大文BB的个人专页

上星期突然興起想食放題，荃灣區選擇唔多，記起之前拎過的單張，而家做優惠價錢相宜，一家大細去食都唔會太貴，就去左食啦。坦白講，唔係特登黎真係會唔覺眼，因為夾在一眾門面光鮮的舖面中間，的確略為失色。而且仲要上二樓，第一層係另一間食肆，如果大家黎搵食，放心，你地無搵錯，要行多一層既。我地一家人口味各有不同，我就鐘意多選擇（雖然我食黎食去都係個Ｄ，但多食物選擇感覺抵Ｄ嘛）我幾鐘意就係呢度食物種類夠多，一般放題會有的呢度都有，而且仲有推介，唔怕唔知食咩好。我係一個傳統的日本放題者，其實食極都係壽司同刺身（雖然我鐘意多選擇，但最後結果都係個Ｄ），但呢度出乎我意料的是竟然有咁多唔同種類的壽司，而且有在外面未必食得到的款式，例如左口魚壽司。話適合一家大細真係唔係講笑，一般出去食只有汽水，但呢度會提供黑糖薑茶，無糖烏龍茶等，爸爸媽媽都好滿意。終於輪到重頭戲啦！！一睇到呢盤刺身已經兩眼發青光，不只種類多，更可見排位有心思，絕不是隨便夜上碟就算，可見師傅的先我要求唔低。刺身的色澤亮麗，更有貴價海膽送，新鮮但無腥味，三文魚更肥美而不膩，再三ＥＮＣＯＲＥ都唔怕。嘩嘩嘩！！到我最鐘意的壽司啦，唔係講笑，雖然賣相麻麻地，但呢度的火炙壽司比外面散叫的壽司店壽司過之而無不及！而且飯與刺身的比例剛好，完全唔會食兩件就飽，結果我一食就食左好多件=]呢件就係我講外面放題不常見的火炙左口魚壽司，入口即溶，而且每件都有同等高質素，可見每件都師傅精心炮製！ 另一件值得嘉許的就係黑松露和牛反卷，兩者味道配合得剛好，黑松露唔會搶左和牛的味道，和牛又唔會淡而無味。本人其實很少在放題地方食熟食，只係要迎合家人，就略略叫左少少，坦白講，最初不敢抱太大期望，因為我一向都認為在放題店食熟食係唔明智的，但又一驚喜次作，我一放呢串豬頸肉入口，就知道——我又錯啦。豬頸肉係豬其中一個最嫩滑部份，加上燒到剛剛好，唔會太韌，很爽口。總結而言，本來只想過一過放題癮，豈料無意之中發現新大陸，一家滿足得很。而且食物款式夠多，包羅萬有，一次過滿足哂一家人，以後又多個選擇啦。…查看更多

尖沙咀食放題既地方都真係幾多，不過即使係咁，搵位都唔容易... 一路搵一路行，終於行到山林道好入既地方見到呢間食放題，而且仲啱啱好有位，即刻衝入去!食放題時間緊逼，坐低二話不說即刻攞紙畫野食，刺身款式好多，一於試晒佢，兼夾叫埋D小食前菜，第一輪搞掂，等開餐!好少可見到前菜小食咁多款，搞到我都忍唔住試試!見到咁多顏色咁靚係真係會食慾大增ga~ 少少辣味既螺肉，又係開胃菜推介之一八爪魚仔唔會太大隻，一啖一隻啱啱好~ 支豆好脆又易咬出來，好耐冇食過咁香既支豆，唔知支豆係咪都有季節之分架呢?食完一輪前菜小食，真係開胃左好多，之後就係喪食刺身既時候對蝦敏感，唔食得蝦，不過好在款式夠多，就算唔食蝦都仲有好多野可以食 最出色既真係帶子，我地早排自己出面買過來食，一粒都唔平，同埋自己買又要解凍溶雪，搞鬼死咁耐，都係係度食抵玩D! 三文魚油甘魚都好新鮮，而且有冰墊底睇落係衞生D，同埋自己買完黎食先覺得原來刺身溫度都幾重要，太凍會食唔到個鮮味，常溫食落又驚佢易有菌，呢度既刺身溫度就真係剛剛好啦~ …查看更多

一耐冇食KFC便會有啲唔自在甘所以今晚一行三人來到嘗一嘗三人桶餐桶餐包括: 汽水*3、磨菇飯*3、炸雞*6、葡撻*3、雞粒*1、仲有少許薯格KFC既磨菇飯帶有少許黑椒的微辣，雖然用料簡單，但醬汁味道香濃，十分惹味食左好多年都仲系甘鍾意食今次有越南雞翼 (即是牛油蒜香炸雞)，炸雞熱辣辣超級香脆，無論是雞上脾或雞下脾，同是十分嫩滑可口。牛油和蒜香十分香濃，但只停留在表面，味道並沒有滲入雞肉裡。。。但整體也非常出色當然葡撻也是少不得啦，新鮮出爐當然要盡快趁熱食，雖然葡撻的皮做得並不好，不香脆，但味道十分甜十分好食…查看更多

