓周係咪即係Pizza Hxt 嘅下午茶size呀?幾年冇食過唔知幾大呢個夏威夷都幾多料4舊件件滿料,茄味濃餅底唔得,麵包咁款..一啲脆都冇但又係油喎...令立立麵包加油....似麵包鋪啲Pizza包P.S. 漏單嚴重 !! 叫2樣漏2樣 !! 9點已經唔係人多 員工唔積極 , 身邊行過舉手當睇你唔到 睇到都叫你等等 , 等來等去一樣冇人理 冷氣比美雪房 !! 食物已經唔夠熱仲要凍 唔通係就黎收工趕客拿拿聲食拿拿聲走?! 所以不太滿意亦唔太快樂…查看更多

週日停煮日 , 出外搵食去呢一邊啲食店我地比較少地好幾間食店見佢地開開關關都冇乜試過行到去吉豬島買米亦見佢地有卡位一試無妨 , 但冇下次 ! 去片好似茶餐廳咁行去洗手間條通道放晒食材好鬼大廛好污糟唔知幾耐冇清潔過我手機係影得唔好不過大家唔信嘅可以去睇睇我唔想食佢地啲焗飯太餾麵類老公都唔想食但又想有米到肚So.....佢選擇咗個二人Set呢啲乜汁物汁同碟頭飯有咩唔同?事實上有啲客人嘅料理真係似碟頭飯一Pat Pat極咸嘅手撕茄子茄子咁索味洗唔洗博命調咸呀?冇茄子味, 淨係食到啲汁味味道已經零分煮到咁爛賣相更係負分食咗一條成碟丟咗去咸 ! 啲鹵水汁有冇用水開過架純鹵水汁去煮咸到爆炸喎豬肉又鞋又乾柴雞亦鹵水味入皮唔入心唔夠淋係得嗰半粒蛋好啲..點樣形容呢碟..??老公選擇嘅...將排骨雞亦炸左去淋葡汁邊到係葡汁吖...少少椰汁味都冇反而係好重忌廉味啲炸粉勁到呢...炸到乾柴...冇啲汁濕濕地點攪…查看更多

諗諗下對上一次飲呢啲嘢已經兩年前由兩年前開始食中藥一直好聽話戒口飲食清淡 , 戒辣嘢凍嘢甜嘢兩年黎睇住佢地開鋪到宜家我都冇動搖過但今晚食完飯我破左戒呀.....可能係比佢地隻杯吸引我掛btw .... 飲完後一股內疚感涌上腦雖然真係幾好味, 但為著健康我會堅持持續戒口試左一次我心滿意足架喇唔~~幾好味喎又!! 紅豆用糖水煮得好棉黑糖煮嘅珍珠感覺健康啲但似乎用得重手左啲喎黑糖就已經夠晒甜如果杯嘢仲要落糖咁係咪會太甜呢?對於我咁 , 走糖水就岩岩夠甜事關佢地紅豆用糖水煮過有甜黑糖煮珍珠又係有甜要飲的話我都係見議無糖足料 ! 飲完後仲有2cm高材料喺杯底抺茶味冇乜...奶味就勁佢地係咪都偏奶嘅呢?買一送一又延長到10月15號之前見到佢地去到9月底串燒買一送一 , 仲有埋焗飯同意粉可能係佢地隔離有檔日本嘢一檔街口都聞到嘅燒烤嘢啦唔整多啲 "花臣" 點得呢…查看更多

