jessie1102的个人专页

生日去左迪士尼staycation🥰晚餐揀左The Archivist，整晚體驗非常好，環境好寧靜，食物服務都好高質，唔係marvel fans都一樣好推薦俾大家🥰岩晒三五知己一齊慶祝/傾計！.✨絕對沒有燒燶墨西哥玉米餅✨size唔算好大，兩三啖就已經食晒，taco好脆身，入面塞滿既牛油果蕃茄醬好creamy🌮下面既爆谷雖然係紅色，但食落甜甜地，估係甜椒粉✨諸神黃昏烤肉盤（牛小排粒、Flat Iron Steak、牛骨髓、紐倫堡腸、香草麵包）✨我地兩個人食，見到咁大盤嚇親🤣成盤都好好食，調味適中，亦都好中意醬汁既配搭☺️最中意食個flat iron steak，好軟腍；但個牛骨髓太細條，無得食多啲～✨墨魚蜆肉扁意粉✨上面既係米紙餛飩，包住左隻蝦🦐意粉新鮮熱辣，橄欖油包住晒啲al dente既意粉，充滿蒜香😋墨魚都切到好薄好易咬✨聖域界欺騙餐（朱古力布朗尼、朱古力忌廉、辣朱古力心太軟）✨心太軟職員話大概十小辣左右，本身我唔太想食，但其實係食到好中間先會辣，個人覺得比十小辣辣多啲啲啦🌶️brownie比較實，忌廉就好soft，一碟有晒唔同既口感😚雖然都係朱古力，但食落既朱古力濃度都唔一樣，又唔會好甜🍫果粒雷神搥朱古力都帶有少少辣味架🍹我地剩係叫左杯紅酒，但見其他枱有叫cocktail，係好有儀式感同視覺效果😍下次打算試吓！…查看更多

見喺大角咀新開既越南野，入面好大幅壁畫，幾有越南風情，就搵日食晚餐try try✨燒豬肉拼濱海✨燒豬肉睇落好乾，但食落充滿油份，好滿足，蔥油好香🥰仲有兩粒肉丸添！不過撈既魚露唔係平時果種有蒜頭辣椒酸酸地果隻，係啡色偏甜果隻魚露（應該係越南地區唔同既分別）🧸個人就比較中意酸果隻，可以平衡吓味道✨燒豬肉法包✨份量好大，燒豬肉都唔少✨鮮蝦柚子沙律✨好大碟，適合4人分享，唔會好辣，口味都係偏甜，柚子好大舊，不過可能唔當造，柚子唔夠甜✨墨魚餅✨已經細心地煎成細舊，新鮮熱辣炸起，配埋辣醬無得輸✨滴漏咖啡、咸檸七✨正常，略嫌咸檸七唔夠濃味…查看更多

閒日帶埋小狗一齊去airside玩，知道呢間飲茶好打卡，餐廳外俾狗狗一齊進食既座位得4張(好細張枱)，假日排到傻，就襯閒日試試佢～～當日大概12:30pm去，餐廳外座位唔使排，去到1pm左右就好多附近返工既人黎食lunch，要開始等位.因為本身都係想飲茶，就淨係食點心，見佢menu都多小菜揀，價錢都偏貴💰調查之下發現下載佢個app做會員有個點心送😆正呀.食果陣咁岩有雙11優惠，用$11就食到一個點心（指定款，每枱最多兩碟）.✨蟹粉芙蓉餃✨ 其中一款雙11優惠點心，原價要$89😳勁細粒呀！個皮同餡一夾就散開，又食唔到蟹味，真係$11先好叫佢黎食呀😅✨黑蒜蝦燒賣✨另一款雙11優惠點心，有黑蒜味，甜甜地咁，最好食係佢✨鳳梨雀仔✨做會員送既點心，真係幾打卡，但內餡就偏痴牙✨雪茄春卷（水煮魚）✨食落有水煮既feel但唔辣的，食落都幾得意（雖然魚就得好少）✨老香黃雪山包✨唔知老香黃係咩黎，但食落有種果味，但總係覺得怪怪地✨天鵝酥✨唔太食得出內餡既鵝肉味，但外皮好鬆好酥總括黎講，點心方面都係打卡為主，味道就一般般，而且價錢都偏貴，有優惠既時候食心理就會平衡d💁🏻‍♀️…查看更多