今天半夜肚餓，便選擇來到附近唯一仍然營業的「豐泰」麵家豐泰已扎根在此很多年了牛什都尚算出名，當然不及在聯和墟的「欽X」。由於不太喜歡食牛什，因此點了牛腩雲吞河$35。腩汁湯底的味道頗為香濃，直接飲也沒有很膩的感覺牛腩炆得好淋，十分嫩滑，也很有肉味雲吞也不錯，蝦與肉的比例剛好，而且外皮不厚，配上腩湯另有一番風味…查看更多

中午時份在新城市廣場有啲肚餓，但無奈在這購物地帶覓食永遠都是一個很困擾的問題全都是貴、貴和貴，除非是食M記吧 在無太多選擇中，去了這間「IKI Teppanyaki Bento」。人沒有很多，坐位還餘下不少中午食物款式不多，SET只有數款，無選擇底下二人均點了豚肉前菜只有一小碟沙律的物體，沒有味道左邊還有一碟不知什麼，很難食兩豚肉餐是一樣的，分別只在於香菇飯和白飯。坦白說，白飯還好比香菇飯，那香菇飯濕濕的質感和沒有特別的味道比白飯還要差勁而且份量系極少，系超級少，食幾啖連碗飯都沒有了豚肉味道沒有什麼味道，就是普通豬肉味。基本上，以後也不會來了…查看更多

遠聞其名的廟街煲仔飯從少便聽過，可是一直都未有品嘗。去到廟街方知各或各樣的餐廳都是賣煲仔飯由於唔系太識，所以就揀左間唔系太多人，亦唔會太少人既試一試田雞煲仔飯： 一打開蓋那種香濃撲鼻的煲仔飯味道隨之飄來，一看田雞的份量超級多啊倒下豉油，再將飯與田雞攪拌，那種混合的味道更為濃烈還有一點點飯焦香。味道真的不錯另外也點了一個蠔餅，蠔的比例沒有很多，還有一點點油膩啊 但是香脆熱騰騰的蠔餅整體十分惹味，雖然可以再鹹多少少…查看更多

這次下午來到euro gogo食下午茶價錢亦算合理，卡邦尼意粉只售$48元，但說到底，質素才是最重要的一環這個卡邦尼，我認為十分不及格。首先，意粉完全失去水份，質感就像粉餅一樣而且意粉還沒有煮熟透，食落仲有啲硬然而在醬汁方面，看似很多，但只有表面這些，份量不夠。醬汁沒有creamy的感覺，而且沒有放足料芝士/芝士粉去打汁所以這是失敗的卡邦尼汁~.~ 然而配合起這硬硬的意粉食，當然令我有失望的感覺，味道頗為失敗即使再有機會來，也一定不會點卡邦尼意粉…查看更多

譚仔。。。真的幾出名，但要不是伴侶喜歡，我才不會來點了一個麻辣豬耳，因為我唔食得辣既原固，我覺得幾辣。但味道其實OK雖然在口感方面來說，沒有十分爽口的感覺 這是普通的麻辣豬骨吧我點了清湯米線+炸醬同墨丸雖然譚仔專賣米線，但其米線沒有特別，味道和口感坦白說也不是太好，清湯就是普通麵舖的清湯加少少牛乳色 其配料既味道都冇咩特別，系唯一墨丸幾爽口彈牙。另外，土匪雞翼有啲鹹，感覺就好似燶燶地既雞翼，味道亦不覺得是外界所稱的超級好食…查看更多

之前去過銅鑼灣果間School Food，九龍塘又一城開左間唔係唔去食呀嘛xd佢個menu有好多野食都好吸引，我之前食過果D我都好想再叫多次，但最後都係決定試新野之前都係openrice睇過唔少食評都有介紹烏卒卒飯團，我都未試過，所以想叫。但跟住繼續睇個menu，見到有個烏卒卒蛋包飯，同烏卒卒飯團一樣價錢，我本人好中意食蛋包飯，所以最後就叫左呢個，又食到烏卒卒飯，又食到蛋包飯蛋包飯個賣相超級好，好吸引。個汁有少少酸酸地，都幾得意。個蛋生熟度啱啱好，又有味，唔會淡貿貿。烏卒卒飯都好好食 食完一定要飲水浪口！好想快D再尼多次！…查看更多

