grace11238的个人专页

前幾日睇社交平台，有個foodie 話你間餐廳可能就快結業，之前見好多人都介紹過呢一間叻沙好好食，一於就試試每一日會分兩個時段營業，我哋5點45分左右去到餐廳門口等，好彩當時冇乜人，等吓等吓開始多人，餐廳準時6:00開，餐廳位置唔多，大約只有12個位，我們入到第一輪💪我哋揀咗兩碗叻沙，一份鮮牛油咖央多士，每碗喇沙送一杯話梅桔仔水😋招牌椰爺秘傳叻沙湯麵配炸軟殼蟹和蜆肉，湯底好濃，都幾重椰汁味，蜆肉都幾鮮甜，因為係摻摻，都幾索湯，炸軟殼蟹有少少失色，油膩咗少少，整體嚟講都幾好食四重香蝦叻沙湯摻摻，蝦味超濃，如果鍾意食蝦，應該會幾鍾意，湯底比起招牌嗰款辣少少，食起上嚟都幾惹味重點推介，鮮牛油咖央多士，多士超脆，牛油和咖央醬少少凍，超夾😋😋😋話梅桔仔水，酸酸甜甜，幾開胃唯一缺點，因為始終係小店，位置有限，所以唔算坐得特別舒服整體嚟講，值得再次光顧🎉…查看更多

一直都bookmark呢間餐廳，知道每道菜式的名稱都比較玩味，而且味道不錯，咁啱係2000 Plaza睇牙，午餐就試吓呢間餐廳。不過打算訂位之前，就睇到餐廳準備結業既消息，抵唔住經濟因素，有點可惜😢星期六下午1點到達餐廳，客人都唔少，大約七成滿，餐廳裝修幾有特色，餐牌都非常有心思我們選了雞翼，all day breakfast，漢堡包，再加2杯忌廉梳打(藍色和黃色)雞翼選了柚子味，麻辣味和水牛城，全部都非常惹味，柚子味甜甜地，麻辣味真係好麻，水牛城就正正常常👍All day breakfast ，選了有牛排，份量都唔少，仲有薯餅和沙津😋漢堡包，都幾juicy，薯角份量都幾多忌廉梳打(藍色和黃色)，藍色個杯有少少似之前的富士山下，黃色就係芒果味，兩杯都幾好飲，影相一流一間有心思的餐廳，希望將來有機會會重開，有緣再會❤️…查看更多

冬至正日，當然又唔會食中菜，原來訂咗一間意大利餐廳，三日前突然通知有最低消費HKD 650/人，嬲嬲地即刻轉去屋企對面食新開的德國餐廳🤣好彩有訂位，都算幾滿座環境係幾好，近海邊，不過天氣凍，都係坐返室內黎德國餐廳，當然要飲嘅啤酒，1L真係幾滿足啤酒配薯條，一流👍雞翼辣辣地，幾惹味水牛芝士沙律，都幾清新千層面，正正常常，無深刻印象半隻豬手，份量比想像中少，唔算好大隻，唔算超級好食🤣甜品我哋揀咗焦糖燉蛋粟米法式吐司，呢個比較特別，估唔到都幾夾之後都再食咗一次，始終覺得性價比唔算太高…查看更多

冬至嗰日，相信好多人都忙着做節，我哋反傳統，食日本菜做冬🤣你之前都睇過食評，見呢間餐廳定價都唔算平，所以對食物都有啲期望我哋兩個人，一個叫咗生燒鰻魚丼，選了白燒，另外一個叫三重鰻魚丼，其中一個加$18轉套餐，我哋兩個都叫咗啤酒，不過最後發現蠢咗，應該兩個都升級做套餐，因為齋叫啤酒要$22，套餐餐飲轉啤酒要$28，即係加多$6就有多碗湯，溫泉蛋同鹹菜🤣三重鰻魚丼，可以一次過食晒三種鰻魚，啱晒貪心嘅人，不過份量唔算好吸引相比之下，生燒白燒鰻魚丼，份量唔少，鰻魚好彈牙，燒完之後，鰻魚嘅油香，配山椒粉，好好食，下次過嚟，我都會叫呢一個👍有一個幾特別嘅食法，食到剩返三份一左右，可以加湯變茶漬飯🤣不過餐廳唔算坐得好舒服，不過為咗白燒鰻魚，我都會再過嚟食😋…查看更多

