lovefoodyoga28的个人专页

呢排好想食韓式雞，特登叫老公陪我出去Goobne Chicken食。🐣兩個人人少少，叫左兩款野食，都但食到好飽，不過十分滿足🙂🙃是日點餐：蟹籽沙律醬芝士雞蛋卷韓式BBQ醬烤雞芒果沙冰蜜糖柑橘茶雞蛋卷第一次叫，十級邪惡gei流心芝士，混有車打芝士& mozzarella。面頭又有滿滿gei蟹籽+沙律醬，好正！烤雞，次次黎都試下唔同款，今次食韓式BBQ醬都唔錯，雞肉肉身更juicy，醬又唔會好咸，仲配有醃製白蘿蔔&西生菜，可以當生菜包咁食，一式兩味！飲品，老公次次都必點芒果沙冰🥭🍹芒果味濃，好夠冰爽。 我就行健康路線叫左杯柑橘茶🍯…查看更多

book位個時，店員話因為餐廳開業18周年同埋宋皇臺站開啟，講到睇過邊2條YouTube 片介紹佢地餐廳就有$200 discount，即刻上yotube search片，成功全單有$200discount!!餐廳要上一層樓梯級，座位唔算多，但勝在寬敞舒適，食得開心！三五知己黎歡聚最適合不過！海底椰青雞$96-椰子味香濃，雞件分量較少，好在大件雞肉。湯底有花膠&紅棗，夠哂補身子！打邊爐點少得牛肉-封門柳$288，肉嫩有咬口。白鱔片，切片大大條，好考師傅刀功！魚肉新鮮，絕無腥味！另外叫左大邊爐四式餃，餃子大大隻，皮簿餡料十足！墨魚滑分量超多，仲有好多蟹籽，正！油麥菜新鮮又大份！打邊爐飲汽水一定唔少得！…查看更多

鐵板燒新開張，幾抵食，$498/位 一人前鐵板燒。餐廳裝修令人懷念去日式靚餐廳食鐵板燒，店員服務好細心，不停倒茶，特別菜式/食法，都會特登話卑客人知，好窩心。鐵板餐共有10道菜式，沒將貨就價，菜式由外表到口感都好高質，都出乎意料之外！呢10道菜式中，對前菜質素特別讚揚！ 炸海膽大婦羅，香而不由膩，茄子漬味道剛剛剛好！ 大蝦沙律，店員話唔怕辣，將特制辣椒油淋上沙律一齊食都得，我就咁大蝦點辣椒油，好正，加埋開胃沙律又balance油膩感👍🏻主食方面4選1，有牛豬魚雞，任均選擇，我簡左鹿兒島黑毛豬，肥瘦均勻，雖然有醬汁、鹽可配，但我就咁食已經好juicy入味！…查看更多

荷里活廣場搵間經濟又實惠餐廳少之有少，每次過嚟食飯都係食「札幌拉麵」🍜次次都係貪呢度有2人餐唔洗煩，主菜*2+小食*3白豚拉麵泡菜拉麵燒雞翼+燒雞軟骨串煎餃子炸蝦拉麵有粗麵&幼麵2款，啱啱好白豚係幼麵、泡菜係粗麵，湯底雖然都係豬骨湯底，粗麵會多味噌，分外香濃。拉麵配有豚肉外，仲有好多配菜，好味！小食款款款香口，雞串系列燒到剛剛好，有咬口又唔乾身，煎餃子好少可煎一面香脆，涵料多汁！炸蝦粉皮厚左fd，但炸到金香可口！…查看更多

正值晚飯時間落大雨，見Eton Hotel有foodcourt，時間尚早有位坐。行過圈，food court選擇都好幾多，中西日東南亞樣樣俱全。最後決定係越南菜-Fuhn。餐牌選擇精緻，有期間限定菜式，呢期係美國生牛肉湯河配牛筒骨&法包。牛筒骨好吸引，但自己好想食撈檬，唯有下次再試。火車牛魔粉$98另一半次次必點，因為樣樣都有-生牛肉、牛坑腩、牛柏葉、牛丸等等，款款都夠爽口入味又唔腥，湯底又夠清甜！香茅豬扒撈檬$68豬扒炸到剛剛好，外肉少少脆，又唔會炸到肉好「鞋」，撈檬汁酸酸甜甜，夠哂開胃，仲伴有好多沙律菜，夠哂fresh!加$16 upgrade set dinner有越式春卷/素菜紙米卷+沙律+基本飲品好抵食。另外再叫香茅牛油雞翼，好邪惡，但好香脆Juicy!!!…查看更多

