kaman710的个人专页

今年第三年幫襯陶源酒家大閘蟹放題，而旺角店反而係第一次幫襯。唔係因為呢間特別好食，所以連續三年幫襯，而係覺得呢間服務都幾好，啲蟹中規中矩過得去，但今次係最失望嘅一次，已經決定永久Blacklist。先講啲大閘蟹，佢有四款味道可以選擇，但食落去，完全食唔出有分別。而且所有蟹味道都係凍嘅。失望非常，記得上年食嘅大閘蟹，都有大閘蟹嘅蟹膏香味，今年嘅蟹完全冇香味，完全唔覺得自己食緊大閘蟹，唯一抵讚嘅，係冇死蟹（上年去觀塘店好多死蟹）。另外，今年啲蟹嘅size細到飛起，之前嗰兩年，我哋都會食埋啲蟹腳，但今年啲蟹可以瘦到+細到，完全唔想食埋佢再來片皮鴨，完全乾爭爭，當然又係凍晒啦。完全唔想encore。記得上年喺觀塘店食嘅叉燒好好味，嚟到呢度，啲叉燒係全瘦，今次唔係凍啊，係溫暖的，但因為根本太瘦，啲肉亦都係鞋到飛起。再來獅子頭，我諗呢個係今日最好食嘅一樣嘢，因為佢只係牛肉球嘅味道，裏面再加有少許嘅蟹粉味道。蟹粉瀑布先係最恐怖，佢所謂嘅蟹粉瀑布，應該係用水溝咗，完全冇蟹肉味，附送嘅手抓餅，只係食到油及粉味，當然又係全凍啦，好恐怖。至於佢嘅鮑魚，我真係唔知佢點做鮑魚專門店，韌到完全咬唔入。自助枱上嘅雞翼、豬扒、蝦等等，又係嗰句啦，唔怕凍食嘅，你都可以繼續出去拎。芒果布甸，你完全覺得落咗好多魚膠粉，硬晒。想飲一杯薑茶，當然又係用水溝稀晒啦。我完全覺得五百幾蚊，真係比一堆垃圾我食。我相信，呢一世唔會再幫襯，因為今日嘅體驗，係非常恐怖。…查看更多

河畔一帶終於開返一間可以堂食嘅糖水舖了，超勁開心，呢間糖閂12點。啱晒大家食完飯再嚟食糖水。9:30pm去到，門口一堆人，點知原來嗰個等外賣 (對面嘅豆乳狂人變咗拍烏蠅了）。所以我同朋友係可以直接入去坐。。甜品超多款式，今次叫咗個雜果芋圓$42。黎到見到都幾大碗。芋圓煙煙韌韌有咬口，生果亦都真係比新鮮嘅水果，抵食👍🏻朋友叫咗個三色芋圓$42，佢都話超級足料又大碗，好好味另外再叫咗個椒鹽拼盤，大約$52。有椒鹽燒賣，椒鹽花粥丸，同埋椒鹽甜不辣。樣樣都熱辣辣上，而且好好味，份量亦都超多，又係抵讚。唯一美中不足嘅係，入座嘅時候問佢限唔限時，佢話唔限。不過有個中年嘅侍應，不停眼望望你食晒未，又收晒你啲嘢，擺明趕客走 當然都明白舖頭細細，佢要翻枱。。。但係感覺點都係不太好了。。。…查看更多

結婚前成日幫襯嘅「品香樓」，結婚後好似一次都冇去過。十多年後帶埋公公同個仔嚟幫襯，由兩舖變四舖，而且四間舖都爆滿，兼且仲keep得住水準👍🏻，都咪話唔勁。凍朱古力（$27)仍然係「世一」朱古力味超濃郁，冇一間能及；不過啲橙汁冰同埋芒果冰就唔得了，建議唔好叫。手撕雞～要早一日預訂。平時喺街手撕雞，一定有一大陣漂白水味，呢間完全冇。而且啲雞完全唔鞋，不過唯一美中不足係冇芝麻同麻醬。南乳豬手：公公讚不絕口，非常Juicy又脆口。南乳醬好好味。而且價錢$118。超值黑椒牛柳粒：以為細細兜冇乜牛肉粒，已經原來裏面超多，食極都有，公公覺得味道偏甜，但係我覺得剛剛好，牛肉好腍，又有牛味，必叫煎蠔餅（冇影相） ~又係好好味，炸得好脆，不過佢第四碟先嚟，已經飽咗一大半，所以食唔晒樣樣都好食。公公對今餐超級滿意🥰🥰仲講咗好多次話未食過咁好味嘅豬手。只係略嫌卡位超級迫，食完佢唔趕你走，佢都好想快啲走。相信我哋好快會再幫襯，希望下次可以食到風沙雞😋#留港消費#自己香港自己撐…查看更多