平日夜晚諗唔到想食咩，突然醒起呢間喇沙想試，查返社交平台寫今晚有開門，所以特登揸車去食社交平台寫當日營業時間係晚上8點至12點，我哋大約8:15左右到餐廳，餐廳已經半滿，所以我們要搭枱餐廳總共大約有16個位，空間唔算大，所以坐得比較迫🤣基本上每個人入嚟都係食喇沙，每晚都可能會有唔同，呢一晚，有豬軟骨同埋雞扒選擇，因為想兩款試晒，所以就叫晒兩款，之前睇食評，有啲人提過可能份量唔算太多，所以我哋都叫咗燒豬腩肉兩款喇沙，味道都好濃郁，豆卜好入味，豬軟骨應該落咗好多時間煮，咬落去軟腍腍，好難得搵到一間餐廳整到軟腍腍嘅豬軟骨，所以豬軟骨係值得推介😋😋😋雞扒都好大塊，食落去有少少嫩，好似唔算太熟，所以下次我都係會揀豬軟骨喇沙😋燒豬腩肉，總共有五件，好似用豆豉醬醃過，識落有少少似豉椒排骨🤣雖然係重口味，但係我興趣唔太大，下次可以再試其他小食我估呢間餐廳應該係做熟客生意比較多，所以唔係好覺有餐牌🤣我哋到收錢先知幾多錢😅不過，有機會我都會再過嚟食👍…查看更多

聖誕節唔想同人迫，所以揸車去呢間泰國餐廳試下我地一行5人，都叫左唔少野食，餐廳除咗泰國菜之外，仲有印度咖哩，都幾多元化小食拼盤，份量都幾多，可以試到唔同小食，有串燒，雞翼，魚餅，蝦餅，春卷，蝦片生蝦刺身都唔平，有少少貴，味道正常椰子雞湯，飲落有少少酸酸地，幾開胃，天氣凍，飲少少熱湯，個人都暖返大蝦金邊粉，味道幾好鹹魚炒芥蘭，都不錯明爐烏頭，個擺盤都幾吸引，不過條魚唔算大條，所以都有少少貴🤣我哋叫咗蒜蓉包，為咗蒜蓉包冇咁單調，我哋叫咗牛油雞，呢個牛油雞反而好有驚喜，佢加咗好多蕃茄醬，食落去幾惹味👍另外，榴槤沙冰都好大杯，大滿足😋最後兩個甜品都中規中矩如果下次元朗搵唔到停車場，都可以揸車入嚟食飯…查看更多

聖誕節西式節日，當然就唔食西餐，杉玉越開越多分店，就趁大時大節試吓啦今次揀咗荃新天地嘅分店，訂咗6:00，餐廳都唔算多人，座位都幾闊落居酒屋當然要飲啤酒，叫咗兩個生啤套餐，一個跟薯仔沙律，另外一個跟天婦羅盛盒。薯仔沙律，值得推介，不單止賣相幾特別，味道都唔錯。天婦羅盛盒，唔記得咗影相，但係炸得都幾好，配紅鹽和抹茶鹽，食落都幾夾南蠻炸雞，炸粉就比較厚，食落就普普通通厚切伊比利豚肉，有小小煙熏味，食落幾香口，值得推介其餘壽司，我覺得普普通通，壽司飯比較散，特別係三文魚壽司，唔知點解三文魚肉質好淋，感覺唔係好新鮮整體而言，唔算抵食，杉玉係壽司為主嘅居酒屋，竟然連壽司都做得麻麻地，對佢有啲失望。所以試完今次，未必會再有下一次…查看更多