去開尖沙咀唔知食咩，search到呢間平民野，平平地就試吓佢😂原來都要排一陣隊，同埋都好多大陸人去食🚶🏻‍♂️餐廳座位比較逼，咁岩有人拖埋行李篋去食就更加逼，不過餐廳上菜好快，食個快飯走人係ok既.✨香煎脆邊蛋肉餅飯✨視覺上好正，食落都唔錯，蛋汁包裹住肉餅，連埋啖飯食都幾滿足，蛋做到脆邊，肉餅都有肉汁，細細碗以為唔夠食，點知都ok，如果唔夠豉油枱上面都仲有，可以自己加✨叉燒豬油撈麵✨叉燒普普通通，豉油豬油撈得好均勻，覺得麵質可以硬身多少少，如果可以揀公仔麵就仲正✨咖央多士✨屬於薄身多士，好脆身，兩啖就ko左，咖央唔會太甜，偏重椰子味…查看更多

Openrice到搵到原來有間都出名既芋圓🤭作為芋圓控梗係要試吓！中午食飯時間去係無人既😆有好多配料選擇，同朋友仔都揀左自選✌🏻✨奶茶凍、芋泥球、包心芋圓、紫薯圓、焙茶圓、4.3牛乳✨見好多人都推介焙茶圓，果然唔錯！入口已經有焙茶香，唔係超濃果隻但已經十分唔錯，軟硬適中，仲好大粒添.紫薯圓：唔太食到紫薯味.包心芋圓：比其他芋圓煙靭多d，淡味d、但內餡既蕃薯就好香甜.奶茶凍：茶味夠，份量好多，食極都有，配搭牛乳一齊食就比較夾.芋泥球：質地綿密，芋頭味濃，甜度適中✨愛玉凍、蜜綠豆、蜜芋頭、包心芋圓、地瓜圓、焙茶圓、仙草汁✨蜜芋頭：質地比芋泥球鬆化好多，視乎個人口味中意食邊隻.蜜綠豆：煲到好綿密.愛玉凍：同樣出色，同仙草汁好夾…查看更多

又到觀塘覓食時間💁🏻‍♀️今次行養生路線～✨跟餐燉湯✨足料香濃，有雞腳 瘦肉 桂圓紅棗等等，都好大碗✨薑絲蒸黃花魚✨魚肉好滑，蒸得岩岩好，大小都適合一個人食；揀左配陳村粉，好滑，豉油應該係調配過，有種蒜香味✨豆卜蒸滑雞✨朋友叫既蒸雞好似好醜樣咁，但啲雞肉仲keep到有肉汁，而且唔老…查看更多

知道呢間cafe重開返，就帶埋狗狗一齊去，要社交平台 book位，要俾100蚊訂金，當日去寵物區係full house，唔想摸門釘就一定要預約左先～.老實講，位置真係好難搵，即使社交平台教學片已經有幾條唔同路線，我地都係搵唔到路，郵輪碼頭區既指示確實唔夠清晰❎好彩途中我地遇到都係去cafe既人，就一齊行🚶🏻‍♂️可惜約左一齊去食野既朋友就搵左超過30分鐘都搵唔到cafe，店員都有幫手facetime，甚至落去搵人，不過都搞左好耐先到達.寵物區域大概佔一半，狗狗可以落地行，或者出去外面公園行食物方面就一般般，收費都好進取（值得一提既係：人同狗都要收切餅費）.✨黑糖蕨餅豆腐雪糕窩夫✨非常乾，乾到一切落去就好多碎碎散晒出黎，但又無乜果醬/糖漿/乳酪之類配搭住一齊食，得一球雪糕（凍到超硬）就唔太夠，蕨餅就好食既，整體覺得麻麻地✨全日早餐✨我會形容為一個低配版既all day breakfast，味道不過不失，亦有漏單既情況出現✨檸檬石榴特調、expresso tonic✨特調無乜石榴味；expresso tonic就正常…查看更多

