Gabriella Panda的个人专页

一直都好喜歡在這𥚃食早餐，熱咖啡加蛋沙律多士是心頭好，簡單味美！但係最近發覺這裡越嚟越多蚊，這實在令人感到困擾，希望貴公司慎重考慮改善衞生情況！相信沒有人想在多蚊環境下用膳。…查看更多

午餐時間，買外賣，外面大嘅有六、七個人等緊堂食，所以我非常有興趣試吓佢哋嘅麵。叫了三個麵，我的天，最驚喜唔係車仔麵。。。而係佢地嘅跟個麵會送又或者加5蚊嘅- 甜品！Crème burlee 係超高質素！香甜滑加面頭脆！椰皇奶凍好有誠意，清新甜美！好想知可唔可以單買。。。實在好好味！非常推薦！講返車仔麵，d餸好高質！我喜歡腩肉、瑞士雞翼、魚腐、牛肚，真係煮得好好食！整個外賣過程頗快、只係等咗一陣、外賣放在個袋放得好企理。…查看更多

食物質素好高質，非常好吃，又多選擇，就連隨牛肉附上的生菜都好新鮮美味。醬汁方面一般，燒汁，鹽同埋醬油。個人最喜歡「牛もも肉 」。其他部份其實都非常好吃。三郎係一間非一般嘅燒肉店。除咗肉類繁多及高質之外，今日來一轉，驚喜發現這裡歡迎客人來瘋狂飲酒，當然不少得大聲喧嘩啦！你會發現這𥚃非常非常非常之熱鬧！聲浪大到分分鐘會忘記自己在哪𥚃，以為自己身處龍蛇混集的地方。好特別嘅體驗呢！喜歡熱鬧的，一定要嚟試！…查看更多

同事介紹，第一次光顧，環境舒適，唔逼，枱與枱之間距離適中，在那個地區嚟講係一股清泉！其他食客都安靜，唔會好嘈，整體非常放鬆及舒服。看到一些應該係熟客一個嚟食，呢度好啱休一休息叉叉電。店員推介乾炒牛河，本身擔心好油膩及食唔晒，但係又好想試，一試之下發覺很美味及驚喜。色香味俱全！難忘那份猶如大牌檔的鑊氣！我成碟清晒😆 個感覺係唔滯所以誠意推介！店員提醒乾炒牛河唔係日日有，如果真去想去試，大家要留意當天有否供應。…查看更多

快：上菜速度快靚：菜式及裝修都instagramable正：嘢食好味+服務專業Lunch set 包沙律/湯、主菜、咖啡/茶沙律加咗紅菜頭，有特色👍🏻沙律醬汁係芝麻醬（個人好喜歡）主菜我揀咗豬扒，配菜係餐廳自己醃製味道少少酸嘅紅菜頭椰菜絲，感覺有啲似食德國豬手配酸菜咁，個組合幾夾。好味！Iberico豬扒煎得剛好！另外，個lunch可以加＄配洋蔥圈，個洋蔥圈炸得乾身，好食，個醬辣辣地，好惹味！咖啡夠熱，味道雖然mild, 但留意返，係配熱奶！係熱奶！係熱奶！成杯飲品夠熱我已經覺得好滿足同埋冇乜得去挑剔。個人喜好問題，硬係喜歡餐後甜品，所以再加多一件cheesecake，yummy! 加上服務質素高，呢餐lunch 好滿意呀！一間有心思嘅小店！…查看更多

早陣子同兩位朋友去試呢間新餐廳的午餐，抱住很大期望，因為本身非常喜歡意大利餐又喜歡日本菜！失望位：1。本身勁宣傳嘅soba消失於menu上。。。我朋友特登為這道菜而來的。。。2。我哋三個嘅坐嘅枱為位成間餐廳嘅中間位，近工作人員嘅工作枱，係！係非常近個工作枱嘅關係，成餐飯d工作人員喺我身邊穿插N次，佢哋又行得好近我又鬼死咁快，非常非常騷擾，試問邊個想成日呼吸到佢地扯嘅風？！Fine dining? 佢哋行嘅速度似快餐，一d都唔fine唔relax! 3。魚生飯好細碗好一般。Pasta ok嘅，甜品個軟雪糕都ok 但整體體驗係超級失望！請記住人均七百蚊一個lunch係五星級酒店餐廳價錢，咁嘅服務真係好好好好失望！…查看更多

星期五即興約朋友午餐，大多中環有些名氣的小店都full house 。失望了一會，醒起這間位於置地廣場四樓的中菜館，立刻打電話訂位，訂到，心情放鬆了不少！ 去到唐人館，才知道場地很大，很美的裝橫，非常適合宴客傾生意，三五知己聚會！ 因為多間隔以及不是枱貼枱，所以餐廳算是寧靜，不算嘈吵。跟朋友叫了個set lunch , 總括而言幾好食（但不是很難忘），最好食係個叉燒，待應很專業（這是我欣賞的）。下次如果再去，會散叫點心，可以試多幾款。…查看更多

是晚一行十多人往Summit Cafe晚膳。食物水準高，服務員殷勤友善。是晚餐單如下：Appetiser : Padron Pepper/ Gambas Ai Ajilio/ Choco Foie Gras/ Smoked Eel Crispy Bread - 一次過吃四款 tapas, 特別喜愛青椒仔！Salad: Smoked Anchovy & Avocado Salad - 可能我很喜歡吃牛油果，如果多些牛油果，少些蕃茄就好了！😛😋Soup: White Asparagus Soup - 非常時令的一道湯！非常鮮甜美味！！我可沒有喝過白露荀湯呢！好滿意呀！Suckling Pig - 一試難忘！真的一定要試這個燒乳豬！皮脆肉嫩！ Seared Halibut with chorizo & reggiano - 其實已經好飽，不過見到個魚就好想 KO埋佢。魚夠滑！Cheesecake with mixed berry swirl and Poached pear with plum wine jelly - 已經飽到上心口，但誰能抗拒甜品？個cheesecake 好 light ！！！正！還有個 sorbet 加 李！非常夾及好吃！Light而不膩！十分滿意的一頓飯。…查看更多