肥妹B的个人专页

之前去過尖沙咀同將軍澳嗰間Goobne食過之後一直念念不忘，今次去埋中環個間環境光猛，座位寬敞舒適其實每次黎Goobne都好難揀食什麼，因為心大心細樣樣都好想食，選擇又多，但得兩個人又食唔到咁多😅最後都係同老公決定食番原味烤雞同試一款未食過既選擇原味烤雞🐔真係外脆內多汁，好好味鐵板芝士韓式烤肉炒飯配醬燒豬肋骨豬肋骨係老公至愛之一，好惹味，再配埋芝士炒飯正我地仲叫左香桃韓式米酒，我地都好鍾意飲呀～酒精濃度都只係0.7%，非常適合我 😂食飽飽之後我再叫多杯蜜糖濟州柑橘茶潤一潤好滿足既一餐…查看更多

老公要OT，今晚一個人食晚餐，自己係銅鑼灣逛逛之後就去左登龍街既正宗上海生煎皇。一個人食晚餐既好選擇生煎包同蟹粉小籠包都可以叫2個好多上海餐廳都要至少叫4個，一個人食唔到咁多自己點單好方便上海生煎包(2個) $18一定要跟住呢個生煎包四步曲，因為生煎包裏面嘅鮮湯真係好熱好熱，我差啲燙傷個嘴😅真係要咬開包頭，等d鮮湯無咁熱之後先食個生煎包底部脆口，裡面充滿肉汁，肉餡好juicy，熱辣辣好味道四川擔擔麵 $45 (可以叫小辣)賣相唔錯～麵幼適中、麵質煙靭，有肉碎、榨菜、乾蔥同埋蝦乾，湯底濃香又唔會太辣，好味道再叫左杯豆漿，唔會太甜又有豆香，食飽飽好滿足最後買左4個生煎包返屋企俾老公左宵夜，我仲好環保咁用自己個外賣兜廚房話ok…查看更多

老公話復活節假期同我去行吓食好嘢，帶咗我去鯉魚門三家村。原本我以為係去食海鮮，佢最後同我去三家村碼頭搭船去西灣河，原來佢一早訂咗枱，喺西灣河碼頭隔離間日本餐廳食晚飯😆之前經過，覺得間餐廳好神秘，好特別裡面環境一流，全海景，睇到d船泊岸整個環境其實好舒適，d音樂好柔和，好有日本寧靜舒服既感覺主要係食串燒，亦有前菜、沙律、湯同熱食都好多選擇串燒 (由左至右) - 白鱔、廣島蠔、日本豚五花、香菇和月見紫蘇免治雞棒(自家製)全部都好好味呀白鱔好香脆可口，廣島蠔好肥美，豚五花好淋身好好味，冬菇一向都係我至愛，自家製雞棒既月見紫蘇味好清香，配埋個雞蛋醬油食，正d串燒係由廚房師傅燒好，再用個裝有熱石既盒上菜，等客人可以慢慢享受串燒既同時唔怕d食物會好快凍左，讚帶子雞翼我最鍾意食呢個，超好味雞翼個皮好香脆，雞翼包住粒帶子，一啖咬落去裡面好juicy，好好味美國安格斯肉眼老公最鍾意呢個，7成熟左右，好有牛味好淋身，好食前菜 - 燒明太子賣相精緻，微辣既明太子配爽脆清新既青瓜，好好既配搭，好味熱食 - 芝士年糕呢個老公都好鍾意食，仲encore左一次熱辣辣既年糕，咬落去裏面係流心芝士，好香滑熱食 - 鍋燒烏冬食完串燒都要食返啲粉麵係日本手打烏冬，仲有一塊甜腐皮一人分一小碗剛剛好因為好好味，所以我地再encore左串燒同叫甜品京都絹豆腐外脆內嫩，外層掃上甜甜地醬油，好味之後再encore左廣島蠔日本蕨餅甜品為呢一餐畫上完美既句號，今晚食得非常開心同超級滿足P.S. 可以喺油塘三家村碼頭搭船到西灣河碼頭，可以欣賞埋日落🌄…查看更多