Book位嘅時候侍應冇講，入座先至講限時個半鐘。。。如果早知限時個半鐘，一定唔會嚟呢度食😪 (雖然最後冇人等位，我哋可以食足三個鐘）餐廳好細，感覺好侷促。就話喺酒店裏面，但係座位都唔見得舒服，想擺個手袋都冇位。。。一行八人，佢話最低消費每人$100 。我哋叫咗三個二人人餐（$698/set)。佢都仲話我哋爭$200嘅嘢食未點。原來唔係每人最低消費$100 ，如果你叫二人餐$698，呢度都只係計消費咗$200😑佢話因為係二人份量😑極度搵笨。前菜要咗拼盤，樣樣都好食，份量超多，兩個人食嘅話，真係未必食得哂。不過嗰個白汁煮青口，就好普通，啲青口細到見唔到。跟住煮菜要做慢樂豬，超勁好味，好Juicy。另外要咗燒雞，燒雞都好Juicy，就算雞胸都唔鞋，好好味。意粉要咗牛油果蟹肉意粉、黑松露意粉、同埋三文魚意大利飯。樣樣都不過不失，不太大驚喜。甜品係朱古力雪糕或者係檸檬雪糕，都係普普通通，不過不失。（但係你睇個名，完全唔知係乜嘢嚟。）因為我哋夾硬嗌多$200 ，先met到佢最低要求。所以叫咗啲特別飲品啲特別飲品，都要成$88一杯。明白呢個係酒店，但你要記座位同廁所都冇冇酒店level。嗰d Hello James嗰啲全部可以不叫，完全唔值呢個價錢。雖然好似科學咁有得玩，不過唔係特別好味，所以完全唔推介。總括而言，呢間嘢收費唔係特別清晰， book位亦都唔講明限時，感覺唔係太老實。所以只係可以一試，唔會再幫襯。…查看更多

唔知係咪因為透過openrice book 位，所以比左間房我地，雖然初初入到去冇冷氣，但感覺私隱度很高。 不過就算在出邊都冇問題，因為出邊嘅座位都好寬敞叫左$228 個餐：剌身：正常，冇劣評d 人所講未溶雪等問題壽司：正常，有一個唔知乜嘢他他嘅創意壽司好好食👍🏻海膽壽司亦都冇啲人所講嘅係臭天婦羅：邊d 粉漿勁厚，千祈唔好叫焗蠔：好食，encore左幾轉鴨肝多士：都好好食，又係勁encore雞皮串：有油益味飲品：款式少，但都有選擇自助枱上食物：有螺肉帶子裙邊等，全部不過不失。仲有榴槤蓉任拎，正生日位人仕半價，埋單最後$209/位，性價比高。大家要同大喜屋等去比真係冇得比，價錢都差75%。如果想平平哋食一餐放題，絕對推介。…查看更多

見到朋友話呢間鐵板好抵食，上OpenRice又見到comment好好，梗係即刻走過來食啦，Service無可否認超級好，真係要俾10分，但嘢食真係難食到爆。爸爸叫咗個雜扒餐，啲牛係可以韌到完全咬唔開，當然唔會有牛味啦。豬扒硬到飛起，用刀切根本切唔開。而我叫咗個牛舌鐵板，牛舌「so」到爆炸，根本入唔到口。至於我個牛舌，我叫咗配意粉相，我爸爸話個意粉白過我塊面😑睇見都唔慌好食。我爸爸一向對食都冇乜要求，但係呢間嘢，就彈到飛起。唔知道係我咁啱遇到平時大家都話好食嗰個廚房放左假定係lunch係咁差呢？呢間嘢，永不回頭。…查看更多

