Mssschan的个人专页

呢間銅鑼灣居酒屋的菜式好有特色，staff都好熱情，也會主動服務！前菜係蔬菜拼盤加特色味噌醬，味道濃郁好開胃！烤芝士年糕外層是脆脆的紫菜，內裡是香濃的芝士年糕，外脆內軟，成功達到流心效果！櫻花蝦茶泡飯淋上特製高湯，飯的軟硬度恰到好處，完美吸收湯汁的精華，每一口都能品嚐到櫻花蝦的鮮香稻庭冷烏冬彈牙爽口，搭配烏冬汁和Wasabi，冷冷的麵條微辣開胃，口感清新。牛舌心的熟度控制得相當精緻，牛舌中央呈現完美粉紅色，口感鮮嫩多汁，加上少許黑椒，味道更加突出，肉質厚切，咬下去極有口感。白鱔已經去骨，燒得恰到好處，外焦內嫩，肉質鮮美且多汁，吃起來非常過癮。雞皮紫蘇葉蝦的外層是香脆的烤雞皮，中間夾著紫蘇葉，內層是鮮嫩的虎蝦，口感層次分明，十分美味。整體而言，這間居酒屋無論是菜品的特色還是食物的質素，都顯示出它的用心，讓人品嚐到不一樣的美味。…查看更多

同朋友黎西貢行山，行完之後嚟咗食呢間特色餐廳，見到都唔少好評，睇相都覺得啲牛舌大大塊好吸引，所以特登過咗嚟食，食完只可以話對得起個價錢，但係就未有話太驚喜餐廳環境都好chill，亦都冇特別收服務費10%，成間舖得一個人，執枱落單上菜全部都係佢，所以可能要等多一陣先有得食，椒鹽牛舌大大粒，但係唔係好入味，食到啲椒鹽粒只係喺表面，牛舌本身應該冇乜底味，冇話到有好大陣雪味，牛舌都偏肥美，食得一兩舊會覺得有啲油膩沙嗲牛面頰撈公仔麵成兜麵都算大兜，份量唔錯，會有好多沙嗲醬，但係個麵本身冇底味，要靠個醬，一撈完成件事就好油膩，牛肉嘅份量都算多，但係一個人食成兜嘢一定會好塞胃。…查看更多

今日同朋友慶祝生日，餐廳環境舒適，燈光柔和，拎黎慶祝就岩曬餐包牛角包岩岩出爐，外層酥脆，內裡柔軟，口感豐富，其他餐包同餅乾都好出色，配埋果jam啱啱好火炙半熟三文魚搭配紫蘇莎莎三文魚外層微焦，口感鮮嫩，外熟內生的口感平衡得很好。紫蘇莎莎增添了清新的香氣和微酸的味道，與沙律菜相互襯托，成件事都好夾牛肝菌、露荀意大利飯這道菜是今晚的驚喜，牛肝菌的香氣與芝士perfect match，口感滑順8oz美國西冷我哋叫五成熟西冷，肉質鮮嫩多汁，肉味濃郁，帶有微微的焦香水果茶大大杯，入面好多水果，茶味同果味好夾，同朋友share就岩岩好士多啤梨朱古力窩夫配士多啤梨雪糕窩夫外脆內軟，士多啤梨雪糕清爽不膩，甜度適中…查看更多

吞拿魚沙律 吞拿魚沾上黑白芝麻，做到外熟內生，增添口感和香味，淋上柚子醬油，配上底下意大利黑醋汁雜菜沙律，酸甜開胃！慢煮咖哩牛脷牛脷口感軟腍，牛味濃郁，同咖哩味融合起來好夾！Saint Martin N3半打 生蠔法國聖馬天尼，即開即食，粒粒都好Juice！豬梅肉西班牙飯豬梅肉有咬口，加上吸滿海鮮湯同番茄鮮甜，夾雜四季豆同火腿粒，清甜爽口，比傳統paella 口感更豐富，更適合香港人口味甜品拼盤（100%大廚全手工製作）有Churros、西班牙油炸、Chocolate Lave Cake、朱古力心太軟、Basque Burnt Cheese Cake，巴斯克焦香芝士餅，甜品整體都好出色，唔係話好甜！…查看更多

