一米也的个人专页

不過不失，中規中矩拉麵店花款不多是意料中事，好食既拉麵店唔需要多花款，只要招牌麵好食就夠，始終拉麵店係速食店既一種，唔需要裝修、花臣。所以，店既靈魂應該放係食物上面。今日試左招牌既特級白湯，不同一般日式傳統拉麵店，冇得選擇濃厚、麵身，對自己有信心既拉麵店，無疑係冇問題（或者最初代既港式拉麵亦冇得揀）。1）先來賣相，推頭好大，碗身好大，但份量適中，跟傳統拉麵店一樣，湯、料、麵身分明舖置，合格（6/10）2）拉麵靈魂之一既湯，實際與圖片稍有出入，比圖片中稀，未覺濃厚，食落偏咸，但唔係豬骨濃湯既咸，係鹽咸。拉麵湯底唔係逐碗煮，所以應該係整體偏咸，豬骨味不濃，只有合格水平（6/10）3）麵身，偏硬，更有未散開的「麵束」，似交貨麵底，似全蛋麵底。對於拉麵的麵的要求，應該要高，始終拉麵既主角係麵，如果做得差，就會整體不合格，雖然無需要每間麵店都可以選擇麵底，但未散開的麵，只會代表廚師心急、趕時間、無誠意，要扣分。（4/10）4）配料對於拉麵店係錦上添花，但拉麵跟湯底不合格既情況下，能挽回一點分數也是不錯。特級白湯用上薄切五花腩，與一般傳統拉麵店一樣，可讚之處係佢味道偏淡，正好配合湯底，反而為佢加左分，肉質幼滑，雖未入口即融，但可以一食。（6.5/10）5）整體來講，係中環能立足，但有點言過其實，係無選擇之下，亦可一試，但要長途跋涉來排隊則可免，會有更多更好選擇。…查看更多

因為係第一次寫食評，仲要係後補食評，所以未有圖片，日後再食時會細心補上🙇🏻‍♂️首先，先講餐廳外表賣相。作為一間日式燒肉店，佢既門面賣相係唔錯，有神秘高格調既氛圍，作為情侶/對象第一次既約會，絕對會比到對方一個好印象。其次，開口入去環境亦唔錯，2人坐位都會係平排面坐，有助於情侶/密友私聊傾偈，加上，兩人平排坐係有原因，後面會再講。但呢到有一點要彈/或者係吹毛求疵，就係坐位下面有一個凸出嚟既抽風位，女仔著短裙要跨過有啲尷尬，雖不是大問題，但能改善更好。根據店員既解釋，因為燒肉店用既係向下抽風，所以排氣喉都係下面，未知其他坐位/包廂如何，可能會無呢個問題。其次到服務，呢間服務有水準，店員會主動解釋餐牌內每個set，當你揀好左，店員會慢慢解釋，仲會比啲推薦你，例如你想飲酒，佢仲會分析比你聽唔同既酒點配，唔似只推薦啲利潤高既比客人，有專業水準。到上菜時，店員會逐一介紹，訓練有素，對每一碟都十分熟悉，但唔似機械化，證明有用心。而且，佢地仲會問客人想自己燒定佢地幫燒，正好比情侶/閨密傾住偈等食，所以，啲二人坐會平排坐，方便店員係對面幫你燒。當然，佢地燒慣燒熟，一定會比你自己燒專業，自然亦唔會燒失敗。第三樣到食物既賣相同質素。呢兩樣餐廳亦有高水準。第一次幫襯，多數會叫set去試。今次叫左$1830既set，質素絕對對得起價錢，再加一支$400多既清酒，整體都屬高水準。對於食慣靚牛既都會滿意，其中海膽生牛肉絕對係最高水平，入口即溶、油脂分布平均，配上海膽既甜度（因為過左一段時間，未肯定記憶中既係馬糞海膽定日本海膽，但印象中外表顏色應該唔係馬糞），呢個菜會寧人印象好深。之後既火炙生牛肉片，用上A5西冷，亦係超水準表現，唯一要彈既係，細食既人/女性會覺得稍膩，會有半分飽既感覺。講返一開始既沙律、漬物、泡菜盤，其實都很高水準，不過始終比燒肉既水準比左下去。到正式主菜特選和牛5部位燒肉拼盤，唔好睇佢只得5件，對於一般中份食量既人都會好飽，因為每件和牛既油脂都好高。如果選擇店員服侍，佢會逐一講解，每一件牛嚟自邊個部位、油脂比例，會順次序，由輕到重咁燒比你，並且，佢會等你慢慢食慢慢享受，等你食完一款、再慢慢燒下一款，唔會一口氣猛咁燒好似好趕時間咁（呢部分既服務真係好加分）。如果同情侶去食，真係好加分（係對你唔係對個店員）食完5件和牛，其實一般人都已經好油膩，但未飽肚，唔怕，佢仲有個和牛尾湯麵。但因為當時我已經飽左，只係試左少少，加上飽左味覺敏感度下降，味道不能作準，故不作評論。清酒🍶方面，因為人人口味唔同，但整體來說係幾好，店員都有用心介紹，值得一讚，但因為過左段時間，所以不在此細談。來到最後一部分，當然係價錢。嚟得大坑食、仲要食燒肉，預左會貴，以$2000幾食和牛燒肉，仲有好服侍，我覺得係超值，一世人點都要試下，感覺比你去食700蚊既日式燒肉放題/自助餐，嚟得化算。一米也話齋，食幾多著幾多整定，但食得好唔好由你決定。今次我比9/10。…查看更多