是日媽子舊曆生日問佢食咩佢話 : 龍華你都食過啦我 : 幾時呀?聽都未聽過喎媽子 : 攪錯呀!你搭火車小巴成日經過架啦我 : 唔識,唔知咩黎媽子 : 你一歲嗰時咪去過囉我 : 一歲 ?! 邊有記憶呀大佬 , 你帶路啦就係咁 , 等老公收工走入禾輋帶埋舅母表妹4大1細8點半開餐佢地食鴿食肉, 我就話要清淡多菜 仲有一個蔬菜煲唔記得左影相幾味小菜都屬於少油唔咸附合我成日講嘅清淡清淡清淡Kill Bill時6樣食品食咗六百三十幾雖然係貴到你唔信...但係媽子生日要求食乳鴿冇計架啦一家人黎吖嘛 !!時光隧道?古色古香粵話長片Feel露天茶坐,四哥寶珠Feel我唔好呢味...淨係試左一隻亦仔媽咪舅母老公都話好好味我又唔係好覺噃..皮唔脆肉咸唔咸唔油係我成日要求嘅Good ! 佢地做到西芹爽脆,雞丁唔肥腰果就差啲喇...淋晒臨上碟前先至落獲快炒先會脆一齊炒咪會淋晒囉甜菜即係菜甫 , 仲有冬菇絲甘荀絲金菇淨係用頭段嗰三份一黎整,所以嫩滑菜心係嫩嘅 , 平時一般咁粗嘅菜心會有渣又老呢一樣同樣係唔咸唔油合我要求嘅菜底個汁似乎係有魚汁成份嘅蒸魚豉油食過識整喇~已經列入本師奶菜譜雞味幾乎係冇但個粥底一定係用左花生不過一滴花生都搵唔到喎估計係蒸熟咗啲花生,磨碎用花生汁加入粥底所以好香 , 加埋生菜有咬口呢樣都係唔咸,我試下加埋啲菜甫落去,Good !!幾滑吖 , 豆香味濃輕微有小小渣,係好小好小起碼老公食唔出先啦有誠意用桂花糖好清新 , 花味食唔出我覺得係果糖味加入豆花後唔會蓋過豆香…查看更多

到咗最後一日假期喇黃昏去完屯門搭緊西鐵返黎荃灣嗰時老公話 : 不如食酒樓啦, 我想飲湯我 : 好呀 ! 中式好吖 , 放4日假亂咁食野 , 食返蒸嘢同蔬菜啦行到去2期2樓嗰兩間酒樓都唔岩食醒起地下有間未食過 , 落去睇下係咪有湯飲兩公婆全日處於"星期日後群症"又倦又呆滯門口餐牌真係有湯喎 , 事但唔行喇一於呢到啦豉油汁唔算好咸 , 但舊斑就過咸喎斑片蒸過咗龍少少 , 鞋鞋地豆腐係一般包仔豆腐 , 幾好丫對我呢個半個草植物性動物黎講豆腐好岩我食呀史x生湯底加咸旦滾湯..唉滾起放埋勝瓜豆腐瘦肉落去再滾起咁咋喎又係嘅...原汁原味點會咁嘅價錢同埋咁快上吖老公 : 幾好飲吖我 : 唔覺...佢都唔知係咪比出面啲濃味嘢寵壞星期一至五煮親飯都話我好清淡清淡有咩唔好丫 ?! 咁食味精有咩咁好先 ?! 又係味精底..落少啲用多啲水得唔得架蔬菜清清甜甜咪好食囉..攪到咁咸做乜鬼宜家啲人係唔係真係要食到咁濃味先叫好食呢?次次出去食完野我身上帶嗰支500ml水都要飲晒嘅不過呢個煲成個底都係用芽菜仔..可唔可話佢地慳皮咗啲呢...又花膠又螺片咁...下次想試下會唔會係得一粒先$450係咪真係會有人叫黎食架?…查看更多