收工同朋友一起去銅鑼灣的一家日泰放題吃飯。餐廳位置好方便，靠近地鐵站，坐位空間寬敞舒適，非常適合聚餐。最值得一提的是，他們的定價靈活，約200元左右就能享用到與其他放題相當的豐富菜品，選擇多樣，性價比很高。如果想要其他高級嘅海鮮或者更多選擇，都可以按個人需要而加購！餐廳用qrcode自助點餐，在等待食物嘅時去，先去拿了幾款前菜，尤其喜歡涼拌海蜇頭，口感爽脆，非常開胃！接著上了刺身拼盤，擺盤精美，食材新鮮。特別是三文魚腩，油脂豐富，入口即化，還有油甘魚和希靈魚等刺身，色澤鮮豔，厚度適中，質感滑嫩。其中，珍寶赤蝦非常大隻，鮮甜多汁，超滿足！另外，我們還點了豪華的海鮮拼盤，包括魚子醬、鮑魚、象拔蚌、蝦和螺等，品種相當齊全，海鮮非常新鮮。還試了鵝肝帶子壽司和海膽壽司，份量剛好，口感細膩。泰式燒元貝和泰式燒生蠔也是強烈推薦，一定要試試。值得一提的是，現在正值大閘蟹季節，可以加購他們提供任食四兩重的大閘蟹，現點現蒸。每隻蟹的蟹膏金黃飽滿，味道香濃，有時還能吃到半啫喱狀的蟹膏，口感柔滑，十分鮮美！仲要好貼心提供工具，方便拆蟹！其他放題食物都唔錯，甜品嘅選擇都好豐富，整體CP值好高…查看更多

今日我同朋友喺旺角行街，咁啱見到一間幾精緻嘅西餐廳，於是即刻決定去試吓。首先上嚟嘅係今日嘅餐湯——白汁忌廉蟹柳湯。呢碗湯味道濃郁，蟹肉嘅鮮甜同忌廉嘅香滑完，飲落味道都幾好跟住試咗白布烏冬配咖喱吉列豬扒。白布烏冬口感幾特別，咬落去彈牙又爽口，加上香濃嘅咖喱醬汁，咖喱吉列豬扒份量都好大，豬扒仲要係外脆內嫩！我哋仲叫咗紐西蘭穀飼肉眼，揀咗五分熟。牛排一上到嚟，真係大到驚人，肉質鮮嫩，牛味濃郁，厚度份量真係好足！無論直接撤離食食定加上燒汁，都好好味。最後仲點咗幾樣小食，芝士煙肉焗蠔味道濃郁，蠔肉鮮美，配上cheese真係好正！脆炸軟殼蟹外面酥脆，裡面肉質鮮嫩，仲要啖啖肉，成個食都唔會好油膩！焦糖燉蛋就係西餐經典嘅甜品，香滑又唔太甜，加上蛋味都幾濃，值得推介！…查看更多

難得跟朋友見面，想打邊爐但又怕上火。看到這間日式火鍋店，感覺不容易上火且有養生效果，推介說湯底全部是真材實料熬煮出來的，所以決定試試日式雞白湯。湯底果然非常濃郁，奶白色湯底在打邊爐前先試了一口，非常入味香濃，還有很濃的雞味，完全不像是用粉調出來的。店裡也非常貼心，每桌都有一盤醬料，讓客人自己調配。醬料多達九款，還有三種醬油：柚子汁、生薑醬油和普通日式醬油，都很特別。我個人覺得生薑醬油配蔬菜真的非常好吃！武藏野手打烏冬是店員推薦給我們的。他介紹說，當湯底煮得很濃時，可以把湯倒進烏冬裡，就像沾麵一樣吃。雞骨熬成的湯底使烏冬也變得非常鮮甜，這種吃法很新鮮也很特別。打邊爐怎能少得了牛肉呢？看到他們有M4澳洲牛，我們固定選擇了牛板鍵。這部分肌肉多油花少，肉質相對結實有彈性，而且肉味也比較濃。鮮紅柔嫩的牛肉中密密分佈著雪白的油花，細微的嚼勁，口感肥嫩而有彈性。個人覺得配埋生雞蛋，整體口感會升華咗超多！蔬菜拼盤也很豐富，有非常新鮮的生菜、皇帝菜、娃娃菜、菇類、冬瓜和玉米。吸了雞白湯的精華後，非常鮮甜！再加上其實整體份量都幾多，兩個女仔食嘅話係啱啱好同埋超滿足！…查看更多

