VictorCheuk的個人專頁

譚仔永遠都係平民美食嘅天堂，今次叫左勿演美線，凍鏈死✌🏻(墨丸米線凍檸水)三哥有野好，就係湯底選擇多，有啲仲係三哥特有架添，不過我最後都係叫左清湯，呢間譚仔都無令我失望，墨丸彈牙，米線有口感，再加埋譚仔姐姐嘅口音聽起來分外親切…查看更多

見到廣告個三文魚牛堡好似好正咁，一於去試試佢但現實同幻想點都有啲反差，上面廣告嘅三文魚同牛都厚過厚，但真實係薄到張紙咁都算啦，我心唸味道好都可以過關，但係真係過唔到自己個關，真係要合埋眼好努力沉思先可以嘗到三文魚嘅味道🤦🏻‍♂️伏已中！ …查看更多

想試下泰國餐廳嘅大廚有無料，一定係試下香草香辣肉碎煎蛋飯。首先試下隻蛋，入面仲未熟透，一拮落去啲蛋黃就湧出黎，煎蛋時間掌控得非常好，另外香草肉碎夠香夠辣，簡直係白飯小偷，十分鐘就令我清曬啲白飯不得不提嘅係呢杯泰式青檸紅茶，真係好飲到唔知點形容，味道好特別，有青檸嘅酸，紅茶嘅甘，仲帶有甜味…查看更多

咖哩三式蝦飯，分別係鮮蝦，炸蝦，同蝦餅，簡直就係三隻唔同嘅滋味，鮮蝦夠爽脆，炸蝦夠香口，蝦餅夠口感，再加埋coco特有嘅咖哩汁味道，簡直就係一流嘅配撘吖。如果想再將味道升級，就加埋甜甜的果醬吧！…查看更多

呢個炙燒三文魚飯一睇個樣就知無得輸，三文魚多到可以蓋住成碗飯，一片一片咁樣整齊排列，完全有日本美食精緻嘅感覺。三文魚燒到啱啱好，淨係外邊薄薄嘅一層係熟，鮮味滿分，口感一流，唯一挑剔嘅係我唔鍾意沙律醬加三文魚呢個配搭…查看更多

旺角真係一個好多人嘅地方，忙裏偷閑真係一啲都唔容易，不過星期日嘅下晝，朗豪坊13樓餐廳竟然冇咩人，坐得好舒服，所以就試吓呢間日式火鍋大約＄100，牛雞豬又任叫仲有其他丸同芝士腸都係自助形式咁樣任攞，完全唔怕食唔飽另外醬汁選擇多，我自己就最鍾意麻醬…查看更多

今日午餐想食清淡一啲，所以就嚟叫咗一碗魚蛋雲吞河，魚蛋係手唧的，現今社會而家咩嘢都機器化，真係越來越少呢一類嘅美食。魚蛋入面有少少魚骨，咁樣反而覺得係新鮮製造，俾個like佢，另外鮮蝦雲吞都非常足料，如果少啲肥膏就好啦…查看更多

見到呢間餐廳午飯時間七十幾蚊可以叫兩個飯食到兩隻味道好似好抵食，於是就膽粗粗試吓首先叫咗個黑松露帶子丼，黑松露夠多，帶子味道鮮甜，一食就停唔到口之後叫咗個蟹肉丼，真係有啲失望，碗上面九成都係蟹柳，得小小係真正嘅蟹肉…查看更多

中餐黎講，小弟最鐘意嘅就係食西檸雞，大學時期叫餸食飯必叫！不過畢業之後就食少左好多啦，一見到餐牌上面嘅廚師推介就即刻叫左果然無令我失望，雞嘅皮好脆，再加埋西檸汁嘅酸味格外開胃，叫多幾碗白飯都仲得，呢個西檸雞除左食個味道，仲係食佢嗰個情懷，食物有情懷之餘，鋪頭裝修都非常有情懷口渴又眼瞓，叫番杯熱奶茶先，好滑好香，好有舊茶餐廳嘅味道，正！…查看更多

先點左一個春卷，塊皮脆過脆，咬落去chop chop聲之後到主角肉眼扒，呢個真係不得了無得輸吖，肉質鮮嫩，口感一流，熟嘅程度啱啱好，食左第一啖就有上癮嘅感覺，不斷食吖食，快樂不知時日過就食曬啦之後再叫多個羊柳闊條麵，本身我個人麻麻地洋妞，但呢個羊柳又唔錯播，唯一美中不足係啲闊條麵唔夠彈牙太過薄，如果改善埋就完美啦最後甜品仲有tiramisu😍唔會太甜好好味另外值得一讚嘅就係服務態度超好，全次見侍應都係跑過黎衝過黎迎接我同我落單嘅，真係feel到佢嘅熱誠！…查看更多

先黎一個肉骨茶，藥材味十足，又唔會太苦，苦中帶甘，感覺幾健康之後叫左個星洲炒蘿蔔糕，之前睇食評話好正，捧到上天咁樣，所以食落反而有啲失望，蘿蔔糕口感唔夠，又炒得唔夠入味，就好似鬧交唔講粗口咁，到喉唔到肺，希望下一次來會改進啦…查看更多

豚骨沾麵平時就食得多啦，櫻花蝦沾麵真係未食過，送到黎嘅時候我哇左一聲，成個湯嘅表面都俾啲櫻花蝦覆蓋住，好似隻隻都係海中心對我揮手呼喚我食佢咁，本大爺一於唔客氣，夾起幾條麵浸落呢個櫻花蝦嘅蝦海，拯救一下佢地，佢地就好似搏曬老命咁抓住啲麵進入我個口，每食一啖都好似拯救左無數嘅生命咁。講番味道，櫻花蝦嘅鮮，麵嘅彈牙，湯底嘅濃，令我有溶入櫻花蝦一分子嘅感覺，好有歸屬感。食完之後我仲追加左個芝士飯加落啲湯底度撈埋一齊食，一滴湯一隻蝦都無浪費過，完全對得住非洲嘅小朋友。另外我仲加左個雞軟骨串，算係一個友情客串，不過不失，唔夠飽嘅時候當係小食都唔錯，不過其實我夠飽了…查看更多

首先黎個前菜雲耳，爽口彈牙之餘仲酸酸地，先刺激一下胃酸，非常之咁開胃，值得一讚！叫咗個麻辣五香牛腩小麵，將麵線放入小小嘅湯底，一齊放落口，個種麻同辣嘅香味即刻湧出黎，刺激我嘅味蕾，不斷咁樣想食多啲食多啲，但係身上面啲汗又情不自禁地自己湧出來，所以食麻辣真係好過癮。另外牛腩煮到林一林，完全唔會覺得好乾好難咬，口感一流！…查看更多

係銅鑼灣番工，沙爹王一定係午餐嘅首選，以前呢度只有沙嗲肥牛粉絲？白咖喱香茅豬扒飯？非也！紅酒牛肉粒飯都係一大皇牌！牛肉整到好入味，個汁都非常開胃，紅酒味身為配角，絕對唔會喧賓奪主，但又好好地配合主角牛肉，原來1+1大過3是真的…查看更多

上次黎過食牛扒真係一試難忘，5成熟入面啲肉好有口感之餘又唔太血腥，熟度啱啱好，最難得係最外面嗰層，竟然出奇地脆，食牛扒都可以嘗到外脆內軟嘅感覺今次都係食牛扒，雖然都非常出色，但可能上次太神級，今次好似有啲失準咁，啲肉比上次硬但味道尚在，但都足夠好讓我享受這個晚餐…查看更多