dorothy0611的個人專頁

個女返學 梗係約老best 去打邊爐啦！今日我哋就揀咗去天后嘅圍爐食午餐，食完午餐之後大家快快手去湊女放學🤣🤣🤣潮汕火鍋佢哋同一般嘅火鍋唔同，佢哋只會提供一個豉油同埋沙茶醬俾你 唔會有蒜頭辣椒呢啲其他味道去影響牛肉嘅質素美國安格斯牛肩胛肉 牛肩胛肉質鮮嫩烚10零秒其實已經食得牛味香濃，肉質嫩滑，食到唔停得口！北海道十勝豚肉十勝豚肉，估唔到咁有咬口好香豬味！對住呢個180度無敵嘅環境，食下傾下咁就要夠鐘去湊女，下次想要多啲me time 呀😮‍💨…查看更多

早排爸爸媽咪帶我去食燒肉，原來燒肉店都有波波池玩真係十萬個開心！全港只有觀塘店先會有咁大個波波池比小朋友玩架，一入到去見到有韓屋嘅裝修即刻叫媽咪同我打卡先啦， 影返幾張靚靚相。我玩波波池媽咪就叫野食，玩完返埋位見到成枱食物，我流晒口水🤤媽咪叫左個兒童餐比我：白雪雪。雪人黃金炸雞飯（炸雞、三色椒、火腿、茄汁、飯團）炸雞係我飛佛，脆卜卜啖啖肉好好味！然後佢地兩個叫左個《聖誕村燒肉歡樂派對》🍽️燒烤🥩Item：🐮牛胸腹聖誕樹🎄🐮壽喜燒牛前胸🐮蔥鹽牛舌👅🐮荔枝牛肉串串🍢🐷豬頸肉拼外群肉🐷厚切五花腩見到棵牛牛聖誕樹簡直令人食指大動😛毫無疑問，所有嘅燒肉都十分高質。令人有驚喜嘅係荔枝牛肉串串牛肉包住粒荔枝食落好清新。爸爸話晒鍾意就係個厚切五花腩，肉質juicy唔油膩。主食🍽️：🥔薯仔煎餅呢個煎餅我同爸爸係停過口食🤣🤣就知道好唔好味啦！甜品：聖誕棉花糖配朱古力消化餅呢個係我最最最鍾意嘅甜品，燒溶左嘅棉花糖，用兩塊消化餅夾住嚟食，呢個太邪惡嘅嘢，簡直係衝擊我哋嘅味蕾，我食晒成塊，本來我想食多塊嘅，但媽咪話要每人只可以食一塊唔比我食🙃🙃我嬲豬呀！飲品🍸：🍹藍天使梳打🍹玫瑰佛手柑梳打🍹柚子檸檬梳打成餐飯都好好味，爸爸媽咪下次再帶我嚟食啦！🤣🤣🤣…查看更多

早幾日去上環做嘢，差唔多食飯啦，就諗住喺附近搵啲嘢食經過劉興記所以就入去食個午餐，因為都真係好耐冇食過生煎包啦！因為冇食早餐嘅關係，所以我叫咗一個麻醬雞絲粉皮套餐，另外再點多一盒瀨尿蝦生煎包。首先雞絲粉皮先醬汁好澀撻撻撈埋啲粉皮一齊食嘅話個口漿住咗架，加上雞絲又滑，精神撈埋青瓜絲好清新。到咗從頭係生煎包啦，跟餐就叫一個招牌生煎包。然後突然間見到佢有一個手寫嘅餐牌，寫住有瀨尿蝦生煎包，我呢世人都未試過食生煎包入邊有瀨尿蝦。果然係冇揀錯，佢個瀨尿蝦都算係大隻一啖咬落去都係又熱爆汁個包又脆，如果唔係趕住出，我都想再試多一客。食完生煎包感覺整日都好完滿。…查看更多

