theokeeechan的個人專頁

經過見到好多人，鋪面係真舊式餐室嘅格局，諗住一定正呀，點知都係伏。叫左兩份餐，一個跟沙嗲牛肉通粉，另一個跟叉燒通粉。兩個都配火腿奄列方包。只可以話，食物質素真係好普通，火腿奄列得5條火腿絲，叉燒好鞋，咖啡超難飲，食左半份都食唔落🤢服務態度差，空間狹窄，同對面位搭檯完全係擺唔哂啲碗碟。我諗呢間淨係食佢個酥皮蛋撻就可以。$7一個，都多人喺鋪頭出面買，蛋味ok，不過個酥皮超厚，以我呢個咁中意食酥皮蛋撻嘅人都覺得太厚，其實咁厚好難唔鬆化，不過相對蛋汁又會少啲…查看更多

因為超愛食雞翼同酥皮蛋撻，10年前有個朋友帶我食金華下午茶A餐，試過一次之後就知道又搵到間長期飯堂，每次下晝喺太子的話都會食金華。講真佢雞翼唔係話真係咁好食，有時仲會咸得濟，但雞翼控嚟講有得食雞翼就可以。重點係佢個酥皮蛋撻係超！好！食！蛋味夠濃，酥皮夠酥（唔係脆，係好有層次感），配搭佢介乎焗熟同未焗熟嘅蛋漿，整體係非常之好，一啲都唔突兀。所以餐廳出面長期有人排隊買蛋撻。之不過價錢唔平，兩隻全翼加蛋撻加熱飲差唔多$40。見證住佢10年間不斷加價而又長期爆滿。題外話，試過一次夜晚去食晚餐，真係可一不可再，難怪夜晚咁靜。評價（10⭐️為滿分）：蛋撻：⭐️⭐️⭐️⭐️⭐️⭐️⭐️⭐️⭐️雞翼：⭐️⭐️⭐️⭐️⭐️⭐️熱奶茶：⭐️⭐️⭐️⭐️⭐️⭐️…查看更多

幫襯左麻辣川超過10年。講真，以前真係好食好多，雞湯味濃厚，不過衣家都唔錯，只係冇以往咁正。食麻辣川好講彩數，有時會過咸，有時米線會太硬，但請你唔好放棄佢，要俾多幾次機會佢，因為如果佢一到水準嘅話，係好好好好好好食嘅！雞湯清甜，配合麻辣嘅味道，非常之夾，唔油膩，會令你忍唔住飲埋啲湯。米線剛剛好，唔會煮到太淋，亦都唔會過硬。推介食物：竹笙、麻辣牛腩、燒豬頸肉、麻辣雞翼評分（滿分10⭐️)：麻辣湯底：⭐️⭐️⭐️⭐️⭐️⭐️⭐️⭐️⭐️米線質感：⭐️⭐️⭐️⭐️⭐️⭐️配料：⭐️⭐️⭐️⭐️⭐️⭐️⭐️…查看更多

兩個人去食，本身預左唔會食得多，點知見到餐牌每碟牛肉都只係$48起，份量ok人少少可以試多幾款，仲有好多唔同部位選擇，最後食左4款唔同嘅牛肉。其實睇名真係唔知邊度打邊度，不過店內有圖示話俾你知唔同部位嘅名稱同淥嘅時間。叫左個青泡椒湯底，好香牛油味。開頭食覺得唔辣，食食下就嚟料，食到全身麻痺，勁wing好爽！除左牛肉之外，其他配料都唔錯推介：牛駝峰、匙柄、牛丸、冰麻牛評分（10⭐️滿分）：湯底：⭐️⭐️⭐️⭐️⭐️⭐️⭐️⭐️⭐️牛肉鮮嫩：⭐️⭐️⭐️⭐️⭐️⭐️⭐️⭐️⭐️配料選擇：⭐️⭐️⭐️⭐️⭐️⭐️⭐️主打食牛肉，牛肉的確有好多選擇。如果期望一般港式火鍋勁多配料選擇可能未必滿足。…查看更多

因為附近開了新戲院而人流多了，否則很少人會經過這位置，不過這食店相對附近餐廳已算多客。這店湯底主打濃湯，白白黃黃的，雖沒說明湯底成份，但吃得出是雞湯加豬骨，有點像譚仔拼麻辣川的感覺，適合喜歡味道偏濃的人士。並非超級好吃，但至少有其獨特之處，會再回頭的米線店推介配料：雞翼、腐皮評分（10⭐️為滿分)：麻辣獨特：⭐️⭐️⭐️⭐️⭐️⭐️⭐️米線質感：⭐️⭐️⭐️⭐️⭐️⭐️配料味道：⭐️⭐️⭐️⭐️⭐️⭐️…查看更多

平時經過可能會略過的小店，簡單的餐牌毫不起眼。一年前開始幫襯，經過很多米線排行榜推波助瀾下，越來越多客人，但這店仍然由兩位叔叔阿姨默默經營，並沒有因為開始出名而質素下降。這店的麻辣非常獨特，很多花椒碎粒，有些少嗆，雙唇舌頭迅即發麻，很過癮會令人想更大口吸啜米線🍜推介配料：黃膳、竹笙、自家水餃🥟評分（10⭐️為滿分)：麻辣獨特：⭐️⭐️⭐️⭐️⭐️⭐️⭐️⭐️⭐️米線質感：⭐️⭐️⭐️⭐️⭐️⭐️配料味道：⭐️⭐️⭐️⭐️⭐️⭐️⭐️…查看更多

到mega box吃西餐，來了這間位於11樓的餐廳。水牛城雞翼就只是普通茶餐廳炸雞翼配辣醬。奶昔味道淡而無味，而且偏「稀」，沒有質感。整體質素中下，價錢卻不菲，而且餐廳地板痴立立…查看更多