alice_kws的个人专页

🔹雜錦千層糕雜錦千層糕包咗三隻味 包括有芒果黑芝麻 同埋經典嘅斑斕味三隻味嘅味道都好突出 芒果口味食到甜甜嘅芒果 雖然冇食到粒粒嘅芝麻粉但係食得出好重嘅芝麻味 到最後經典嘅斑斕千層糕最出色整體千層糕食落 口感軟腍q彈 香味清淡流長.🔹椰汁西米糕唔知道以為自己食緊西米露！好重嘅椰汁香味 而且面糖食到粒粒嘅西米粒 西米糕Q彈爽口 超級有口感.🔹芒果糯米糍糯米糍軟腍Q彈 入邊仲食到原粒嘅芒果粒 清甜可口 做小食就啱啱好啦.🔹印尼蝦片食得出係經典嘅印尼蝦片味 因為佢係偏硬身 而且唔辣 食落好酥脆 大大塊咁樣食真係好過癮.🔹泰國蝦片泰國蝦片比印尼蝦片較辣 食得出有少少胡椒味道 係可接受到嘅程度 細細塊咁樣食 又係另一種風味.🔹斑斕雪芳蛋糕今次買咗切件嘅雪芳蛋糕 質感幾柔軟 富有彈性 打開個盒香氣亦都好突出 食到好重嘅斑斕味道～.🥤竹蔗茅根馬蹄水超足料嘅涼茶 ！進入便好明顯見到一絲絲嘅竹蔗茅根同埋馬蹄 飲落去清甜爽口啱晒熱辣辣嘅夏天飲.🥤香茅檸檬薏米水同竹蔗茅根一樣 都係材料十足 落咗超多薏米再加埋陣陣嘅檸檬香味 清甜開胃.📍南洋家 (銅鑼灣)銅鑼灣摩頓臺13-33號灣景樓地下6號舖…查看更多

成日食泰國菜嘅我 每一次都係去泰國餐廳食 今次見到 Thai cafe 仲唔夠衝入去咩😍🤤🤤仲要開係 元朗新開商場 yoho mix入面 好近我屋企 正🫶🏻.‼️新開張期間仲有限時優惠 ⏳芒果乳酪疊疊冰🥭 半價😱 $59 only當日嘅下午超級熱 食呢個味道豐富嘅冰就啱晒 好似雪條一樣嘅芒果冰好鮮甜 旁邊圍住嘅係芒果冰磚 食到入邊嘅仲有綿綿冰 同埋糯米飯 再配埋自己倒落去嘅椰汁 成個疊疊冰嘅味道有多重口感 感覺就好似食緊奢華嘅芒果糯米飯+綿綿冰🥰🤤.香茅豬扒冬陰功泡飯（午餐） $72平時冬陰功湯就飲得多 泡飯真係第一次食！湯底好香好濃郁 帶有少少辣 但係可以接受嗰隻～湯底亦都配有菇 同埋一啲配菜 再加埋粒粒分明嘅白飯撈埋一齊食真係勁開胃♥️.泰式船麵 （午餐）$78泰式自選湯底 我哋揀咗船麵 魚蛋 豬頸肉湯底方面 係超級濃郁嘅船麵湯底 爽口彈牙嘅魚蛋 充滿油脂味嘅豬頸肉 btw 豬頸肉好貼心 唔會放埋落碗湯到 放耐咗 食嘅時候 都食到豬頸肉嘅煎香味～.串串沙嗲雞豬 +$28沙嗲醬超級濃郁 好香好惹味 喺肉類方 豬同埋雞都好嫩滑 外皮帶有少少煎香嘅脆皮 好開胃🤤.鮮芒椰漿柚子露 +$18外型係一杯超級吸引嘅芒果飲品 因為會見到隻芒果掛喺杯邊～ 打卡一流飲落口椰漿濃郁飽滿 仲會食到蛋白嘅芒果肉.椰子飄香咖啡 配雪糕 +$18平時終於飲椰子咖啡嘅話 呢一杯就啱晒飲落去好重椰奶香 而且味道濃郁 但係同時唔會冚過咗咖啡香味 平衡得啱啱好 再加埋好重椰子味嘅雪糕作為另外一個甜品 好滿足🥰.📍Tommy Yummy (元點) (元朗)元朗朗樂路1號元點1樓B147號舖…查看更多

