愛愛撞板女孩的个人专页

吃茶三千葡萄香提系列🍇完美演繹了茶與水果的雙重奏😌桂花水仙🌼葡韻纖果冰茶茶底溫潤雅致，水仙的蘭花底蘊與清甜桂花香氣纏綿，芬芳清甜😍完全襯托出青葡萄的鮮爽🫰🏾另一杯選擇了不同的茶底，玉露青茶葡韻纖果冰茶🍵茶感清新，帶有獨特的微酸味道👅幾特別，再加上葡萄的甜度激配合更清新解膩👍🏽兩杯都真材實料，滿載新鮮的青葡萄果肉🍇每一啖都能吸到飽滿果粒🥹搭配的纖果粒粒Q彈有嚼勁，增加飽肚感💪🏽滿足感滿滿‼️…查看更多

⭐️吃茶三千是來自台灣的手搖飲品牌，以其現萃研磨的茶底保留最純粹的風味而聞名🍵🍶不僅在茶飲的選材上講究，更在每一杯的製作過程中注入了對品質的堅持✊🏻🍯蜜桃烏龍奶蓋蜜桃烏龍奶蓋結合了新鮮的蜜桃粒和烏龍茶，再搭配上香滑的奶蓋慕斯，風味獨特，底部仲有蜜桃🍑粒粒好清甜與烏龍茶的醇厚相得益彰😬🧋國王珍珠奶茶國王珍珠奶茶是吃茶三千的招牌飲品，以鳳眉紅茶為底，搭配皇家厚奶和Q彈的國王珍珠👍🏽😋珍珠的黑糖香氣讓人每一口都有驚喜✨…查看更多

每次品嘗茶飲必揀吃茶三千🥳台灣地道風味，茶葉都是現烘茶味香濃，近期還推出左青檸雪芙芒果好受歡迎👏🏾充滿創意😌💫 玉露青檸加椰果🥤玉露青檸清新脆口🍃 玉露茶的香氣與青檸汁的酸爽好配搭額外一陣清涼感。椰果粒煙煙韌韌好有層次感，口感獨特👍🏾🥥✨ 整體風味清新而不膩💕💫青檸雪芙芒果🧋青檸雪芙芒果 配上櫻花果子青檸🍋‍🟩原汁與特濃牛乳🥛搭配帶來濃郁的口感，仲有芒果🥭果露的果香與櫻花果子的清新，四種材料結合想像不到的合拍，每一啖清甜酸爽交融口感層次豐富✨💖😍好味道👅…查看更多

本身今日去佐敦就冇諗過食泰國嘢嘅，不過見到呢間泰國餐館非常之地道，裝修好精緻，就好似去咗泰國一樣，門口嘅姐姐亦都好熱情介紹，於是就走咗入嚟試吓。我哋嗌咗小食拼盤、三串串燒、泰式燒魷魚、馬拉盞炒通菜，同埋泰式蟹肉炒飯。小食拼盤有好多款泰式小吃，有春卷、炸蝦餅同埋香脆雞翼，每一樣都有佢獨特嘅色香味，雞翼外脆內嫩，仲配埋特製嘅沾醬，炸蝦餅爽口又彈牙，正呀燒烤過嘅串燒，經過醃製之後燒到金黃色，雞肉嫩滑飽滿，豬肉有啲質感，沾上特製嘅沙爹醬，濃烈嘅香氣同微微嘅甜辣味道交融喺一齊。每次食泰國菜一定會點燒魷魚，經過特製嘅泰式香料醃製，然後炭燒到外焦內嫩，煙燻嘅香氣同酸辣嘅汁，好味到不得了，而且份量都幾足，大條又好食。馬拉盞炒椰菜苗就一貫咁爽口，亦都唔似出邊整得咁鹹，味道非常啱啱好。新鮮嘅蟹肉，炒飯再搭配泰式香料，米粒乾爽分明，亦都係令人好有驚喜。今次無端端發掘咗間好嘢，第時嚟呢度又有多個選擇。…查看更多