身為一個甜品迷既我，去到邊就搵甜品搵到去邊，啱啱今晚去左佐敦食晚飯，食完就俾我搵到呢間甜品舖，一見到佢個名就好想入去食，佢叫甜在心佢中式傳統糖水又有，西式甜品又有。今晚比較想食中式傳統糖水，所以叫左個熱芝麻糊燉蛋白，食甜品之餘可以養顏，一舉兩得佢上層係芝麻糊，下層係燉蛋白。芝麻糊唔太甜，ok滑，唔會食到芝麻碎。我特別中意下層既燉蛋白，好滑又唔好重奶味，啱我口味仲有好多想食！下次再尼食！…查看更多

我不嬲都好中意食歐陸式早餐 呢個都係我食過裡面幾好食既一個 雖然佢唔算好多野食，但樣樣都幾好食 特別要提既係個蘑菇湯螺絲粉，個湯算濃，而我又正正中意飲濃既湯，所以覺得好好食，而且好少早餐有得飲湯，食完想再叫多一碗蛋係我好中意食既一樣野，佢個炒蛋都幾滑，又冇熟得制，所以幾啱我口味腸同薯餅都係正常水準，我就問佢攞左D蜜糖用尼點腸，好好食唯一可以挑剔既係兩塊多士，有少少難咬搵日再食多次…查看更多

好中意食點心 所以就試下呢間功夫點心天氣都幾熱，係出面都有唔少人等緊位，等左5分鐘已經出汗喇 所以去左隔離再隔離果間7-11避下暑;]等左大概20分鐘，終於等到位入去喇點左幾樣好中意食既點心，有D掛住食冇影到相xd 值得提既係有D點心可以自己揀蒸幾多粒，人少既話都唔洗驚食唔哂(:1. 蝦餃 － 好食 同之前食過既蝦餃差唔多味，皮差唔多厚度，蝦差唔多大細，所以可以話係正常水準。2. 小籠包 － 好好食 個皮，餡同湯都好啱我口味 最開心係個湯既溫度適中，熱得尼唔會lart親條脷 3. 沙爹鳳爪 － 本身中意食沙爹所以覺得幾好食;] 正常水準4. 長春卷 － 好新鮮! 新鮮炸出尼所以有少少lart親xd 好香脆可口5. 蒸章魚馬蹄肉餅飯 － 鹹度適中，味道正常(:6. 馬拉糕 － 幾鬆軟，唔太甜，唔錯唔錯7. 煎蘿蔔糕 － 幾好食 少少脆脆地 但略嫌油左少少下次會留番個肚食甜品…查看更多

大概夜晚11點突然口痕想食甜品，所以試下呢間其實都有幾樣野想食，最後叫左糖妹同意式香滑奶凍糖妹其實係椰皇裡面有西米，涼粉，鮮雜果同雪糕，椰皇水另外分開上。糖水底幾好飲，唔會太甜。D料都幾足，有西瓜，蜜瓜，哈蜜瓜，菠蘿，火龍果，西米，椰果，涼粉同雪糕。特別要讚下個曲奇味雪糕，唔知佢係咩牌子，但有Dreyer's咁好食意式香滑奶凍唔係好重奶味，反而重忌廉味，對唔太中意忌廉既我尼講就唔太中意食喇。…查看更多

去Pancake Colours梗係要食佢地既Pancake啦 我一打開個餐牌就更加肯定我呢個諗法，因為餐牌上面既相真係好靚好吸引 影到個個甜品都好好食，但我都係跟番原本既計劃——食Pancake佢Pancake分左兩類——美法同法式班戟。我今次揀左食美式班戟。我不嬲鍾情於抹茶味既野，所以見到有宇治抹茶紅豆班戟就即刻心心眼 另外，都好中意類似oreo既野，所以叫左個朱古力曲奇脆米美式班㦸。前者幾好食，不過對於中意濃D茶味既我尼講，佢既抹茶味可以濃D  紅豆既份量都可以多D 後者都好食，係正常朱古力味，好中意佢有加脆米，有野咬下就更加中意 個pancake本身都幾好味，唔會好有麵粉味，厚度都適中。下次尼試其他甜品！…查看更多

其實一直都好想食大大粒魚蛋，之前以為淨係長洲先有得食，原來大澳都有得食，仲要一入到去就見到，真係太開心喇!由於天氣比較熱，我要左唔辣既，我D fd叫左辣。我本身唔係特別中意食魚蛋，去到小食店通常都唔會食魚蛋。但呢間既魚蛋令我食過番尋味，原因係佢食落去軟硬適中，唔會硬到有種假既感覺，又唔會軟到令我覺得有D嘔心，所以覺得好好食 另外值得一提既係，魚蛋既皮，好香口。我D fd話辣魚蛋都好好食 中意食辣既朋友可以試試…查看更多