pigggwai的個人專頁

🤪雖然已經開番關，可以自由進出日本，不過，如果仲未攞到假飛去日本嘅話，可以試試依家位於元朗嘅日本餐廳，裏面嘅裝修有少少似日本當地嘅燒烤店🤭，嘢食方面，比我想像之中高，價錢亦貼地🤭，可以嘅話我相信都會叫朋友一齊嚟元朗食，仲要而家佢哋兩周年送咗個蛋糕仔俾我食，平時做嘢咁攰見到呢個小驚喜，覺得好窩心，好滿足🥰🥰🥰雞軟骨 x2德島縣雞肉串x1雞軟骨比我想像之中入味同有咬口，而雞肉就有汁😍😍味噌甲羅燒呢個日本喺香港都第一次食同日本好相似，唔會好重味，蟹加飯，正呀！總括而言，所有食物我都會去再食多次，因為真係好好食呀！…查看更多

沖繩海葡萄配白酒松葉蟹柳茶碗蒸蟹籽 白果 冬菇 魷魚 蟹柳鮮鳳寺生蠔味道鮮甜濃郁，口感嫩滑，肉質柔軟刺身三味真鯛仙台帆立貝 彈 鮮甜沖繩紫海膽醬油漬豪蝦用蘭王蛋 蛋味香濃，蛋黃加蝦油挑走蝦腸，蝦腸本身嘅位置解開咗，令到蛋黃可以融入 墨魚壽司+台灣烏魚子墨魚甜味不是好重，脆感最為突出，配上烏魚子既香氣四溢，入口完全可以feel到細膩既質地金目鯛有豐富油脂，香氣都好濃郁，肉質鮮甜深海池魚 +芝麻肉質鮮嫩肥美，脂厚油香，入口魚油甘香細膩，加芝麻 令整個配搭更有香味層次池魚壽司+薑蔥肉質結實帶高油份，口感爽口而彈牙，味道清甜鹽漬清子雕 +醃櫻花葉師傅話係一款剛剛出世冇耐既魚，所以一聽就知，魚肉一定好細嫩，食完真係不出我所料，魚肉味香濃中拖羅-係最接近魚鰭既肉，口感豐富，入口即溶，脂肪較大拖羅少，所以食起黎冇咁油大拖羅油脂甘香，入口即溶，油脂包住飯粒 魚油香十足金雕立鱗燒+牛油果醬立鱗燒面頭有三文魚子、用筷子輕輕掃過會好明顯聽到立鱗燒鱗片既聲，配埋牛油果醬好清新鯛魚白湯呢個湯一定要趁熱飲，凍左小小既話冇令魚香味道減少，熱飲最香濃佐賀縣蜜柑超級超級甜既蜜柑，唔夠喉，好想再食…查看更多

好耐之前都有食過聚豐燒鵝小廚，今次又食咗啲新嘅嘢 介紹俾大家冰震脆脆菠蘿咕嚕肉$118第一次食咁有新意嘅菠蘿咕嚕肉，佢最有新意嘅地方係，有好多冰粒冰住d啱啱炸起嘅咕嚕肉，可能因為冷縮熱脹，正常炸完嘅咕嚕肉，如果冇冰嘅話就會好快令到外層炸過嘅肉變淋，而佢哋呢個就可以keep住成舊咕嚕肉都係脆嘅，側邊仲有啲菠蘿同埋哈密瓜肉 好有新意，見每台都有客人叫呢個嚟食，而且肉係肥瘦適中，唔會好肥，食到最後會見到有塊隔住嘅墊，係防止啲冰融左之後，啲肉會掂到水 杏仁霜$17味道唔甜 如果想飲得甜啲可以加糖韭菜花炒蝦仁鮮魷$108韭菜花夠晒青綠色 完全冇臭青味 蝦仁同先有都好夾 勁好送飯 鮮魷同蝦仁唔會腥脆米蛋白炒飯$98超大碟嘅炒飯 好抵食 每一啖飯都有好香嘅蛋白，仲有超有口感嘅脆米👍🏻…查看更多