旺角有好多間泰國餐廳，今次同屋企人揀左間小店，性價比高同埋可以試下正宗泰國風味。我哋叫咗明爐冬陰功煮烏頭、豬頸肉炒通菜、同埋泰式滷豬髀。明爐冬蔭公煮烏頭幾特別，好似未見過用冬陰功做湯底，味道意想不到，又酸又甜。加上秀珍菇吸收湯汁，真係好好味。仲有一碟辣汁，魚肉沾埋辣汁更加鮮味！豬頸肉炒通菜好香口，蒜味濃郁。豬頸肉份量多，雖然有啲硬，但味道好入味。泰式滷豬脾肉質軟嫩，入口即化，好啱老人家食。仲有酸菜同滷蛋，醬汁多而且入味，整體味道好好。飛天炒椰菜苗香口，辣辣嘅味道好開胃，真係好好味，椰菜苗又爽口。龍眼冰夠晒Fresh，可以解飯後嘅油膩感，食泰國野必點。…查看更多

一早已經聽聞，大埔翠怡花園嗰一帶，隱藏着好多好食嘅餐廳，今日終於同朋友去嗰度搵好嘢食。嗰度有幾間日式居酒屋 / Omakase，咁我哋晏晝去，於是就搵間Cafe試吓：Underground Rise。我哋點咗幾個餸，有芥辣墨魚蝦堡、德國熱狗、意式肉醬意粉，同埋牛油果煙三文魚沙律。我哋四個人一人一個，不過都係share嚟食。熱狗嗰條大肉腸非常多汁，仲有酸菜喺入邊。有啲人唔鍾意有酸菜，但係我個人認為熱狗一定要配酸菜先好食。而且佢仲有啲煙肉碎係入邊，令到個口感非常之豐富。意式肉醬意粉亦都係非常有水準，肉醬夠晒味，芝士亦都非常濃郁，一個咁common嘅菜式，可以煮到咁有水準，係絕對唔簡單。個芥辣墨魚蝦堡，亦都係出邊食唔到嘅，嗰塊墨魚蝦餅炸到非常香口，配埋啲芥辣味道係恰到好處。牛油果就不嬲都襯三文魚，呢度食材新鮮，就一定冇死。最後我例牌嗌咗杯Flat white，都好有水準，好飲過啲連鎖咖啡店好多，同埋啲拉花拉得靚。呢間Cafe真係令我有意外驚喜，地點亦都幾近太和地鐵站，以後假日有時間或者嚟踩單車嘅時候，都會再嚟呢間Cafe 。…查看更多

呢間大圍新強記細細個成日聽，我記得係我好細個嘅時候，都有喺呢度食過一蚊雞粥。突然間醒起佢，於是就同一家人一齊嚟呢度食。我哋叫咗幾個餸，有燒乳鴿、椒鹽鮮魷、薑蔥龍躉斑頭腩煲、上湯雜菜煲，同埋當然要食飯佢最馳名嘅雞粥啦。燒乳鴿都係佢招牌菜之一，烤出來嘅乳鴿皮脆肉嫩多汁，有浸好香嘅煙熏味，絕對值得一試。椒鹽鮮魷就鑊氣十足，龍躉斑頭腩就非常之線，只係略嫌有稍為鹹咗啲。上海雜菜煲個湯非常濃郁，營養豐富，好適合冬天食。最後係個雞粥，真係童年回憶，食落去味道非常之濃厚，質地棉密，每一啖都吸收咗濃郁嘅雞肉香味，啲雞肉亦都唔鞋，非常之滑。食完之後酒樓仲送多人一碗順滑口感嘅芝麻糊，食到我哋舐舐脷。好彩我突然間醒起呢間酒家走咗嚟食，咁好食嘅老字號，真係要再多啲嚟幫襯啦。…查看更多

呢度全部都係四人枱，但係佢派飛都會分開二人同四人，唔知佢為乜。既然全部都係四人枱，點解唔group 埋2人同4人？佢分枱就分晒比四人枱先，四人入晒先至分比二人，變咗你兩個人嚟食，就要等到最後先有得食。入到去等超過半個鐘先攞個爐過嚟，湯底等多半個鐘都未到。望住個爐等到發霉。…查看更多

