Rabbit_hophop的个人专页

最近食farewell 飯，一個月嚟咗呢度三四次，因為真係諗唔到觀塘有邊度係好食得過呢度，價錢環境都OK，仲可以訂位！午餐食飯時間只有1小時，如果等位都浪費咗15分鐘，呢啲食肆再好食都唔會考慮啦！好喜歡佢哋提供魔術濕毛巾可以用餐之前抹手！午餐方面選擇唔算多，但係每款都好好食，有試過封門柳，左口魚鐵鍋炊飯都係令我回頭的作品😋仲有個甜品都唔錯，但係嗰啲苺可以唔使咁冰就會更好！由於佢哋近排生意好好，日日座無虛席，比起之前可以和同事輕鬆交談食飯，而家就嘈咗啲啦，但係單純食物嘅角度，呢度始終係我嘅首選！…查看更多

Honestly, food is really really good, not paid review! Tried 黑松露鵝: have the fragrance of black truffle, not over shadowing the flavour of the goose, SUPER crispy skin and oil under the skin is yummy and not greasy!脆皮鱔: again, soooo crispy and taste good, no hidden bones to ambush you too!炸海老丸: the almond flakes are great garnish for the prawn balls.  From the menu I think it's small balls but each turns out to have 5cm diametre, really worth it!紅豆沙: even the free red bean soup is good! For sure will be back soon!…查看更多

食過好多地方唔同蛋糕，酒店的亦有，很多時都是死於太甜，但 Marina Deli 的真的很高質，蛋糕全都是小巧精緻，特別是他的果仁撻，是我的摯愛，香甜有口感，又不會太甜，搞到我每次經過都會特別心思思去買一個 😋，唯一的缺點就是比較較貴，貧窮唔止限制想像，仲限制埋味覺 🤣…查看更多

這個差評是給這店的Marketing! 話說大半年前到訪這店，除了坐位窄啲，壽司同魚生質素都好ok, 價錢亦ok, 之後在太子及銅鑼灣多次幫襯，還向身邊很多朋友推介，看著普通會員話儲滿2000分（即食滿$2000）就有$100折扣，一路同同事，或者自己一個人都有嚟食，默默儲分，我其實已儲了2600分，今天正準備食完用咗啲分去換$100折扣，點知一路都login唔到個app, 搞咗好耐終於決定問店員，點知佢哋竟然話：「哦我哋系統升咗級，以前啲分冇㗎喇，你重新下載個新嘅app啦。」我立時瞪大隻眼，「吓，咁我原本啲分呢？」「冇㗎啦，你下載個新app裏面有$50折扣券，同埋會有九五折」我真係忍唔住話：「你哋點可以咁樣㗎，改program 又唔通知個客，無啦啦取消晒啲分，有冇搞錯啊，咁同呃人有乜分別？」😡首先我希望佢知道，$50同$100係有分別㗎！而且儲得分嘅，都係佢嘅支持者，先至可以食到$2000 ，一路咁用心捧場，竟然一句話「冇㗎喇，你下載個新㗎啦」一啲service remedy 都冇諗住做！好多店舖都有儲分計劃，無論係國泰、一田、新地商場Apps，啲分就嚟到期，一定會通知個客，個app有push notification 㗎嘛！順手可以吸引個客嚟幫襯多次，點會有人無啦啦偷偷地轉晒個program，然後個客好用心咁儲咗好耐嘅嘢，全部化為烏有，啲咩marketing嚟㗎？我自己做marketing做咗咁耐，真係唔會容忍有啲咁差嘅Communication出現囉😤$50唔係好多錢，但係佢就成功感激嬲咗一個原本好支持佢嘅客！而且自從抗疫措施放寬之後，佢哋啲價錢已經一加再加，已經唔抵食啦，而家仲係一肚氣，我諗短期之內都唔會再幫襯😡…查看更多

唔知有冇人好似我咁，有時唔想出街食，唔係因為怕嘥錢，而係出面啲餐廳成日用啲味精搞到食完個胃好唔舒服。食過兩次南越南，食物味道好味之外，最開心嘅係食完之後個胃冇唔舒服，正！飲品及食品部份上菜時極有打卡價值，留返各位食客自己發掘啦🤣美中不足、希望餐廳改善嘅就係午餐套餐嘅選擇，如果個午餐已經係炸扎肉豬肉春卷，小食點解又係得兩味揀其中一樣仲係揸扎肉豬肉春卷呢？結果我end up with 六條一樣嘅春卷, 又試唔到其他小食😑，不過其餘的都很好，價錢又好OK。請注意呢幢樓大部份都係食肆，電梯喺食飯時間條龍排到出彌敦道（因為電梯大堂細），可能要等一兩架lift先至疏導到，嚟呢度樓上食飯嘅朋友就預返一D時間派隊等lift 啦！不過南越南就方便啲，喺一樓行後樓梯上都ok。…查看更多