好耐都冇食過放題啦，諗住今日放假約朋友出銅鑼灣食啦！點知俾我搵到有大閘蟹放題喎，咁梗係要試試佢啦！因為晏晝要趕住湊放學嘅關係，所以只可以同朋友去食午市放題。唔試放題$499可以有三小時任食大閘蟹的確係爽，可以慢慢拆晒蟹肉然後慢慢食。原來依家佢仲免費幫我哋升級可以任飲Sapporo 或1664啤酒、仲有海鮮拼盤同海膽帶子刺身添。佢哋首先嚟咗一個刺身拼盤同埋海鮮拼盤，仲有白煙襯托添，呢兩個拼盤擺上枱，簡直就係一個打卡嘅重點！ 刺身全部都大大件超Yummy隻蝦同我隻蝦手一樣長。從頭起當然就係有大閘蟹啦祝四両嘅大閘蟹真係好有看頭，我真係好耐冇食過大閘蟹真係食到停唔到口。除咗食放題之外，原來佢哋呢度有午市定食㗎，啱晒要喺呢度附近返工嘅上班一族。今次呢個放題簡直係食到肚滿場肥啊！唔好講咁多快啲約吓另一班friend一齊再出嚟食多一次。…查看更多

做嘢咁辛苦，梗係同朋友一齊嚟食餐好㗎啦呢個燒肉放題真係不得了，再加上任食榴槤果然係一絕燒肉屋開喺天后清風街呢個係其實都好！今日下晝同朋友背住個女，兩個偷偷地出嚟約會，食到肚滿場肥！所有所有肉類都係新鮮美味多汁Juicy，任食榴槤除咗可以就咁食之外，亦都可以燒吓佢嚟食，最令人驚喜嘅就係榴槤薄餅係要自己燒加啲醬落去真係好Yummy佢所有飲品任飲，除咗一段嘅汽水之外仲有清酒、梅酒、仲有佢地自家製嘅百香果荔枝水果茶…查看更多

今日係星期六我一早起身溫咗書 ，然後媽咪同我默咗一次書之後。媽咪話我乖乖，叫我快啲換衫帶我去食一個好味嘅甜品然後我哋就搭叮叮去咗堅尼地城吉席街嘅呢一間舖頭喇！@nook.ktown 佢哋係賣Gelato同埋雞蛋仔嘅好地方我一見到個雞蛋仔相，就開心到不得了，我好耐無食過喇😍於是媽咪嗌咗一個 「杜拜朱古力脆脆雞蛋仔俾我食」媽咪聽佢啲朋友講話杜拜嘅朱古力好好食呀，所以叫呢個俾我試吓，朱古力入邊有啲粒粒脆脆，我覺得好好味、好滑，一啲死甜嘅感覺都無。而我最鍾意食雞蛋仔架喇，外脆內軟如果一啖雪糕撈埋個雞蛋仔嚟食，簡直係超級Yummy。佢叫咗個雙球雪糕 - 西西利開心果味同埋薄荷朱古力媽咪話佢好耐冇食過薄荷朱古力，食一啖佢嘅薄荷味好清新，濃濃薄荷味加埋啲朱古力粒粒碎真係好正。開心果雪糕係意料之外嘅好味，因為佢係勁多開心果碎喺入邊，兩個雪糕都係綠色嘅，好蝦人嘅感覺，見到覺得個心涼快。多謝媽咪請我食呢個咁好味嘅甜品呀，我充滿力量喇！…查看更多

襯個女返學 偷偷地自己去咗食辣野，終於可以唔使就佢口味去點菜😍呢間餐廳正宗川菜風可以自己配搭鍾意嘅口味裝修好有特色，一入到去見到個大面譜嘅櫃好有趣。我專登揀飯後時間去食，費事同附近啲OL爭位啦。我揀咗一個瘋狂牛肉麵（bb辣）跟蒜泥青瓜、甜品係紅棗銀耳湯加埋杯凍檸樂簡直係不得了的選擇！牛肉juicy 麵質彈牙我最鍾意係個甜品，滋補養顏。我發現原來我可以再食辣啲，我下次會再挑戰辣多一級，食川菜唔食辣就唔過癮。#瘋狂小面香港中環 #正宗川菜🌶️🌶️ #好好味的擔擔麵…查看更多

