lala327的个人专页

今日真係好熱，好想食雪糕，但又想食格仔餅，放工經過華都商場就試吓食心思思，食過的朋友都話抵食，旺角都食唔到，結果我買咗2味的雪糕格仔餅（薄荷朱古力+曲奇味）🧇等咗一陣就有得食，整得好快，兩隻雪糕都好好味，係格仔餅就比較硬和無咩味，size真係夠大，食完都覺得自己涼快啲，經過都可以再試吓的。…查看更多

本身諗住試食佢個午餐，但見到原來有大大碗湯飯食，二話不說便落單了。今次叫了冬瓜豆腐金銀蛋肉片湯飯，跟餐包例湯，如湯飯食食下唔夠湯都可以倒過去。湯飯的豆腐、冬瓜、肉片都好足料，湯有咸蛋味之餘也加麻油調味，我個人都滿意這味道，也食得夠飽，下次經過會再食😋。…查看更多

以為朗豪坊無pancake食，誰不知行行吓發現呢度tea set有pancake食，本來食咗lunch仲飽緊，結果吸引咗我入去要食😝。我叫咗焦糖香桃班戟+凍烏龍茶($68)，另收加一服務費。我食過好多pancake店係唔包餐飲，但呢間係包埋，心理上覺得著數咗。雖然得2塊，但真係即叫即整，熱辣辣放上枱，又夠大塊，賣相超吸引🥰。嫌唔夠甜仲送上糖醬，好細心呀，我下次得閒都會再食過。…查看更多

我好鐘意食Gram嘅pancakes, 原來佢出咗散水餅，仲要買4送1，$175/Box(5 pcs), 我接受到個價錢喎，真係好心動嘅，咁就買番公司同同事分享。包裝唔錯呀，我想環保啲所以唔要紙袋帶返公司，服務員話Pancakes可以keep到一小時，我都唔敢怠慢盡快返去請同事食。一打開超開心呀，有士多啤梨、原味、抹茶同朱古力4種口味。士多啤梨味係限定版所以貴啲要$38。我最鍾意士多啤梨味，雖然係凍食的pancakes, 但皮仲係好軟身，多cream, 士多啤梨又新鮮，食落好有口感好好味😋，下次我都會再買呀。…查看更多

今日唔想食飯，見食客order的自選沙律幾新鮮又大份，自己都忍不住要食下先。我叫了自選沙律(大)，最多可㨂4款沙律，我今次只㨂3款：1. 紅菜頭蜜柑沙律2. 燒南瓜、菲達芝士、紅腰豆沙律3. 燒甘荀藜麥羽衣甘藍沙律南瓜份量多，鮮甜又夠軟身；大量粟米和紅腰豆在內，由於都有澱粉質，基本上食完都開始有飽肚；紅菜頭本身無咩味道就一般，但生果有一、二件切粒甜啤梨就好好食；羽衣甘藍份量也少，不過新鮮嘅，味道唔錯。整體我都滿意的，有蔬菜水果有營養，重點係食材新鮮，見唔到有爛菜，可以keep住食多啲。…查看更多

放工經過見到呢張poster, 3 Donuts + 飲品都係$60(免加一)，真心覺得抵，就食呢間當dinner.可能是晚上，內裡可買的Donuts款式唔多，我今次order咗2 Glazzy (Mokacha and Tiramisu) & Choco Caviar Chocolate + Hot Hazelnut Chocolate. 3個冬甩來講，我鍾意Mokacha, 外與內的綠茶cream好多好甜好重綠茶味；Tiramisu 個cream比較淡味，愛少甜的人好適合食；Choco Caviar Chocolate 就有驚喜，外層朱古力醬好好味，Nut又脆，食完真係想又食多個。呢杯Hot Hazelnut Chocolate, 份量無減少，榛子和朱古力味比例係50:50，真係飲得出2種口味，係好飲的，但甜度太高，我自己加咗熱水個胃先無咁濟，我下次會叫少甜呢😛。…查看更多

食完lunch又口痕想食嘢，結果我選擇食雪糕。經常想試食，今次終於俾藉口食咗先😋。純素椰子軟雪糕係用植物油整，素食者都可以食，而且味道唔太甜，健康人士之選。雪糕有原椰子粒在內，真材實料，佢又夠凍夠挺身，我企喺附近食都唔會好快溶，唔駛用佢張紙巾抹手，唔錯呀～…查看更多