老公最近比較鍾意食港式小炒，星期日晚同老公去尖沙咀行街之後，去左位於河內道既聚點食晚飯，地點好方便座位寬闊有聚點必食推介聚香雞望落都好吸引有好多款精美小菜選擇雖然聚香雞好吸引，但老公都係叫佢最愛既砂鍋雲吞雞， 我再叫一款聚點推介、一個菜。砂鍋雲吞雞煲 例牌$138雞肉嫰滑，雲吞都好足料，平時食開砂鍋雲吞雞都係大白菜，今次係西蘭花。湯底比較濃味，老公比較鍾意仲有三款醬料，個秘製口水醬都幾特別青芥末牛柳粒 $98鍾意食芥末醬的話可以試下，對我黎講呢款菜式新穎，係幾唔錯既選擇啫啫芥蘭煲好味道好惹味，唔會太油，送飯都幾啱老公話個黃金蝦好吸引，平時又好少機會食到，所以最後忍唔住加單黃金蝦🦐 $138賣相唔錯，味道都唔錯。有一陣好香嘅鹹蛋黃味，蝦肉爽口，好味好耐都無同老公食得咁豐富，好滿足…查看更多

好耐冇食過韓式烤雞，星期日同老公去銅鑼灣拍拖行街，夜晚去咗利舞台間dodam chicken我地7點去到 唔駛等位✌🏻我地坐卡位四人枱 座位都寬闊舒適有好多選擇 呢樣又想食嗰樣又想食兩個人真係比較難選擇😂烤雞既款式都有四款，如果有兩款都想食的話，可以選擇雙重滋味 - 可以自由選擇兩款口味鐵板烤雞都好吸引仲有薄餅同其他特別選擇我同老公最後揀咗一款烤雞同豬肋骨烤芝士豬肋骨平時老公已經好鍾意食豬肋骨，今次仲要有咁多芝士，佢當然覺得好好味啦肉質夠淋，味道適中，唔會太鹹，好味道芝士控應該會鍾意原味焗烤雞烤雞好香脆，肉質柔嫩我同老公都好懷念韓國米酒，最後揀咗隻酒精含量最低(3%)嘅桃味米酒$68一支裝 我地覺得都算抵飲 正…查看更多

老公突然話好想食咕嚕肉，呢d咁複雜嘅嘢食我梗係唔識整，但又唔想同佢去d又多味精又濃味既餐廳食。朋友介紹住家菜既小菜都唔錯，所以星期六下午同老公去試下～雖然佐敦地鐵站係近d，我同老公係尖沙咀拍拖慢慢行去其實都好近好大個招牌好易搵到一睇已經見到鮮雜果咕嚕肉座位好寬闊 俾我地坐窗邊四人卡位天氣好好 好鍾意自然光商務套餐有好多選擇 $68 包白飯、靚湯同糖水， 老公當然要選擇鮮雜果咕嚕肉我就揀左是日午餐 - 日式野菜肥牛 $48 包白飯、湯同糖水鮮淮山赤扁豆湯好夠熱 飲完唔會好口渴 唔覺有味精👍🏻日式野菜肥牛好味 好適合我 唔會太濃味鮮雜果咕嚕肉即叫即做 好香脆 有黑提子、菠蘿、火龍果同蕃茄仔做配菜酸酸甜甜好味道我食晒啲飯餸之後已經好滿足 所以最後叫餐廳上一碗糖水 唔好浪費陳皮紅豆沙 (應該有d西米露)老公話好味 好香陳皮味 又唔會太甜留咗幾啖俾我食 又真係ok喎 最怕果d甜到漏既糖水老公話下次想食小菜可以再來住家菜…查看更多

難得同朋友出街食飯，朋友係海鮮控，所以訂枱同朋友去食潮福蒸氣石鍋，食海鮮尖沙咀個間潮福蒸氣石鍋位於厚福街，大大個招牌好易搵到座位係卡位，好寬闊有好多海鮮選擇我同朋友都好鍾意食貝殼類海鮮～好多選擇呀蜆好新鮮我地揀左一斤蜆，可以混合幾款仲有北海道元貝同蘇格蘭聖子皇北海道元貝好大隻好鮮甜我同朋友都覺得好好食呀海中蝦🦐肉質爽甜，正清蒸手切和牛賣相唔錯第一次咁食，感覺幾得意好有牛味，好食蒜蓉蒸勝瓜冇諗過咁大碟不過好彩同朋友都好鍾意食蔬菜蒜蓉味好香，好好食清蒸雜菌本來有啲擔心太淡，不過蒸完出來後又ok有海鮮嘅鹹味粥底 - 瑤柱淮山雞粥最後當然要食埋個粥底，有晒蒸海鮮蒸和牛同蒸蔬菜嘅精華～鮮甜好味，正不得不讚員工服務態度非常好，會幫手蒸海鮮同夾比客人，態度友善又有笑容，值得一讚👍🏻…查看更多