燒肉店開到成行成市，要搵個吸引到人嘅地方當然肉質當然係要新鮮啦。呢間位於銅鑼灣慨燒肉店，他們主打平靚正嘅燒肉，我地入到去格局好似舊式嘅居酒屋咁樣。我地叫咗個特選燒肉二人盛芥末八爪魚青瓜 - 芥末的辛辣配上青瓜的清新，口感好豐富磯煮鮑魚沙律 - 鮑魚沙律好特別慨配搭食落都幾開胃粟米蘋果 - 小朋友最愛的粟米和蘋果，媽咪爸爸一舊也沒吃過，因為我全部吃曬🤣🤣🤣黑松露和牛炒飯 - 香濃的黑松露配上和牛粒的炒飯，一點也不油膩，我吃了兩碗自家製牛乳凍 - 牛乳果凍好香奶味，而且不甜配上焦糖或士多啤酒水十分好味#日式燒肉 #燒肉#和牛 #美食探店 #餐廳推薦…查看更多

西環其中一條隱蔽橫街窄巷，有一間好好味的麵店！餐牌得3款麵比客人揀，正所謂精益求精，唔需要太多揀擇，專注做好三款麵就好夠，呢啲小店就係值得大家去關注同幫襯！我地試左其中兩款麵雙頭湯 （瀨戶內海廣島蠔+新鮮蜆+豚叉燒）雞白湯慢煮雞胸+豚叉燒豚肉叉燒係粉紅色的，肉質爽口。慢煮雞胸一啲都唔鞋，肉質仲好滑。至於拉麵可以軟硬度隨個人口味要求去揀，同埋可以揀柚子麵添。保證總有一款適合。佢地湯好濃的雞味，完全沒有油膩感。…查看更多

以前喺港島區返工，間中都會去食聰嫂甜品，知道佢哋係灣仔開咗新店，就約咗朋友仔一齊去食個甜品先。嗰度咁多人嚟排隊喎，我哋都排咗好幾次先到我哋！入到去都唔覺得佢好逼夾，坐低冇記得就要即刻嗌嘢食啦！兩個小妹妹佢哋都叫做個窩夫！【布蕾醬焦糖脆脆雪糕牛角窩夫】【香蕉🍌朱古力🍫醬焦糖脆脆牛角窩夫】以上兩款甜品都係用牛角包夾成做一個窩夫，勁鬆脆都唔使講㗎啦配埋雪糕，兩個小朋友食到想舔碟咁滯🤣🤣【榴槤水晶】榴槤味勁香！真係冇得輸！【楊枝甘露】經典甜品之一，加埋小丸子都係一個絕配！因為天氣太熱啦，我哋兩個媽媽忍住叫咗兩杯西瓜汁拎走飲🤣🤣到最後比兩個女一人一杯大啖大啖飲晒啦⋯⋯…查看更多

黃埔有間特色餅店，係專賣懷舊小吃例如：老婆餅、豆沙餅、合桃酥、香蕉蛋糕、椰撻….媽咪專登去買啲餅餅俾我食，媽咪話呢啲舊式少少嘅店舖越來越少啦，好應該幫襯佢哋嘅！【豆沙餅】好香濃嘅豆沙味，唔會太甜，食落有少少起沙嘅感覺！【提子鬆餅】雖然佢個提子鬆餅睇落好似比較硬，但食落去一啲都唔硬過仲好鬆脆添！【雜錦曲奇】一盒曲奇餅入邊咩口味都有就最啱我啦，因為我可以每款試齊晒，所有餅都好鬆脆，店員姨姨話開咗要盡快食㗎啦，如果唔係淋晒就嘥咗㗎啦…查看更多

