ytw330的個人專頁

星期六午餐時間，餐廳最高峰都是得三枱客，不過由於枱同枱之間實在太CLOSE了，隔離講乜都聽到晒！我只有2個人，所以只叫了半隻雞，餃子同炸雞，份量是夠大！餃子多芝士，幾好食，炸雞唔多夠脆，另外那半隻雞份量超足，但我認為過咸了，要飲返好多水！價錢是合理的，服務都唔差，侍應都好有禮貌！…查看更多

今次係第一次去eyebar, 在南海一號內，與餐廳在一起，地方有點少，加埋有點吵!飲品的選擇都足夠，價錢與其他酒吧也差不多，我點了一杯vodka 只要$70,份量也多!當然位置30樓，整個維港view好美，但露台不可走出去，浪費了!服務幾好，不會叫你添飲，我們每人只是叫了一杯飲品，坐了2小時!…查看更多

有一段時間冇嚟這一間尼斯，今晚約了個朋友食飯。我6：50到，都重係有位，唔駛等，再遲10分鐘就要等位。我叫了粟米牛脷飯，朋友叫了薄切牛扒!兩份餐都好快上!個羅宋湯冇乜味，個飯反而得，牛脷好冧，粟米又夠多，唔錯!我冇食到朋友叫的那一份，佢就話好食。成餐飯用了35分鐘食完！…查看更多

銅鑼灣一帶都有幾間食咖哩出名的餐廳，不過去CITYSUPER入面食係貪快！之前都食過多次咖喱鄉里，因為都覺得食物質素唔太差，在FOODCOURT入面叫做比較好食！我約有2個多月冇再食咖喱鄉里，今天午餐食了一個雙囍餐，有2塊印度薄餅、咖哩蔬菜同我選了咖啡雞！薄餅因為係即叫即整，所以係熱熱的幾好食！不過個咖啡雞啲水準就較差了，以前都話會好多咖哩味同會辣啲，但家下啲味道好淡，係唔係溝到咁呀，而且一啲都唔辣。比起之前水準差太遠！我諗如果唔係貪快，我下次唔會再去了！…查看更多

很久冇耐這裡食飯，之前好似嚟過一次，還是剛開張的時候！同啲舊同學食飯，又想個地方冇乜人，唔會有人因為要等位俾餐廳迫你走，或者限時食野，那我選了香辣屋！7點多去到，成間餐廳都坐唔滿，我諗這兒都主要做附近的住客生意吧！3個人叫了個2人餐再加一個咖哩海鮮包！2人餐我啲選了南瓜湯，味道唔太差！小食選了豬頸肉同蝦餅，豬頸肉勁咸！主菜有無骨豬手，這個水準就幾好，軟軟的，又有肉，值得再食！另一個主菜香茅豬扒都OK，唯一係不好的是塊塊豬扒個SIZE都唔多同呀！我們另外點了個咖哩海鮮包，但係零咖哩味，愛吃咖哩的會失望！環境咁靜，因為實在太少客！侍應多，一舉手就有人嚟招呼！…查看更多

我成日都會近過新記，見到掛晒啲明星相，有時報紙又會介紹，都咁出名，所以今晚自己一個人去食！我六點幾去到，入面得兩枱人，同午餐時間的擠逼情況差太遠！我叫了$32那個餐，包括一杯熱檸水，午餐肉、火腿芝士撈丁！飲品好快上，但個撈丁我等了成十多分鐘，雖然我唔趕時間，但作為茶餐廳係唔係應該快啲呢？個撈丁真係超多芝士，好正呀！我每一啖都食到芝士，所以都叫作物有所值！去到19:00冇晒人了，我都唔意思坐，埋單走人！值得一讚個伙記好有禮貌！…查看更多

今天試了這間金寶，想食泰式海南雞飯！我另一個朋友叫了豬頸肉撈檬！泰式海南雞飯應該係我在香港食過最好食，好香同好滑，唔會太滑 ，唔怪得每一枱都叫la.我朋友的豬頸肉撈檬都好食，啲豬頸肉好冧！但可能店舖太細，我哋同隔離枱距離好近！…查看更多

