mok tombo的个人专页

鐘意尼間嘢嘅老顧客，睇埋我尼段，唸下應唔應該縱容店家啦。埋單之前，一切正常。都明白佢地生意好唔憂做，態度都會好一般甚至惡劣，都理解，但接落黎發生嘅一切，超出我想像。有個女店員講左價錢俾我聽之後，我搵緊散紙，跟住女店員響我隔離等我，佢有睇住我一陣，於是我自然覺得直接擺張台度就得。我都黎過好多次，一般情況下，我會將錢遞俾門口收錢個阿婆，咁會禮貌啲。今次我個座位就響門口收銀處側邊，加上個女店員有望住我，於是我就直接擺台，跟著起身走。女店員過左一陣，就拎左啲錢。尼個時候，有個凶神惡煞嘅，50幾歲，身材中等偏瘦嘅男店員，突然大聲斥責我，話唔好將現金擺檯面。其實當時我已經出到門口，唸住算啦，走先，費事吵，就繼續默不做聲出左門口。點知果個男店員，可能覺得我聽唔到（咁大聲，聾嘅都聽到），跟左我出黎門口，企響我面前，繼續凶神惡煞，七情上面咁，超級大聲咁鬧我，唔好將錢擺台面！當我傻嘅咩，佛都有火啦，於是我都大聲回應，咁後黎佢地都攞左錢，問佢依家想點。真搞笑，兩個人，起條街度大聲對罵左幾句（冇爆粗口），有排隊食客可能都慣左，都冇望過黎。之後佢當然都冇喐手，我當然都冇，假如佢喐手，我都唔驚。…查看更多

平安夜588蚊+10%service 套餐。三張圖係所有份量。唔係A5和牛（menu有寫+128蚊先會轉和牛）。質素ok，但係份量就～可能各有各睇法，但我冇辦法唔俾負評。有兩層，我響樓上，食到七點幾，除左我之外都只係得兩位，節日咁少人，可想而知伏味都重。上層嘅形式係一張吧台咁，有一個人service, 唔洗自己燒。個人唔係果啲專業廚師，負責埋調酒。得一個好細嘅爐負責曬成張吧台嘅客，如果人多果陣，都唔知佢點搞。優點？服務態度還算幾好囉。但係尼個價錢尼啲份量，又唔係Omakase，真係搵笨。…查看更多

中伏！間嘢好好生意，週末路過見剛好有位就試下。牛扒由落單到上45分鐘，有啲慢但如果慢功出細貨都無所謂，掃碼落單冇得揀幾成熟，最後我有問店員佢話默認6至8成。但係吃個西冷牛扒真係覺得吃緊塊磚頭，超級超级嚡同埋好干，水準同茶餐廳100蚊以下嘅差唔多，我尼個200左右16安士，冇配餐包湯意粉飯，乜都冇，紙巾都唔俾我⋯⋯總之好難食整體好垃圾。入店前店員同我講90分鐘交台，最後仲有20分鐘左右已經催我走！！…查看更多

週末晚餐大概要提前兩個禮拜訂，既然係咁熱嘅店，期望一定係高。加上youtuber都有介紹，更為期待。雞肝雞皮係最正嘅，真係食到好入味同special.其他整體上沒有驚喜，尤其要彈嘅係90蚊一串嘅鵪鶉肉，唔入味就算啦，啲肉竟然起粉，份量亦唔算多⋯⋯尼度一串和牛80蚊，何解鵪鶉就？雞翼，平凡無奇，真係不如食大排檔燒雞翼。免治雞肉棒～得個咸字⋯⋯都可能我冇點中好食嘅，我記得雞心係冇貨嘅，附上點餐紙。建議係點啲多汁嘅，例如燒鵪鶉蛋，燒粟米。…查看更多