都係喺openrice先知大角咀開左間新餐廳！木系既設計好舒服，出面睇落好似唔太多座位，但其實沿住走廊行仲有好大空間！✨烤美國安格斯肉眼扒✨賣相好靚！完全超出期望，味道都非常好，仲keep到半生熟，份量好夠，連蔬菜都烤得岩岩好😋✨煙三文魚牛油果醬酸種麵包配溫泉蛋✨店員話佢地係用bakehouse既酸種麵包😻煙三文魚份量好多，牛油果醬兩塊麵包都搽足，沙律菜都好新鮮，蕃茄都烤過，爆晒汁好正😋😋✨薯條（附送）✨薯條好香脆，上面仲有啲芝士，好有誠意！店員仲請我地飲cold brew, 都好得！…查看更多

去完南豐紗廠睇吓附近有咩食，搵到呢間工廈既餐廳，好寧靜好岩兩個人食住飯傾吓計，黃昏時間去仲可以望住窗外天色既變化，好舒服晚餐有5-course set叫，有餐湯、多士、主菜、飲品、甜品🍴比起單點抵食好多.✨餐湯係西蘭花忌廉湯，比較稀身但唔會好味精味；多士制作簡單，有種家庭式既感覺✨慢煮黑毛豬配蘋果醬✨黑毛豬好軟腍juicy，甜甜地既蘋果醬好夾豬肉既油香，減低油膩感，如果可以多啲就好✨煎盲鰽魚柳配龍蝦汁意大利飯✨意大利飯偏多汁，容易入口，唔會好漏；龍蝦汁味道岩岩好，唔會太咸；魚都煎得岩岩好，外皮香脆✨甜品：抹茶Cheese Cake, 曲奇雪糕…查看更多

約左朋友仔一齊去新都會食lunch，之前去食過甜品，今次第一次食正餐，lunch黎講都唔算平，但個質素對得住個價錢👍🏻lunch set仲有沙律/湯+飲品✨吞拿魚蓉角切魚生丼✨賣相好靚，魚生份量好多，上面紅色既係明太子（開頭以為係剝左皮既蕃茄😂），飯量都唔少架，食到好飽✨燒宮崎雞扒海苔意大利飯✨呢個日式既意大利飯都幾特別，海苔超多，味道都好溫和，估唔到咁夾意大利飯；雞扒都好滑✨單骨雞翼 配 辛子明太子醬✨好似好乾咁但其實唔會，單骨雞翼就令人食得方便d…查看更多

知道佢既燒雞好出名，估唔到已經靜雞雞開到黎奧運！位置有少少難搵，打風日去都要排一陣隊，環境闊落，係覺得張枱可以大張d，因為d野食全部都大大碟！✨金牌脆皮燒雞✨燒雞真心十分出色，外皮香脆，入面juicy，雞髀位滴晒汁🤤用手食最滋味，味道唔會好咸，有雞味（無雪藏味），中意重口味既可以去調味區加唔同既香料/調味粉✨酥炸豬手 配意粉✨超大隻，但都有留意到其他食客既豬手有機會係兩隻細隻d既，略嫌豬手既肉會老少少，豬手皮厚，食落會漏d油d，所以食晒d肉就算，點洋蔥汁食幾惹味.意粉味道偏甜，沾滿茄汁，細路仔口味既人一定好中意飲品都大大杯！…查看更多