星期五夜晚八點幾，難得冇人排隊，終於有機會試下既然呢間出名食牛肉麵，冇理由唔試下，套餐都幾抵食，包左一碗麵，一個小食同埋一杯飲品，我哋叫咗一個嫩五花牛肉麵，紅燒腱心半筋半肉牛肉麵，小食就揀咗炸雞扒同埋雞湯炒手，飲品就揀咗珍珠奶茶同埋鳳梨愛玉😋兩碗麵，我哋都揀咗手工麵，手工麵係比較闊身，同埋都有啲厚度，食落去煙煙韌韌。嫩五花有少少似肥牛，食落都幾有牛味，因為我麻麻哋鍾意食牛筋，所以我就冇食到牛筋，不過男朋友話牛筋好食過牛肉，個湯飲落有少少辣辣地，幾啱冬天食，食完之後暖笠笠🥰兩款小食，都有驚喜，雞湯抄手，抄手都幾多肉，雞湯味道濃郁。至於雞扒，份量取勝，比想像中大件好多，雖然佢嘅炸粉都唔薄🤣結果要打包兩杯飲品就普普通通，鳳梨就有小小酸，愛玉淋咗少少，珍珠奶茶的珍珠唔夠煙靭🥲不過以呢個價錢嚟講，都算幾抵食，有機會都會再幫襯👍…查看更多

約咗9:00整指甲，難得有少少時間，又睇吓旺角附近有咩餐廳可以食個快餐，天氣凍想食啲飯落肚，今次就試吓呢間鰻魚飯之前睇過其他食評，記得冷氣好似唔係好夠，好彩今日天氣凍，所以就冇太大影響。不過座位就偏窄，坐得唔算太過舒服今次想睇吓餐廳嘅鰻魚夠唔夠肥美，所以揀左炭火白燒鰻魚飯(大)，叫左少飯多汁落完單，都要等一陣，應該大約10-15分鐘左右，食物先到，如果好趕時間的話，呢間可能就未必啱食物賣相都唔錯，分量都唔小，鰻魚都幾厚身，食落都幾彈牙。落山椒粉，少少辣，都幾惹味。有檸檬，我今次就無落，不過應該都會幾夾。另外有一隻柚子醬點鰻魚，我就覺得太甜，有點濃，唔係好夾，搶左d魚味🤔白飯都幾多鰻魚汁，可能因為我叫咗多汁少飯🤣整體嚟講，都值得一試…查看更多

難得見到唔洗排隊，當然要試試呢間懷舊冰室我哋叫左炸雲吞(兩拼)，脆爆華田西多士，滑蛋鮮牛肉三文治，好立克奶昔同埋紅豆冰炸雲吞(兩拼)，OpenRice 都幾多人推介，菜肉雲吞幾好食，不過鮮蝦雲吞就好似梅梅地，唔太新鮮滑蛋鮮牛肉三文治，滑蛋好厚身，蛋唔算滑，有少少老，不過我鐘意，牛肉幾好食脆爆華田西多士，加左煉奶，可以自己加華田脆脆，都幾好食紅豆冰，都幾足料好立克奶昔，非常消暑，透心涼，好重好立克味，好抵飲仲有好多懷舊菜式要試，值得再黎😋…查看更多

去開奧運呢邊，當然要支持下小店小店空間唔大，大約有8個位，好彩無訂位都剛剛好有位我地揀左特上壽司定食，燒三文魚奇脆卷同埋散叫壽司特上壽司定食，因為無左白玉豚，轉左蔥呑拿魚腩，整體好抵食，有11件壽司同埋1件手卷，食材都幾新鮮燒三文魚奇脆卷就係見OpenRice都幾多人推介，食落中間脆脆地，都幾得意辣味三文魚都幾好食，不過紫菜淋左墨魚原來每件壽司都有兩件墨魚，有驚喜花之戀都幾扺食，HKD 16/件玥屋蛋，HKD 6/件，又係抵食之選整體來講，食左HKD 286，真係好抵食，怪不得咁受歡迎，有機會會再幫襯👍👍…查看更多