小南國在香港有好多分店，平時經過銅鑼灣那一間，都係full晒！今天朋友約了一班同事一齊食飯，10個人，去中環那一間食！店舖的design就幾靚，可以望到商場，抬頭又可以望到天！叫了一個10人套餐，先上了頭盤後，就等咗成30分鐘先有得食其他餸，真係等到頸都長！我只係覺得個炒飯好食，啲飯炒得好冧，別的餸，好似蝦同埋小籠包，同一般出面的食店冇乜分別！可能間餐廳實在唔多客，所以唔會趕人走，同埋都好靜！…查看更多

第2次去，因為朋友生日！叫了8樣野，我主要講下幾款餸，蠔餅，枱枱都有叫，但我等咗成30分鐘先上，炸得好勁，好多粉，蠔反而唔多！另一碟係鹵鵝片，唔係大碟，切得夠薄！炒飯好一般，但夠多菜！胡椒豬肚湯，料超足，又係鹹的！服務差，你一食完就有侍應叫你走人！…查看更多

1行4人食甜品，每人叫一樣，我食的係合桃糊燉蛋，真係正到爆，合桃糊夠滑，好重味道，唔會太淡！另外係燉蛋又係好食，滑滑的！有個朋友叫了一客杏仁茶，都食好重杏仁味道！但冷氣太大，吹得好辛苦！…查看更多

大熱天時打邊爐，其實真係熱上加熱！朋友話小肥牛好食，我一個星期前已經打電話去訂位了，因為好多人話太子那一間成日都勁多人！確實到了現場，真係好多人，我聽到有人再打電話訂即晚，聽電話的都已經話full 晒了，地點方便！4個人叫咗好少野食，其中包括那個$10牛，又唔係太細碟，已經質素唔差！其他的好似芋絲、魚皮餃、墨魚丸都同其中的食店冇太大分別！服務就真係麻麻地，不停搵人叫你飲野，但啲飲品都唔平！可讚的係成日會幫你加湯！…查看更多

世貿中心的滿記搬了去新的舖位，不再是之前的那一個，經常會有人行過，食都食得唔舒服！ 新店舖大好多，可能我去的時候尚早，冇乜客人，得4枱客，所以上甜品速度很快！我點的係湯丸合桃露，我朋友叫了椰汁西米涼粉. 先講湯丸合桃露，原來合桃露可以選熱同凍，但湯丸一定係熱，我叫凍的合桃露，配埋熱的湯丸，總覺得味道受到影響，所以我覺得粒湯丸係鹹的！我朋友都試了一粒湯丸，佢就認為粉重，花生料少！ 至於她吃的涼粉，普普通通，冇乜太特別！ 服務方面，人手足夠，所以落單同上甜品都快！…查看更多

burger king走回到鬧市，這是一個天大的好消息，不要再上山頂或機場先有得食美味的漢堡包了！公司附近有一間，我都多去食，因為其實唔多人，可能啲人認為burger king係快餐中偏貴的一間啦，我今日叫了個bbq tender grill chicken set,都要$35.00.味道好好，雞好嫰，同埋我最欣賞係那一塊超級鮮紅的蕃茄，好鮮甜呀，配塊雞扒剛剛好！$35同去茶餐廳差不多，我都會選去burger king.…查看更多

唱k的好地方，加埋buffet！之前啲buffet好多野食，但今日去，發現食物少咗好多，同埋係煎炸的食物多！我個人認為唱k已經係用喉嚨唱，加埋食咁多炸野，會好容易喉嚨發炎，希望會改善！我煮了車仔麵，但個湯底好鹹！…查看更多

我成日都會去這間仙跡岩的，因為冇乜人，係銅鑼灣一個飲野的好地方！我今日又同朋友飲野，我叫了一杯大的杏仁珍珠，好大杯！我飲咗一兩啖，但都飲唔到好濃的杏仁味道，珍珠卻勁多！我朋友那一杯係雜莓雪笆，紅紅的，好重草莓味道，佢話夏天好啱飲！2個人，坐了成2個小時，完全冇心趕你走！…查看更多