早幾日同朋友去屯門行街，經過錦薈坊嘅時候見到間新開嘅蛋糕店，見佢哋都有好多隻味道嘅蛋糕，有散裝亦都有唔同磅數嘅蛋糕，勁多口味選擇，聽店員講佢哋嘅蛋糕都要提早order 紫薯拿破崙 $44紫薯味道好香甜，唔係死甜嗰種，佢嘅擺法就有啲唔同佢嘅拿破崙係打橫瞓低嘅 ，正面係睇唔到有吉士醬，要喺側邊睇先睇到😆芒果拿破崙 $58呢款係人氣之選No.1 芒果酸酸甜甜，都係爽口為主，拿破崙勁重牛油味，每層口感都行鬆化，有兩層嘅吉士醬，配埋芒果同拿破崙一齊食，好有口感 吉士醬邪惡得來，又唔會太甜…查看更多

今日同朋友嚟到人煙稠密嘅旺角，由於我哋都各自食咗正餐，但係又想坐低食少少嘢傾吓計，喺OpenRice search到呢間 Lucky Ristorante見到佢哋嘅Menu可以用優惠價錢揀小食，當時揀咗$88兩份小食，另外都可以用$128揀三款，我地食咗以下嘅嘢俾大家做個參考飛魚籽芝士醬薯條Flying Fish Roe and Fries with cheese sauce本身薯條已經好脆卜卜，仲要有埋飛魚子，好夠鮮味，再配埋芝士醬，真係好邪惡天婦羅海苔魷魚Tempura Squid with nori天婦羅魷魚，第一次食，平時嘅天婦羅都只係用蛋漿炸，但係呢款嘅天婦羅蛋漿有埋海苔，食落去好鮮味，仲可以加少少檸檬汁👍🏻…查看更多

同男人成日都過黎食lunch既鋪頭 #千杯串泡菜炒豚肉定食$68呢個泡菜豬肉定食味道唔錯，除咗泡菜仲有洋蔥，口感豐富左而豬肉嘅份量都算多，配埋味噌湯同埋茶碗蒸都算係抵食。銀咖喱炸雞湯烏冬$68呢款湯底係咖喱味，咖喱嘅味道唔會太濃郁，可能小編個人本身食咖哩唔鍾意食太濃味，個味道都幾啱我食，而且烏冬唔會好淋，係爽口彈牙嗰隻同埋天向幼身。最出色嘅係炸雞， 炸粉好薄，同埋本身調味有點鹹味，額外都有沙律醬，唔加沙律醬基本上都 好好食！不過呢個唔係定食，所以冇茶碗蒸食，大家要留意！…查看更多

之前約咗個朋友喺元朗睇戲，睇完戲想食打邊爐，但係朋友就想食燒肉，跟住就諗起有間餐廳可以打邊爐又可以食燒肉，食咗以下嘅嘢俾大家參考牛舞日本燒肉‧涮涮鍋放題 (元朗)元朗元龍街9號形點1期1樓1073號舖嗰日揀左最貴嘅價錢係$588，加多$60有一個任食涮涮鍋底，我哋揀咗牛骨湯，另外仲有三款唔同嘅湯底可以揀，有冬陰功、豆乳魚湯、芫茜豚骨湯因為平時見呢間餐廳晚市好多人排隊，所以都甚少喺呢間食晚市，今日咁啱諗起，晏晝就食佢啦！一開始會供應一盤牛舞拼盤，拼盤入面有薩摩和生牛肋肉、樂天澳洲和牛腹肉、美國Prine生板健、厚切豚腩肉、安格斯一口生、牛舌薄切、雞腿肉，我個人就最鍾意食牛腹肉，因為冇咁油膩，肉又多啲薩摩牛佢哋好出名嘅薩摩牛，肉質呈現雪花紋理，非常之靚，食落口油脂感十足，鍾意食重油脂嘅朋友，唔好錯過呢款牛牛舌大小同厚度適中，燒起上嚟好容易熟，加埋少少柚子醋好好食😋熟食區有少量嘅熟悉比客人揀，炒蜆同埋炸金沙骨，都幾好食 熱辣辣 ，炒蜆食落口冇沙，鮮甜，另外都有白飯同埋湯提供炸物-脆皮香蕉好香麵包好味，外層酥脆，咬開會見到好似麻糬嘅餡，好煙靭，唔會好甜，亦有淡淡的香蕉味😍-榴蓮炸彈鍾意食榴槤嘅朋友一定要食，好濃郁嘅榴槤味，一樣外層酥脆，食完再食😋海鮮-香草牛油帆立貝勁大隻嘅帆立貝，充滿香草同牛油香，食落好鮮甜-牛油清酒煮蜆一樣有牛油香，同時又有清酒嘅味道，蜆肉大細適中，冇沙刺身最鍾意係北寄貝、八爪魚同帶子，好鮮甜，唔使加芥末同醬油都得甜品喺自助區比客人自己拎，食咗雪條同埋雪米糍，推介草莓皮紅豆餡 另外一款係綠茶紅豆餡，大大隻好煙靭 紅豆餡偏甜…查看更多

