Ling Ling Cha Cha的个人专页

8月份某天友人提議到這裡食晚飯,我不是太喜歡因聽聞他們的服務態度極差,但友人還想試試便去吧,當天一行十一人先到取位,但因還欠一人已泊好車正趕過來,他們都要他行到過來才能讓我們進入,一坐下還未看清楚餐牌,他們便催促我們快快下單,語氣態度亦非常差勁,下單後很快便有燒鵝上枱,但發覺隻燒鵝外皮非常焦黑,好像剛剛從火場逃離一樣,再看普遍都是佈滿肥肉,還有燒鵝一點也不熱.之後我們便跟伙計反映一下,他們居然回覆呢度個個都係咁食冇人話有問題,如果我地覺得唔好,下次可以唔來,去隔離果幾間都得,我地頓時呆晒,有冇攪錯咁做生意,之後其餘D菜都上晒枱,當我們食到七七八八的時候,還餘下少量正在完成當中,突然有個伙計遞上一張單過來叫我們埋單話出面好多人等枱拍硬檔幫幫手喎,吓!咁都得我地唔係免費食呢餐喎,要比錢嫁,咁樣對D客人都得.係唔係真係好食得咁緊要比錢來受氣,試想下佢地咁唔尊重人,又點會尊重食物呢?佢對客人可以用咁嘅態度,我真係好懷疑佢地是否真的會認真,用心去烹調一些他們不志在的客人吃呢?想到呢點我諗起在這裡吃過一餐晚飯,頓然有點心寒…查看更多

6月18日在此用膳,當天可能早不用等位便有位,這裡雖然是一般酒樓,但環境清潔及同服務可以,價錢也相當抵食,10個8個點心不用200蚊埋單,而食物質素也不錯,排骨蒸飯排骨好入味飯粒好乾身,蝦餃皮不是很薄,但蝦肉很彈牙,總括來說這裡不錯的選擇.…查看更多

本星期是父親節,不想到一般酒樓等位,浪費與家人相聚時間,一心選擇酒店內的中菜廳來用膳,就算價錢比一般酒樓貴也值得,最緊要大家食得舒服同開心.因此早幾天已致電來訂位,誰知一開口話訂枱本星期日早上10:30都未問幾多位,她已回覆話分3個時段10:00開始每段個半鍾頭為限,一聽之下有冇攪錯酒店內的中菜廳咁樣質素,個半鍾頭?一行十幾人有老有嫩只得個半鍾頭用膳,而家我唔係諗住吃快餐,一年一度這樣叫我們草草了事就算那,想不到他們的質素愈來愈下降,簡直大不如前.我覺得佢地應該好好檢討一下,因近幾年他們的質素真係不斷下降.特別是服務方面更加明顯,其他酒店內的中菜廳不會時這樣的.…查看更多

本月五號見天氣好,到坪州行山.順道在此吃早餐,經過這間茶餐廳,記得之前有飲食節目介紹過他們的蝦多士之後,便很多人擁入來試,這段期間這間茶餐廳時常都排長龍,滯得水洩不通,時間過了一排當日已沒有這樣情景,那就進去試試啦,我們落了最普通茶餐廳的慣常早餐,炒蛋,面包.湯面,湯米等........等了大半個鍾才先得碗湯面,湯米來,但質素差勁,米粉淋都不特止,碎到完全唔可以用筷子或叉夾起來吃.次後再過了半個才到炒蛋及方包,足足一個鍾頭才可完成,餐廳內的人全部都是等多過食在大部分時間,最後講返蝦多士,外表看上脹卜卜,但一咬下去原來表面得個殼,內裡空空如也,只得一節蝦肉,完成沒有蝦膠釀入.…查看更多

上月到這裡食晚飯,其實都不太想選這間,但不是我話事的,一行十多人叫了一圍12人用再加多個小菜及一條星班,埋單其約7仟.值唔值,不是單看價錢,是講食物及服務整體來看,我個人就覺得不值,先講食物其中一個炸帶子,漿粉厚厚同個件帶子勁咸呀,另外個椰子紫米露完全沒有椰香仲好水.服務更差勁,有位戴眼鏡嘅男侍應答你問題時語氣勁差,另外個阿姐落錯左單對唔住都冇聲,只係好差語氣話我叫廚房煮過比你地.落前我地明明講得好清楚再三確認,佢都仲係錯同咁嘅態度,真係食到一肚氣.…查看更多

以往我很喜歡到這裡飲茶或晚飯,因為這裡環境清靜,地方闊落枱與枱之間非常闊落,同時點心也不錯,真是周日與家人飲茶的好去處.不過在2月份到訪了兩次後情況完全改變了,2月份年初三的時候已一早訂了位,到達後被安排坐了一張很細的細枱,放3,4個點心已放滿了位置,我們在這裡飲茶這麼久都從未試過坐這麼細的枱,同時枱與枱之間擺得相當密,之後我們反問該帶位侍應,佢話過年期間booking多左才會這樣,年初五後便正常,之後間了一個星期多我們再去飲茶,發覺情況同之前一樣沒有改善,之前大枱與大枱之間的空間現在全部放細枱,你試想下比兩枱大枱夾住中間的細枱到時可能受到音量上的騷擾,試問點食得開心,再者他們自招收會員後食物開始下降,近幾次去食的點心也大不如前,如蝦餃外皮一夾就散,蝦肉不夠彈牙,幸好還有個原個椰皇燉鮮奶.另外他們的服務屬一般水準,尤其男侍應更一般之下,還有位黑衫黑褲短髮的女士,我諗佢應該屬於公關之類,因早前招攬會員,月餅,年糕等都是由她向客人兜售.但她的行為實在不要得,當有節日要向客人兜售,她笑臉迎人走過來,若你不跟她買的話便立即變臉,同時每當茶客飲完茶離開時,在門口跟她碰過正面,她會視而不見,立刻低頭加速走過,不會跟客人講聲多謝,歡迎光臨等等字眼,就算一間更普通茶樓,當客人用膳完畢,他們都會客人講聲多謝,下次再光臨等等這些字眼,何況呢度是酒店內的中菜廳.真的不知所謂.…查看更多

