黑芝麻豆腐漢堡的个人专页

炸雞黎講，一定食原味，因為咁先食到雞嘅原汁原味！呢間係炸雞外買店，但店舖外都有酒吧枱比客人企係到食。款式多選擇，除左唔同味嘅炸雞，仲有蕃薯條等小食我都好想試，不過一個人，廢事叫咁多野食嚇親人，就只係叫左原味炸雞球（5件$22）好開心啲雞係新鮮 熱辣 出爐！原味雞係配上美乃滋，上面灑上少少調味料，已經夠味。炸粉唔算厚 唔會皮肉分離雞肉同脂肪比例唔錯咬落juicy 外脆內嫰 其實好過好多炸雞店(有圖有真相）小店位置唔算起眼，宜家艱難時期更艱難～大家買外賣返屋企食，可以考慮去呢到加料啊！另：我一個人堂食 店員哥仔見我滿頭大汗除特登開左窗 吹啲冷氣風比我 仲拎埋風扇真係唔話得啊！同埋本土小店，啲員工都好年輕更加要支持！諗定下次叫咩味先...…查看更多

很多朋友都向我推薦這間麵包店，特別是酥類曲奇類，試過一次後忍不住再三回購，想瘋狂試食所有作品。海鹽布里歐外表平平無其，但卻成為我的最愛。看來像硬角角的麵包，但咬落好鬆軟。豐富的牛油味配上外皮灑上的粗海鹽，意想不到的配合～簡單卻充滿驚喜。提子鬆餅牛油味香濃但又鬆軟而不膩，保持水準紫糬紫薯蓉配上麻糬，是比較新式的款色。餡料多又不會過甜，麵包鬆軟配上煙韌麻糬增添口感。海苔肉鬆貝果個人認為貝果要新鮮出爐食，不然人變得過硬。剛好遇到新鮮出爐的貝果，外皮帶點脆，口感紮實，但可以多點煙韌口感。雖然表面沒太多海苔，但咬落味道濃郁，與鹹香的肉鬆十分配合！朱古力酥新鮮出爐比室溫的味道的確有差別，滿滿的牛油香加上層次分明的酥皮，的確是出色的牛角酥！加上新出爐，內裡的朱古力條溶化成流心，不甜不苦的味道與酥皮融合一體，一試難忘！…查看更多

今次係weekend下午來，人比較多，好彩都有位坐～ MATCHA STRAWBERRY KETO CAKE $88今次呢個蛋糕嘅cream唔係cream cheese，所以只有重重嘅奶味～口感相對輕盈，入口即溶。士多啤梨唔係果醬味，似草莓乾，好天然。雖然只係薄薄一層，但味道已經好足。蛋糕應該用左杏仁粉（？），食落口感粗同乾身小小，配上幼滑嘅cream令個cake唔會太膩。面層抹茶粉係無糖，淡淡茶味唔會搶去其他味道，整體感覺好輕軟😂另 啲staff 好有禮貌同有笑容喜歡啲cake唔會甜，味道真實…查看更多

呢間小店嘅cake正係weekend同public holiday先有得賣～ 雖然個menu冇講明有keto 嘅飲品，但同佢講想要keto就會為你製作，就係佢地所講嘅secret menu！BLACK SESAME CREAM ROLL $58好濃好濃嘅芝麻味！厚滑嘅cream配外層濕潤嘅蛋糕，細細件唔覺膩，不過個人覺得甜度可以再減～Secret Menu- CREAM SHAKEN MATCHA LATTE $60連代糖都冇加嘅matcha latte，見濃濃抹茶味，唔會苦澀，上層嘅奶泡厚厚的，口感好滑，飲落係好creamy嘅matcha latte！外面飲品店嘅matcha latte多數都會mix埋糖粉，好開心呢間冇～總結今日來到，咖啡師只有一位（唔知平時係咪呢）雖然一手包辦，但唔會因為order多而馬虎製作～同埋覺得佢幾有氣質，希望有更多keto cake選擇～…查看更多

香港少有提供生酮菜式和甜品嘅餐廳，今次第二次食，決定一次過分享埋上次嘅食評！期間限定 KETO RED VELVET 白色嘅cream勁濃郁忌廉芝士味，內層嘅紅絲絨蛋糕好濕潤，同creamcheese融為一體，就算一個人食哂一整件都唔覺太甜。Matcha Cheesy $62上層嘅cream cheese同keto cake嘅唔同，相對淡味同冇咁甜；下層啲搽茶就相對失色，茶味太淡，水太多，我諗milkshake會好濃味啲。Double Chocolate $9xKeto+veggie 嘅cake好少有~暫時食過最喜歡嘅keto cake（私心係朱古力😛）雖然五層都係朱古力，但絕唔會因此甜到起痰（食哂成件一點不漏）即使係黑朱古力又唔會得苦澀味，同埋啲cream好厚實，所以又好味又飽肚😂總結蛋糕貴，但值得（前題係製作材料係完全乎合生酮要求）蛋糕好過飲品會返轉頭試其他cake同菜式～…查看更多