最近去屯門搵朋友食野，就近近地係佢屋企樓下搵野食🤣胡椒豬骨湯米線 $33配料有粟米粒、豬頸肉、生菜、花生、蔥花、芫茜等，額外加2個送辣腩肉同豬大腸呢個抵食夾埋52蚊有豬頸肉，辣腩肉同豬大腸。未撈埋之前試左個湯，胡椒味辛味好勁，夾埋辣腩肉個汁就多左後勁，兩種味道都好夾唔會搶味，豬頸肉嘅份量多到好似小食咁，辣腩肉外皮煙人，肉質結實，肥瘦分明。好好食！豬大腸本身有調味，夠肥、軟嫩，啲餸同配料放到成碗都係，食極都食唔完。麻辣撈水餃 $37水餃好大隻，皮唔算厚，好多餡仲有少少汁。加埋鋪滿涼拌辣汁，仲有好多辣椒籽，越食越香，食到滿頭大汗好過癮。菠籮七喜特飲都係加$12唔算貴，入邊仲有菠蘿粒，有口感而且味道亦唔會太甜，消暑解辣都唔錯。…查看更多

滿屋日本料理 (眾安街) (荃灣)荃灣眾安街55號大鴻輝(荃灣)中心10樓好耐冇同朋友食過放題😆荃灣滿屋 我次次黎親都係食呢d，揀咗D set 極致 $558，平日早割時段，150mins，真係冇得輸🤤一個價錢就可以任食自己鍾意嘅嘢 ，佢哋主打，拖羅、加拿大海膽、龍蝦、鵝肝加拿大海膽刺身食落勁香海膽嘅甜味，仲有啲三文魚子，同青瓜一次過食勁有口感🤤🤤豉椒炒蜆呢個勁鮮味， 就算有豉椒都冇掩蓋過蜆肉嘅味道😊😍👍🏻蜆肉都算大粒御品鮑汁燴花膠女士恩物呀，勁大塊花膠，汁又唔會好鹹仲有啲菜🤤黃金燒扇貝黃金即係芝士，好鬼邪惡，仲有啲青椒粒好有口感，扇貝大細適中西京比目魚呢個比目魚真係好出色，味道似係燒汁，唔會好鹹，魚嘅正中間有一條正骨，肉冇骨 好方便進食日式炒什菜均衡飲食點都要食下菜😝雜菜炒得好爽口唔會好淋，係我鍾意嘅口感鹽燒牛舌牛舌完全可以媲美傳銷專門店嘅質素，估唔到係放題餐廳都可以食到三文魚籽軍艦三文魚子好大粒，飯嘅份量唔算好多，咬落口三文魚子爆曬汁😝…查看更多

雖然宜家有得去旅行，但未有時間去到，都係乖乖地係香港啦😩😩😩😩但又好掛住馬來西亞既肉骨茶😩好啦去食勁多人介紹我去食既蘇媽蘇媽相信大家都唔陌生🤪🤪🤪大雜錦肉質好林🤣易咬又吸味喎🤪仲有豆卜金菇勁入味 肉骨茶中藥味比較重但係都好適合香港人飲最好嘅係仲可以無限添飲冬天真係一流呀椰香咖央多士無論去邊間馬來西亞食肆我都會必點既🤣🤣🤣我真係好鍾意食好正啊🤣🤣同馬來西亞口味一模一樣㗎🤪…查看更多