老公想食pizza，係觀塘工廈搵到間外國人開既餐廳室內裝修好有特色，有高枱，比較free-style 擺設都有d特色，有一張二人sofa，仲有部靚hi-fi播歌餐具調味料都係自助Pizza 款式都有好多選擇飲品都係自助拎我地試左樽意大利橙汁汽水～ 有d似FantaPizza 有標準14吋或細8吋選擇，我地揀左個細8吋夏威夷薄餅有火腿、菠蘿、蒜蓉同mozzarella芝士個pizza應該係即叫即整，好熱好新鮮 好cheese好好味凱撒雞沙律d菜好新鮮，配埋個醬好清新好開胃波隆那肉醬千層麵好足料好多肉碎，又係好cheese我同老公都好鍾意食cheese，所以覺得好好味…查看更多

放工又再同老公係觀塘工廈搵野食好耐未食過台灣野，所以最後揀左台灣人開既Doctor Beans 哈豆餐廳既裝修都好有風味、好特別有好多食物選擇本來天氣寒冷想叫個台式火鍋，但老公熱氣生痱滋，都係陪佢食飯同麵真係好多選擇，好多都好吸引餐牌既照片都影得好靚亦有好多小食最後我地叫左一個飯一個麵豪華刀客牛肉湯麵佢寫明係選用台灣本土自製刀削麵有牛肉、豬軟骨、花枝丸、貢丸同滷水蛋，仲有4-5條菜心，我同老公都覺得好好味d麵好煙韌，好有𡁻口，湯底濃郁但唔會太鹹最細心係佢d蔥分開，最適合我呢d唔鍾意蔥既人百香果糖檸雞飯呢個都好好味～老公最鍾意食香酥雞，配菜有d麵筋、辣辣地嘅榨菜/菜甫同埋4-5條菜心配埋個百香果醬，酸酸甜甜好開胃食飽飯，老公想叫多杯野飲黑百珍珠豆漿紅茶清清地唔會太甜單品手沖咖啡個名好似好得意，但係怕夜晚飲咖啡會訓唔著，唯有下次再來試試其實甜品賣相都唔錯，不過我地都飽，下次可以下午茶來試下…查看更多

已有一段時間沒有來美心小品，大裝修之後試過一次，覺得食物水平下降，之後都無再來。今次同事約食lunch，建議去小品，就再去試試已經好熟悉餐牌上既食物最後都係選擇番我之前鍾意食既意粉，同事叫左份英式早餐忌廉汁野菌意粉 $60 今次再來小品，覺得食物質素回復水平蒜蓉包好味，個意粉口感煙韌，最鍾意個creamy汁英式早餐 $54有煙肉、火腿、腸仔、炒蛋、焗豆、燒蕃茄同多士同事話味道唔錯…查看更多

星期六要返工 早左出門可以買份豐富d既早餐之前同事話itamama d 早餐選擇睇落都唔錯 咁我就去試下啦裝修都唔錯d 早餐選擇都好吸引 好多款都想試下最後揀左我鍾意食 但平時又好少遇到既貝殼粉為左時間控制得好d 第一次試就買外賣返公司食 外賣等左10分鐘就有蕃茄肉碎貝殼粉配炒滑蛋 $29 仲好細心分開d湯個蕃茄湯底好味 唔會好杰 亦唔會太鹹d 滑蛋 真係好滑 我估應該加左牛油雖然飲熱朱古力唔駛加$ 但比較淡同稀 都係鍾意M記熱朱古力多d 下次預多d時間去食 咁就唔駛買外賣喇！…查看更多

有時放工諗唔到食乜嘢又冇乜胃口，就同老公簡簡單單去eurogogo食晚餐，貪佢Pizza可以叫半份千島海鮮薄餅 (半份) $48老公最鍾意千島醬薄餅薯皮拼盤$78有三款口味: 煙肉芝士、吞拿魚同蒜香雞檸檬汁清清地叫杯檸檬汁 希望開胃啲…查看更多