是日星期日停煮日老公叫左我地個老友過黎佢地要飲酒, 我想食石頭呢到岩喇 , 1蚊任飲飲到人地收工啦呢檔對上次去食係九個月前嗰次我同老公食完發覺唔妥第2日老公話個肚唔舒服同埋有瀉而我就咕嚕咕嚕,頂住頂住去覆診醫師把脈話我冇理由有藥食緊會忽然胃熱嚇到我魂魄唔齊... 唔通經過年幾兩年嘅調理最後都出事好彩我同老公兩日後已經平定返冇事喇..謝天謝地嚇到失魂嘅我話 : 呢到唔可以再食架喇 , 你老婆我嘅精神狀態唔嚇得九個月後今日我食言....又再黎食因為好懷念嗰種滾到嗶嗶巴巴起晒泡嘅Feel呀佢地開冷氣開到雪房咁...食石頭好溫暖呀好滾好滾好熱好熱 , 嗶嗶巴巴起晒泡 , 鏡頭都霧埋烏冬好普通一包包唔彈貨色蕃茄味岩岩合格 , 豬軟骨入味仲有半隻糖心蛋因為極滾關係 , 所以一路食啲湯會一路少好似我咁食得太慢就算唔飲個湯最後都會得返幾啖架咋..哈哈不過成個湯底對我都係偏咸偏味精老公 : 又係你話要黎食嘅唔記得左肚痛呀你我 : 係呀...咁我鐘意睇到佢滾到7彩嘅感覺丫嘛 老友似乎食得滿意連湯都清埋 , 本師奶用眼睇估計會咸啲噃材料好滿 , 但湯底可以話係少水底層係娃娃菜 , 係咪日式嘅都係咁擺盆架呢?慢慢滾林啲娃娃出水 , 成煲材料就會向下沉個湯底...My God...好咸呀...係咸到那脷喎日式鍋係咪有種湯底係會咸到咁架?比我要倒淨一湯匙全部加水先得喎點解我老公同老友好似冇感覺咁架...有六片 , 老公老友對分 , 佢地話好林好得喎我唔食牛唔識睇 , 咁即係靚唔靚呢 ? Good ~ 成餐得條魚唔咸唔油 , 凍左都唔腥燶皮由佢 , 搣走去唔食1 蚊1個人任你飲 , 老公老友一人一蚊飲左10罐Kill Bill 三百四送左3張 , 一個月內用唔....可能未必再去食架喇九個前都係驚驚地...有幾條好似熱帶魚噃 , 唔會係食得架嘛....旁邊冰上有2隻長腳蟹嘅腳同埋鮑魚定係蠔??(我識分架..不過冇行過埋去睇丫嘛)總括報告 : 環境幾好唔迫夾 , 雖然假期一到佢地多人到暈但係幾次行過都發覺佢地堅持2個人比你坐4人位 , 3.4個人比你坐6人位冷氣開到行..女仕們,小朋友,身子弱記得必備件披旁身免受風寒員工有禮 , 小心提醒 , 主動加水食物質數一般, 對我成日要清淡清淡黎講佢當然未合格半開放廚房睇到師傅整爐端燒刺身 , 擺放企理乾淨開飯總部Over ~~ 尖兵jszesze報告完畢…查看更多

