abc805805的个人专页

現場落單一個豬膶粥，一個小米，一個牛肉腸粉，三杯豆漿，咁佢就話「好呀 坐底等一等先。」點知喺門口等咗一粒鐘，睇住佢做晒啲外賣平台嘅單都未處理自己張單，都算數公道啲講 佢有話要等不過冇講等哂平台先。一個鐘後第一句問你既係「你要咩雲吞 你2樣野係咪」 下，師父你冇落單？「ehh 冇叫雲吞」 糾正返之後叫我地拎大佬 我要3杯豆漿師父pack左一杯 得啦我嘩話「3 杯豆漿」大佬 可唔可以尊重下人？$118 你值唔值 小人做野粥好鹹仲有燶煲仔味小米蒸唔透豆漿完全冇味都算 $5當買水飲腸粉爛蓉蓉 老實小小過分…查看更多

由一入門口就感受到伏！一入門遇到第一個staff我估係老細，佢有禮貌但感覺唔知自己做緊咩咁，好似好迷惘。一行入店成間鋪個狀態好似一個未準備好既樣子，枱有大量雜物，職員好迷惘，心知不妙。點完餐，野食present得靚既，但客觀黎講就真係唔知自己食緊咩......佢味道唔係話有問題，但撈埋一齊食就唔知食緊咩咁。魚生完全係冇味，雖然唔腥已經好好！啲配料就正常味道但都係嗰句，撈埋一齊食唔知食緊咩咁。但值得一贊既係佢汁可以另上！但齋睇啲foodie介紹就真係不敢苟同......到埋單最後一秒我都睇唔到自己張單呢樣最神奇，但見大數差不多就是旦！…查看更多

上次食過尖沙咀分店，感覺良好！今次同班朋友試吓新蒲崗店。不得不說質素維持係合格，有啲食店分店質素差得遠，一試就有比較！今次食個貴啲嘅$399 set，海鮮包括10款，呢個黃奄蟹真係冇得輸，爆曬蟹膏，實在係鮮到不得了！另外重點推介澳洲青年龍蝦，上枱嘅時候仲生生地識郁！海鮮貴真係有原因，龍蝦啲肉爽口彈牙，絕對係高評價！其餘海鮮就正常發揮唔特別多講，結尾仲送個糖水，窩心到不得了！重點係佢係黃店，大家識做啦！…查看更多

放寛左4人一枱 終於食到多小小野！今次同3個朋友係海旁chill完救其去食個晚餐就散水今次叫左3個比比較heavy晚餸。叫左個麻辣水煮牛肉，盛惠$65。呢個辣度幾啱我，唔會麻得好緊要，牛肉就正常發揮，過下口癮係不錯。另外叫左個淨牛筋拼牛腩，我自己就覺得好膩，食唔到幾多，但佢都冇咩野既，但我地成枱肉就有啲想嘔。最後重點係黑椒薯仔牛柳粒，$68蚊同大排檔啲價差不多。佢有驚喜呀！個薯仔食到唔停口，好正粉粉地但又脆口，好好食！重有個牛柳粒，都預佢解凍野冇咩特別，居然係有牛味！呢個推介！…查看更多

成日食譚仔食到厭哂之餘佢又其實唔抵食，就去左試呢間似似地雲貴香既貴川風味館。成個meun都似似地雲貴香，主要係酸辣或者麻辣既小鍋米線，有熱拌又有涼拌，款款28$起跳。不過佢米線就最低消費$33，所以佢都有3個價位既餸比你追加，分別係$7-12！另外叫米線重有得加小食，分別就$13-18！我就叫左腩肉雲南酸辣米線小辣。佢個底真係好多料，有肉碎，韮菜、芽菜、蔥花、酸菜、芫荽，真係同譚仔冇得比！老實講，我鐘意個底多過個餸！朋友就叫左午餐，口水雞菜飯跟杯凍檸茶。可惜分量上相片與實物不符，唔可以話佢好小既，但張相⋯雖然唔大份，但的確係幾好食既。麻辣唔會太過火，夾雜住啲酸，好食！另外重加左個香辣皮蛋，不過就冇咩特別，個人覺得口水雞個汁好食啲。…查看更多

見到呢間歐意，感覺成個裝修、格局同埋啲野食都好似意八，我諗都幾大機會系同一個集團。見佢平平地，就去食佢午市，佢個午市meun有15個款。pizza、飯、意粉、扒、沙律樣樣都有齊。跟餐有杯熱飲或者餐湯，重有啲小食追加，但就唔係啲咩特別野！我同媽咪就叫左個煙三文魚香草蜆肉天使麵同芝士菠蘿火腿汁千島醬pizza。個三文魚蜆肉天使麵幾大份之餘，估唔到煙三文魚同蜆肉既份量都幾多！質素都唔錯啦，煙三文魚起碼唔會腥，咁就難食極都有個譜，個蜆都幾彈牙而且冇沙。係個天使麵硬身得滯，而我自己都偏向鍾意食硬身啲嘅麵。不過呢個價位都冇得講啲咩！而個pizza就正常發揮啦，過吓口癮都唔錯。個批底唔會好乾，啲材料分量都OK，冇咩特別不過不失。食飽見佢換下午茶meun重多款，呢個價位下次可以試下先！…查看更多