好耐之前食過一次台式臭臭鍋，突然好想再去食。星期六同老公去尖沙咀金巴利道既8鍋臭臭鍋食午餐，之後再去行街有少少聖誕佈置🎄有9款鍋選擇～又係心大心細既時候🤔我雖然唔係好食得辣，但每次見到麻辣都心思思；但最後都係想食羊肉，叫左酸辣，老公叫左芝士牛奶鍋。另外想講個侍應又靚女又好人，服務好好。我地揀飲品個時，佢好有禮貌地答我地咩係盆栽奶茶，原來係朱古力oreo奶茶，老公即刻落單，但要正價。我都係+$5要普通招牌奶茶😄佢有幾款醬汁提供，仲有建議完美比例 - 3匙沙茶醬/豆瓣醬+2匙豉油+1蒜，我地貪得意試下凍招牌奶茶 和 熱盆栽奶茶酸辣羊肉鍋我叫左小辣，酸酸辣辣好好味最鍾意一鍋食有好多材料，有羊肉片、豆腐、酸菜、米血糕、豆乾、木耳、炸枝竹，鳴門卷。。。對我黎講都真係有d辣，好在有招牌奶茶幫我解解辣😅芝士牛奶鍋老公個芝士牛奶鍋都好好味，有白豚肉、魚豆腐、台灣貢丸、娃娃菜、蕃茄、蟹柳、金針菇、雞蛋、炸枝竹、鳴門卷。。。我地一個叫飯一個叫粉絲，兩款都有得食🤗呢餐好滿足，食飽同老公去行街😊😊…查看更多

老公知道我鍾意食意大利菜，專程帶我去Diletto食晚餐。Diletto 係意大利文，有Beloved既意思，感覺好浪漫😊餐廳裡面環境優雅，又有情調，好適合情侶或夫妻拍拖去。不過其實餐廳內都有大d既圓枱，可以適合一家大細一齊坐。另外，餐廳已經裝滿聖誕佈置，充滿聖誕氣氛🎄，令人好開心晚餐可以選擇Deluxe Dinner Set HK$688/位再加一，不過我比較細食，怕食唔晒，所以最後都係選擇散叫我地叫左一個意大利飯同一份牛扒🥩配紅酒🍷頭盤麵包賣相好精緻，有焗蒜頭同南瓜醬個焗蒜頭好香，我同老公都分別食左幾粒煎北海道帶子牛肝菌松露意大利飯 $268我鍾意食呢個意大利飯，帶子煎得幾香，有鮮甜味，個飯好煙韌又夠creamy，仲插左一細條薰衣草伴碟，有陣淡淡既薰衣草清香。安格斯肉眼扒12oz我地叫左5成熟，塊扒好多肉汁，肉質柔嫩，好味道伴碟提供三個醬 - 粗鹽、芥末同比較濃味燒汁，可以試唔同既口味，不過我自己鍾意什麼都唔落，食原味🤣最後老公叫左個Tiramisu，味道唔錯，Baileys味道好香，但cream既部分比較多。…查看更多

Goobne Chicken係將軍澳開分店，梗係要去試下啦分店位置都好方便，係天晉匯Popwalk 2既1樓，係地鐵站行過去都好方便，仲會見到佢大大個招牌，唔怕搵唔到室內環境都好闊落，枱與枱之間都有足夠嘅空間今次有Cheese in the city既主題，有四種鐵板軟芝士烤雞既選擇。同埋做緊traditional rice wine & chicken combo優惠，可以用$248選擇一款鐵板軟芝士烤雞加一瓶果味韓式米酒。如果星期一至五晚飯時間9:30後再平$50，只需要＄198咋！我同老公選擇叫一個combo韓式米酒有三款口味，我地揀左酒精含量最少既香桃🍑味再加多個部隊鍋鐵板軟芝士蜜糖咖喱烤雞(無骨) 呢個懶人最啱食，就咁用叉食，啖啖肉個烤雞小小辣辣地，個皮好香脆，再配埋蜜糖同芝士，好好食呀～老公鍾意加埋芥抹醬食部隊鍋我哋本身唔係好食得辣，但又好想試吓，諗住叫小辣或走辣，但侍應話個湯底本身辣既，無得走辣或小辣。咁我哋就第一次食正宗嘅部隊鍋(之前食過個d都係叫走辣😅😅)。個部隊鍋都係有韓式公仔麵、腸仔、午餐肉、年糕、茄汁豆同埋芝士雖然會食到流鼻水，但又覺得越食越刺激，最後都算挑戰成功好味！香桃韓式米酒🍑桃味好香但酒味唔係好重，好適合我個質地好似一啲好軟滑嘅smoothie咁，好好飲…查看更多