好開心頭一輪預約到八月尾既位置🎉可以去Chiikawa拉麵店打卡同感受拉麵店既氣氛～✅排隊既時間已經點好餐同剔好要買既周邊商品✅跟住排隊俾錢，再由店員帶入座✅keep住張單，臨走記得攞買左既周邊商品我地被安排坐喺較旁邊既bar枱位，靜靜地都幾好，唔會人來人往，如果坐中間既位置就會比較逼牆上有好多唔同Chiikawa角色同海報，仲有御三家既公仔俾人影相（但職員會行來行去，會阻住影相，如果空間闊落d就比較理想）.除左預約時已購入既烏龍茶，另外買左枝師傅蜜瓜味梳打，有3張卡服務方面其實好流水式，影影吓相會有人問你野，影影吓又有人俾啲卡你，再影影吓個麵就到喇～～食拉麵都好忙架😆.拉麵方面，叫左一個Chiikawa（迷你）同一個小八（小）☺️味道中規中矩，絕對唔難食，但唔係令人忘懷、一食再食既味道無額外添加醬油，有輕微愈食愈咸既感覺.菜量多，中意食菜既我覺得幾均衡，芽菜椰菜既熟度都剛剛好.魚板好軟身，好似食緊舊雲咁；叉燒就得一舊，頗肥，但另一碗既叉燒就半肥瘦左右整體黎講成個體驗都好開心，希望有多啲期間限定既食物同周邊！…查看更多

有一次經過奧海城見到新開左間糖水舖，好似都多選擇，有次下午茶時間叫左佢既外賣試吓，結論係好失望😓睇其他食評先知係前米芝蓮甜品師主理🤯🤯.✨芋圓豆花西米撈✨份量都幾細既，唔記得左影相，芋圓質地ok，但芋頭極差，食落完全唔綿密，纖維感極重！好似食緊百潔布咁，當然都無任何芋頭味啦🤮希望餐廳可以控制好食物質素先俾客人食✨糖糛大滿貫✨大概有十種材料既大滿貫，同樣地個芋頭都係唔得！其他配料個質感都ok，但份量真係好少，價錢上都好進取.而且外賣既包裝亦都好鬆散，個蓋係cup唔實，即使用膠紙痴左旁邊，都瀉左好多出黎…查看更多

知道餐廳係pet friendly，睇相環境都唔錯，同朋友仔一齊去試吓🚶🏻‍♂️地方的確好大好闊落，冷氣都夠💨當日有半邊場都俾人包左做細路仔生日會，全場充滿尖叫聲，介意聲浪既人最好check吓有無細路仔包左場先至好去😅戶外區域都幾污糟職員叫我地掃枱面qr code落單，但全部手機都收唔到網絡，場地有wifi但職員話唔係俾客人用，叫我地行去窗邊收得好d既地方落單…直接請職員幫我地落單都唔得，一定要經手機🫠.食物方面，除左佢主打既邊爐外，其他都係簡單料理為主，但又好搞笑會有烤魚食，同行朋友仔覺得全部都係預製菜黎🙃Menu價錢有啲仲係人民幣黎…之前睇comments話邊爐個火好弱，我地驚煮唔熟食材就無叫喇～.✨臘腸竹筒飯✨臘腸份量多，但色澤好紅，紅到有少少唔敢食太多，除左臘腸同少少蔥就無其他配料，比較單調✨蒸籠鹽焗雞半隻✨正常，似屋企蒸雞既味道，唔係行嫩滑路線✨瓦罐烤玫瑰紅茶奶茶、瓦罐烤桂花烏龍奶茶、美式咖啡、手打香水檸檬茶✨瓦罐儀式感十足，職員會喺櫃檯煮熱，但兩款奶茶既口味都偏淡（雖然好大個茶包），桂花味/玫瑰味都無乜🍵手打檸檬茶都係用茶包，真係無乜誠意，美式咖啡就正常偏淡口.仲要連正常飲管都無，得咖啡飲管（勁幼果隻）總結：如果入去坐低飲杯野一齊傾計都仲可以，但就唔好食飯…查看更多

朋友book左佢既包廂開生日party, 可以坐到12-16人，當日星期日有brunch menu，食物質素就一般般，選擇有一半都無乜韓國feel😂價錢唔算好吸引，勝左靜靜地可以坐低一齊傾計.✨All day breakfast (牛/魚）✨牛、吉列魚柳、煙肉、薯餅、炒蛋、沙律都正正常常，係啲菇炒得比較多水份，浸淋左塊薯餅，而塊窩夫就偏難食🥴入口成舊麵團咁✨韓國米酒Tiramisu ✨都幾大杯，米酒味都好適中，但好似雪得太耐，質感偏硬，唔夠軟綿綿…查看更多