Esdom的个人专页

在The One 商場內新開張的fine dining餐廳, 由意念到食材都很有誠意。午餐頭盤包括凍青瓜湯, 蝦和牛肉, 都很清淡可口, 賣相亦吸引。主菜可選魚, 意大利飯, 牛柳或加錢轉日本和牛。鯛魚是用熱油淋過令魚皮香脆, 又保持肉質鮮美。牛柳也燒得剛合個人口味, 柔軟多汁。魚會配一碗湯麵, 而牛肉會跟白飯。最大驚喜是餐廳做opening promotion, 會跟sake 一杯, 今日仲係14代添. 点計都物超所值。Highly recommend…查看更多

睇食評後，來試試。在28度的中午，從中區行過來，都要15-20分鐘，有啲去食九記的感覺。3 個人食了以下幾樣嘢:1. 蟹膏撈麵(蟹黃份量偏少，入口有陣陣蟹香味，麵身都彈牙，好食)2. 水蟹粥(較預期差好多，粥完全冇蟹味，可能因冇落蟹黃，兩隻蟹都ok新鲜。失望)3. 清湯腩(肥瘦適中，牛腩偏有咬口的，但不夠鮮味。—般)4. 煎墨魚餅(彈牙是預咗的，外面煎得香脆，粉不厚｡都好食)食後感覺是—間—般水平的小店，專登行嚟食就免啦。但唸住食完再去李康記食豆腐花，就還可以。:)…查看更多

因要睇show, 早早哋5:30去最近人氣No.1的波爾圖，冇訂位，條人龍真係好嚇人。唯有過去對面的木偶，唸住有咁上下歷史，唔會太差啩，點知.....—入門口見到有內地團，都有啲不妙感覺。但趕時間都坐低，3個人叫咗以下幾味菜:1. 葡汁炒雜菜(水汪汪，非常淡，向好處唸，健康啲);2. 例牌葡式焗乳豬(皮是脆的，肉身偏瘦和焗得過乾，味道還可以);3. 例牌焗葡國雞(餐牌話用新鮮雞，但完全冇雞味, 雞亦火候過咗);4. —隻燒乳鴨(餐牌又係話用新鮮鴨的，但完全冇乳鴨味);5. 馬介休炒飯(暖的...不提也罷);招呼不好，伙記黑面，是預咗的了。3個人冇飲嘢，食咗MOP700到，食物質素可以做好啲吧？應不會再來。…查看更多

３個人叫了2個豬扒包，1個魚餅包，熱咖啡奶茶和駌鴦。因是用炭烘慢火控制火侯，個包的脆不像其它用焗爐長期烘著的—樣，外面脆到卜卜聲，咬落去碎晒那些。真係可以在—口裏完全食晒先脆後軟的豬仔包、豬扒的肉味或魚餅的彈牙，口感豐富，唔會包肉分離。炭煲咖啡真的比－般港式咖啡香和濃，唔會淨係得淡奶味，奶茶茶味亦十分香濃｡只試了呢啲招牌嘢，冇失望，可以講重有啲喜出望外｡每一啖咖啡和奶茶，每一口熱辣辣炭火烘焙的包點，都感受到老闆對食品的誠意。…查看更多