中秋節老公放4日假緊係去行下走左出去深水買防潮櫃同埋手工材料老公話餓到7彩喎咁最近鴨仔街咪走左上去西九8樓食野本師奶一向對Food Court冇引頭上到去行一個圈冇間岩又3送飯又車仔麵又餐肉腸仔咁...真係唔想食我話 : 走啦不如,唔食呢啲得唔得呀老公 : 我食咩都得,係你咁煩架o者,咁食咩你帶路啦(我os : 鬼知深水有咩好食咩...)結果又再行多一圈見到一檔...噫!外國人黎嘅?!同埋店員唔識中文喎!!好啦!!就呢檔我地食咗一個鐘都冇見到講中文嘅人去食呢間但就有好多我估計係中東人同菲國人去食咁大個女都未食過土耳其菜,轉轉雞即係咩呢我 : ar...this one , number 42店員 : chicken or lamb ? chicken right ?我 : yes , chicken , thank you店員 : spicy ? 我 : no thank店員 : ok , $40 , please wait 2 minute攪掂 ~ 搵位等食老公幫我拎埋黎之後我一睇我OS : 大滯....咁多Sauce...餐牌冇汁架喎呢個時候老公拎咗佢食嘅泰妃雞飯返黎好想同佢換, 因為冇汁又係胸 , 雖然佢啲飯黃色...算喇算喇...試一啖唔得先算啦噫 !!! 好食喎 !!!雞肉得呀 , 碎薄碎薄一啲肥都冇最重要佢做到我成日講嘅要求就係唔可以過咸 , 呢一間合格喇 !! 雞肉唔咸 , 淡淡煙燻咪個Sauce好得意又白又綠本來心諗佢一定會漏到驚但唔係噃 , 算係清架喎但我食唔出用咩整 , 可能係佢地嘅地道Sauce黎掛個飯又係得意 , 因為我食到有珍珍牛仔片嘅香味有青瓜 , 蕃茄(唔腥,明顯有製作過唔係生切) , 生菜 , 洋蔥成碟最咸係蔬菜上呢啲啡紅色粉唔係7味,唔係味椒,唔知係咩黎架呢?粉咸冇相干 , 因為我可以撥得走 走人嗰時再睇下間鋪入面先見到有2大串喎...哦..轉轉雞知道喇報告總結 : 下次再去深水可以再食 , 羊肉本師奶唔岩 , 比唔到意見Sauce雞肉岩岩好 , 打破我一直認為所有外國食物都係極濃味極咸店面乾淨 , 見唔到周圍油煙 , 店員友善 , 老外老闆仲熱情 開飯總部Over !! 尖兵jszesze報告完畢 !! …查看更多

又到星期六停煮日幾乎成個荃灣都試過晒仲有咩好食呢8點9時間唔早喇就食烏冬啦成部手機咁高,有芋頭.四季豆.洋蔥.紅蘿蔔,白蘿蔔蓉.薑蓉.蝦唔會炸到乾柴,但係4樣材料都同一個味道..係得件甜旦個味出色啲,其他冇特別好味同埋散收收,一夾就散喇因為佢少肉多素同埋有南瓜汁所以我叫左呢個名就長喇..但係食落絕對唔似佢個名咁勁仲以為南瓜汁會清爽結果發現個汁唔係純用南瓜肉打汁出黎嘅係加左忌廉同埋奶黎打...口感冇錯係會好Smooth但係咁整我覺得過甜好鬼漏呢...咁又係嘅..下下都成個成個純南瓜咁打汁喎點會有連鎖食店咁整吖...唔洗人手成本咩我老公話 : 咁妳要食純嘅返屋企自己打啦咖哩湯底出奇地唔過咸唔係咖哩磚煮出黎嘅湯烏冬尚算彈牙個醬好味,唔知係唔係現成有得買呢,因為好幾檔日本野都有咁嘅味嘅醬豬掛鬆化唔厚粉真係唔係好油,但係味精真係冇咩...??唔..…查看更多

又一星期2日嘅停煮日喇老公話好耐好耐好耐冇打過冷問我可唔可以食喎,我真係唔想以前未食中藥嗰時好鐘意去食架宜家食咗之後覺得打冷呀茶餐廳呀好污糟又打憲打到7彩..醫師成日提醒我要養生清淡吖嘛不過算喇一次半次,老公話要食嘛唔講您唔知架 , 明記以前係喺埋面食嘢街嗰到宜家賣刺生壽司同7仔呢2間鋪就係以前明記喇以前佢地做家庭式嘅生滾粥呀煲仔飯呀炒粉麵老細啦,事頭婆啦,細佬啦,家姐啦,阿妹啦一家打理想當年舊鋪年代佢地又親切嘢食又好味 !! 又唔會過咸喎 唔似宜家咁...咸魚翻生搬咗鋪改埋做打冷之後樣樣嘢咸到爆落味精落到唔洗錢咁...打憲打成點睇相都感受到仲有呀...啲廚房大佬一路煮一路煙駁煙...睇到就唔開胃就算以後人多到坐到去隔離街都唔會主動再幫襯你地架喇明記呀明記..唔好攪打冷啦你地點解雜菜煲都整得唔好食架..咸到班腩啲粉厚到震..豆腐冇咩問題,係燶左仲有個煲仔真係有洗乾淨架喇咩?真係唔識形容...雖然冇呃秤係粒粒有蜆肉但係個味大滯呢...咸就唔在講架喇..啲憲汁真係多謝晒佢…查看更多