而家食韓式烤雞，一定去Goobne Chicken!!! 因為呢度雞分量又大，款式又多，仲要不定期推新款味道，次次黎都好似第一次黎食咁😋呢期推介係蜜糖蒜香烤雞$205🐣Goobne 烤雞肉質出名嫩滑，件件雞肉都啖啖肉。雞肉熱辣辣時間，唔係好feel到蜜糖味，灘凍一陣，雞外皮蜜糖有少少凝固，皮變脆口，正！另外叫左碟韓式海鮮炒麵$158🦞海洋分量完全多到叫人amazing!!!! 有大蝦、有魷魚圈、青口，蜆，炒麵唔乾身，可能加左辣椒粉，食得多食覺得辣，但愈辣又件愈想食。食飽梗係啖番杯芒果沙冰$58，好爽丫！…查看更多

成年冇食過燒肉，朋友一聲號令食韓牛，即刻gogogo!燒肉款成10幾20款，有五花腩，牛仔骨，牛仔骨，牛柳粒。有醃有原味，任均選擇！呢度主打韓燒，韓式小菜又點少得，例如：覓菜仔，白菜仔鹹魚仔，辣蘿蔔，醋醃青瓜，泡菜。味道十足。辣蘿蔔食左幾轉。 好欣賞呢度熟食款，唔單只款式多，仲有泡菜餅，平時好少見。
除左韓食，仲有日系款式，魚生、壽司任你揀。 甜品款，中西任你食，有泡芙、桂花糕、雪糕，豆腐花。 食左豆腐花，算唔錯。…查看更多

而家餐廳食火鍋，愈來愈多選擇，有海鮮/雞煲。海鮮火鍋就有，仲有款jumbo款卑你選擇。套餐都有好多野食前菜有醃青瓜&雞腳，爽口開胃足料燉湯，清甜美味。 蒜蓉焗青口，每人兩隻。海鮮7味-鮑魚、龍蝦🦞、魚🐟，款款彈牙。仲有爽口牛肉台上有教係煮海鮮時間，仲有timer卑係，所以款款都煮到剛剛好，肉質彈牙。食到最後，叫店員幫手整粥底，有芋頭粒南瓜粒同粟米粒，放10-15分鐘，店員強調南瓜粒打碎先入味，再落粥，香味俱全。…查看更多

法式🇫🇷餐廳，見tasting dinner set 都幾抵，人均$500幾蚊起，價位中上。但食完真係物超所值！一入座，店只就會問飲Sparkling water /still water。不過，店員介紹飲下still water，因為係非一般still water， 飲落口有啖啖花旗參味，真係好特別！餐廳充滿法國簡約風，窗框/門框係古色設計，加上暗暗黃燈，真係好適合情侶光臨，自己都自然地elegant 起來💁🏻‍♀️無論係前菜到主菜，甚至甜品，款款都精心炮製，由外觀到入口都令人嚐心奪目之餘，又可以食到高水準菜式。前菜煎鴨肝配自家製雜莓汁燴蘋果黑醋香橙煎北海道珍寶帶子主菜香煎智利鱸魚拌番紅花魚湯餐湯黑松露野菌湯 +$48/杯 餐酒…查看更多

傳統酒家隨住時代轉變，食物/食法都變得更多元化。當你以為一間酒家夜晚只得一圍圍食火鍋，常滿百家菜就係要話你知，佢呢度晚市唔係你想像咁簡單。晚市火鍋配料+多款點心，任食！前菜、小食、甜品，都係任食再任食！汽水、維他奶、啤酒，飲到你飽為止！重點係坐得舒適，食得招積。點心大大件，款款肉質係新鮮，絕不慳皮，食左轉都飽飽地。點心即叫即蒸，等候時間需時，呢個時間就係食下火鍋，自助區好耐款，豬紅、牛柏葉都有，好少可任你夾！…查看更多

