ccsuper的個人專頁

入座計90分鐘，12點入座，1點3就叫你埋左已單先。1點半就話夠鐘。但我哋食得太慢掛住傾計。所以最後要拎走。最好就一次過叫晒。一加單就未必趕得切90分鐘食晒。味道唔錯的。我哋5個人飲左1200叫左12樣食物包埋茶位小食。有個女服務員幾好。係有個男部長之類嘅物體成日大叫指揮有啲嚇人。如果你想單人慢慢飲慢慢傾呢到唔適合，但如你純粹食晏，咁可以選擇呢到。必食九肚魚腸粉不過不失。炸蠔餅唔係一塊塊的，請留意。籮白糕都幾好。燒賣夠大粒。芝麻煎堆流心好正。福建炒飯都夠汁。…查看更多

首先嚴正聲明，我哋冇任何試食活動或款待優惠！我哋係真金白錢俾錢去食。唔知點解會俾人話我呢篇食評係有問題，叫我修改終於等到佢地裝修完，立即再去試下。今次有朋友移民，臨走前想再食多次南海一號。因為我哋要求坐海景位，所以有每位600嘅最低消費。不過其實好易就會達標。今晚我地叫左14樣嘢，每樣都非常好味，冇令我哋失望。當然服務亦非常好。而我就最鍾意佢地嘅蜜鱔同倉魚，非常鮮甜。最推介係荔芋扣肉煲。非常香芋頭味，真正扣肉唔係瘦肉。仲有燒雞好脆好滑。泡飯個龍蝦湯非常鮮，令泡飯吸晒龍蝦味道。乳豬例牌都有10片，仲要脆爆，價錢亦非常經濟。去到甜品，我哋叫左煎堆，大過我拳頭。今晚非常滿意。唯一缺點真係搭𨋢問題，等足15分鐘先落得返地下。…查看更多

今次生日搵左黎潮庭食佢地嘅生日宴，樣樣都有水準。最緊要好服務。今次中左佢地個生日宴套餐，有12樣嘢。潮庭四喜大拼盤翡翠玉帶桂花蚌脆皮百花炸蟹拑原鼎花膠燉螺頭湯碧綠玉環抱五頭鮑魚清蒸海星斑鹽焗脆皮雞瑤柱扒鴛鴦時蔬蔬大富大貴炒飯榮壽煎伊麵添壽大蟠桃紫米鴛鴦露我個人黎講，除左瑤柱扒鴛鴦之外其他都非常滿意雞皮夠脆，大拼盤入面有個蝦棗好有驚喜。煎伊麵加糖食今晚有位叫fion嘅職員服務我地，一人上兩圍菜笑容滿面。…查看更多

因為本身訂個間餐廳冇左我哋張booking，就睇下創興仲有乜食。一開始睇食評真心有啲驚，但因為得佢地先有枱又懶得再行，唯有搏一搏。今晚叫左8樣餸，有片皮鴨，乳豬，西蘭花，小炒，海哲，沙律蝦，介蘭同埋尤魚。可能俾食評影響，所以都冇乜期望，所以當上菜時就好有驚喜了。片皮鴨好味，皮薄唔粉。海哲少少辣夠嘢味。西蘭花爽口。介蘭唔苦，少炒勁大碟，椒鹽鮮魷同乳豬值得推介冷氣夠，亦唔會坐得好迫。唔會催你走。服務態度好好。埋單都係1700蚊。可能我比較幸運，冇遇到之前負評嘅問題。下次會再去試佢地冬瓜盅。再一次證明，不要全信食評要親身體驗下…查看更多

第一次試，主要原因係因為有得上網訂位本身訂左6點，5點半齊人都俾我哋照入，仲溫馨提示我地7點前埋單有88折我哋2個人叫左10幾樣嘢。最正可以叫半份，可以食多啲不同嘅款。我地加多20蚊食花膠雞。超濃味。手機點餐上菜快。味道好。服務態度好好。忙到爆都笑容滿面。牛吞同鵝腸必叫仲有冬瓜好甜。重點芫茜好香牛肉叫左2款半份入口溶化佢每送食物都有教你淥幾耐食係最好。冇特別趕住食但6點45已飽到了。所以成日88折。下次會再黎。…查看更多

首先服務好好，帶位那位男職員非常好。見我們一抽二掕就拎多張櫈俾我哋放。我哋2個人但俾張4人枱，唔會同隔離枱手肘店手肘。講返食物，湯底有好多款揀，一人一鍋乾淨衛生亦可以適合不同人口味。我就揀咗蕃茄湯底，朋友揀左喇沙，好新鮮嘅蕃茄味。佢有ABC餐任你揀。我哋今次揀咗B餐。落樓每人302蚊。有好多款牛肉同豬肉仲有羊肉揀。飲品方面有啤酒有汽水有茶，但係我最鍾意就係佢哋嘅泰式奶茶。熟食方面亦都有好滑嘅海南雞，雞油飯等等甜品方便亦可以自製，而我覺得最好味就係椰汁糕。亦有雪糕雪條揀。味道好好，價錢平民重點，洗手間好乾淨…查看更多

今日因為落錯車，所以誤打誤撞黎到華記。見到價錢幾親民，食物款式又多就同屋企人入去試一試。我地3個人坐近窗邊，望出去係好靚嘅海景。但因為我哋7點幾先到，所以乳豬，通菜都賣晒了我哋最後叫左燒鱔燒牛仔骨，咖哩蟹，葡國雞同炒雜菜樣樣都好味。而咖哩蟹亦冇劏遊客，價錢非常合理。老實最後講下服務，每位員工都好忙好忙，但都好有耐性咁介紹。下次黎澳門一定會再黎最有驚喜係食食下飯，對面放煙火，好似置身維港咁。哈哈哈哈。今晚非常滿意。…查看更多

