ckshkhk的个人专页

黎左黃大仙做野，夜晚一個人係附近搵食，黃大仙中心入面既餐廳多數要等位，所以黎左現崇山睇下。路過見到呢間餐廳d價錢都幾經濟，所以入左黎試下。套餐餐牌有十幾款既選擇，包一杯飲品，如果要轉特飲既話，杯特飲就半價。我叫左香茅雞肉撈檬同熱檸茶，撈檬既汁係任你自己加既。d撈檬份量好夠，但雞肉冇乜香茅味，而撈檬個汁都同其他越南餐廳既味道好唔同，酸同甜味都唔夠出。整體黎講間餐廳真係只係畀我填肚...食物質素同服務都好一般...見隔離枱岩岩一停手冇幾耐，d侍應就趕住收左你d食物同飲品，畀人有種嗺你走既感覺，但明明仲有大把吉枱...…查看更多

今晚帶左一位外國既朋友黎飲茶，九點鐘黎到，唔駛等就可以入座。入到去，見餐廳都有八成滿，但環境唔算太迫。睇menu 見套餐都幾多野食，所以我地叫左個套餐。二人套餐入面，你可以揀兩樣頭盤，一種飯或麵，同埋一樣小食。頭盤我地揀左雞絲粉皮，七味茄子。雞絲粉皮d 麻醬好濃郁，味道係唔錯；但雞絲好少，同埋d 粉皮太碎，似銀針粉既size...七味茄子朋友話好好食，因為佢係外國食開既茄子煮得比較爽身，而呢度好淋。但我覺得顏色唔錯，以為好濃味，但食落味道淡左d。之後呢三樣係跟餐一定有既，分別係睇住流奶（奶皇包），椰子煲雞，炸雲吞。奶皇包熱辣辣！中間你係流心架！好好食！椰子煲雞，佢已經起晒d 雞骨，清清地都唔錯。炸雲吞都係即炸既，脆卜卜，加埋甜酸醬，好夾！最後小食同飯我地叫左炸魷魚同櫻花蝦炒飯。炸魷魚同大牌檔既質素差好遠，d 粉醬甩甩地，味道淡，魷魚唔夠爽口，唔太掂。炒飯都係...太淡口，櫻花蝦有d硬，唔好食...最後埋單$499, 呢個價錢黎講質素應該可以再好d... 下次如果再黎都係散叫點心可能仲好…查看更多

去完旅行返到香港，一早已經訂左黎機場富豪食buffet, 可以落機拎完行李就行過黎食。我地12點半左右先黎到，全場都已經爆滿，大半都係本地旅行團。出到去想拎野食，點知見到八成既食物都畀d 旅行團掃晒...連想搵隻碟都難...咖哩海鮮無海鮮得返d 汁..豆腐花得返d豆腐碎...凍海鮮得返幾隻青口...沙津菜都可以清光！要等成團人轉戰甜品既時候我地先有少少野食...好失望！下次book 之前要問下佢地有無旅行團，有就真係唔好黎！…查看更多

前一陣子好多人推介洪芳既午餐，但lunch 抽唔到時間黎，唯有試下佢地既晚餐啦。餐廳位置唔太難搵，柯士甸站一出好快就行到。鋪內有幾枱客人，但未滿座，我地一黎到就有位。老闆推介我地叫套餐，我地見都幾多野食就叫左。第一道係椒鹽金菇。金菇係一條一條唔係一束束，所以成條都好脆口，食落唔會好油膩，好食！第二道係果味淮山。淮山冇調味，味道係靠酸甜既果醬。作為頭盤好開胃！第三道都係頭盤，麻辣既青瓜加上素肉，亦係開胃菜之一。第四道係炸茄子，但因為茄子本身好索油，所以呢個餸只係一般...第五道係咕嚕肉，酸味同甜味好平均，用猴頭菇做既咕嚕肉同真既口感好似，好食！第六道係南瓜素翅，素翅份量唔多，南瓜亦冇乜味道...一般第七道係黃金素魚，魚係用腐竹去扮既，好滑第八道係腰果火龍果炒素牛肉，呢個菜比較普通，似一般既炒齋菜咁。第九道係芺蓉蛋，都係用腐竹炒出黎既，我覺得幾似真既蛋，但有食開素既朋友話其他餐廳做得比佢好好多...第十道係福建炒飯，炒飯幾夠鑊氣，又足料，成個飯唔會乾身，幾好！最後仲有甜品，芝麻糊，但好一般...水汪汪...同埋好稀...唔夠黑芝麻既味道...全晚最敗北既一個餸。總括黎講...6人餐有成10個餸...只係700蚊左右，係非常抵食，質素都算過得去，但仲有進步既空間，希望佢地可以keep 住有進步啦！…查看更多

