Chatting的个人专页

個日響灣仔行下行下見到呢間拉麵無咩人就入左去，睇落唔錯。呢度仲有鰻魚飯食，下次可以試下。叫左一人一碗拉麵，金兵衛同赤兵衛。我既係赤兵衛，有少少柚子味咁，其實兩碗既湯底個味都有啲奇怪，但其實最好食既係叉燒，一碗有兩塊，超級厚，差唔多係入口即溶，好好味，係我食過最好味既叉燒。…查看更多

今日第一次去米線營食早餐，大約9點半，唔係太多人，佢早餐都幾多選擇，而且價錢好抵。媽媽叫左個蕃茄通粉配腸蛋加餐包，正正常常。我要強調既係我個碗雞脾肉火腿通粉，好大碗，而且至少有4-5舊雞脾肉，仲舊舊都唔細，食完真係會好飽，啲雞脾肉都好好食，包埋野飲都係廿蚊有找，好正。…查看更多

小妹已經第n次食呢間Chips啦，覺得佢既burger同薯條都好好食，而且次次黎都唔係好多人。今次係除夕黎，諗住食完行去西九海濱倒數。次次黎都食burger,今次決定變下，食左個fish n chips combo，而且男朋友就叫左個bacon cheese burger combo. 兩個餐都有汽水飲，burger就再有薯條。我份fish n chips 舊炸魚好大舊，仲有茄汁豆，食埋薯條飲埋杯可樂係超飽，所以我結果食唔晒，但係炸魚好好味，下次會再叫。今次都幾多人，可能因為除夕夜啦，不過其實唔平架，係80-90蚊burger價錢啦。…查看更多

知道元州商場開韓國餐廳的時候超興奮，因為長沙灣幾乎無韓式餐廳，而且小妹和家人都是韓國飲食愛好者。之前新翠分店已經想試，估唔到響屋企附近開新分店。這晚星期六大約6點就到了餐廳，不是太多人，大約有3-4桌客人，坐下後先來四小碟伴菜，有泡菜、蘿蔔絲、菠菜和芽菜。3個人總共叫了3樣食物，有部隊鍋、海鮮韭菜煎餅和濟洲豬肉石鍋飯。部隊鍋都幾特別，有鍋邊蛋和芝士，可選雞牛豬其中一款，鍋內還有年糕、魚糕、腸仔，金菇等，小妹覺得幾好食，不算太辣，兩人食都夠飽。而且蛋好好食，有滑蛋的感覺。另外石鍋飯都不錯，份量亦足夠。海鮮煎餅就被比下去，不太突出，但勝在份量大，夠晒飽。仲叫左呢個芬達士多啤梨沙冰，38蚊好抵飲，而且好好飲，不太甜，士多啤梨味沙冰同芬達橙汁幾夾，推介👍🏼之後爸爸仲追加左個炸醬麵，佢話個炸醬唔錯，但麵就唔係正宗，係用左烏冬。整體黎講都幾唔錯，服務係ok的，食部隊鍋時員工都會主動叫水同處理個蛋。食物都唔會等好耐，伴菜都可以免費添食。價錢亦都唔算太貴，係正常價位。同埋都好多款食物揀。總括而言，一定會encore的。…查看更多