同朋友收工約開喺觀塘食飯，經過東廣場，見到間日式拉麵小店，睇咗啲Menu覺得都唔錯，淨係裝修嗰頭比較日式復古，用嘅係木枱木凳，見到裝修都好用心，仲特登有街機提供比顧客玩，個人覺得係一個加分位！拉麵就唔算特別貴，同埋標榜係自家製湯底，冇落味精，我同朋友決定每人叫一碗嚟試吓呢到既拉麵碗視覺上比較幼同彈牙（餐廳也多謝你揀面嘅質地同埋軟硬度）呢一個位覺得幾貼心同埋份量都絕對夠飽！每碗有大量配菜蒽木耳海草，加上三四塊圓形薄切叉燒 ，肥瘦適中，唔會話好肥膩！湯底濃郁！N1 極上濃蝦湯叉燒拉麵 $88我自己叫咗蝦湯叉燒拉麵，蝦味好濃郁，湯頭都好鮮甜！N7 人氣雞白湯叉燒拉麵 $88而朋友係叫咗雞白湯叉燒拉麵，會見到湯底呈現奶白色，飲落去都算鮮甜，攞嚟配面更加係一絕！另外有得加配糖心蛋+$6，糖心蛋蛋味濃郁，個人覺得幾抵食！另外仲加配咗啲小食，蟹肉忌廉薯餅，超足料！好creamy同好香脆香口！…查看更多

好耐冇食Poke Go，記得對上一次係去完書展食嘅，都隔咗一段時間，加上最近又食得好heavy，想食返啲fresh啲， 所以約咗個朋友一齊去Poke Go。餐廳裝潢一如以往都係行簡約風，不過灣仔分店多左啲得意既壁畫，個人認為打卡必備之一。Signature bowl個個都色彩繽紛，同餐廳嘅裝潢好夾，直接拎嚟打卡都好正！仲要唔係得個樣，味道都好好⭐️OHANABase揀咗沙律菜，下次可以試埋珍珠糙飯，應該會再飽肚啲！三文魚切得好大粒，口感夠厚實，而且味道夠鮮。而粟米同櫻桃番茄就增加咗佢嘅口感，蜜糖芥末醬幾開胃，整體上味道好夾。餐廳仲有特登配埋青檸仔，令到成件事再Fresh d!⭐️808吞拿魚配壽司飯，加上咗枝豆同埋雜菌香菇，再喺上面舖上三文魚籽，吞拿魚嘅鮮味夠濃，而枝豆同埋雜菌香菇令整體口感更加立體。再配上山葵乳酪醬令味道更加豐富，係一個加分位⭐️Cold Pressed Orange Juice冷壓橙汁特別鮮甜，上面放左乾果，職員提醒我地一定要食，個人建議食法可以一邊飲一邊食乾果，會係一個類似享受緊甜品嘅體驗餐廳入邊特登有一個迷你水吧，可以自己斟水，仲可以拎埋餐具，同埋所有嘢都好乾淨企理，令人放心…查看更多

今日係灣仔附近行街，lunch就試咗一間50年老字號麵店，入到去見到啲港式嘅裝修，啲卡位又多，坐低唔會好逼。Staff姐姐幾熱情介紹招牌炸魚皮同撈四寶，佢哋嘅酥炸魚皮好脆，有啲魚香同鹹香，單食已經幾好味，而且浸湯又有另外嘅風味。切腩雲吞河粉都唔錯，雲吞大大粒（個人超鍾意），切腩好濃嘅牛味，口感幾彈牙！而朋友叫嘅切腩四寶撈粗麵，咩都有！不過佢個人口味轉左撈幼麵，配埋牛腩、雲吞、魚片頭、魚蛋同黑椒牛丸，超級豐富！乜嘢都試晒仲唔會太飽，食唔到其他嘢！仲有佢哋自家製嘅辣醬辣油，用咗十幾款材料整返嚟，好受歡迎㗎，鍾意食辣嘅朋友唔好錯過啊。個人覺得配麵食好夾，好惹味！最尾仲試咗啲鮮油奶多，啲厚多士香脆夾住鮮牛油同香甜嘅煉奶，成件事係好似甜品咁，好滿足…查看更多