呢間係所剩無己 落單唔使掃code 寫完紙仔即刻有人幫你收走 嘅餐廳.🍣刺身多款刺身款式 三文魚 接近腩位 超級多脂肪 夠滑夠油 而且仲係厚切赤蝦 超級有驚喜 冇諗過咁大隻 而且肉質鮮甜 好多蝦膏八爪魚 爽口彈牙 好 fresh .🥓燒肉燒肉方面 推介一片片嘅肉 肉片切得薄身油夠晒均勻 呢樣嘢對需要嚟講好重要 另外佢仲有唔同調味嘅肉 好多選擇 同時都有原味嘅肉 好重牛味！蕃茄味燒肉好推薦 酸酸甜甜好開胃 另外有兩款泰式辣醬 俾你沾着啲肉嚟食 食落冇咁膩 而且同燒肉好夾.🥣熱食另外 呢度嘅熟食好出色 可以話係呢間餐廳嘅重點蜆煲 啲蜆新鮮鮮甜 又冇沙 湯底仲有少少嘅辣味 好開胃好特別蠔仔粥 蠔粥綿密 成個粥底都超級重蠔嘅味道 食得出係淆咗好耐嘅湯底.🍤炸物海老天婦羅 隻蝦唔會炸得太乾身 天婦羅炸粉脆卜卜 好有口感 甜品方面 亦都有炸香芋波波 裏面嘅香芋蓉好重奶香嘅味道 再加上少少麻糬嘅質地 一啖咬落去好正🤤.📍燒魂 (尖沙咀)尖沙咀漆咸道南57-59號金馬倫中心2樓 …查看更多

晚市精選牛肩胛 lv2 🥩 每位$198 未計加一🔹麻辣鴨血湯冇得選擇辣度 係指訂咗嘅小辣 點解咁講 因為我啲廢J 都食得到嘅 聞落去嘅時候係好攻鼻 但係承諾都算可以入到口 加埋鴨血一齊食 👍🏻👍🏻.🔹蟲草花雞白湯湯底滋潤 而且好香嘅雞湯味 仲會食到一條條嘅蟲草花 啲雞都好香好嫩滑 完全冇敷衍你 好足料.食放題一定係睇佢自助區嘅嘢食🤩 有各種配菜 包括有粉麵、魚腐、海量丸類等～ 熟食竟然仲有壽司🍣 有係三文魚㗎！同埋響玲、沙律、冷撈烏冬、雪糕機、爆谷、同甜品～選擇都好多.🥩牛肩胛肉味偏重、油脂均勻、唔會話好硬 有預先解凍.🍚 溫泉蛋牛摩飯想讚下佢個飯 好似牛角個個！紫菜牛肉 仲撈埋啲半熟溫泉蛋汁 超開胃🤤.甜品🍮如果你係一名甜品控 每一次食放題都係一個歷險 因為遇過太多唔好食嘅任食甜品 話哂人哋 focus on 肉類 都正路嘅🤣🤣 包括有朱古力/吉士泡芙、朱古力同埋芒果糯米糍。泡芙係說到偏冰硬 好似食緊雪糕咁好有口感 糯米糍超有驚喜 超級煙靭 個餡仲好多料 食嘅時候爆晒出嚟 狂 encore 😚.📍牛摩 (屯門時代廣場南翼) (屯門)屯門屯合街2號屯門時代廣場南翼L3樓21號舖…查看更多

想食韓國嘢 唔使去韓國啦！ 全香港最有feel嘅韓國餐廳非佢莫屬🇰🇷🥰.🔹韭菜煎餅 $78煎餅外層超脆 內層柔軟煙靭 再加埋韭菜 當小食咁樣食好開胃 越食越肚餓🤣🤣 不過就一定要趁熱食 如果唔係就會好快淋晒🥹🥹.🔹一雞兩味 $228 今次就叫咗甜辣同埋醬油味～甜酸味嘅炸雞 外皮鋪滿甜酸醬 甜酸醬但有少少蒜味 小小辣又少少酸甜 食落好開胃🤤醬油味有驚喜到我！外皮酥脆 肉質依然粉嫩嫩滑 再加埋啲醬油汁 而且醬油汁唔會過鹹 味道適中 並沒有將外皮酥脆嘅味 cover 咗🥰.🔹懷舊烤五花肉 $152五花肉嘅份量好多！薄切煎香 肥瘦適中 仲會食到少少軟骨位～沾少少醬 再用生菜包煮嚟一齊食 食落好滿足又唔會好油膩🥹啱晒減緊肥嘅我🤣🤣.🔹芝士蟹膏蟹肉蛋卷 $128呢個真心推介食！賣相已經好吸引😚食落去第一啖係超級厚身 然之後係好濃好香嘅蛋味 🍳中間包住嘅係蟹柳 配上面頭嘅沙律醬同埋茄汁 酸酸甜甜好開胃 仲有上面淡淡嘅蟹膏味 🦀令到成個蛋捲好balance 🤤.📍hoo韓國包車 (尖沙咀)尖沙咀厚福街12-12A號藍馬商業大廈22樓…查看更多