我一直都覺得，太二係酸菜魚嘅天花板。之前喺大陸都食過一次太二，要朝早10:00去到等位，都要等半個鐘先有得食，平時普通食飯時間唔使旨意等到。疫情嘅時候一直都喺香港搵唔到佢嘅代替品。宜家難得嚟到香港開張，唔使特登返大陸，就諗住去啟德試吓，順便睇吓呢個新開嘅Airside商場。我哋都5:30pm左右去到，等咗半個鐘左右就入得。唔使講梗係食佢最馳名嘅酸菜魚，另外都嗌咗一個無骨鳳爪，同埋一個蝦仁娃娃菜。點完菜我哋首先浸咗佢杯洛神花陳皮茶，佢有教路，係落兩片陳皮加三片洛神花，我就落得太多，搞到杯茶濃咗啲。好快酸菜魚就到，同喺大陸食一樣，個侍應哥哥唔知講咗啲咩口號，先放低盤酸菜魚。個酸菜魚同大陸一樣咁好食，價錢都唔係話貴好多。我食過咁多間酸菜魚，香港係冇一間有太二咁好食。所以，以後唔使再特登返大陸食。btw ，大家一定要嗌白飯送酸菜魚。個無骨鳳爪都唔錯，我見到個賣相以為佢會超辣，但係都可以接受，幾啱香港人口味。另外個蝦仁娃娃菜真係非常驚喜，佢啲湯汁好濃味，入晒落娃娃菜度，啲蝦仁亦都爽口喎，加埋少少午餐肉，我諗我食多一碟都得。兩個人一碟酸菜魚兩個小菜兩碗飯，份量剛剛好，價錢非常合理，食完再添多杯洛神花茶，完美終結，以後唔使特登返大陸食了。…查看更多

今日去開沙田，突然間好想食泰國菜，喺沙田嘅泰國菜選擇唔多，要食就梗係食呢間大名鼎鼎嘅Nara Thai，一直都未有機會去試。佢個裝修又好grand，於是乎諗都唔使諗就入左去，好彩都唔使等位等咁耐。我哋唔係咁肚餓，於是都唔係嗌咗好多嘢，淨係嗌咗一個金邊粉，同埋炒通菜。喺上菜之前仲有啲好味嘅炸蝦片小食，食落真係好香口同埋好脆。個炒通菜好有鑊氣，唔會太油亦都冇太鹹，味道啱啱好，好似去左泰國食嘢咁樣。個金邊粉就好特別，有層薄薄嘅蛋整成嘅網包住個金邊粉。佢亦炒到啱啱好，又係唔好太油，啲蝦亦都好彈牙好新鮮好有蝦味，唧埋啲檸檬汁落去，簡直就係冇得彈。好味抵食，下次肚餓啲嘅時候再同多啲人去嗌多啲嘢，試吓其他唔同嘅嘢先。…查看更多

旺角水門雞飯地道泰式飯堂是我每個月都會光顧一到兩次的地方，食物真是物有所值👍🏿😬💫水門雞飯雞脾肉 招牌菜之一當然少不了水門雞飯，我通常會加$10來加點雞脾肉，它的質地細嫩，鮮味十足。再加上他們獨特的辣辣醬汁，真的很開胃😝而且雞油飯不會油膩，香噴噴的口感🍚除此之外，例牌雞也很不錯👍🏿💫馬拉盞西蘭花炒魷魚鬚🦑馬拉盞肉醬西蘭花炒魷魚鬚保持了蔬菜的鮮嫩口感，再搭配上馬拉盞肉醬的香辣味道，魷魚鬚口感彈牙，非常美味。而且還提供少鹽選擇，不那麼濃味，兩者搭配確是獨特風味的組合🥦😌💫熱生薑蜜🫚 健康溫暖的飲品有熱生薑蜜，裡面有薑絲和蜂蜜作為主要材料，因為薑味濃郁，所以口感有些辣口，但是非常暖心😌💫新鮮椰青新鮮椰青肉鮮甜，雖然椰青肉份量不多，但是椰青汁真的很鮮甜好喝😚…查看更多

我最近造訪了太子蘇山雞飯，和家人一起享用了一頓美味的晚餐。這裡的人潮相當多，所以建議提早一點到達，以免等待太久。今次新品嘗招牌菜之一是「火焰醬香椰子雞鍋」。這道菜以椰子的香氣和濃郁的雞肉湯為基礎，搭配著嫩滑的雞肉，味道濃郁又清爽，每一口都帶來滿滿的滿足感另一道必試的菜是「蘇山豬手飯」。這道菜的豬手肉質鮮嫩多汁，入口即化，搭配特製的醬汁，每一口都充滿著豐富的味道，絕對是美味的組合。「娘惹咖喱牛筋腩飯」散發著濃郁的咖喱香氣，牛筋腩軟嫩可口，配上香辣的咖喱醬汁，辣度適中，讓人一口接一口地享受😋此外，「鮮油咖咉多士」絕對是不可錯過的小吃。外層酥脆，內裡軟綿，加上香濃的牛油，口感絕佳，絕對能滿足喜歡重口味的人的味蕾。「麻辣玻璃魷魚通菜」絕對是我的首選。魷魚🦑肉質鮮嫩，搭配麻辣醬汁和清爽的通菜，帶來一種辣味和爽口的對比，讓人回味無窮。另外，「熱薏米」有熟薏米和生薏米的搭配，口感濕潤，搭配一片檸檬的酸甜風味，絕對是營養豐富的選擇…查看更多