同屋企人諗住過嚟食下午茶，點知食到成肚氣，態度差之餘，成間嘢整體真係好一般，先唔講啲嘢幾難食，XO醬公仔麵炒豬扒，成舊嘢係黐埋一pat野，啲豬扒完全係鬆肉粉嘅口感，仲要唔知點解係紅色粉紅色咁，完全唔知食緊啲乜嘢？？？牛丸拼魚蛋河仲好笑，大佬呀已經係好平價嘅食物，啲牛丸仲要完全係化學咁嘅感覺，咬落去個質感同平時嗰啲完全唔關事，超級淋，味道仲有陣膠味最搞笑就係，本身趕時間就特登冇叫到佢已經註明左要等15分鐘嘅焗餐，結果食完炒公仔麵同埋個魚蛋河，中途仲要追過一次單，夥計認咗一聲就走咗，去到最後食晒啲嘢先同我上星洲炒米，同枱嘅人全部都食晒，杯嘢飲就嚟飲晒，咁我唯有同佢講取消，結果收我杯嘢飲錢？你嗰餐都冇註明到要等15分鐘，再加上隔籬枱遲過我哋入座個餐都到咗，最後同我講星洲炒米要即刻炒，所以要等，所以XO醬炒公仔麵豬扒係唔使炒？前者3分鐘就到咗，後面嗰個成枱食晒都未到，最後仲要同我講要收返杯嘢飲錢，$24一杯凍檸茶？真係可一不可再，完全係劏遊客，態度差之餘，啲嘢食難食到hihi，全部係化學味道，雖然旅遊區唔算貴，但係完全係貼錢買難受，入去食真係諗清諗楚。…查看更多

收工同屋企人經過，見到覺得幾吸引同埋望落都幾抵食，決定去試下。staff姐姐好Nice，兩個人都安排咗四人枱比我地，唔會就住就住好窄。自助區都算幾整齊，醬料好多種，有各式丸子、芝士腸、花枝丸、牛丸、魚蛋等等。仲有好多唔同嘅菜，例如豆腐、蕃茄，可以自己夾黎食嘅。飲品區有汽水、檸檬茶、熱烏龍茶，仲有冰沙！冷盤區都幾豐富，可以整沙律黎開開胃！呢次叫咗晚市精選牛肩胛，仲可以order特選美國牛肩胛、牛舌、羊卷肉、鴨血，個人覺得幾豐富，平時任食邊爐比較少見有得揀牛舌，因為係大枱所以係鴛鴦鍋底，可以揀兩款湯底，揀咗麻辣湯同蟲草花雞白湯。麻辣味好香濃，鍾意食辣嘅會幾啱口味，而雞白湯好清甜，唔會好油膩。牛肉方面，每樣都叫左一份試下，肉質好細嫩，油花分佈好均勻，牛肩胛肉油花少少，但牛味濃郁，牛舌爽口，羊肉卷都唔錯，唔會話好重羊臊味！自己最鐘意嘅係啲細番薯，好香，又甜！佢哋嘅流心蛋都好出色，一口一個就好滿足！仲叫咗帶子、青口、魷魚仔，啲海鮮好新鮮，一定要試！最後記得食甜品，有蛋糕、泡芙、啫喱！特別推介泡芙，兩款口味都好好味，仲有爆漿嘅感覺！…查看更多

今天我同朋友光顧了太子新開張的金滿樓中菜館，人氣爆棚！餐單種類多樣，同朋友揀咗好耐心大心細！Staff好耐心，仲會主動同我哋介紹菜式！成間餐廳好特別，有好多打卡位，仲要有魚缸位！⭐️ 特別推薦嘅老檀酸菜魚正宗口味，份量好足，雖然我啲朋友係兩個女仔，但份量都夠三至四個人食。我唔太食辣，但朋友鍾意，叫咗微辣，但佢哋甚至自家製咗辣椒油，味道好正。重要嘅係仲送咗楂手打鴨屎香檸檬茶！酸甜解辣！⭐️ 蝦子柚皮鮮明柚子香味，同蝦子鮮甜搭配，口感酥脆，清新微辣。擺盤都好高級。⭐️ 炸乳鴿炸後香氣誘人，尤其係乳鴿油脂滲出，味道更濃郁，炸得啱啱好，好吸引！肉質唔會太老，反而鮮嫩多汁！仲有自家製炸蝦餅，香脆好味！而呢間餐廳服務都好貼心，提供手套畀客人食乳鴿唔弄髒手，真係細心。咁樣一來，大家食嘢都唔洗擔心弄髒衫或手。整體嚟講，呢度嘅服務質素幾好，令人好滿意。…查看更多

