darkblueboyblue's Profile

好恐怖嘅用餐經歷，明明間餐廳勁多空枱都唔俾入，可能係唔夠人手或者爐啦，咁我都明嘅。但明明有人遲過我地，都比佢地入先，有啲奇怪咁囉🤔跟住我地留意到店員都整咗好耐個爐，原來係因為個爐有啲問題，唔係full force咁燒到。我地燒咗一排先知出事，出去話俾店員知，但啲態度完全係唔睬唔理，好似我地係麻煩友咁。搞咗一大輪先肯換個爐。咁又冇咗20-30分鐘啦。仲要有個店員上菜嘅時候，佢嘅手繩之類會揩到我哋啲嘢食，超級唔衛生🙃講返套餐啲肉，真係好恐怖，一放低全部好似啱啱喺雪櫃攞出出嚟咁，結晒冰。整熱咗就知出事啦，啲血水紅得好恐怖，好似落咗色素定唔知係咪中毒咁，食落係勁嚡勁老，好似陳年殭屍肉，完全冇任何嘅調味，要靠自己落鹽同埋調味粉，好似食緊香口膠咁🤮另外個爐都好搵笨，佢雖然有好多格俾你放啲串燒，但係因為啲串燒本身已經有一定闊度，根本唔可以每格都放😒其他熱食都好一般，炸嘢冇滰乾啲油，好勁油耗好味🙃…Read More

最近碌社交平台發現到呢間位於銅鑼灣樓上超有少女心cafe❤️ 主打新派fusion東南亞菜 同充滿蝴蝶同花花嘅花園佈置🌸 所以呢一日就約埋friend 順便影吓靚相 估唔到呢間打卡cafe啲食物都幾有水準 仲好大份添 啱晒三五知己一齊share🤤-🐚Pad Thai煙肉小貝殼粉 $135呢道係以Pad Thai嘅醬汁作藍本 煮出西式意粉嘅味道-🦐紫醉金迷忌廉意大利飯配大蝦及青口 $238意大利飯用咗紅菜頭同忌廉加少少椰醬煮成 食落有啲熱帶feel之餘口感係難得正宗煮法嘅硬度-🥭芒果糯米飯班戟 $158係由兩塊相當有份量嘅buttermilk班戟 夾住糯米飯而成-🍪肥肥曲奇奶昔 $79🍫繽紛樂朱古力奶昔 $79奶昔厚杰度適中 而且好足料-📍Wanderlust (銅鑼灣)銅鑼灣謝斐道508號聯成商業中心7樓701室…Read More

呢日行間銅鑼灣SOGO超市發現咗呢間專賣澳洲黑毛和牛料理嘅專門店😍 除咗有平時見得多嘅和牛便當之外 仲有和牛Taco Sushi同和牛牛丸👀 所以決定㨂咗佢嚟醫肚仔😛-🌮日式和牛他他Taco Sushi $88叫得做Taco Sushi 當然有齊Taco同壽司兩個元素 佢係以紫菜天婦羅整成嘅脆皮外殼🌮 中間放咗日本米煮成嘅壽司飯🍣 再加上唔同toppings而成😎 我地㨂咗和牛他他 肉味濃而且好嫩滑 帶有油香😍炸紫菜脆得嚟亦都唔會油膩 成個配搭有脆有嫩 好有層次😛-🐮黑松露皇牌和牛牛丸 $38另外小食仲有用和牛整成嘅牛丸 食落比起平時嘅爽口彈牙啲 牛丸肉味再重啲 而且仲有少少肉汁 好啱過下口癮😎 另外仲會配埋黃金蟹籽沙律 甜甜酸酸好解膩😋-🐄鐵板M7和牛西冷便當 $158除咗小食 佢地仲有便當🤓 呢款M7和牛西冷用咗鐵板燒嘅方式烹調 所以煎到外層有少少焦脆 而中間仍然保留住粉紅色嘅嫩滑肉質🤩 肉味同樣走濃郁路線 帶有油香但唔油膩👍🏻 仲要西冷扒嘅份量都幾多 加上煎蛋 牛丸同沙律菜做配菜 好豐富呀🥳-📍和牛波士概念店 (銅鑼灣)銅鑼灣軒尼詩道555號崇光百貨B2樓14B號舖…Read More

一般茶記質素，啲用料唔係好得 ，雖然呢個價錢都知係做街坊生意，但係一碟所謂XO醬海鮮炒烏冬，可以完全冇XO醬味，得鼓油味果度好嘢，仲要成碟得3-4隻雪藏蝦仁同蟹柳棒。其實想Keep住個成本低咪轉唔好炒「海鮮」囉.... 另外白飯都係，已經預咗用啲一般米，都唔expect米香，但係只少要粒粒米都要煮熟，點知成碗隊埋嚟仲有啲好似唔夠水煮嘅感覺，真係唔係好得lor... 另外個地下由入門口到座位都好油，唔知係咪本身咁滑定係唔乾淨，著定防滑鞋去就差唔多啦。…Read More