估唔到我係第一個寫食評ge 客人。講真句，呢間嘢嘅燒味真係幾好食，叉燒好Juicy，油雞又夠滑，最重要係，呢間嘢係第一城嚟講，價錢算係合理，所以成日諗住食完一次，都會再幫襯。但係好可惜好食都冇用，因為啲員工超級唔掂。因為知道自己太夜幫襯，9pm入去嘅時候，問佢哋閂幾點，佢哋話閂10pm，不過9:30pm last order 我先至入去幫襯。一坐低咋咋臨叫嘢食，我哋食得好快，費事阻住人哋收工。到9:12pm，收銀位女士叫我哋埋單先，我哋差兩啖就食完啲飯，都諗住食完碟飯先至去買埋單。1分鐘後，即係9:13pm，收銀位女士又叫我哋埋單，但係我都講咗，其實我仲爭一啖飯就食完，佢都要催我買單先，因為佢話佢要埋數，埋完數就要去銀行入錢😑原來呢啲都係顧客嘅問題😐我明白阻人收工等於殺人父母，但你9:30之前都會有客人入嚟啦，咁如果等陣有客人入嚟，你係唔係又即刻叫佢埋單？同埋你可唔可以睇吓人哋碟飯仲有幾多食完，你先再催人埋單呢？又不如你講明一入到嚟食飯就要埋單啦。結果我哋都照佢意思9:13照埋咗單俾佢先，谷住道氣食埋飯飲埋嘢坐一陣，剛好9:28pm 有客人入嚟話食嘢，然後佢同人哋講截咗單了🙄香港飲食業就係多得你哋，先至搞到個個都投訴然後寧願北上食飯囉🙄…查看更多

成日經過都見到有人幫襯，以為好好食，點不知仲晒伏。腸粉係滑嘅，但啲麻醬係冇味嘅，而且腸粉係凍，第一次堂食腸粉會係凍嘅。墨魚丸係冇墨魚味嘅，朋友覺得粒墨魚丸係霉嘅，我又未覺得係，不過好明顯係唔好食。燒賣亦都出奇地唔好食，全部細細粒，完全冇口感。而且粒燒賣都係凍嘅，點解好似成間鋪買嘅嘢都係凍嘅？牛肉球亦冇牛肉味。又係唔知塞咗啲咩落口嘅感覺。生菜魚肉應該叫做最好食嘅一種食物，因為係即叫即整。好食唔係因為佢嘅味道，而係終於有一樣嘢係熱嘅。呢幾樣嘢就食咗$100。全部嘢都食淨至少一半，完全覺得自己冇食過嘢就走咗。😑…查看更多

上年已經食過陶源的大閘蟹放題@尖東一次。其實上年食已冇乜驚喜。不過又坦白講，已經叫做好食過鴻星或東海。畢竟咁ge 價錢, 鴻星或東海都唔係任食, 但加多少少錢，喺陶源就可以任食了！所以今年繼續幫襯！片皮鴨唔同尖東嗰間咁, 去到坐低, 侍應已端上黎比你。唔駛好似尖東嗰間咁，要出去"搶"。鮑魚呢/小籠包呢 d 都係侍應送上黎，普普通通。出去"任食區"拎左雞翼同糯米飯，味道係好ge！但全部都係凍ge!用"點心紙"點左叉燒, 叉燒係全晚的世一, 又熱又juicy! 但每人限叫兩件！又講返大閘蟹先！蟹乸.... 全部都爆羔ge! 值得一食！但蟹公呢....就....黎到係一半一半死, 羔亦唔漿口  (侍應話其實冇得揀要公定乸, 但佢地勁好人幫我地揀)明白到遇到死蟹唔出奇, 但個人覺得....係可以避免ge!拎去蒸前"驗一驗"貨, 其實已可以避免。另外，明明蟹公的白羔已漿口 (我早兩日先食完黎) 點解呢度冇....至於服務，我要比100分ge!! 全部侍應都好好！特別係兩位男經理！(我估係經理吧)及 姓黃嗰位男1shop keeper!! 真係超好服務及態度！我講到明會開post 讚美佢！如果唔係因為有佢地，呢個post 我會比劣評.  (因為有死蟹)見有咁好ge 服務, 下年呀, 下會會再比多次機會陶源的大閘蟹放題！…查看更多