📍風車 (大圍)大圍積存街50號葵偉樓地舖.肉眼扒二人餐 🥩 $528🔸頭盤 🥗 帕爾馬火腿沙律份量好足夠 火腿亦都俾得好大塊 食落有啲鹹香味 肉質嫩滑 再配上黑醋 中和咗火腿嘅油脂味.🔸餐湯 🥣 蕃茄濃湯可以食到粒粒分明嘅蕃茄 而且湯汁一啲都唔稀 飲得出係煮咗好耐嘅蕃茄濃湯🤤.🔹波士頓龍蝦意大利粉龍蝦好貼心 會預先幫你剝埋殼 唔使自己拆肉～仲會幫你放埋一齊去焗真係好方便😋龍蝦嘅尺寸適中 但係有龍蝦膏 同埋鮮甜嘅蝦肉 好厚身好彈牙 食落，又有少少芝士蝦味😙意粉方面 帶有陣陣嘅海鮮同埋龍蝦香味好夾🥰.🔹美國安格斯肉眼扒 - medium rare 一向鍾意食牛嘅我 一見到肉眼即刻叫咗～果然冇令我失望 肉眼扒好厚身 而且切出嚟好Juicy 而且呢塊肉眼扒偏瘦 肥膏部份唔太多 對於減減肥又想食肉嘅人士就啱啱好～另外佢配嘅薯蓉 好creamy 配埋肉眼一齊食 好夾😋.🔺甜品 竟然係西班牙油炸鬼！西餐廳嚟講真係好少見 仲要炸到啱啱好 配埋啲砂糖一齊食 好開胃🤤.Strawberry colada 🍓 $78有飲開 colada 嘅就知 一係會整得好好味 一係會整得好難飲而呢一間 係好好味嗰隻 連不嬲唔飲開酒嘅朋友都讚不絕口～陣陣嘅士多啤梨味 再配上調得啱啱好嘅 colada 完美🥰.…查看更多

香港有三間分店 連身邊的朋友都讚好嘅拉麵店 今日就去到屯門朝聖🤩.🔹炙燒豚肉味玉拉麵 $95豚肉好軟腍 仲有炙燒嘅香味 食落去入口即溶 食咁大塊叉燒真係好邪惡 但係同時又好幸福👿 豬骨湯底好濃郁 鹹到適中 連埋啲拉麵一齊食 味道啱啱好.🔹野菜雞白湯拉麵 $85鍾意食清淡少少 健康啲嘅朋友 叫呢一款拉麵就啱晒 因為佢主要嘅配菜係芽菜～ 拉麵方面 自家製嘅拉麵十分之軟身 同埋好長 湯底，經過長時間嘅熬製 雞白湯嘅味十分之入味 唔方味精 連埋啲拉麵一齊飲 都唔會好口渴🤙🏻.🔹照燒餃子 $38外皮金黃酥脆 一啖咬落去啲汁爆曬出嚟 入邊嘅餡鮮嫩多汁 仲配埋特製嘅照燒醬汁 好特別🤤.🔹柚子雪葩 $28 (拉麵追加)店員好貼心 安排雪糕最後先上～ 柚子味好fresh 雪葩食落麵好軟綿 啱晒飯後甜品 唔會太甜膩～.📍霸嗎拉麵 (屯門市廣場1期) (屯門)屯門屯順街1號屯門市廣場1期3樓3233號舖…查看更多