朋友話呢間鋪就黎租約滿唔做，所以專登黎食一次。餐廳位於太子同深水埗中間，可能因為地點唔太就腳，就算係晚市都仍然有空席。我地見佢手寫左十道左右既菜色名係牆上面，應該係推介菜黎，所以menu都冇仔細睇，就散叫左幾樣食物黎share。日式餐廳當然要叫壽司啦。我地叫左一份4人份量既壽司拼盤，賣相好吸引！魚生食落既口感同真既魚生好似！少少爽口得黎又滑。炸軟殼蟹卷既軟殼蟹脆卜卜。仲有佢地既wasabi好夠辣，點左少少都已經好有感覺！好食！食完第一碟之後，我地再叫多一碟卷物。係牛油果卷同芒果卷，今次呢碟都好食，不過比較起上黎拼盤會好食d,呢碟相對平凡左d...下一個黎既係pizza, pizza 底唔係麵包黎，佢用左filo pastry 做底，脆口得黎又唔會好似酥皮咁油膩。pizza熱辣辣，佢既料亦都好足，抵讚！最後叫既係意大利雲吞，雲吞皮幾彈牙，成碟餸有ｄ芝士味同菇菌既香味，好濃郁！主打日式素食既店鋪係香港唔算多，呢間店既質素其實都幾好！無奈香港租金太貴，老闆唔繼續做真係有Ｄ可惜！…查看更多

東涌既食肆其實好多，但lunch time有幾間通常都比較多人等位，呢間就係其中一間，難得今日比較少人，所以就黎左試下。雖然見到入面有空枱，但侍應都係叫我地企係度等，等左五至十分鐘先叫我地入...餐廳有午市套餐，包一份主食同一個小食，唔包飲品。我叫左個牛丸湯同香茅雞肉撈檬。牛丸湯個湯底好清甜，雖然細細碗，牛丸既份量都唔少，唔錯！而香茅雞肉撈檬，d 雞肉好入味而且仲煎得好juicy, 撈檬份量都幾大，最後太飽食剩左少少...…查看更多

Green Monday 同幾位朋友食素，就搵左呢一間蓮花素食。本身一聽間餐廳個名，就覺得應該都係普通傳統中式齋鋪...賣芋頭魚，酸齋果d...但係原來都有d 幾得意既餸菜喎！一坐低，店員就畀左餐牌同兩碟小食我地，係酸辣既荳芽，好開胃，我地未揀完野食都已經清晒兩碟！餐廳其實有提供套餐，但係我地有d 想試既餸套餐入面係冇，所以我地散叫。一人一碗既例湯，好甜同幾足料！素東坡肉，個樣都好似肉，應該係蒟蒻製，少少彈牙，但係味道唔太突出避風塘鹽酥雞，佢入面應該都係豆製品，岩岩炸出黎熱辣辣，好脆口，味道調得同真既鹽酥雞一樣！好食！涼瓜煎蛋，呢碟朋友話必叫！點知真係好食！因為係素食，所以用既唔係真蛋，而係用腐竹黎去煎。食落去好滑，煎得岩岩好，同煎蛋既感覺好似！滿分！最後一道係香草南瓜焗飯，一開頭以為會係橙黃色咁，但佢一拎出黎，同想像中既好唔同，好多香草，個顏色唔係咁吸引...一放入口...好濃郁既香草味，南瓜一粒粒但係好淋，入口即溶！好味道！畀佢個樣呃左！全晚最好食既就係呢碟焗飯！總括黎講，質素真係幾好！好有驚喜，價錢都唔太貴，一定會再黎！…查看更多

成日聽D食素既朋友講心齋好好食, 今次終於有機會黎到試一試!同班朋友行完上山頂, 之後就黎到心齋食lunch我地叫左個套餐一齊食，頭盤主菜同甜品都有齊！頭盤份量比較少，我地六個人，一人只係分到一口...同埋冇咩特別主菜方面，呢度既素菜唔係扮肉果一種，多數到係菇菌類，全部都係即製，因為要等一陣先有同埋熱辣辣！最後有兩樣甜品！清清地唔會太甜！整體黎講食物質素唔錯！但係貴左少少同埋比較難黎，雖然係咁，下次都想黎試下食點心！見好多枱都叫點心食，個樣都幾吸引！…查看更多