某日好有閑情出尖沙咀食個brunch見The One呢一間個裝修都好似幾特別，於是我哋一家三口就衝入去啦！【炸黑松露蘑菇球】香脆可口、入面係香濃嘅黑松露醬配磨菇粒。【蕃茄湯】有好香濃嘅蕃茄味，佢唔係剩係得湯，入邊仲有好多洋蔥同蕃茄粒，飲晒成碗之後，阿女竟然要想飲多一碗😂😂【澳洲牛胸腹排 配燒薯粒、火箭菜、香草醬】牛排好淋、好juicy，難得阿女話好好味要勁食勁食🤣🤣除左牛排 我都鍾意食佢個配菜- 薯仔粒【海鮮蕃茄醬汁意粉 - 西班牙墨魚、大蜆】蕃茄醬意粉，睇落好似冇乜特別，但佢個重點就係個墨魚度，平時食嗰啲墨魚呢好似咬香口膠咁，呢度嗰啲係呢個情況出，而且仲好爽口添！【凍檸茶、雜果賓治】【巴黎式芝士蛋糕】好香濃嘅芝士味，勁Creamy ，唉又有人同我爭食喇😅下次都係要叫多一個甜品比呢位小姐先得😂…查看更多

身為澱粉質怪嘅我，好鍾意食麵包。有日媽咪帶我去銅鑼灣行街街，經過一間麵包店，佢有兩層高，樓上係麵包廠，每日由師傅新鮮焗製麵包，絕對係100% MADE IN HONG KONG。我見咁多麵包擺出嚟，就衝左入去，啲麵包好精緻賣相好吸引。佢地有多款新派菠蘿包、牛角包，款款都有不同味道，好想一次過買晒返屋企😂😂😂但媽咪話只可以擺幾個咋，真係可惜。我揀左呢幾款🌝 【黑星星撻⭐️（竹炭千層酥皮撻）】黑色蛋撻我都係第一次食佢，撻皮脆卜卜，蛋味香濃。👍🏻👍🏻【三文魚香草包🍞】呢個香草包幾好味，返屋企用焗爐焗返熱佢食正。【芋泥麻薯小牛角🥐】芋泥麻薯平時係當甜品食，今次現埋小牛角包真係口感好豐富。煙韌中又食到麵包嘅質感。【法式牛角包🥐】牛角包🥐係傳統做法，好味👍🏻又鬆脆📍銅鑼灣東角道24-26號怡東商場地下及1樓6-8號舖 …查看更多

甜品控嘅媽咪襯我上畫班, 賣甩我自己去食甜品, 呢日佢去左希慎廣場 B1裝修完後有好多暑人氣小吃店, 佢話好耐無食過食蕨餅 就入左去 來自日本嘅甘味處鎌倉。$98宇治金時刨冰 (另加$12 有3小粒原味蕨餅)媽咪話咁多人食刨冰, 天氣咁熱佢又試下, 抹茶刨冰配紅豆蓉 唔太甜又清新, 啱晒想食甜品又唔想食太甜的朋友食。期間限定 S $53 伯爵紅茶檸檬蕨餅（上邊果D係檸檬雪葩）呢個飲品好得意, 底部都有蕨餅, 香濃的伯爵茶 配上清新嘅檸檬雪葩,消暑的好係飲品。原來佢喺屯門市廣場都有間分店架！一定要介紹比朋友先。…查看更多

媽咪話又係時係喺西區呢頭搵食，今次我地搭叮叮遊遊下喺堅尼地城落車搵到間食中菜嘅餐廳。食中餐就梗係有「粥粉麵飯」架啦，原來佢哋仲有得打邊爐，爸爸話下次叫多幾個朋友一齊嚟先試。【菠蘿咕嚕肉🥘】我平時唔食酸野，媽咪話呢個叫咕嚕肉，舊肉肉炸到脆卜卜加上酸酸甜甜汁，真係好開胃送飯👍🏻👍🏻爸爸話個菠蘿好甜一啲都唔會乸喉嚨架，可惜我一食菠蘿就會咳，媽咪禁止🚫我食☹️【蟲草花雲耳蒸雞🍲】呢個汁好香濃，雞肉又滑 蟲草花+雲耳同個汁好夾，餸飯一流😍【上湯瑤柱浸時蔬🥬】媽咪話食多啲蔬有益，個上湯幾好味👍🏻【奶茶涼粉冰🧋】呢杯奶茶上面隻雞仔好得意，好似喺度游緊水咁！爸爸話好耐無食過涼粉，佢話同奶茶都幾夾。【凍檸檬桂花蜜🍯】呢個檸檬桂花蜜好清新，一啲都唔甜，我飲左半杯😆😆😆…查看更多