細個成日同屋企人去食車仔麵，食開觀塘有間又執左。今次就去試吓附近呢間車仔麵。叫左佢個三餸麵，辣魚旦、醬汁魷魚同豬大腸粗麵小辣，加左個手拍青瓜，跟餐包一杯熱飲。3個餸都唔差，中規中矩。魷魚就車仔麵必叫架啦，佢呢個醬好嘢味，啲魷魚麵好彈牙。豬大腸有成五舊又唔係簿切，不錯！另外魚旦冇咩特別就唔講啦。個麵底我個人覺得麵幾大個，食到尾好飽。個拍青瓜好清爽，因為我碗麵幾辣，有個青瓜就好正啦！不過無咩特別可以唔使特登叫。…查看更多

同事話帶我去食蒸氣海鮮，結果就去左尖沙咀食蟹仙。呢間野之前睇過個meun印象中都幾貴，雖然係食海鮮。今次去有個優惠meun放左係門口，300$到一個人，心諗都好唔好食都冇咁傷！咁就叫左個海鮮set。都幾多款既，有蟹、鮑魚、日本元貝、虎蝦、刀貝蚌、深海龍躉、青口同個蔬菜籃。個蟹係黃奄蟹黎，真係好多膏，係唔錯既！鮑魚都幾正嘅彈牙，啲肉唔會梅。反而最有驚喜係個粥底，個粥底好棉，有海鮮做底，非常之清甜！其餘嘢食就不過不失啦，份量就樣樣少少冇咩特別，款式來講都OK既。佢加一收正價既，價錢包左粥底同醬料話佢好貴又唔可以咁算，但又唔講得上係抵食！…查看更多

今日去咗大埔覓食，見到有間裝修幾靚仔幾得意，見到門口poster有醉雞，就入咗去試。我叫左花雕醉雞米線，本身跟餐有杯嘢飲，凍飲仲要唔使加錢。黎到嗰陣好驚訝，份雞好多舊！成隻雞都好香花雕酒既味，不過我覺得可以再濃啲。跟餐加$10加咗杯特調飲品懷舊紅豆冰，紅豆大大粒又唔會爛蓉蓉，不過杯嘢都偏甜等佢溶溶地雪好飲啲！友人就叫左個咖喱牛坑腩，個咖喱都幾辣，不過就好香口。呢個餐都係跟杯野飲冷熱飲品同價，十分之抵飲！…查看更多

今日約左班杭州intern同事食飯，念念不忘當時係上海食既正宗小店，就決定嚟試吓。叫咗碟炸饅頭同鎮江肴肉做starter，本身已經好鍾意食炸饅頭，屋企氣炸始終係同出邊冇得比！呢個炸饅頭外脆卜卜入面就超級鬆軟，一流！鎮江肴肉就不過不失略嫌唔夠爽口，冇咩特別。我地重叫左個酸辣湯！呢個不得了，好足料，酸酸辣辣好開胃。我地叫左小窩都唔夠喉不過廢事encore，留肚食其他野！主菜就叫左麻婆豆腐呢個送飯一流嘅經典同酸菜魚 。出街食飯食豆腐好怕食到酸臭味，呢個完全冇呢個問題，啲肉碎重要好香又麻麻地，十分過癮！而酸菜魚都唔錯既，個魚湯重可以無限添，一碗飯塗湯好快就食晒！我本身就好鐘意酸菜，佢就略嫌唔夠多一人一碗都冇晒，有啲可惜！我地叫左高力豆沙做個完美既收美，呢個甜品去親王家沙都食，呢個真係好好食！豆沙個比例啱啱好，出邊有啲太多豆沙成舊嘢甜到死！呢個就啱啱好啦！呢間真係唔錯，下次要試埋佢個水煮魚先得！…查看更多

朋友介紹話呢間好抵食，我就叫咗個咖喱吉列炸蝦飯，一嚟到見到個飯真係嚇親，好大碗！炸蝦就有4條，係平時食到嗰隻味冇咩特別。個咖喱份量係成碗，都味道唔錯嘅，嚟到嘅時候熱辣辣又好香，倒咗落去撈飯真係好嘢味。朋友就叫咗個赤魚定食，佢話以前返學已經係食開，望望下都幾多人叫呢個食！個魚定食本身跟個湯，呢個就見仁見智啦，我就麻麻哋鍾意。另外叫咗個拼盤同埋芝士年糕同朋友share，個拼盤有忌廉薯餅、一口芝士、炸帶子同埋麻吉燒！忌廉薯餅好香滑，其餘嘅嘢都正常發揮。反而好推介芝士年糕，煙煙韌韌又熱熱地，好好食！勁想encore不過真係食唔落！…查看更多

收工係就個朋友就決定近近地試試佢既lunch set，原來晚餐呢家用openrice訂枱有 9折！午餐揀咗個自選冬陰功湯河，轉左金邊配牛肉再加左兩件春卷。非常鍾意食冬陰功，而佢呢個冬陰功我覺得可以再酸啲，咁就更加嘢未味！牛肉都有牛肉味，春卷亦都炸得非常香口。跟餐有杯嘢飲我就加咗$5轉左杯珍多冰十分之足料飲極都仲有，勁正本身就好怕飲勁甜佢就啱啱好！臨尾忍唔住叫咗原個芒果糯米飯同朋友share，一嚟到哇大到傻，兩個人真係食唔晒，佢個糯米飯就不過不失啦，芒果都甜既，正常水準，不過個樣就可以打下卡😂…查看更多