明明社交平台睇咗開9:30am，點知原來之前一晚10pm佢出咗個限時動態，話暫時唔做早餐住，改開11:30am。而我哋當然唔知道啦，繼續9am 去到排頭位😑一個疑似老闆娘嘅物體見到咁神心咁早到（我哋仲早過老闆娘到）😑就叫我我哋不如入去涼住冷氣等😍邊有咁有人情味嘅小店㗎？😍😍最後等到11am，終於可以叫嘢食。叫咗個腐乳三文魚炒意粉及all day breakfast 。其實本來呢兩樣嘢都好好食。不過食到一半嘅時候，朋友話不如叫埋醬爆芝士包。點知，原來呢個醬爆芝士包，係要訂位嘅時候訂埋的。我哋Walk in，當然唔知道啦。但係可能老闆娘見我哋咁神心一早嚟到，到最後，就話整埋俾我哋食，皇天不負有心人呀果然😍呢個醬爆芝士包簡直係世一，明明我哋已經食咗意粉同all day Breakfast，飽咗半肚，但係仍然都仲可以覺得呢個醬爆芝士包勁好食，仲要停唔到口，啲醬爆芝士仲要唔漏，點解可以咁勁嘅？之後再嚟冧酒巴斯克蛋糕及原味巴斯克蛋糕。本來冧酒已經好好味，但又未去到最好味。點知食完個原味巴斯克蛋糕，我咁肯定呢一個巴斯克蛋糕係世一🤤就算之前佢旅行專登去食巴斯克蛋糕，亦都食唔到咁有水準嘅味道。我唔識得點樣去形容佢嗰種好味，大家一定要去幫襯，尋找佢嘅味道。唯一美中不足嘅係，佢上菜比較慢，你要好用心好用心咁去等待。但當你食到啲美食嘅時候，你絕對覺得值回票價👍🏻…查看更多

多謝半年前朋友親身book 金碧酒樓。足足等咗半年，今日終於可以去食🤤呢半年同間酒樓完全失去聯絡，你只有耐心等待。到食飯前一個星期，酒樓就會聯絡你叫你落單訂餸，冇得去到先叫😅🍴杏汁豬肺湯⭐️⭐️⭐️⭐️⭐️俾五粒星真係絕對冇誇張，連平日最怕杏仁味嘅我，都可以飲咗兩碗、公公仲誇張，飲咗三碗😋🍴酥炸蟹鉗⭐️⭐️⭐️⭐️⭐️繼續冇得輸，外脆內軟，而且個餡唔係用麵粉或者豬肉去做，好耐冇食過咁出色嘅蟹鉗🍴八寶鴨⭐️⭐️⭐️雖然係手工嘢，不過我個人唔識欣賞，覺得好似食緊糭咁。但公公幾十年前食過，佢話同以前嘅味道一樣，一樣咁好食。🍴釀鯪魚⭐️⭐️⭐️⭐️又係手工嘢，鯪魚肉超級彈牙，不過以前婆婆整嘅鯪魚肉，一樣咁彈牙😬😬當然，婆婆上碟就冇咁靚啦🍴魚腸蒸蛋⭐️⭐️⭐️⭐️⭐️又係冇得輸，一啲腥味都冇，簡直回味無窮。🍴蜜汁脆鱔球⭐️⭐️⭐️諗住成日食到家姐整嘅豉汁蒸鱔，所以今次試吓家姐冇整過嘅蜜汁脆鱔球，不過個人認為整得唔係太脆，蜜糖味亦都唔夠勁，個人覺得我BBQ嘅燒鱔好食d😬🍴金黃蒜香雞⭐️⭐️⭐️⭐️⭐️又係啲皮脆到爆炸，肉汁鮮嫩，連雞胸肉都超級滑，超水準之作🍴茄汁大蝦⭐️⭐️⭐️唔係因為唔好食而比三粒星，而係因為婆婆同家姐做到呢個水準🤣🤣#椰汁馬拉糕⭐️⭐️⭐️⭐️超香椰子味，但又唔會太甜，我見到公公仲食咗兩舊添。本來一星期前訂餸是冇點到的，點不知頭先問吓老細會唔會又多幾舊可以賣俾我哋，最後佢都肯即刻蒸俾我哋，感激🙏🏻🙏🏻總括而言，呢間餐酒樓絕對值⭐️⭐️⭐️⭐️⭐️。席間，老闆娘又同你唱下生日歌，氣氛好好。要我等半年先可以食到，絕不後悔。仲有，啲餸超級大碟，我哋10個人叫八個餸都仲可以食剩👍🏻👍🏻推介推介！不過都希望金碧酒樓可以改善佢哋「長期失蹤」呢個問題。好似我哋咁， book咗位，但完全聯絡不上，真係有少少擔心你哋仲有冇營業的。…查看更多