都係上youtube睇到片介紹跟住黎嘅，可能因爲甘而期望過高？要提前訂位否則walk in有位有難度。堂食座位好少，裝修好普通，空間細，應該係主打食物好味。猶豫左好耐寫唔寫尼篇食評，加上當時有d失望就圖片拍得少，過左兩個禮拜又唔小心刪除左幾張剩番好少圖。先講好葛啦，沙插大只入味。個招牌燒叉燒味道真係幾好，嫩滑又香，衰在太膿，我花左好多時間去搣走d膿左嘅地方。雖然我明白可能要膿先會香，但有d位真係好黑，有圖睇，大佬，致癌架喔？錫紙包蝦醬通菜，蝦醬味夠膿，但睇黎尼種整法少左沙煲乾炒果種香味。最令我想彈葛就係個鷄皮包虎蝦，我覺得店家用鷄皮包係想搞特色啦，但我完全食唔出有乜特別咯，米就係有塊鷄皮包住而已咯！而渠尼樣價錢竟然收到118一隻，其實尼個size虎蝦（有圖），又唔係高級餐廳，地區小店，78-98一隻先合理啦。仲食左好几樣野，例如牛仔骨，都係普通，其他就真係無印象。總結黎講，話尼閒野一無是處又太嚴重，可能因爲我睇左片期望太高，因爲d片講到厨師好有心思。但價錢真心偏高，地區小店，食海鮮高質過渠大把，最後我一個人唔算飲酒都600-700埋單，又唔係話環境好有氣氛果種，裝修平價，空間狹窄。只有個別兩個菜過得去，整體味道無法令人留下印象，但又不至於劣評。…查看更多

離堅尼地城地鐵站都算近，提早訂左位唔洗等。渠d海鮮真係超入味，又大只。外加燒牛仔骨，燒羊架，都係好惹味。味道風格我覺得係港式嘅。鹽燒類會係胡椒味，我勁中意，口味淡人士都唔洗太擔心，因爲我覺得唔會over左。元貝勁大只價錢又平，聖子微辣勁好味（開頭好肚餓唔記得影相。）不過我自己就冇預算食龍蝦鮑魚果d，價錢會貴多d，希望下次黎試。我自問都算大胃王果類人，食左好多野，埋單先487 HKD，隔離都有外國人去開嘅酒吧，好近地鐵，地段唔錯，簡直超抵。…查看更多

尼閒來過好幾次，晚飯可能要排隊40分鐘以上，於是午餐見有位就即刻黎食。中檔壽司黎講，性價比超級高，同樣價錢食到嘅野絕對好過千兩尼種。但唔中意企住食嘅人除外。我自問都算一般人中嘅大胃王，一共食左19件野，算係几飽，壽司有平野有貴野，埋單連加一532。見圖。味道同食材質素方面，絕對好過千兩多多聲。離尼閒舖唔夠10米遠都有閒類似的壽司，我都去過幾次，幾乎每次都係因爲立鮨排隊等太耐我先過隔離食，性價比明顯低於立鮨。但渠宜家有得凳坐而且空間感會好啲，立鮨始終企起度，尼樣就睇個人喜好了。…查看更多

提前訂位，週六晚八點到達，都睇到有人等位，不過唔洗等好耐。座位比較寬敞舒適，環境都算高檔。池魚刺身都ok..本來想食水魚刺身，不過佢話要提前訂⋯⋯加50蚊可以將啲魚主骨同魚頭魚尾炸黎食，出奇地脆，唔會太鹹，好正。其他幾樣炸物，蓮藕蓉春卷，炸水魚，炸豬～都可以。春卷入面啲餡非常軟，熱食，口感真係好正，美中不足係味道稍為淡左啲，可能係我口味重。另外免治雞肉棒，口感好好，唯一唔好係有個位燒膿左，如圖片所見。整體都幾好，但都有進步空間。…查看更多

上菜非常快，但真係快餐果種快，即係質素非常一般，收費就係一個男人食飽要400，但係質素頂多只係200嘅水平。響我冇哎亦都冇問過我情況下直接同我上一小碟類似伴菜咁嘅蔬菜，收20幾，據我所知，應該酒吧先會咁。最後我問點解，佢地話相當於茶位，但係如果我要求可以取消，既然可以取消，點叫茶位？而且點解事先唔問？你本身就要收service fee，點解又有茶位？日式燒烤店有茶位？其實尖沙咀好多日式燒烤店啦，400食到嘅質素真係高佢好多。除左垃圾我唔知點形容尼間嘢，你完全感覺唔到有心思響食物裡面。失望到唔記得影相留下罪證。同埋，我竟然係第一個劣評？…查看更多