littlerachs的个人专页

食過兩次，兩次都幾滿意。小食價錢唔貴，而且做得味道幾好，雖然唔係咩特別，但勝在香港人良心小店，唔會平價但質素參差，絕對係滿意比足分。推介鹽酥雞粒，熱辣辣又鬆軟，唔會太油。細細份十五蚊，但份量一定夠食，唔怕大晒鬼。另外朋友叫左個邪惡芝士旦包飯，炒飯底加香濃芝士蛋❤️推介！！！！再另外一次晚上上完堂成十點半十一點，老闆都肯比我地成班人買野，係咁加單唔嬲，係的確好多謝佢咁都肯理我地。依條街的小店以前成日轉手，元朗人元朗學生對依個位置一定熟悉，希望小店可以keep住係元朗小區生存，街坊支持各個小本生意仔，咁大家先有多選擇，又有平民小品生活，唔使下下入商場。最後希望小店質素保持，加油！！！…查看更多

好難得元朗有香蕉煎餅！！！星期日特登放假去搵下路，叫左個煎餅同一杯泰式奶茶。係泰國的味道呀！❤️好值得表揚的老闆，對人好客氣，個餅好多香蕉同埋好好食，加埋朱古力醬同煉奶😍廿五蚊我覺得抵食，作為一間小店佢一個人打理真係唔易。見到成間鋪其實唔多人，隔離花甲粉都冇人，個場少少冷清。希望可以多啲宣傳，唔好令依種小店消失，係平民的美食！另外就係奶茶，對比銅鑼灣果間冇咁死甜，細細杯加埋個樽仔好得意，雖然相對係貴少少，但個樽幾好用，拎左返屋企入濕碎野😂如果第時有大杯就好啦，一定會買，可以拎住一路飲一路行街。👍👍👍👍👍加油！…查看更多

漁川結業變左依間雲吞店，係佢開張後2-3個星期左右去食下,下午茶時段，見佢平平地就入去坐一坐，可能比較晏下午三點店面冇乜人。餐牌有下午茶餐，就叫左個小雲吞。因為記得以前細個食過其他的雲吞仔，記憶係一啖一粒，感覺好過引。上枱時比想像中細碗，個湯好清。清到冇乜味，自己加左幾匙辣椒油，感覺好左少少。雲吞是迷你型size，睇就幾得意嘅😅不過真係好怪，可能店面真係好冷清，結果食完就拿拿聲走，店內姐姐好hea的服務，同埋可能新人，大家都唔知點落單，全店得我一個客，但碗雲吞入唔到廚房落單，等左成十五分鐘個姐姐先問隔離有冇落單。總結食物好一般，雲吞好細粒冇肉，同埋冇鮮味，似食緊水煮雲吞皮。一碗下午茶其實唔飽，但廿幾蚊不可要求什麼。下次未必會再入去食😂，試過就算。。。…查看更多

上兩年轉左灣仔返工，就開始食漁川。以前味道幾好，朋友介紹個墨魚餅，豪仔等等都好味。到上年八月左右唔知係咪換左人，定請過晒新樓面全部係姐姐做，就開始變，好hea同脾氣好差。我lunch通常好晏食，大約三點，入到去唔多人。諗住今次食多次個酸辣湯底，話中辣同叫埋野飲，姐姐唔理人咁，咩都唔應就行開左。過左陣另一個姐姐拎住碗魚餅米線比我，我話係墨魚餅呀，跟住唔理我再望下張單，係咁話唔一樣價錢唔係依碗魚餅唔同價，又走開左。到我有得食，佢話小辣，我話我叫中辣，佢話：啊 咁中辣啦 係架啦，但照樣放底就走左入廚房傾計即係原來係冇分大中小？但以前落單時有得揀，定而家轉左？然後碗米線一啲都唔辣諗住算啦唔緊要可能佢地本身忙。到我食完晒，野飲都未到，就問多次姐姐。姐姐「哦！」完我，比左杯清水我。。。。再問多次先話我以為你要水呀。。。跟住熱飲到，都知道拿拿聲飲走人算，上菜個姐姐就係咁係旁邊抹枱好似覺得我飲得慢催我埋單咁。總括今次唔係一個好經驗味道係ok但佢地做野態度就真係好求其。同埋個人覺得店內好腥，太大陣魚腥味。…查看更多

第一次食佢都有起碼4，5年，果時仲係細鋪，人少少下午茶又抵食，唔使40蚊有野飲。而且真係好好食，湯係清，但個辣汁惹味，我由以前食少辣一路食到中大辣都係因為佢，停唔到口。慢慢人流多左，我叫手拉麵d粉粗左冇咁滑，刀削麵厚左又難咬左，不過個湯同辣依然ok。我最愛依然係手撕雞。裝修後的上個月，OT放工返元朗都成9點10點，難得佢開張又再入去食。空間大左靚左光猛左。同樣的手撕雞拉麵，要47蚊，不過連個湯都味精左，雞少左，麵好似都少左dd。唯一係個辣汁惹味，不過只讚個汁我都講到唔好意思。有失望，希望可能個湯清返d，麵都拉返以前個水準。…查看更多

以前一直是佢的粉絲，因為佢個招牌朱古力雪葩好好飲。佢係真正的朱古力味，好香好濃，而且更加係有少少朱古力碎粒，同starbucks一樣，不過平一半有多。果時放學只要經過都會買來飲，學生平價之選。而家返工，有日放工返到元朗佢未收鋪。即刻買返杯，可惜個味唔同晒。見到個姐姐沖杯野時係落粉，然後倒朱古力糖漿。跟住就入機攪，出到黎冇左原先的朱古力香味，只係一杯好甜好甜的即溶朱古力同d打碎的冰。連好期待的朱古力粒都冇了。有少少失望。係佢的招牌飲品但都變左formula。so sad....…查看更多

今次冇影相... 但其實之前食過好幾次, 佢價錢同天水圍銀座間"薩瑪莉亞"差唔多. 二三十蚊有個意粉, 唔貴. 質素都ok!覺得最抵食都係all day breakfast, $38 又平又多野食揀. 佢有一份早餐配沙律有埋野飲. 野食都ok...所以次次都可以話點依份.有次tea time 泥食叫左個卡邦尼意粉, 覺得有少少咸但係都ok, 但我發覺依間野的野飲真係好一般, 除左平時最普通的奶茶咖啡, 其他真係唔好叫....有次叫左杯西瓜汁同台灣奶茶, 飲左一啖就放低左. 寧願出去7仔買支水算...晚餐同朋友試過叫個rib, 都係咁上下, 下次可以試其他. 但個水牛芝士沙律幾好,幾大份, 我同朋友共三個人叫左個pizza, rib, salad 仲有一個小食....個個都食得飽...埋單又唔貴. 每人$60-70左右.如果想平平地又想食下少少西餐, 依間唔錯, 食得過, 但當然唔好期待可以出面真正西餐廳咁啦.... 總結係唔錯, 會再翻叮^^ !!…查看更多