早於2010年12月想試試這間食肆,但當時有人包全場,因此延至今年1月才可試到,在網上看見食評都是有讚無彈,因此我都半信半疑去試試,當日到達我們坐近窗邊位,景外不錯,服務也不錯,枱與枱之間非常寬闊,因第一次到訪沒有什麼頭緒,所以我們多點的菜都是廚師推介及得獎作品,首先冷盤三味海哲頭很爽口,跟住金箔白雪藏龍這個真的不錯,再來鴻圖蝦中蝦賣相好看,但味道略為咸左d,另外百花鳳衣齊展翅不是太突出,可能第一個感覺太好蓋過之後果d,但總括來說整體都不錯.最後試埋甜品龍皇蛋白杏仁茶,初初都有點擔心,因為杏仁茶唔係到到好味,有時仲會有些怪味,但試過呢度d杏仁茶便喜歡了,非常香滑美味.…查看更多

又一次極度失望.於1月初的時候都很想試這間食肆,但因時間問題延至3月初才可以,一早滿心歡喜訂定位,好期待的心情因早前看過d食評有讚無彈.當日準時到達,他們安排我地坐bar枱,因時間尚早客人不算多,bar枱只有我們幾個沒有其他,整間食肆的環境好像是由food court位置間出來,好像快餐店咁.先講落order都開始覺得他們有點混亂,仲覺得有d被人欺騙的感覺.我地一行3人,他們的menu多是2人,4人套餐等等,同一個一人套餐,我們心想可以選擇一個2人和牛龍蝦套餐加個一人套餐,正當我們想落order都未開口,他們在旁話呢個2人和牛龍蝦套餐(HK$880)可以轉3人,跟住佢再話不過冇龍蝦轉大蝦,我地問價錢點計,佢指住個價錢話一樣,我地都同一時間接收到信息,諗住都OK喇HK$880價錢3人用,冇龍蝦都冇問題,唔使分散叫.之後個師父開始係我地面前煮,煮過程中完全同客人冇交流亦沒有展示佢鐵板燒嘅,只係將個廚房搬左出來係BAR枱炒下炒下,仲有全間食肆嘅鐵板燒ORDER都係得一個師父煮,佢梗係唔會有交流啦,掛住出order比客人,其中仲有客人落左2個鐵板炒飯要快馬喎茶餐廳咩,我都未食過呢D叫鐵板燒,之後師父將煮完嘅龍蝦分好放給我們,我們正想又話冇龍蝦....跟住問返落單個位人.佢同之前講d嘢開始有出入跟住話再加果位半隻龍蝦轉大蝦,價錢一樣意思係HK$880除2即$440.吓!好似半隻龍蝦貴過一隻唔係好大嘅大蝦,頓時覺得被騙的感覺.好喇講返食物質素,首先一些冷盤沙律沒有什麼特別但相對真正食鐵板燒的地方賣相就求其,和牛較為韌,另外個鐵板炒飯係d飯一粒粒,但食落口d飯係淋嘅,完成做不到炒飯嘅水準,得返個芝麻雪糕最好食最有芝麻味.總括來講呢餐唔算鐵板燒囖.呢d質素我就覺得呢個價錢唔值喇,我現在明白點解其中有客人落2個鐵板炒飯要快馬.…查看更多

10月初到了這間食泰國菜,聽聞質素不錯,於是滿有期待去試,我地安排坐左出去花園,一坐低不停聽到狗吠聲非常噪吵,服務方面個個好似暑假工咁,有經驗果D又黑面,食物方面一打串燒雞串D肉腍到好霉,一D燒烤味都冇,咖哩炒蟹冇咖哩香味,D汁又杰撻撻仲杰過漿糊,隻蟹又唔新鮮.條燒青魚上枱時,D腥味腥到反胃,連最蒜蓉包佢都整到燶晒,食落去D蒜蓉香味都冇.…查看更多

沈日同屋企人係呢間名苑食飯.點知撞正個態度極差的女服務員.話說我2月4日電話訂枱,當時訂了14人7點鍾.對方回應OK沒有問題,到前兩天名苑再有電話同我double confirm張枱之後,再問我到時會唔會叫餐,如果要可以預計,我話暫時不用喇.到咗沈日一去到坐底,枱面只有套餐的菜單,於是我問女服務員攞餐牌,當時佢個樣已經麻麻,隔咗一陣佢行過來問我地散叫定叫餐,我答佢散叫佢即刻變臉,跟住話8點15分要比返枱佢地.我地當時好嬲話訂枱時你地冇講喎.果個態度極差的女服務員話唔會,同事一定有講.最後我地唔同佢講,搵左個經理佢話盡量喇,因為佢地好多booking,佢都有問題十幾個人得一個鍾頭食飯都唔合理,仲有佢地攞住本話有記底要8點15分交枱,本薄係佢到寫咩都得喇,仲有呀果個態度極差短而曲髮的女服務員,真係好差呀.比佢影響晒間酒樓.應該炒咗佢,今時今日仲有咁嘅服務態度,而家散叫唔洗比錢呀!真係好嬲嬲嬲!仲有呀佢比我地個張枱唔係酒樓範圍,係門口出面扶手電梯底.…查看更多