最近睇開IG都見到好多人去咗呢間係IFC新開嘅百年摩洛哥咖啡店打卡😌 所以去開中環都順便去試吓 係咪真係咁好飲🤔 通常見到呢啲店面華麗嘅打卡店都會抱住平常心咁去試 希望盡量做到不期不待不受傷害🥲 佢地主打「手沖」咖啡 而且會配上忌廉同埋糖棒 以最基本款嘅$50嚟講都算幾整色整水下🤣 荷包有預算嘅最貴去到成$900一杯都有 絕對係豐儉由人😂☕️1910 Blend Coffee $50問過店員 呢一款係佢哋嘅招牌blend coffee 比起平時嘅咖啡佢係比較充滿果香 有少少士多啤梨莓果嘅酸甜味🍓 味道嚟講算係幾有特色 唔錯😙 不過我個人口味就略嫌水沖得太多 所以有少少淡😅 本身我自己飲手沖咖啡都唔會落奶同糖 所以佢附送嘅忌廉同糖棒 對於我嚟講就比較似裝飾多啲 加埋一齊未見到有太大synergy🤪 反而單食個糖棒都ok嘅😌撇除個人口味關係 我諗一個比較失望嘅位係 佢哋主打嘅「手沖」咖啡 只係用手沖Drip bag🤯 所以當平平哋買個經驗 打卡props都OK嘅🤪…Read More

咁啱行過旺角，當然要試吓傳說中嘅六圈半乳酪雪糕🤣睇咗社交平台group裏面嘅攻略，除咗要有天時地利人和之外aka雪糕姐姐，最重要係揀生果嘅時候最好揀啲纖維比較多，會更加容易做到六圈半😋 好似藍莓咁就會比較容易做到☺️食落就係童年回憶嘅味道，唔算係特別幼滑或creamy，不過勝在淡淡都有生果肉，比起全糖嘅雪糕，食落健康啲😋 加上有晒好多唔同嘅配料，可以俾你混撘，自由度極高😎 仲要夠哂靚靚可以打卡🥺…Read More

見到呢間麵包舖有雪糕蜜瓜包 仲要成日有買一送一優惠 所以行過都成日俾佢吸引到 呢一日食完飯冇嘢做 所以就一於買咗一個嚟試吓 點知就出事啦唔知係咪保存嘅關係放得太耐喺雪櫃 定係其實本身佢包嘅質地已經係咁樣 蜜瓜包個包本身好乾 而佢面頭嗰一浸甜甜地嘅表層 因為雪凍咗嘅關係 冇辦法做到好似平時室溫蜜瓜包嗰種少少鬆脆嘅口感而入面嘅雪糕 就係嗰種家庭裝雪糕或者係平時放題會食到嘅雪糕嘅質地 唔會係好滑好重奶味嘅雪糕 反而食得出佢應該加咗到不少嘅凝固劑嘅膠膠地嘅口感 …Read More

如果大家又去開中環飲嘢，又鍾意Cocktail Bar嘅話，應該都會聽過大館裏面嘅一間酒吧「Dragonfly」，佢哋嘅天花板有好多盞好靚嘅吊燈做到好似有蜻蜓眼睛嘅效果，打卡一流我哋叫咗兩杯嘢飲，第一杯係「the Milky Way」，佢個造型好得意，係照住珍珠奶茶嘅樣來做嘅，入口係芒果同埋熱情果嘅味道，配上少少Gin & Rum, 後勁係有少少淡淡嘅茉莉花茶味，加上爆珠，有少少將童年嘅珍珠奶茶回憶變成大人成熟版，好啱打卡第二款嘢飲，我哋叫做Peter pan ，佢都係一款比較清新嘅嘢飲，用咗蘋果同杏桃同檸檬，所以好啱夏天飲，而去上面嘅普普係用咗杏仁打成，所以有浸好獨特嘅香氣…Read More

如果大家之前有食過喺大坑嘅cookie vission, 應該都有收到風佢哋其實喺中環都開咗一間專賣pastry嘅麵包舖，價位一般都係有少少貴，不過勝在分量同埋用料十足，仲要好好味添今次食咗抹茶麻糬撻，撻底係酥皮底，所以口感酥脆，中間放咗一大片日式麻糬，配上抹茶口味嘅忌廉，同埋面頭嘅抹茶醬同抹茶粉，抹茶嘅苦甜味道同麻糬嘅嚼勁，十分之夾。建議大家可以買一個兩份share ，因為份量其實真係有啲多，同朋友仔一齊分享就最好啦…Read More

