suk888的个人专页

同朋友經過，佢覺門面裝修得意，話想試吓，就入左去。入到去坐底才發覺只有簡約台式便當，中午/晚餐就只有6款飯或麵，小小的店，一眼睇晒。選了88元的滷肉鷄堡飯套餐，套餐包括小食+湯+甜點，向店員查詢套餐小食和甜品是甚麼，一問三不知，要去問其他同事(全店就得3個仔，樓面/厨都是他們)，打算加15元叫珍珠奶茶，週六晚市第一枱竟說沒有珍珠，最後点了鴨屎奶茶，但上了杯有冰的凍奶茶，問了才知他們家不做熱的。。等待上菜時，看到提供的水柸斟水後浮著油，算，不喝了。旁邊餐具盒有些匙羹還有著乾了的漬，要百裏挑一的感覺。湯來了，用茶柸上的，鴨味很濃，但也很咸，試了一啖就不想再喝了。飯是以日式碗飯般呈上的，一塊薄鷄件切四件，半隻流心蛋加一啲咸炸菜和一点滷肉。碗外邊還流著滷肉汁，上菜時一路行一路滴到地上，最好别掂到隻碗。。那飯碗其實也沒很深，飯廷少的，滷肉不多，但在飯中心淋了額外的滷肉汁，飯也變咸了，炸鷄沒有很特別，肉廷薄的。吃完整碗飯，沒有飽感，感覺這套餐量就是偏小。所謂的套餐小食(說是青瓜)，從來沒見過，看到這樣的鋪排，懶得問了，不上也吧。。吃完好一會，甜點要問才有，是涼粉(仙草)加花奶，涼粉食落ok, 花奶味道有点怪。。吃了两啖就不敢吃了，怕回家途中要找廁所。。。整體上，當作在鬧市行攰了，找個地方坐坐是可以的，當晚餐的話就。。。。又或者，這樣就100元的話，是頗失望的。…查看更多

我同朋友心血來潮想打冷，就揀左哩間，第一次去。嘟完針卡，就叫我地去隔離舖上樓坐，條樓梯又窄又直，要好小心行。上到去，感覺好似密室咁，冇窗，好多人大大聲聲在吹水，各種回音焗住一間房，好嘈。。我同朋友坐近出口的細枱，還好，可以將就一下。。叫左滷水拼盤，炸鯪魚球。。滷水拼上枱時是暖的，不錯，肉也很軟很入味。炸鯪魚球是新鮮即炸，睇到佢漲卜卜上菜，慢慢縮番，食落熱到辣口，好味。。。但最後都一樣啦，返到屋企又要狂飲水。。…查看更多

有两、三個月冇去，心郁郁想食，就去買個外買做晚餐。一推門，就聞到餐廳入面一大 "朕"油味，有少少"益"左嗰種。。好彩我買外賣，咪坐係到食都幾惡頂。。落單時話外買要加2蚊，記得之前唔駛，不過明顯見到個餐盒同以前唔同左，或者呢個係貴价嘢要收番錢至回本，冇乜所謂啦。。我買左咖哩炸猪扒飯，块炸猪扒應該就係整個餐嘅靈魂。。点知块猪扒炸過龍，入面块肉縮晒水，變得薄支支，乾爭爭，頭同尾部都熟到起晒絲，好似煲完湯拎出嚟咁。。真係食得唔爽。。好彩佢咖哩汁同白飯都還可以。。…查看更多

尋日突然好想食海南鷄飯，就去左新北江掽運氣，一上到樓上就見這家，而菜牌上第一樣嘢就係海南鷄飯，咁應該唔會錯得去邊 ~就佢喇! 点左海南鷄飯，收銀員提議我追加小食，咁我就叫左炸蝦餅。10分鐘左右就有得拎，唔錯。返到屋企打開盒飯，賣相唔錯，点左一下個酸汁，較其他店為辣，但可接受。再睇埋個蝦餅，好似少左啲喎，得三塊，每件得半塊麥樂鷄咁大。。。試吓先喇，可能好好味呢。。鷄是無骨的，外表睇落都嫩，但咬落去有渣囉，好似煲完海啲鷄咁，食完好攰，啲飯尚欠軟熟。個蝦餅，咪就蝦餅，我食唔出佢彈牙，啲調味蓋過晒一切。更唔明追加价錢嘅定義。…查看更多