螺絲粉就食得多 但係每次都係食自家煮嘅即食版 喺香港仲未搵到一間店舖專賣螺絲粉 估唔到元朗就有😍🥰.乾撈螺絲粉 $58經常都係食湯嘅螺絲粉 表示食到乾撈螺絲粉好難得🤩 配菜份量超多 最特別嘅係佢有炸雞蛋 出面係外皮包住嘅炸皮 入面係糖心蛋 超級有驚喜🥰而且湯底唔會好鹹 湯底可以鎖住麵汁 麵嘅份量超多 女仔一個食真係會有啲飽🤰🏻.輕盈螺絲粉 $36朋友就叫咗一個細版嘅螺絲粉 係湯版嘅 佢啲湯真係好正😍 話晒都用豬筒骨、牛骨、鮮石累、酸筍花煲咗六個鐘！但其實份量都唔少㗎～強烈建議女仔可以叫呢一個 再配埋一啲小食 咁就啱啱好🤰🏻.嗦爸臭豆腐 $25嚟到一定要叫佢最出名嘅臭豆腐 一碟有六嚿 外脆內少少臭 好嘢味😋.黃金小饅頭 (半打) $18期間限定嘅小饅頭必定叫～ 炸到好香好脆 好吸引🤩.牛串菠蘿 $20/2串牛肉燒到啱啱好 菠蘿都好甜 整體來講幾夾幾好食🤙🏻.雞軟骨 $15/半打炸到好香 好有咬口 細細粒咁樣食好方便～.翠玉瓜 $10/2串翠玉瓜好甜 加埋啲孜然粉去燒 仲帶一點燒烤香味🤘🏻.📍嗦爸螺螄粉 (元朗)元朗鳳琴街22號金龍樓2座地下15B號舖…查看更多

Bookmark 咗好耐 同普通日本餐廳唔同 佢嘅賣點係創新 所以身邊都有好多朋友介紹 今日終於試到佢！近近地就去荃灣分店.🥗日式麻油豆腐沙律 $78好友驚喜嘅一碗沙律 入邊放咗海量嘅蟹柳絲 同埋蟹籽 再配埋香滑嘅豆腐 唔講真係唔知自己食緊沙律 未試過食咁多重口感嘅沙律🥺 再加埋啲麻油醬 已經變成咗我心目中no.1 嘅沙律作為開胃菜 真係必叫！本身唔係好肚餓嘅我 即刻秒速度ko咗成碗沙律 係大大碗㗎！一啲都無偷工減料 唔係剩係得個碗大🤣.🗻富士山 $88一嚟到超級震撼 好吸精同時亦都好蠱惑 因為完全睇唔出係咩嚟 淨係見到一堆野🤣🤣 因為上面放咗大量嘅蟹柳絲 再加有少少帶子同埋沙律醬下層就係牛油果鰻魚飯團 🍙 大大嚿 搬埋啲蟹柳絲一齊食 個口感好 rich 而且飯團超重鰻魚味 一啲都唔假 仲係原隻鰻魚嚟㗎😍.🐚清酒煮蜆 $128店員一放上枱 已經聞到好大浸酒味 心諗我冇嚟錯！食飯仲有得飲酒 啱晒我呢啲酒鬼🥃先講湯底 清酒味咩勁出 每一啖湯都可以飲到好濃郁嘅清酒味 配埋佢原本嘅湯底 好夾 個湯底應該煮咗好耐 先會有呢個效果😙啲蜆大大粒 每一粒都好Juicy蜆肉都好滑身 唔會煮到過硬 清酒嘅味道都鎖住晒入邊 一咬真係有爆汁嘅效果入面啲菇先係精華！每一條都可以食得出好重嘅清酒味 證明廚師花咗幾多時間去煮呢個湯底🥰.🍢雞腿肉串燒 $28一串四粒 成個波咁大 咬落去肉質鮮嫩 仲有少少爆汁嘅效果 熱辣辣食真係食唔停口😙.🍡雞膝軟骨串燒 $32一串四粒 不過就比雞肉細粒 但係勝在爽口 筋部好好咬 啱晒我呢啲口痕人士 食極都唔怕肥🤣.📍古今二 (荃灣千色匯I) (荃灣)荃灣眾安街68號荃灣千色匯I 3樓3013號舖…查看更多

最近想食健康少少 但又好想食刺身(日本胃？🤣)食poke bowl 可以揀自己鍾意嘅材料 包括三文魚🍣 份量望落去又大大碗 係滿足感max嘅輕盈晚餐😚.menu 本身已經提供幾款固定配搭 有選擇困難症嘅朋友就唔洗擔心～.🔹ONO $98🤏🏻三文魚，壽司飯，青瓜，雞蛋絲，蟹籽🍣三文魚切到大大粒 但都無阻佢嘅口感 因為本身係勁厚實 食落超級肥美 充滿著魚油而且肉質鮮嫩爽滑 大大粒咁放落口 大滿足😚.大推 壽司飯+沙律菜‼️女仔食 份量啱啱好 唔會太過飽啲飯粒粒分明 唔會黐埋一舊沙律🥗份量好多 好fresh再撈埋蟹籽一齊食 好好食！.再加埋蜜糖芥茉醬 感覺好新鮮 估唔到佢又幾match 🍯.📍Poke Go (汕頭街) (灣仔)灣仔汕頭街5-7號地舖…查看更多