Lunch如果想找個舒服嘅位又可以傾計，佳美餐廳都可以考慮。今次有4個人食我又可以坐sofa位，令我可以relax享受下個午餐。扒鴛鴦柳(美國豬柳/安格斯牛柳) $118跟餐有餐包、主菜、飲品，今次我個主菜跟薯角野菜沙律，薯角像是即叫即炸，上枱係熱的；沙律菜只是配角，份量比較少；豬柳大塊嫩肉；牛柳是最好、最正，有肉汁又入口鬆化，一定不是坊間那些薄片又強硬切唔開咬不碎果類。雖然價錢要加一比較貴，但這裡的牛柳真係無得輸，服務員落order又好快手、態度好，俾多少少錢也甘心樂意。…查看更多

同同事lunch聚舊，佢鍾意呢間野食好味，就排隊試下。我聞到㕑師煎的扒類好香，所以就決定食香煎雞扒沙律餐(湯+主菜+飲品共$80)。服務員先送上餐湯係忌廉湯，份量係湯碗的1/3，味道濃不會有結粒，唯獨有少少胡椒碎未爛就有點辣咳咗幾聲，如果份量可以多啲就好。飲完湯送上大大塊熱辣辣脆皮雞扒，配上新鮮沙律和暖的蒜蓉汁，成個餐好靚又好正。廚師煎到塊雞扒好脆，我就連皮食，雞扒肉厚唔硬，煎的火喉控制得正👍🏻，以中上環cafe來講$80呢個價錢食扒係可接受。飲品我叫了凍杏霜，想不到有泡沫層，唔太甜，好飲的。Cafe環境整潔，係今次坐bar枱覺得比較迫，背住坐落order有啲阻滯，下次會叫多啲人一齊食坐4人枱。…查看更多

雖然lunch時間温度成34.5度，但今日忙了成朝想望海靜下，所以去3號碼頭食lunch.要先落order後找位坐，可以用八達通和cash付款，之後服務員會送餐過來。我今次叫了焗豬扒飯set lunch, 包忌廉湯+焗豬扒飯+凍飲(+$3)，忌廉湯唔稀有湯味，大大個焗豬扒飯係炒飯底，一大片豬扒切片，上層加上紅青椒絲、洋蔥絲、蘿蔔粒、薯仔粒、芝士一起焗10-15分鐘左右就熱辣辣出爐送上枱。味道方面，成個焗飯無咩重口味的調味料，淡味芝士，淡味蛋炒飯，食完唔會口渴想飲水，而杯凍檸茶又夠大杯，我個人食到好飽肚，對我嚟講這裡的食物我可接受的。能在海景餐廳食廉價餐仲可以望住個海，應該只有這裡先可以做到。…查看更多

今日有小朋友來我家玩，作為長輩都要請下佢哋食嘢，但又唔想太破費，就決定買冬甩🍩😋。論價錢和Size, 所有味道任選一盒12件冬甩都係$158，平均$13一件真係抵食喎，以下都係我最愛的選擇，由上而下，左至右排列：1. Alcapone / Marble Hazel / Oreology / Berry Spears2. Mr Mokocha / Mr Green Tea / Forest Glam / Strawberry Rainbow3. Tiramisu / Chico Caviar Chocolate / Yin Yang / Jacky Chunk無孔的冬甩内有大量cream；有孔的冬甩外層有裝飾加強本身個味道。放埋一齊都係好吸引，有衝動好想食曬佢哋。…查看更多

來唐宮最好是3人行，因為有啲點心以3件為主，平均分配就唔會食多咗or食唔到重覆落order. 今次我們3個人叫咗6樣嘢：1. 沙田乳鴿（$39）不論幾時來都會食乳鴿，真係好好味😋，次次都係熱辣辣放上枱，又好脆皮，服務員一定俾埋膠手套和消毒紙巾抹手，我們次次都不顧儀態用手食，先可以食曬乳鴿所有位置。2. 蒸荷葉飯（$109）看上去份量好像較少，但內裡的飯整到好豐盛！加上內有6隻蝦，飯完全有荷葉味和蝦味，而且調味唔鹹，唔錯的。3. 黑金流沙（$49）呢個一上枱要第一時間食，先會有澎湃的流心奶黃，由於我食完乳鴿先食，內裡凍咗有少少凝固咗。味道就甜度適中，有質素嘅，唔似出面的平價奶黃包個餡係有膠膠地的。4. 炒蝦腸粉（$89）炒腸粉有大蝦在內，加上洋蔥絲、葱絲、芝麻碎用豉油一齊炒到好乾爽，唔油膩，味道有如再濃味多啲就好了。5. 煸四季豆（$89）四季豆非常夠味，又有肉碎，我連同荷葉飯撈埋一齊食，好perfect match！差不多成碟俾我食曬😋。6. 非常山竹（$49）内裡有蟹肉和芋頭蓉，上面支杆係朱古力，外面炸到好脆，不過佢比較遲上枱，我食完濃味的四季豆後就覺得這個比較淡，其實好食的，食前應該要先飲茶至真，先試到真味道。女服務員真係好細心和記性好，當然會再來的，唐宮我仲有好多嘢未食啊🤤～…查看更多