已叫了幾次外賣 ，無論包裝，味道都非常好。每次都會叫香蕉杏仁蛋糕，椰味榛子咖啡和蛋沙律三文治。而另一款三文治也好味如喜歡吃肉可以一試。最喜歡有半件三文治賣。可以試更多款式。包裝乾淨非常好。送到屋企不會漏到瀉晒也不會因凍飲而令紙袋爛。堂食也試過，雖然地點不太就腳，但環境清靜舒服。不會趕你走。店員服務也好好，會耐心解答問題。非常專業。還有其他焗通粉也不錯，如喜歡吃芝士的，一定要試吓。芝士味非常濃。…查看更多

服務好，環境好，味道好。一坐低就有熱辣辣嘅麵包。外脆內軟停唔到口。我地5個人，叫2個set再加斧頭扒再加小食。首先龍蝦湯，點麵包一流份量都多，唔係細細碗。之後再上小食。有蟹餅同帶子。帶子一碟4粒，我哋叫左2碟。之後就上主角，牛扒叫左2塊肉眼，一塊3成一塊7成，個人覺得3成好味啲。老人家食唔到咁生所以叫7成熟。斧頭扒，一食便愛上。1480係物超所值。甜品有芝士蛋糕同朱古力蛋糕，仲可以寫名同送你一張相。開心滿足的一晚。香港好味嘅牛扒餐廳越嚟越少了…查看更多

去了兩次，兩次都有不同的經歷。第一次去是星期六晚上，刺身新鮮，炸物夠脆，牛舌夠厚。卷物不過不失。服務態度好。幸運地未有之前負評嘅差。但第二次去，食返同一樣嘅食物，真係有d失望吞拿魚刺身d筋多到咬唔斷。炸物未炸透就上左碟。但服務仍然係好的。我懷疑係咪2日去個廚師唔同左希望下一次去可以有返第一次嘅愉快經歷。附上第一第二次去嘅食物。最後個張就係吞拿魚刺身吞唔到嘅筋。同第一次真係差好遠。但服務態度加分會再去多次試試…查看更多

今日見只需要等3張枱就等左陣（平時食晏起碼等10張）入到去即叫嘢食，服務員好快已有回應。等了十分鐘左右已到齊。今日叫左2個午餐，一個意粉一個pizza。再加了28蚊叫多個薯條，同加28蚊叫多個粟米片。首先粟米湯好濃味，好開胃。意粉大碟夠味多汁。粟米片個牛油果醬本人推介Pizza好鬆脆，加d黑辣粒更好味。最重要係汽水紅茶無限添飲午餐有三個價錢嘅餐選擇，好味得黎夠平民價錢。就算唔加28蚊小食都會飽。至於服務我覺得非常好，食晏時間爆場，d人個個都話趕趕趕急急急但服務員都好有笑容地服務。已成為會員會再去試晚餐🥣…查看更多

已忘記了第幾次叫外賣了，只記得第一次叫了豬油渣麵後就愛上了。每一次無論在包裝還是味道都令我非常滿意的。還有她的串燒炸物都是必叫的。最難忘的兩次經驗是，第一次豬油渣麵的冬菇賣晒，她會很細心的親手寫了張紙仔道歉。以第二次是忘記了給我豬油渣，她又寫了紙仔道歉還在補回給我。這番心意令我非支持她不可味道和物量都不成正比的，所以每次都要求少麵如你好大食的話，那這個份量必定令你滿意串燒有辣度選擇，不是只得死咸一種味重要的還有非常適合收夜班的人值得推介推介推介…查看更多

膽粗粗試下酸齋又幾夾喎。我今次揀左油麵，紅腸，酸齋同豬腸。紅腸食完喉嚨冇那住那住嘅感覺。酸齋值得推介豬腸我嫌唔夠肥但味道都好味的。最緊要係服務有禮貌有耐性環境亦乾淨。包裝好，拎到返屋企唔會成袋湯以後收夜唔洗只食m記了。…查看更多

喺openrice睇到網上訂位有85折又有得儲萬里通所以就膽粗粗一試。6點準時出席，帶位員非常有禮。仲要主動提我因上網訂位主餐牌有85折。餐廳細細，但款式一d都唔少。份量亦夠多。我地3個人叫左牛肉蛋包飯肉眼扒雞翼咖啡餐湯心太軟海蜇沙律仲有生蝦等。上菜速度快，熱度夠亦好精緻。餐湯係忌廉蘑菇湯，好香蘑菇味。之後係生蝦同沙律，味道非常驚喜亦好開胃。之後到雞翼，蛋包飯同肉眼扒。肉眼扒有炸薯角放底最後係甜品心太軟同咖啡。非常飽埋單抵到非常驚喜。又多一飯堂了…查看更多

成條街突然有間裝修特別嘅餐廳，膽粗粗一試。價錢平，選擇亦算多。lunch50幾蚊已有。份量仲要唔少。我地4個人叫左生蝦、雞翼、Pizza、炸洋蔥圈、意大利飯同一個lunch set生蝦夠鮮最重要係個汁非常口味。雞翼夠大隻唔太乾。pizza好脆口，炸洋蔥圈好香口。意大利飯夠芝士味，而lunch set叫左個咖哩豬扒飯。唔太辣豬扒大大塊。我地仲叫左泰式奶茶同咖啡。唔太甜值得一試。服務態度好好，好細心。支持元朗小店…查看更多