有時去開科學園，一直都有留意開呢間嘢，見佢食物嘅賣相好精緻，好有創意，於是搵日趁平日早左收工，就的起心肝，同老婆特登搭車入去科學園試吓呢間餐廳。平日夜晚入到科學園都好靜局，但係去到呢間餐廳就發覺好多人食，好彩我哋都唔使等位。我哋見好多嘢都好精緻，就忍唔住嗌咗好多餸。有幾樣我想特別提下，第一個係個蜜汁叉燒，燒出嚟好脆好香，加埋啲蜜汁味味道一流。第二樣嘢係個冰菜。之前都冇食過用呢個方式整嘅菜，食落好新鮮、好開胃。隻乳鴿都好正，燒得非常之香口。重點就係個火焰菠蘿炒飯，上個菜之後，店員就點火燒個菠蘿皮，有得打卡之餘，亦都非常好味。然後佢個肉骨茶，係用一個紫砂茶壺裝住，飲湯嘅時候逐少逐少倒落個茶杯度，咁樣飲湯真係好有風味。甜品一個係流沙奶皇包，用一個好可愛嘅雞仔造型，啱晒女士影相。另一個甜品係柚子果精凍，係類似啫喱咁樣，有柚子味好鬼清新。食完真係捧住個肚扶住到場早，咁嘅價錢好食之餘，份量又夠，抵食到不得了。…查看更多

今日同親戚仲有啲小朋友一齊，諗住食吓啲家庭式嘅燒肉，就諗起上次去元朗，見到有間叫校長燒肉。呢一間係有火鍋、刺身、燒肉自助放題，一次過滿足晒咁多位嘅要求。呢間嘢係任食嘅，有魚生、有前菜、有湯，亦都可以任拎啲肉返自己枱燒。我哋先來一輪魚生攻勢，啲魚生幾新鮮，都有日式料理嘅水準。啲湯都好有驚喜，我哋未開始燒肉都飲咗兩碗。然之後我哋開始燒肉，雞翼牛柳粒豚肉等等，另外我哋又嗌咗啲翠玉瓜過嚟燒，正到不得了。啲肉都幾新鮮，燒落非常之有水準，完全係超出我哋嘅預期。我哋都燒左好幾輪。食到飽飽地，出去沖個茶飲，佢有好多種唔同嘅茶葉，我哋仲可以將幾種茶葉溝埋做一種新嘅Cocktail茶出嚟，最後點都唔少得甜品，我哋嗌咗啫喱。食完飽到晚飯都唔使食，扶住牆咁行返出去。…查看更多

琴日同老婆去開葵涌廣場行街，又唔想坐低食，想掃下街食啲小食，於是就見到呢一間嘆杯貓茶。見佢以貓做主題，我老婆又非常之鍾意玩貓，見到佢啲奶茶同小食有幾吸引喎，於是就去嗌杯嘢飲同叫啲小食試吓。我哋嗌咗一杯黑糖珍珠鮮奶茶，同埋一杯朱古力鮮忌廉Oreo脆脆。見有啲口痕，又嗌埋小食，嗌咗個脆炸爆汁小籠包，同埋一個甜食朱古力冬甩。我哋就企咗喺隔離食，個爆汁小籠包真係包如其名，一咬啲汁就咇晒出嚟，差啲唧咗落隔離嗰個人嗰度。食落個小籠包又幾香口，炸得嚟又唔過分油膩。嗰兩杯飲料都比一般台式茶飲店好飲，啲黑糖夠濃郁鮮奶夠嫩滑。另一杯Oreo脆脆，口感好好，朱古力同忌廉比例恰到好處，加埋啲Oreo夠晒爽口。個店員仲好友善，同我哋傾咗好多貓經，佢仲邀請我哋下次有時間，可以拎埋啲小食去佢哋距離唔遠嘅貓Cafe，可以玩住貓咁飲嘢，貓Cafe嘅收入仲會撥作救助流浪貓嘅用途𠻹。…查看更多