想搵個地方同朋友 chill 一 chill🍻🥰 但又想食高質韓國嘢 又要有氣氛 呢間一流👯Ps. 呢間人氣韓國餐廳成日都排長龍 記得book定位先去食😚.講嘢食之前 講下個環境先✨餐廳佈置得好靚 暗暗地 再加上好多發光星星掛飾 好浪漫🌷🥰.🔹炸蝦Kimbap🍙雖然只係同平時嘅飯卷配料差唔多 但加入炸蝦 成個飯卷即刻level up 咗😚啲飯嘅熱度啱啱好 所以無蓋過炸蝦上面嘅炸粉部分食落好酥脆 仲食到鮮甜嘅蝦味🤤.🔹海鮮煎餅 🥞 $118將海鮮同蔬菜炒成一塊 熱辣辣 脆脆地 好有口感🤏🏻海鮮就包括 魷魚🦑+蝦🍤🦐 個份量都幾多下 又夠新鮮 而蔬菜就包括 三色椒 雖然平時麻麻哋鍾意食 但加咗調味粉 其實三色椒嘅味唔太出～每次食韓國菜必叫啲 dish!! 🇰🇷🥢.📍Outdark (飛達商業中心) (旺角)旺角彌敦道613號飛達商業中心2樓…查看更多

觀塘真係一個美食之地 喺呢一區返工嘅人好幸福🥰Lunch 又有一間高質cp值極高嘅cafe選擇😍🥹.🔹藍莓提子伯爵茶糯米窩夫🧇 $92淨係嚟食個窩夫都抵🥺🙌🏻 窩夫外脆內軟 熱辣辣嘅窩夫入邊包住煙靭軟彈嘅麻糬 仲有好香伯爵茶味 伯爵茶fans表示好滿意😚雪糕揀咗抹茶味 好高質 一啲都唔hea 係偏苦嘅抹茶 好少cafe嘅雪糕可以做到呢個水準🥰.🔹日式明太子紫菜大蝦意粉 $138因為窩夫實在太出色 忍唔住要第一樣介紹🤤 而家回帶一上枱大大碟！啲蝦又要大大隻🍤意粉爽口彈牙 明太子醬超 creamy 每一條意粉都食到濃郁嘅明太子醬 大滿足鮮甜嘅蝦 再加埋明太子醬 🥰💯.🔹香蒜牛油雞翼 $68大大粒香脆嘅蒜蓉係雞皮上面 蒜蓉牛油味勁香勁濃每一啖都好有口感🤤🤏🏻.📍Cobber Noodle and Waffle (觀塘)觀塘興業街16-18號美興工業大廈A座1樓A4室…查看更多

想約埋三五知己 慢慢食飯談心 但係好多時餐廳都有限時 真係傾得好唔盡興😿 就算係打邊爐 普遍都得兩小時🥺 特別係啲一個月先聚到一次嘅朋友圈 真係講極都有嘢講🤣😚.所以呢一間真係好難得 真心大推for gathering 🥰✨無限時任食(星期五晚 我哋食足4個鐘 佢都冇趕我哋走🫢).食物方面 佢一啲都唔hea 份量，好似食九大簋咁! 一路食心諗呢間餐廳點樣回本🤣🤣(一晚淨係做一轉客人 仲要任食⁉️).主菜+任食火鍋+牛拼盤+海鮮拼盤+時令刺身+甜品+飲品.🔹主菜六選一（揀到我選擇困難症🤤)- 原味椰子雞- 藤根烤魚/醬香烤魚 - 重慶雞煲- 老壇酸菜魚- 古法枝竹羊腩煲- 清湯蘿蔔牛腩🫦今次我就叫咗個醬香烤魚 烤魚好嫩滑 連埋西芹花生辣椒芫荽 炒埋一齊 超級香口惹味.🔹任食火鍋- 花膠美人鍋- 澳門豬骨鍋- 海皇海鮮鍋- 姬松茸雜菌鍋- 蕃茄牛肋條鍋🫦 叫咗豬骨湯底 好濃郁又重豬骨湯味配料方面 都有各款嘅肉丸、肥牛、豬肉、羊肉片雞件等40款火鍋配料 .🔹頂級手切牛拼盤牛肉嘅油脂分布平均 牛味濃郁 淨係聞都好重牛肉香🫦.🔹豪華海鮮拼盤每款海鮮數目按人頭計包括扇貝、大蝦、巨型鮑魚、沙卜蜆、手打墨魚丸海鮮食落爽口彈牙 好鮮甜😗.🔹豪華時令刺身每款刺身數目按人頭計 包括厚切三文魚腩、赤蝦、帶子、巨型鮑魚、北寄貝每款都好新鮮呀 食落好鮮甜🤤.🔹甜品Haagen-Daza 雪糕🍦 一共有四款口味可以揀🤤.📍淥鼎記 (旺角)旺角彌敦道601號創興廣場5樓…查看更多