朋友今次又帶我食好西🤣位置尖沙咀既樓上鋪頭，好近海港城，非常易搵既餐廳🤣之前有朋友介紹過已經好想食架啦🤣🤣🤣🤣今次終於有機會試到啦！！果然無令我失望🤪地方大又好feel，食物質素又高🤣不錯不錯！最緊要仲有酒飲！岩哂一班老友去啊！今次揀左室內坐，當然室外座位可以環境氣氛都好好，最緊要舒服呀，同朋友傾吓偈不錯呢！Olympic (cocktail)成杯酒都係Tiffany blue岩哂我打卡啊！唔止望得仲飲得！味道仲無失望啊！龍蝦扁意粉呢個真係要叫！完完全全無失望唔會好重味🤣正啊…查看更多

打邊爐真係好適合而家涼兩地嘅天氣，咁就上網搵到呢一間牛之館，就講係由專業Omakase（廚師發辦）職人主理，用心挑選各地優質食材入饌。獨家美食菜單雲集來自日、台等世界各地的刁鑽美食，秉承着「以大眾化價錢提供高質素美食」的本念，連同廚師匠心製作的功夫一併送到客人的餐桌上，務求感動每個味蕾。聽到好似好吸引咁所以就今日去食，睇過Menu個價錢都唔貴！👀入到去環境好大，仲好似有唔同嘅裝修風格，佢帶咗我哋去一個就係好多粉紅色嘅地方，睇落去真係幾有feel👅嘢食方面有不同嘅牛，啲牛都好新鮮，同埋好多個部位可以揀，同埋仲有好多丸，蔬菜類，仲有最特別嘅就係嗰啲自製嘅奶蓋飲品（仲芋圓，涼粉同埋芝士奶蓋）仲有啲熟食同埋炸物😆真係好適合啲心大心細嘅人同有咩都想試吓嘅人😆…查看更多

今日我同朋友食午餐，呢間壽司我都食過好幾次，但呢間分店就第一次啦，呢個地方都算大，但2個人坐都好舒服😝😝😝同我都坐左好耐啊🤣🤣🤣鮫鰈魚薄切配酸汁(8片）$ 88係日本餐廳成日會叫🤣勁好食又新鮮好好味，又酸酸地🥳炸雞軟骨粒 $ 38新鮮炸🥳好好食鰻魚櫻花蝦玉子燒(2件）$ 48呢個一定要叫，好好食啊🥲🥲三文魚軟殼蟹卷 $ 68好大件，又肥美，又脆口😘😘😘海膽軍艦 $ 35係靚海膽，唔會有腥味🤣好好味道啊不過紅日午市都好多人食，都要排下隊😘…查看更多

呢一間壽司咁多分店就知道來頭唔小🤣我已經食過好幾次🤣所以好想分享比大家知 🤣我同啲朋友開party或者普通食壽司都會諗起呢一間舖頭，因為好多地方都有佢嘅蹤影，以每一間都係好食唔會hea🤣我最鍾意佢裝壽司唔係用普通膠袋，係用冰袋今晚啲壽司就冇咁容易變味或者壞啦 😛火炙海膽壽司 $53 (4件）呢個海膽個樣都話你知好飽滿，最緊要冇怪味好難得㗎！🤣🤣🤣🤣三色花卷 $75 x 2花卷加咗沙律醬左裏面有三文魚好夾好好味😺辣味三文魚卷 $81鍾意食三文魚嘅你都要要有唔同嘅食法啦，而呢一個又唔會好辣但係都食到有三文魚嘅鮮味 🥳…查看更多

呢間係我食過最最好食既串燒😂😂😂我其實已經食左三次，但依然好想分享俾大家，今日我又同第二個朋友去食，依然好正！全部好難介紹哂，但我介紹啲真係我食過幾次依然都keep到水準既🤣🤣-燒茄子好大條架！仲配埋蒜蓉同燒烤嘅香料，調得啱啱好又唔會好重口味喎！-炭燒豬頸肉真係唔係間間整得出色😂，呢間肉質岩岩好！-雞肉軟骨棒咬落去好有咬口，好正🤣玉子燒係我最好，甜甜地，又唔乾🥹韭菜燒用料正，新鮮，香口🤣燒雞泡魚干成日叫，真係唔乾架🤣仲有得睇波飲酒，成大班人去，勁興奮🤣🤣…查看更多