之前一直都想試青口放題($255/ppl)，撞啱星期一係假期前夕，提前訂枱試試💪好彩有訂枱，餐廳都幾爆滿，好多枱都係食青口放題，所以青口既出菜速度都唔係好快，如果唔想等咁耐，就要趁上菜個陣叫定下一轉既青口，食完一轉剛剛好食下一轉🤣青口放題總共有6隻味道，House招牌忌廉青口，Hoegarrgen，Provencale蕃茄，Mariniere白酒，Laksa喇沙，Mediterranean 地中海第一轉，試左House招牌忌廉青口，Hoegarrgen，兩隻味都幾好食，我個人鐘意招牌忌廉青口，因為有cream🤣，不過我飲哂d湯，所以好快就飽左🤦🏻‍♀️第二轉，試左Provencale蕃茄，Mariniere白酒，蕃茄食落去都幾健康，好多蔬菜，白酒有少少似Hoegarrgen，呢兩款都唔算係好啱我口味🤣第三轉，試埋剩返嗰兩款，Laksa喇沙，Mediterranean 地中海，呢兩隻味相對地就再濃味，不過地中海就同之前嘅蕃茄味都比較近似，呢兩隻味之中，我都係鍾意喇沙，因為又係有cream😋任食青口，會包一份薯條和兩片麵包，之後叫青口，都無refill，可能呢兩樣唔係任食🤣整體嚟講，係超級抵食，不過一餐就食咗呢幾年食青口嘅數量🤣仲有8點前有Happy Hour，啤酒好抵飲👍餐廳氣氛都幾好，有好多台都慶祝生日，全部侍應都會走埋去唱生日歌，感覺都幾得意…查看更多

之前睇到呢間酒吧就嚟結業，見到呢間酒吧都幾有特色，同埋食物都幾吸引，特登星期六傍晚時分過嚟朝聖一下呢間酒吧原來隱藏在MO Bar內，睇地址搵左一圈都唔見，最後要問職員🤣可能就快結業，酒吧要等位，入坐限時一小時，感覺有少少趕🥹好彩等左一陣就有位，酒吧門口係個電話亭，幾得意我地黎之前已經做好功課，好快就決定咗食咩同飲咩，我哋揀左PDT Cheese Burger, Cheung Fun Tots同埋 Typhoon Shelter Dog，飲品我哋揀左 Clarified Milk Punch同埋 Benton’s Old Fashioned PDT Cheese Burger用左impossible burger，除咗冇牛肉味之外，質感食落去都幾似牛肉，同埋都幾Juicy，不過可惜我係牛魔王，所以都係唔啱我🤣Cheung Fun Tots，有麻醬同糖醬，真係好似腸粉既風味，薯粉炸得幾脆，送酒一流，難怪咁多人推介👍Typhoon Shelter Dog，面包有牛油味，有避風塘味的粒粒，仲有幾多蟹肉，呢款熱狗超好食，又好有特別😋Clarified Milk Punch，飲落去甜甜地，幾啱女仔飲Benton’s Old Fashioned，威士忌都幾濃，加左橙香，都幾好飲如果唔係限時一小時，我都想再黎過，希望將來裝修完會開返啦💪…查看更多

去旺角整指甲，當然又搵下附近有咩好西食，聽聞呢間餐廳都幾多人推介，一於就試試先平日夜晚都幾好生意，好彩等左一陣就有位👍原本想揀雞胸柳套餐，貪佢啖啖肉，可惜賣晒，唯有揀溫泉雞套餐，有雞翼，雞胸和上脾，一碗香飯，同埋+C一罐，份量都適中，雞肉都算嫩滑，香飯都有少少惹味，就咁食飯都得🤣三色醬點雞食都算幾夾，以$63呢個價錢，整體都算係幾抵食如果下次諗唔到食咩，呢間餐廳都可以作為醫肚之選，希望有機會可以試到雞胸柳套餐…查看更多

喺附近上完cocktail 班，見呢間餐廳開到夜晚12點，雖然食物Last order係9:30 ，不過見到谷友Set幾抵食，所以就試試我哋上堂上到大約9:00，大約9:10左右到達餐廳，即刻叫咗一個黑松露醬薯條同埋一個谷友Set黑松露醬薯條正正常常，送酒都幾好谷友Set都幾豐富，有六隻生蠔，一件三文魚柳扒，兩隻紅蝦，仲有炒魷魚仔，生蠔都算幾新鮮，尺寸都唔細隻，三文魚柳扒都幾大件，紅蝦都幾大隻，炒魷魚仔都幾香口，整體份量都唔細，仲要包一支白酒，都幾抵👍如果下次嚟食，我會想試試其他小食…查看更多