呢間位於西環西營盤嘅Cafe，經常都有人推薦佢嘅芝士蛋糕，所以我哋特登揀咗一日唔係太洗排隊係試吓佢哋嘅蛋糕首先，佢地嘅Lemon Burnt Cheesecake。呢個蛋糕香濃而且帶有檸檬嘅清新酸香，同埋焦糖嘅香甜，加上半流心，口感好滑順。一啖落肚，即刻感受到檸檬同芝士嘅完美結合，真係令人回味無窮。然後，我地試咗佢地嘅Rum Raisin Burnt Cheesecake. 呢個蛋糕有輕輕嘅朗姆酒味，同時加入酒釀葡萄乾，增加咗口感同層次感。芝士蛋糕本身香滑細膩，再加上朗姆酒同葡萄乾嘅獨特風味，真係令人驚艷。…Read More

去居酒屋通常都會諗起日式餐廳，不過呢間「台北人」就主打台式嘅居酒屋裝潢簡單卻有台灣嘅氣息，服務員都好熱情地介紹佢地嘅招牌菜同特色菜。我地就決定試咗幾款招牌菜同台灣小食。第一樣上枱嘅係佢地嘅招牌花枝丸。呢啲花枝入口有咬感，濃郁嘅魚香味喺口中散開，花枝嘅質感彈牙，鮮味十足然後，我地試咗佢地嘅芋圓QQ球。呢款芋圓QQ球外脆內軟，入口即化，芋頭味濃郁，甜而不膩之後，我地試咗佢地嘅麻醬拌麵。麻醬拌麵配料豐富，麵條煮得剛好彈牙，醬汁濃郁香濃，有一股濃烈嘅芝麻味除咗招牌菜，我地仲試咗佢地嘅滷肉飯。滷肉飯嘅米飯軟糯，滷肉嘅味道濃郁仲有涼拌蕃茄同甜不辣，都係清新開胃，令人食指大動…Read More

最近香港開咗好多手打檸檬茶專門店，熱度直迫手搖奶茶🤣 所以呢晚睇完戲都唔執輸走咗去買一杯試吓-鴨屎香手打檸檬茶 $32見到個名咁得意 所以就叫咗佢嚟試吓 其實鴨屎香嘅意思其實係講緊佢哋嘅特色茶葉 飲落果然係真係有少少唔同 佢嘅茶味都幾香濃 有一陣特殊嘅香氣 有少少好似香茅嘅味道 移除嘅檸檬係用咗香水檸檬 所以嗰個香味會更加出 因為想試真啲個茶底同檸檬 所以我哋揀咗三分糖 不過其實都夠甜 -雖然個茶底好特別，而且佢哋聲稱真係人手打嘅檸檬 不過要賣成$32嘅一杯檸檬茶 抵唔抵就真係見仁見智啦-📍林香檸手打檸檬茶 (旺角)旺角豉油街21B號昌記大廈地下A2號舖…Read More

同同事去食飯 所以食咗呢間好靚嘅coffee shop 本身以為呢個cafe都係得個樣 不過味道都唔錯🐣慢煮雞胸三文治配薯條慢煮雞胸肉用低溫慢煮嘅方法，令肉質變得好嫩好多汁。保留雞胸肉嘅原汁原味，同時確保肉質唔會好乾。雞胸肉切成薄片有三大片，再配上新鮮嘅生菜、同醬料，酸酸地幾開胃，個包有烘過 有心思！薯條係比較幼身路線，作為陪餐嘅主食，佢嘅酥脆口感同雞胸三文治嘅柔軟口感形成鮮明對比，同時帶黎一種滿足嘅飽足感。仲配上Cajun powder 唔錯架Lunch仲唔收加一 抵讚…Read More

見到有咁多好評 所以走咗去食呢間餐廳 本身知道去開啟商場都知道佢係會比平時食泰國菜貴少少 點知原來泰式風味欠奉 食嘅只係租金當晚叫咗豬頸肉 同埋火山排骨 冬陰功 冬陰功味道比較清淡 雖然都有少少酸同埋辣 但係都覺得其實係被本地化咗 所以冇平時喺正宗泰國餐廳食到嘅咁惹味 唔夠辣，亦都唔夠酸其次個豬頸肉 係就係燒到外邊少少焦 但係入邊嘅肉質都係一般 唔似平時泰國餐廳嗰啲會有油花 呢一個真係有少少失望其次火山排骨 其實同普通煲湯啲瘦肉排骨都冇乜分別 而且味道都係好單調 本身以為泰國菜都係偏濃味 佢係顯得特別清淡…Read More

平身見好多好評話佢平靚正 平平地300蚊落樓仲有生蠔食 所以book咗點知啲生蠔第一好多殼碎 第二啲質感好唔夠生鮮其他食物選擇好少 啲冷盤賣相好一般 沙律吧選擇都係得兩三樣 熱食都係好少款 有炸嘢但好乾好硬 然後其他熱食都不太吸引甜品有朱古力噴泉 同其他西餅 不過個賣相都唔係太靚 係個即叫即整pancake好似好少少其實所有食物都係得一張枱放哂 如果比300一個人 我覺得去正常餐廳食會化算啲 就算落樓同一條街 都有好多選擇 喺到住都未必雖要食佢…Read More