2024年1月25日打算去沙田燒肉like用餐， 8:00去拎位，已告知佢地嘅員工有輪椅，佢話到時先同佢講。等咗25分鐘，差唔多到我哋，然後佢話我有輪椅，佢地員工話要等多25分鐘😡.佢話因為舖頭好多輪椅都入唔到，我同佢講，點解我一嚟到拎飛就要同你講有輪椅，就係要你安排。原來你冇安排，咁我唔使同一早你講我有輪椅啦。淨係識同我講道歉，你要坐輪椅嗰個人有幾掃興你哋先至安落。好心你哋好好檢討吓你哋嘅問題啦，你哋絕對係歧視緊輪椅人士😡.最離譜係，喺社交平台 度PM投訴，佢只係回覆一句會跟進，跟住亦都冇後續嘅回覆，咁大間連鎖店，仲要係美心集團，都只有咁嘅回覆，只有對呢個美心集團失望。…查看更多

一間餐廳要keep住水準真係好難，呢間餐廳第二次光顧，已經keep唔番第一次嘅水準。叫左個$138嘅A餐All Day Breakfast，菠菜芝士波波好似淋晒咁、黑松露炒蛋亦都冇之前咁香濃好味、芝士蕃茄亦都係芝士還芝士味、蕃茄還蕃茄味。另外再叫左個pancake， 一個係係煙三文魚包住温泉蛋pancake，另一邊係牛油果pancake ，兩邊都有啲granola脆脆同小小芒果醬。呢個味道keep住，但可能已經不是牛油果季節，所以牛油果已經冇左上一次光顧嗰d 甜味了！唯獨杯香橙朱古力咖啡可以keep返之前嘅水準🥲睇嚟又要轉地方食早餐了。。。🥹…查看更多

做唔到我係寫第一個食評。一間餐廳要keep住水準真係好難，好多時第一次好好食，但第二次會退哂步。但呢間真係唔同，由舊店的炸雞，到今日的韓式燒肉，都係一直保持高水準！而今次寫食評的"燒肉"，係第二次encore 了！叫左個豬肉拼盤 ($6xx) (份量夠3-4人)- 我個仔一向好抗拒食豬，話豬有豬味=.= 佢第一次黎食時，黑哂面話唔食。所以我地另外再叫左碟牛比佢。但當d 豬一到，迫佢試吓，佢話完全冇嗰陳豬的臭味！就算有d個肥膏位，都唔會有肥膩的感覺。一碟豬有多個部位，有d教你夾菜食，有d 教你食韓式葉食，佢仲有個好特別的source，係韓國咸魚醬，好特別好惹味。唔似得其他韓店咁，只有最普通的醬汁。今次再同多個朋友食，所以叫多個牛拼盤 ($3xx 定$4xx) 就算我地失左手overcook 都好，牛都唔會"un" ，而家每款唔同部位的牛會唔同味。呢個牛餐對比起豬拼盤真係叫做"冇特別" (強調：都係好好食！只係冇特別要推介) 反而最特別係佢跟碟已燒好的豬皮又係唔配佢個特製醬汁。個豬皮絕對唔係香港豬皮的口感，每啖都充滿collagen，而且味道特別！推介！而且，因為係韓國人開，佢地好熱情，會介紹d 肉類部份比大家認識(但我掛住食忘記哂了)，你燒得衰，又會幫你燒！服務超好！好似我地咁，豬+牛撈埋一齊燒，燒到塊板dirty 哂！老闆會講解我地聽，教我地日後記得燒完豬才燒牛，塊板才唔會DIRTY！我地D HK STYLE 韓式BBQ，點會識呢D野！多謝你讓我學識多一樣野！…查看更多

一早book 定位，所以準時入座 。因為朋友唔食牛的關係，所以平平地吖左個LV 2 ($4xx/位) 。之前同家人黎食LV 4 ($6xx/位)，所以以為今次都係食130mins！原來LV 2 只可以90mins ！(埋單至知)當我地又叫到一枱野食的時候，經理走黎叫我地埋單！話夠鐘了. 係我唔啱冇睇清楚時間！但乜你地唔係應15-30mins 後通知食客夠鐘嗎? 根本會燒得切！但我地照繼續燒 (主要唔想浪費食物) 佢只有不停趕我地走同趕我地走！(最後當然燒唔切啦)以為出面好多客喺度等？錯喇！係一個都冇！個場仲要大把吉位！怪不得你地越做越少客啦！上次同屋企人食$6xx/位，其實我可以去同區酒店食buffet 4小時！ 你個價位$482，但只有90mins！ 根本冇可能燒得切！冇乜事我都係走返去石門食韓燒！至少間韓燒唔會催我地走！而且只需要$2xx/位！…查看更多