我見到網上有唔少正評，又冇乜負評，所以特登同朋友搭車過嚟試吓呢間嘅喇沙，結果只可以話，食完令人感到意氣難平，食物質素只可以話正常，唔可以話特別出色，湯頭比較稀，味道都可以接受，但係一個Lunch set 分成兩個細碗係咩玩法？兩碗就分咗四個碗仔+一碟餸比較難理解呢個上菜方式。如果話本身一碗麵筋一隻蝦嘅話，咁我叫兩碗你比兩隻蝦我可以接受，但喺隔籬枱三個人叫咗兩碗麵，一碟豬扒撈麵定唔知炒麵，佢哋有三隻蝦，咁似乎係跟人頭上菜，令到我哋有少少混淆，到底係有啲咩配餸？我明白成個商場租金都唔平，我lunch set $90來講其實都唔算平，如果真係個成本做唔到咁平價錢，其實可以調高啲，唔係我比百幾$200，好似食緊試食咁，個碗就好似平時去大快活加$6一碗麵果啲size咁，有少少似緊食omakase ，食完又好似唔係好知食緊啲乜嘢，跟餐杯野飲，好似飲完仲飽過食嗰兩兜麵。就算個份量真係咁少，都可以俾返個正常嘅碗俾我，如果我要同人share，我會主動要多個碗仔自己去分，而唔係你幫我分配好，但係其實份量又同一碗麵正常size嘅份量有相距。我覺得唯一可以讚嘅位係，一開始好細心咁樣俾咗一杯水同浸住咗嘅餐具餐品嘅價錢嚟講，相對隔離舖頭係平啲，但係份量絕對係令人感到十分疑惑。…查看更多

啱啱幾日，同朋友一齊去咗間新開嘅居酒屋，係旺角。呢度嘅裝潢好靚，充滿咗日式風格。啲店員都好熱情，主動同我哋講返啲當日新鮮到貨嘅海鮮刺身。雖然香港食日本嘢真係唔平，不過佢哋價錢我計過，同平時食壽司_ 差唔多，人均二百幾，當然如果會特別再叫海鮮、生蠔果類，或者好多串燒就另計。個人覺得居酒屋嘅價格相當親民，性價比高到冇話講。如果經過嘅話，應該都會經常上嚟！啲套餐包括前菜沙律、茶碗蒸、麵豉湯，仲有最後嘅杯裝雪糕。店員都好細心咁同我哋介紹唔同嘅雪糕味道，真係服務周到。我啲朋友揀咗自選丼飯，至少要揀三樣食材，佢揀咗兩份劍魚腩同一份三文魚。🌟 三文魚油脂濃郁，有住濃厚嘅油脂香氣，食落去啲油脂會係口中融化，肉質鮮嫩又肥美。🌟 劍魚腩，一下落去啲油脂會爆落個口入邊，超級肥美！我自己揀咗時令壽司定食（8貫），包括三文魚、赤貝、北極貝、金目魚、魷魚、八爪魚軍艦同飛魚子軍艦，仲加咗兩塊三文魚。🌟赤貝，質地較堅實，食感獨特，嚼勁十足，而且口感極為新鮮🌟北極貝則是口感鮮嫩，配上醋飯，可以更加突顯鮮味🌟飛魚子軍艦則是帶有微妙的鹹香和脆爽的口感，好似食緊爆炸糖咁🌟燒牛舌燒得非常出色，牛舌變相會帶有微微的焦感，口感彈牙，但唔會好似咬緊香口膠咁，反而一咬就斷，亦都好入味！呢間居酒屋真係CP值超高，講真人均二百幾食日本嘢，無論係新鮮定係味道，佢哋都拿捏得好好，如果有預算嘅話，可以試吓佢哋當日推介，真係完全冇介紹錯！…查看更多