成日聽人講哩到抵，咁我就去試吓，第一次買，叫左2個宵夜小炒外賣，嗰陣已經過左9:30，所以人唔多，就等左10分鐘多啲。返到屋企啲小炒仲熱，好香，食落都唔錯，只係啲蝦的胡椒粉味重左啲。嗰陣都覺唔錯，大啖大啖咁食，就两個小炒，冇飯。但食完就開始覺咸，要飲水，一柸之後都仲頸渴，再一柸，訓覺之前斷斷續續飲左两渣水(大排檔枱上的膠水壺那種)。我都未試過食完嘢飲得咁恐怖。…查看更多

搭車經過好多次，可以話睇住佢開業。難得今日同事們個個都想食清淡，一於去試下。我地人多，老細麻煩左個食緊既大叔換位讓張大枱比我地，基本上入到去就有位。我叫左猪潤粥，其他朋友都点左碎牛粥。之后仲叫左炸两，炒面，蘿蔔糕。。啲粥好快就上，夠大碗，好綿，料夠多，味道又夠，猪潤又爽。吃到炸两，哗，太脆了！我朋友忍不住又叫了一孖油條，刚炸好從厨房出來，暖的！这個更脆，超好味！！炒面，是ok的, 不就是炒面，没有“哗”的感覺，份量ok, 但就覺得好似剪得太碎。蘿蔔糕，是蒸的，好味，我自己覺得好似“粉”落得太多，但我朋友話蒸的就應該是这样的喔。最后还加了一份蝦米腸，好多蝦米好多葱，夠香！我地好努力咁食，最後都食唔晒。叫到一枱都係，埋單都唔驶佰五蚊。啱晒一般市民生活水準，味道又好，所以，我地会再去试埋其他嘢。但我们这顿飯就遺背了“清淡”这两個字，因為我們追加得很过份。。hee hee....…查看更多

這間餐廳就在我公司對面，剛剛開業，裝修不錯又有9折優惠劵，我們就一行6人去食Lunch。因為我們預先book了位，而且餐廳內的客人不多，所以只等了5分鐘就入座。枱面上的刀叉全部都很油膩，似是沒有洗乾淨，很不衛生。先來一個粟米忌廉湯，粟米煲燶了，味道怪怪的，之後等了35分鐘侍應才說我們點的午餐只賣剩牛肉丸和燴牛肉，餐牌上8款午餐就只剩牛肉。  當時只是1點多，而且附近比我們遲入坐的人都差不多吃完了。最後來了我點的肉丸意粉，意粉又硬又漿，似是雪了過夜的，不知所謂。朋友叫的燴牛肉飯，可能賣剩的牛肉唔夠，加了很多肉丸上去，感覺不輪不類。我們6人只點了兩款午餐，被迫改單後再用了15分鐘才到齊，而且分量十分參差。整體而言，食物的質素非常差，價錢也不算平宜，一定不會再試。…查看更多

經过廟街好多次，永远都見煲仔飯店在大排长龙，又好似要坐係街咁，又熱又污"jo", 每次都调头走左。。。 尋日去佐敦买嘢，朋友就提議去廟街食飯，叮囑一定要早，如果唔係会好多人。。l從佐敦行过去都一段路。。去到一个路囗，就见到周圍有好几间興記，原来都统一坐係路边排隊，（有指示写住“排隊处 ”）。都八点几，但排得好快。入到铺面好食客，好多鐵枱，我地叫左煲仔臘腸排骨飯，煲仔臘腸雞飯，椒盐賴尿虾，煎蠔餅。 上菜都唔驶等好耐，菜上齊冇耐就有人会嚟先收錢。啲煲仔飯其实冇想像中咁好味，大概是期望太高，條臘腸又好油，唔夠香味。賴尿虾就全完是一个錯誤的選擇，因为在这裏落手落脚咁吃太不方便了。但是蠔餅就絕對可以多来两个，我不是太喜歡吃蠔餅的人，因为很多时都会好油，又或者啲蠔仔好似成pat 嘢咁。 但这个是恰到好处，不介意下次再来淨係食蠔餅。去廁所，就要去另一家分店，朋友说没有必要就找家麥记才去吧？？唧係点呀！？…查看更多

餐牌比較簡單，没有太多的選擇。我叫了一个双併公仔麵 & 枝裝可乐，麵底唔係出前一丁，仲好似唔係咁熟，但还可以 。。（記住煙韧同唔熟係好有分別). 旁边那枱似乎係熟客，一坐底就叫了一个什么什么有要求的三文冶 & 樽裝鲜奶。大概不是繁忙時間，厨房裏只有一个阿姨係到煮，樓面亦只有一个阿姨在落单收錢。但佢地都好熱心，好有笑容。全程都冇人趨我落单，食完又冇人会趨我走。。。这就是星期天的步伐…查看更多