位於鬧市中心 旺角 有一間樓上居酒屋 靜靜地chill 🥰🍻.日式裝修 如置身日本 仲要坐吧枱 望住師傅將新鮮食材處理 然後再送到我哋面前 就好似去咗轉旅行🇯🇵.🔹虎蝦天婦羅 🍤x2 $98超級巨型虎蝦 蝦肉新鮮彈牙 炸得好香脆 識落唔會好油😚食到最尾 啲殼仲可以分開食 .🔹豚肉蒜心卷 🍣x1 $28充滿豬油香嘅豚肉特別好食 仲要厚到啱啱好蒜心爽口 同豚肉勁夾😍.🔹明太子醬燒翠玉瓜 🥒x1 $38熱辣辣+厚實嘅翠玉瓜 燒到啱啱好 將水份鎖緊 一咬落去仲會爆汁！明太子醬濃郁 而且鹹甜啱啱好 開頭好難想像會將兩者一齊食 冇諗過係咁夾 超級有驚喜🥰🤩.🔹鮮磨山葵牛肉 🥩x5 $68Wasabi 唔會好攻鼻 仲好香 牛肉軟林 唔會太乾太硬 啱啱好再加埋啲醬汁一齊食💯.🔹 拖羅海鮮豪華太卷 🍙x5 $188香滑拖羅超林身 夠晒水準 再配埋新鮮嘅海膽 仲有大大粒嘅蟹子 一大啖放落口 係冇食到多重口感拖羅嘅香 海膽嘅琳 爆汁嘅蟹子 真係超級滿足🥹🥰.📍長阪燒 (旺角)旺角砵蘭街189號2樓…查看更多

久仰大名嘅拉麵店😍朋友問我晚餐想食邊一間拉麵店，提出左幾個選擇，我一見到拉麵來，二話不說即刻話要去呢一間！.唔好睇佢細細間，佢入面嘅裝修超級用心，牆上貼滿海報、又有舊式玩具擺設，彷彿回到昭和時代嘅日本🏯🎎 佢嘅menu 仲係行日本手繪設計 好cute cute 🥺由內到外都睇得出呢間舖頭喺設計上放咗好多心機，應該係希望客人可以係懷舊日本風下品嚐拉麵🍜.大坑店主打豚骨湯拉麵，而尖沙咀就主打牛尾湯同海老湯拉麵。呢間拉麵店同其他拉麵店唔同，除咗基本嘅拉麵選擇軟硬度，呢間嘅湯底可以揀濃度，鍾意濃郁湯底嘅朋友啱哂😚.🔹極上海老吟釀拉麵 🍤$104點餐嘅時候冇特別叫濃郁嘅湯底，估唔到一上枱已經聞到超濃郁蝦味，如果叫咗特濃仲得了嘅😍Menu🔖: 日本直送嘅白蝦頭，蝦米噌和日本清酒烹調.蝦肉爽口彈牙，仲有陣陣嘅鮮甜味，咬落去好軟口，濃郁嘅湯底盡吸鮮香蝦湯嘅精華.🔹北海道牛乳忌廉雞湯叉燒拉麵 $98同海老湯一樣 湯底真係💯店員捧個碗嚟個陣 已經聞到勁香本身以為牛奶湯底會好伏 點知仲有驚喜過海老湯🫦🥛牛奶嘅香味同雞湯完美結合 牛奶順滑得來仲帶陣陣嘅解甜味 每一啖連湯食拉麵都唔會覺得鹹 好高質🤤.📍拉麵來 (尖沙咀)尖沙咀加拿分道25-31號國際商業信貸銀行大廈地下8號舖…查看更多