惹味雞煲🐔，絕對冇因價就價，絕無雞骨，啖啖肉，仲好入味，本身怕太辣，叫左小小辣，但自己又嫌未夠辣，下次可以跳級挑戰中辣！食完一轉雞煲，接住就打邊爐🥘。任食都有底線，每單只可以order 最多10款食物，有限制都係好事，教客人珍惜食物。火鍋食物方面，肉類🍗、海鮮🦐、餃🥟可以點餐紙order，菜/公仔麵等可以去自助區夾~飲品雪糕都係任飲食物款式多樣化，質素以$200放題黎講算中上水準，店員又好客，所以好滿意🙂…查看更多

平日都有過嚟lunch，今晚OT完就直接過嚟食埋晚飯先返屋企。Lunch鐘意過嚟食，因為餐廳座位寬闊，坐得舒適，食得招積！入座就叫壺桂花秋龍，壺茶用左個好別緻既茶壺裝住。桂花香味撲鼻，烏龍又可以去油解膩。蓮藕蜜椒骨$108餐廳出名新派粵菜，呢款菜亦代表之一，蓮藕&排骨都經開炸，夠脆口，排骨炸到連骨都脆脆地😀 我都係第一次食呢種煮法gei蓮藕片，幾特別。配埋芝麻蜜糖，味道唔濃烈，但又好好味。金銀蛋浸時蔬$88有時食，咸到飲水都減唔到鹹味，今次食金銀蛋，完全冇呢個問題，咸蛋完全唔會令到整碟菜咸到傻，仲有肉碎，好豐富。…查看更多

店舖雖小，但坐得舒服，食物質素唔錯，CP值高，老闆店員都好有禮貌又細心。酸辣扎肉沙律$60扎肉分量多，而且生菜亦好新鮮，加埋洋葱同埋其他配料醬汁混埋一齊，初初入口酸酸地，幾好開胃，但食多幾啖你滋味，都幾辣XDD.好在醒目叫左杯 - 芒果沙冰，大大杯都係$30，好抵飲！小食拼盤 $125炸蝦餅/炸雞卷/炸蝦餅/春卷，4大款，完全冇因為” 拼盤”而縮小分量。仲要新鮮即叫即炸起，熱辣辣，又彈牙，配泰式辣醬，絕配！紅咖哩牛肉食$75咖喱香，椰奶味又濃，口感香滑。簿餅$25，係不可域缺的最佳拍檔，切到細細分，size剛剛好.…查看更多

一間低調又高質壽司店-雲壽司晚市有Omakase/自選壽司套餐/指定set銅鑼灣地段，但omakase最平$350已有交易，自選壽司10件/12件都只係$158/188。特上刺身拼盤$320吞拿魚腩、赤貝、池魚、海膽 、牡丹蝦&真鯛。刺身好新鮮，蝦🦐好鮮甜！赤貝肉身肥厚，彈牙鮮甜！吞拿魚腩好厚身，油脂分布平均，入口即溶，油香仲殘留口腔入面，真冇誇張！池魚較爽身，海膽源自日本，鮮甜而且冇腥味，分量都不少！正！整體刺身好新鮮！疫情關係，餐廳有外賣提供，大家齊心抗疫！…查看更多

一間有live band, 又有格調餐廳💛 主打慢煮，又有不同款食品選擇。二人慢煮套餐🥩🥂墨西哥辣粟米溫泉蛋沙律沙律菜上面有滿滿嘅黑醋夾集沙律醬，再加溫泉蛋，開胃又新鮮。西西里芝士肉醬焗意粉香濃的芝士，而家有滿瀉的肉碎，芝士同埋肉醬嘅比例又恰到好處，完全唔覺得膩。意粉又有咬口，好喜歡！安格斯西冷牛扒慢煮再煎，肉質比較淋身，易入口。肉熟程度剛好不會見血亦不會過熟。雖然咁多款之中，西冷味道相對較淡，可以中和一下其他比較濃味菜式。焗豬仔髀&焗豬仔骨(各兩件)肉身滿佈烤醬汁味道，夠哂惹味！而且肉身好易咬口。配兩杯酒類或特飲…查看更多