johnnydark的个人专页

現今咖啡店林立，想搵返杯有水準嘅咖啡，一D都唔容易！早幾天路過葵涌KCC 九龍貿易中心，發現咗呢間虹吸式咖啡專門店。作為咖啡控既我，毫不猶豫就入咗去試吓喇！咖啡豆分咗三十幾種，職員問到我喜歡什麼口味後，隨即就介紹咗我飲呢個 「印尼羅巴斯卡」咖啡豆！一試便愛上！除了咖啡香濃外，口內的after taste 亦非常豐富！價錢可能有D貴，一個常餐，加杯咖啡承惠$75。不過咖啡性價比超高⋯⋯浄咖啡加大$60 ，加多$15 仲有個麵餐！而且，瑞士雞翼汁干撈麵又幾好味咼！仲有塊午餐肉，用咗頂級嘅，唔同出邊茶餐廳嗰D粉到呢⋯⋯香煎冇得頂！I will be back!! …查看更多

今日發現上次食評已刊登，仲見到個網上訂枱功能，兼且有七折，所以就訂左今晚再試多次！今次一行兩人，試吓個沙茶牛肉鍋，同韓式泡菜鍋，由於我朋友唔食豬肉，又唔想個鍋有咁多肉味，佢哋好好咁幫我地轉咗做牛肉，仲分開上添！之後再叫返個臭豆腐，今次仲試埋燒冬菇添，勁多蒜蓉，正到飛起！好似上次咁，嗌咗個滿杯紅油子！一路食一路飲特別夾，我朋友就嗌左杯茶，唔記得咗乜嘢茶啦，佢不嬲都唔飲甜野，由於冇帶走甜，侍應都幫佢換咗杯走甜嘅不另收費，服務態度超好！另外有個阿姐，是不是會問你加唔加湯，要唔要多隻碗，又幫我地轉唔食嗰啲嘢，好細心！是日平均消費唔使$200一位，非常抵食！性價比高！…查看更多

學生們的謝師宴，和另一位呀Sir 嘅生日飯！由於是其中一位學員安排菜單，所以都不知道會有什麼可以吃！所以呢一餐特別有驚喜！開頭仲以為打邊爐添先嚟頭盤「冰鎭鲍魚」先甜可口！再嚟「杏汁豬肺湯」足料！味道超級濃郁，好味！呢個江南百花雞影真夠特別，雞皮釀墨魚，麻醬雞肉！食過返尋味！蒜蓉蒸蝦，仲有腸粉喺底，個配搭又真係幾特別！啲蝦好新鮮，一下就剝咗殼！唔記得咗呢個叫乜嘢名，但係有我最鍾意食嘅支竹同豆腐蒜蓉蒸茄子！食食吓突然間清清地又幾好味！呢個牛尾非常惹味！加埋個蒜蓉包冇得頂！…查看更多

招牌臭臭鍋有驚喜，襯埋嗰杯滿杯紅油子，有after taste ! 真心推介！鍾意食臭豆腐嘅朋友，千祈唔好錯過！我朋友嗌左個沙茶牛肉鍋，最後仲叫多咗碗白飯，好似湯飯咁食！火鍋內所有配料都非常好味，而且份量剛剛好！加上另外嗌咗幾寸串燒，追加左一份牛肉，而且仲有好多特色嘅台式飲料，有啲出邊仲飲唔到嘅添！另外佢地D串燒相當抵食，羊肉串牛脷同埋茄子都很好味！環境乾淨舒服，交通方便，性價比高！值得推介！平均埋單每人$200左右！Ps 個湯底好夠味，連豉油都唔記得咗點…查看更多

食物質素一般，湯底好似飲空氣咁，唯有靠豉油吊味，海鮮唔新鮮🤮🤮🤮最大問題係湯底竟然有烏蠅😰已拍片🤮 佢哋仲諗住俾個九折我哋添，即係免+1，我就寧願快啲走😥呢度嘅醬油剩係得豉油，蒜蓉，蔥，同埋辣椒，其實講真，唔算難食，除咗嗰個炸支竹，同埋啲丸好似唔係好新鮮，D牛都OK嘅，不過我哋係加咗$68叫左牛肩任食，唔知佢任食嘅肥牛究竟係點啦⋯⋯如果你鍾意食海鮮嘅，可能會好食啲，但係如果你食嘢比較清，個湯底就算落咗粥都冇鮮味⋯⋯同區同價錢嘅我相信仲有好多間可以比大家選擇！…查看更多

原本諗住搵個地方HH ，正當考慮緊邊間之際，遇見老闆在門外，突然向我地搭訕，並介紹隔離左右幾間餐廳食嘅嘢，最後講到佢餐廳，佢強調了幾次，如果食咗唔好食唔使俾錢！佢咁有信心，所以打動左我哋決定坐低飲杯紅酒⋯⋯首先佢為我地推介了好幾隻見到都流口水嘅紅酒，揀好紅酒後(D紅酒相當好飲）然後問我地食唔食芝士⋯⋯由於之前已經食咗嘢嘅關係，又唔想咁肥，所以冇落到order ...隔咗一陣佢拎咗一碟芝士同埋蘑菇，佢話on the house ... 唔係講笑，芝士同蘑菇好好食！最喜歡係老闆佢佢想聽嘅嗰份熱誠，同代客招呼嗰份熱情！一定會再過嚟試吓佢話好出色嘅牛扒👍…查看更多

第一次嘗試立食，佢地有個期間限定，有好8種不同的魚生壽司，平時不吃太多其他魚生的我，竟然全部都吃光，尤其係個個秋刀魚壽司! 第一次食生既秋刀魚! 肥美到呢😋😋😋 d 魚生又肥又新鮮，海膽丼嘅飯同海膽比例剛好，正! 仲有就係d壽司飯，係用赤醋去整⋯⋯同平時食嘅更好味！食魚生最重要都係新鮮，仲要價錢唔貴! 服務質素一流！師傅又不厭其煩，為我地解答問題，好似上咗堂課咁⋯⋯真心推介! PS 綠茶粉不要落太多，半茶匙多DD就夠了，因為隻杯不太大，否則會太濃。…查看更多