又到星期日外出搵食日呢檔我地兩公婆已經上個再上個星期食過一次架喇點解咁快又要食過呢？唔通真係好食得咁交關？咁又的確係過到我呢個尖嘴嘅，等陣再講實情係上次黎食嘅時候我睇中左佢地嘅包箱設計同埋昏暗燈光但係2部手提冇電..一部Tab太黑影唔出..一部Pad鏡頭爛爆唔洗講所以呢個星期日一定要再黎影同埋岩岩先做左個單反師奶....更加要試下部機影成點丫嘛果然 ﹗單反新手影嘅相都唔知似乜...哈哈一星期2日嘅報告又完畢喇 ~~ Over ~~ 去(相)片如果係2道門同埋燈光調暗啲我更加鐘意，L型坐椅咁坐入面嗰個唔洗一睇睇到對面房仲有鐘比客人禁黎叫人架，實際上用途唔係咁大，因為服務員行來行去有個套套好，感覺衛生﹗有誠意大大張，攤開大過張台滑旦果然夠滑，夠汁得黎唔會出現成個碗底都係汁咁恐怖，豬排夠鬆化，用匙一切就切開終於食到一檔湯底唔過咸嘅麵喇，黑芝麻味未足夠，拉麵都好普遍，雞絲冇肥冇皮鐵版咁上一個弊病就係好油，呢到用大量洋蔥蒜片隔開墨魚咀，咁就冇咁油啦一般炒椰菜紅蘿蔔加啲木魚碎咁樣，但啲汁對我黎講都係咸，可能真係我個人清淡左…查看更多

又到周六停煮日出去搵食因為想去買單反所以走左過黎食飯過到黎6點半又已經度度爆棚都話星期六日要早架啦對上次黎食都起碼3個月前喇今日過到黎見佢等2張就等啦反正成個商場都多人都嘔架喇3個月前中午黎食嘅時候好好多味道正確唔過火,又夠熱今日黎到食晚飯情況原全唔同迫夾冇可能傾私計,左右包抄大排檔咁嘈華人多到櫈都唔夠坐竟然出動有背摺櫈?!坐底Order完可以唔洗3分鐘上菜!!就算一早整定都唔好咁明顯吖咁樣比我感覺超級差嘢食同中午比較又乾又咸又唔夠熱下次如果再食的話一定要中午食先掂報告完成~~~OVER…查看更多

又係星期日唔洗煮6點鐘打算食完嘢睇戲噓不知喺屋企有得睇..慳返本身我想食紅米飯架老公話不如食雞飯事但啦咁，平時佢冇意見難得有意見就去啦叫咗個海南雞2人Set老公話要食脾同翼咁岩啦..本師奶淨係食胸唔係佢話要食脾同翼我就食豬手架喇呢檔野豬手比雞好食得多都幾嫩，皮肉易分最緊要冇紅吖嘛我好鬼怕有紅..小小都唔得一有紅我就全部都唔食不過冇咩雞味..唔點汁就好清淡架喇我地兩公婆習慣清淡可以唔洗點嘢要左半打串燒3串雞3串豬，牛唔要!!我地戒牛唔太好..一來好油二來好燶..唔得掂唔點汁都夠味夠到過晒龍冬瓜清雞湯太多味精喇比x雲生清雞湯仲要咸雞油飯雖然香，但真係太油食完先知可以要普通白飯早知食白飯啦老菜心...得啲啲咁多...個Set包埋嘅班蘭椰汁榚成舊野搽左層油..甜品咁油好鬼怪…查看更多