因為我地係會員，有生日優惠，可以二人同行一人價錢去食，所以我同媽咪一星期之前已經訂左位去食lunch buffet.我地揀左食第一輪，11點九開始。我地12點左右到左，全場已經差唔多滿座。一黎到，我地就即刻去拎海鮮！海鮮既種類好多，有生蠔，凍蝦，青口，龍蝦仔等等。生蠔雖然唔係即開，但味道好鮮甜！我地每人食左６、７隻！龍蝦仔都幾大隻同埋多肉！整體黎講真係唔錯！之後我就轉食d 芝士同cold cut，都幾多種唔同既選擇，用黎夾熱辣辣既牛角包一流！餐廳其實仲有好多熟食既選擇，但因為我地唔太好熟食，所以冇咩點試到...只係試左呢個海鮮雜燴同埋龍蝦湯，味道就一般，正正常常，冇咩特別....最後當然係甜品時間啦! 咁多種入面我最鍾意朱古力撻，好濃郁！又唔會太過甜！另外仲試左黑森林蛋糕，不過麻麻地，車厘子冇酒味，所以只係個普通既朱古力蛋糕...酒店供應既係H記雪糕，最驚喜既係竟然有期間限定既味道！就係薰衣草藍莓同埋櫻花櫻桃味！當然要試呢兩隻味道啦！加加埋埋食左６球雪糕！好滿足呀！整體黎講呢個價錢食酒店buffet都算幾抵食，我地兩個人加埋只係４百蚊多少少，食到呢個質素真係唔錯！之後有機會都一定會再黎！…查看更多

晚上來到已經有人在排隊，朋友要遲一點點才到，本來打算先拿位子，不過店員回覆要齊人才能登記及入座，唯有在門外多等一會。花了半小時等待後，終於能夠入座。這時大家都已經很餓了，所以立刻拿起點菜紙點菜。其實肉類選擇不是很多，不少都只是以不同的調味方式去處理同一部位而已...沙律很普通...不過總算有點脆度肉類比較肥，味道有點淡...這碗的湯頭都是很淡...總括來說，食物及服務質素很一般，不值再來...…查看更多

看到不少人對Cafe Too的評價不錯！終於有機會試試這裡的lunch buffet了！場地雖然大，可是當天坐滿人後其實有點擠，而且椅子的手把有點阻礙出入...其實食物選擇是不少的，可是都是一些普通的食物，海鮮類只有普通的凍蝦、長腳蟹、凍蟹青口等...甜點方面看起來好像很多，但其實櫃內有些是重覆的...先來點芝士和餅乾作頭盤，藍芝士味道很重！不錯！可是魚生切得過厚，吃下去有點膩...吃著聽都鐘聲響起，原來是燉湯出爐了。燉湯味道非常濃，湯料很足！整體來說，Cafe Too不是不好，只是價錢過高。我覺得九龍的Cafe Kool好像比這裡更出色...無論是舒適度、食品或是價錢...…查看更多

晚上到了尖沙咀吃晚餐，選擇了這一間Ebeneezer's Kebabs & Pizzeria。一坐下來先看餐牌，其實食物款式很多，kebab, pizza, 印度飯, 咖哩, 薯條, 沙律等等都有, 價錢亦不算太貴。因為不是太餓，所以我點了一個Greek Salad。沙律內除了有蔬菜外，還有Feta Cheese和橄欖，上面還有橙色的辣汁和乳酪。感覺很清新很健康！另外我們亦點了個Lamb Kebab。如果是喜歡吃羊肉的人，必定要試試這個，羊膻蠻重！而且份量也不少！不錯！最後，要留意的是餐廳不是太大，臨離開時更坐滿客人，可能會坐得有點擠...…查看更多

在咖啡弄剛在香港開分店的時候已經很想來試一下，但每次見到長長的人龍都已經嚇怕..幸好今天時候有點早，排隊的人不太多，所以就決定來吃晚餐。一入坐侍應就提醒我們90分鐘就要交枱，不過其實時間都很足夠，因為上菜都不用等太久。每人最少要叫一杯飲品，我們先叫了冰鮮果茶，裡面有很多不同的水果，酸酸甜甜，不錯！咖喱牛腩佐法國麵包法包配上咖哩汁不會很膩，咖哩味道很香，入口有一點點辛辣的味道，美中不足的是...部份的牛腩還是有點硬，這方面有待改進。優格野莓冰沙個人很愛喝酸酸的飲料，這杯冰沙非常合我的口味。冰沙中有一顆顆雜莓粒，實在是真材實料！現烤燻雞吐司披薩吐司披薩份量有點小，賣相亦不太吸引，芝士很多，可是整份燻雞略為鹹了一點...鲜果冰淇淋鬆餅來到必點的鬆餅，鬆餅配料選擇很多，我們點了鲜果冰淇淋。不過有點兒失望，鬆餅不夠脆...御茶之水棉花糖冰淇淋最後是棉花糖，棉花糖不止賣相獨特，食法也很特別，先要把咖啡倒在棉花糖上，待棉花糖融化，而下層是雪糕，剛剛吃是不錯的，可是吃到最後便覺得愈來愈甜...總括來說，咖啡弄是值得一來。雖然價錢不太便宜，但食物份量偏大，很適合和朋友們一起分享！…查看更多