如題，是為了沙拉菜而來卻沒有沙拉菜，難免有點失落，幸好每款便當都會配上五款家常菜，走飯都不會太單調～滷排骨便當（走飯，加滷肉$5）$69原來滷排骨都是炸的～只是沒有鹽酥那麼多炸粉。排骨看似濃味，但食落味道剛好，略嫌有點乾。好在加了滷肉，肥肥的豬肉為整個便當增添不少味道，不知不覺都吃光了。其中一款家常菜是滷豆腐，實實的口感，外層淡淡滷水味又不會蓋過豆腐香，小菜作點綴卻令人有驚喜。鹽酥脆雞便當$62朋友點的，沒有試味，但賣相都吸引啊～前：金桂烏龍茶（跟餐加$7）後：古早味奶茶（跟餐加$5）桂花烏龍，桂花味足，但烏龍茶有點苦澀奶茶嚐了一口，正常還有一條黑椒台灣腸（$10）味道可以的總結：我們6點鐘來到不用等，但過了半小時門外人龍是長長的，想食便要早點到～希望下次有沙拉菜，還有要試一下烏龍奶茶…查看更多

屋邨下的小店，同隔來啲茶餐廳好大對比。一個人坐bar枱，雖然店舖唔大，環境同音樂都令人好relax。食物選擇多，主打咖啡（用明治鮮奶！）、牛角包，仲有意粉、沙律，all day breakfast、甜品。但由於開始緊生酮飲食，就揀左沙律走多士。牛油果烤雞沙律 配多士$60睇落都幾大份，沙律灑左芝士粉，同加左類似黑醋嘅汁。烤雞係用氣炸窩整，即係冇落額外嘅油烹製，食落唔會好大陣萬年油味，都幾滑，調味做得幾足。牛油果睇唔出半舊定一舊，因為都幾大件，好飽。啲菜睇落普通，但食得出好新鮮，咬落好趣之餘真係有啲鮮甜味，加埋啲汁，成碗清得乾乾淨淨。本身仲想試下大啡菇，不過食完已經好飽，下次再試其他～…查看更多

小妹呢幾日開始生酮飲食，外食其實冇咩選擇，周圍搵，發現良心嘅龍門有自由配搭嘅套餐！餐牌選擇多，可以配合唔同飲食習慣嘅人。時菜可以揀西蘭花/生菜 $18 （唔包飲品）可另加$7-14配其他食物（各種蛋類、雞翼、雞扒、豬扒、魚柳...）雞扒煎得好香，切開好多汁，手掌（連埋手指）咁大塊，略嫌鹹咗少少；煙肉，肥膏同肉比例一比一，瘦返少少會岩我啲；烚西蘭花，正常，健康！埋單只係$39，全日供應。平日4點到唔洗等，如果少人排隊我應該會成日食。…查看更多

朋友去樂富踢波，隨便搵間野食，估唔到咁有質素！兩個人叫左5樣野食，埋單$250。三文魚壽司 $16 兩件三文魚厚切，質素正常，飯比例岩岩好，但如果正係想食三文魚建議叫刺身，一來更厚切，二來價錢都係貴$10，唔洗食咁多飯頂胃。雞肉雜菜鍋（豬骨湯底）$78好過出面啲一人邊爐。料：圖見到以外仲有金菇、粉絲，好多娃娃菜雞肉有黑椒調味，加上豬骨湯，唔會白烚冇味娃娃菜好多，二人share岩岩好三文魚刺身$48厚切，新鮮，夠凍蟹籽蟹肉沙律$48大份足料，蟹肉蟹柳絲都好多，唔會比沙律醬蓋哂啲蟹肉味，差在唔夠凍芥末八爪魚手卷$20個人覺得可以出迷你手卷，芥末味夠唔會太攻鼻，八爪魚彈牙，但飯量太多，如果飯包有埋餡就冇咁齋，最尾舊飯要點豉油食（唔想嘥野先食埋）總結：質素不錯每款菜式都大份位置就腳，地鐵站過兩條條馬路…查看更多

十蚊三件迷你餡餅。賣相吸引先買來試下，但一放落口一啲都唔暖（已經唔奢求熱因爲知唔係新鮮），甚至暖係凍添，另外餡料方面，一咬落去，啲肉好乾，正常餡餅應該有嘅汁完全冇，好失望。…查看更多

手抓餅比我嘅感覺係一咬就成嘴油，（雖然係咁但餵食嘅我都要食）但呢間嘅手抓餅又唔會油淋淋。即叫即整個皮好鬆化，叫左芝士加肉鬆$22，落單後5分鐘有得食。除左所揀嘅配料，仲會有埋生菜、番茄、醬汁，令個餅食落去fresh啲。整體口感味道一流，如果塊芝士可以溶埋就perfect喇！另外個櫃臺上面放左啲散銀，係比客人自己找錢，表達左老闆（我估係？）同客人間嘅信任。等食間會有人拎小食比老闆，老闆又會同啲熟客吹水，果然係街坊小店，獨特可貴嘅人情味。…查看更多