今日排隊玩完越礦飛車後，真係好肚餓，於是去返入口處嘅水都餅店買個甜品食吓、休息吓。我見到店內櫥窗呢個鮮果撻好靚，有好多生果，記得自己仲有$30電子美食券，所以就補$18買來試吓。鮮果撻有桃有橙有藍莓有士多啤梨，都係新鮮生果，好鮮甜。底部有吉士連脆皮碗，果撻外觀設計得好靚，原價$48呢個價錢都值嘅。整體係好食呀，下次有機會再來食其他嘢。…查看更多

見OpenRice有6折promotion咁平, 所以特地去試食吓。我問服務員要叫邊款食物可以有6折優惠，佢話其實個Set Dinner入面嘅食物已經包括左平日個Menu比較貴嘅食物，所以Set Dinner個價錢唔會有6折… 其實價錢唔係好平，不過既然一場黎到，就都係食下啦。先來個Daily Soup, 係蘑菇湯，個賣相都唔錯㗎，有蘑菇味，可惜佢入邊落咗好多胡椒粉，成個湯食完我覺得好辣要飲水。主菜係肉餡馬鈴薯批，熱辣辣的放在枱面上。內有Minced lamb, mashed potatoes & cheese, 成個批份量都夠大，有好多羊肉碎，唔會淨係得薯蓉。配菜有青豆&薯條，薯條真係炸得好脆好香口，好快就食晒！由於羊騷味好重，青豆我會連埋薯蓉一齊食，中和了羊騷味，所以我仲可以食下去。甜品有焦糖布甸蛋糕伴雲呢拿雪糕，呢個蛋糕係熱食，布甸蛋糕好軟身又有勁重口嘅焦糖味，我反而鍾意個甜品多過主菜😍！至於雪糕我連埋焦糖汁一齊食，唔好浪費咗個汁。最後餐飲我叫咗熱咖啡，估唔到係illy咖啡，服務員好細心俾埋淡奶俾我，呢間餐廳個服務都好好👍🏻。呢度嘅服務都好好，佢會留意住你食完第一樣食物，先至會比第二樣食物出嚟，完全不會像出面啲茶餐廳咁一次過上晒所有食物，係度用餐可以慢慢享受食物同消磨時間。…查看更多

我本身好鍾意食冬甩，經過中環街市時望到店舖櫥窗放咗好多大大個的冬甩，於是都停下來望賣相和價錢，雖然造形似冬甩，外面的確有朱古力薄脆皮，但內裡係鬆餅，所以真正係叫冬甩鬆餅。服務員都向我介紹有4款冬甩鬆餅：綠茶紅豆冬甩鬆餅、香蕉冬甩鬆餅、藍莓冬甩鬆餅、朱古力冬甩鬆餅，每件劃一價錢都係$20。因為買6件只係$88，結果我就買夠6件冬甩鬆餅試下，起初以係6件放埋一個盒，但原來係分開各2個和4個一盒，雖然包裝精美，但覺得有啲唔環保。付款時可以用Openrice Pay俾錢，掃個code就得，真係好方便👍🏻。我買曬4個味，再加朱古力和藍莓一共6件，全部都係大大件，望住都想食，不過未影相已經俾人食咗幾口香蕉味，所以無影到香蕉味個外貌。我係綠茶控，揀左綠茶紅豆冬甩鬆餅試食，朱古力薄脆皮真係好好味，甜度適中，咬住時又唔會好易跌落地；鬆餅夠綠茶味，唔硬唔會好乾，整體係好，食食下已經好快食晒😂。至於其他味道評價，由於分咗俾人攞走，所以未寫到，等下次我再食會再寫下食評😋。…查看更多