唔知第幾次食喇，係我最喜愛嘅漢堡店。今晚毒毒前來試左個凱薩雞堡($39)加薯角同薄荷茶(+$15)。一聽凱薩兩個字可能會覺得好dry，但食落並非如此。主菜煎雞扒嫩滑多汁，大塊，脂肪唔算多，咬落唔油膩，凱薩沙拉醬同生菜令整個漢堡變得清新，加上沙拉醬啲黑椒做調味，同雞扒好match，有慢煮雞扒嘅味道，仲有凱薩沙拉啲麵包丁添！薯角照舊新鮮即炸，分量多，個人覺得唔點醬汁更好味，再配上薄荷茶降低罪惡感。不過都係喜歡蕃薯條多啲姐～總結：保持水準，繼續返轉頭。…查看更多

8點鐘來到，見冇咩人驚伏，打算轉戰隔離街間米芝連，但去到好多人排隊，仲要全部係「外國人」，呢期真係唔想同佢地迫，加上一定食到好趕，都以決定回頭試下本土開嘅糖水店，就算伏都叫做支持下香港小店，好彩冇令我失望！餐牌多選擇，傳統糖水同西式都有，同朋友一人叫左一樣。老薑蕃薯芋圓糖水$38一睇就知足料。蕃薯大份份量多，夠淋身，加埋好夠辣嘅薑味糖水，一流。（雖然宜家夏天，但個人係超愛蕃薯同勁辣嘅薑味，所以好岩我）湯圓係芝麻餡，正常水準，芋圓反而味道較淡，而綠色嘅綠茶味較重，夠煙韌，整體唔錯。芋頭小丸子紫米露 $28好多時出面啲紫米露都係好稀得甜味，呢到嘅紫米煮得夠熟同時保留到口感，有咬口唔太淋，開頭以為係芋頭蓉，但原來係一舊舊芋頭，好足料，甜度滴中，濃郁椰奶味，唔會成碗都係水，大大碗食到尾唔怕膩。小丸子細細粒，正常水準。總結：宜家啲糖水店愈來愈貴，價錢高份量少，好多都係得甜味又唔足料。呢間糖水店滿足到食客嘅需求，除左性價比高，同以上提及嘅食評外，熱都係重點！夠火喉令糖水香味更濃郁，味道出啲，食落唔會好似隔夜糖水黏埋一舊舊，新鮮啲口感更香滑。會返轉頭試下啲中式糖水！…查看更多

聽朋友講大快活有健身餐，一直唔敢試，因為先入為主認為連鎖店啲食物又貴份量又少唔抵食。今日做完gym，諗唔到食咩補充蛋白質，咁岩附近又有大快活，就比個機會自己試下啦～南瓜汁雞胸紅米飯$46免費轉意粉，汁另上，包杯飲品宜家大快活有送餐服務（太耐冇食宜家先知），啲餐具有熱水浸住，感覺貼心，除左飲品仲送埋一杯水，太餓關係食左先影相，雞胸大塊加厚！唔係白烚乾爭爭，竟然比想像中juicy，一路食都研究緊係咪真係雞胸。意粉就唔要求要求咁多，走汁嘅關係所以好乾，少少黏埋一舊，加返啲汁就正常返啲，食得落口。仲會有啲椰菜做配菜。外食健康餐一向都貴，基本上冇咩餐廳有雞胸食，呢個餐塊雞胸咁厚又大塊，仲要有得轉但GI嘅意粉，唔追求味道口感層次嘅話，$50蚊有找食得過，健身人士多個選擇！…查看更多

來到銅鑼灣搵食，呢個地段食野一般都係中價位，對於窮學生來講緊係想搵又抵又好食嘅野，於是朋友帶左我來兩草。店內空間寬敞，圓枱好有大排檔、好地道嘅感覺。食品款式唔多，fit哂選擇困難症嘅我。兩個人叫左三款野食：煎脆邊蛋肉餅飯$30喜歡太陽蛋撈飯，加埋甜豉油令碗飯唔會好寡。肉飯都多肥豬肉，應該係肉餅愛號者嘅精髓。好味但唔算驚喜。咖央多士$20新鮮烘起嘅麵包，夾上半溶化嘅牛油同咖央醬，外熱內冷令口感好有層次。多士甜度適中，食兩件都唔覺膩。肉骨茶配小籠包$20好重胡椒味嘅肉骨茶，辣辣地幾開胃。小籠包皮厚度適中，咬落好多汁，冇諗過兩樣夾埋都幾match。總結：價錢合埋，份量細細碗但唔貴，岩哂兩三個朋友叫幾樣share試下味。雖然地方唔太就腳，但三點來到座位都有7成full，係小店嘅吸引力！…查看更多