member_497668的个人专页

嚟過2次，1次係去食lunch set，1次係假日食$399嘅2人餐，再額外加串燒&肉。明顯平日lunch set性價比高啲～食物：肉類、海鮮、菜很新鮮，品質過關，加上泰式湯底夠惹味，已經殿定咗「呢餐廳好食」嘅基礎。環境：位於Airside, 出邊雖然係工地，但落地玻璃很開揚，室內有大量植物，坐位寬敞，整個用餐過程都好舒服。服務：中上，基本上有求必應～但有件事就唔合格。話說lunch set果次一坐低員工俾咗兩杯水，我想拎起嚟飲時見到杯入邊有隻昆蟲係入邊游水，冇錯係大大隻識郁嘅～應該係餐廳有大量植物，養蟲。我就用比較輕鬆嘅語同店員講「登登登～佢係度游水喔～」 店員幫我換過杯水，之後就冇之後啦！no sorry，冇唔好意思，而且新果杯水係由同一個水樽倒出嚟。雖然唔肯定隻蟲本身係杯定係由水樽被倒入杯，但個店員除咗倒咗杯水之外，冇更回收水樽亦冇檢查其他杯～ 如果大家去，建議睇清楚先用杯水，植物多容易惹蟲，小心啲好～收費：整體價格偏高，份量唔多，但食物品質非常唔錯，所以呢個價錢可以接受。但有個位唔係咁好：一坐底店員會俾3款醬料+杯水+一盤蝦片（收$15/位）。我哋有一個係6歲小朋友，唔食辣店員就幫手換咗甜鼓油，之後都有收$15，問返職員，話只有手抱bb先唔收，就算小朋友唔要所有醬料都要收$15，因為有水有蝦片。即係話呢位位$15係硬收，店員都唔會提醒你呢啲要收錢。其實對我嚟講打邊爐，蝦片可有可無；青瓜水唔需要因為打邊爐要叫飲品，有蟲嘅青瓜水就更加唔需要啦！而且佢啲湯底好夠味唔點醬都冇問題。雖然$15唔多但為無需要嘅嘢俾人硬收$15感覺就唔係幾好～～最後宜家做緊抽奬，小朋友抽中送一杯野飲。其他奬品有牛肉拼盤/大象毛公仔，1/3機會，祝大家好運～…查看更多

今次想先講服務，因為個接待員要求一個6歲嘅小朋友付成人價，因為她覺得小朋友的頭髮touch 到130cm果條線。接待員不停催小朋友當眾除鞋去證明佢未到130厘米條線，否則佢唔會offer小童價個小朋友。因為啱啱係開飯買咗券，所以最後我哋都配合，叫小朋友除鞋再度一次，完咗該接待員又講「今次就算啦～」真係好難聽～ 小朋友除咗鞋係完全冇touch到130條線，咩叫今次算啦～我哋配合到最後仲要多謝你做好心offer小童價？該接待員係咁催個小朋友除鞋時仲話「快啲啦，公司有閉路電視影住㗎！」救命！連小童度身高都要監視，呢啲咩公司，點解對小朋友mean到咁，係香港少見～如果唔係開飯買咗券真係會即走食物方面：湯底：叫咗養生湯，好淡冇味，桃膠唔係好覺，係食到最後先撈到一個手指公指甲咁上下size嘅桃膠，搞笑～牛、豬：ok, 我哋喜歡熟啲，口感老難咬，但係我哋個人問題。醉雞：冇酒味鴨血：普通墨魚滑：好食，推薦其他魚滑：食唔出邊隻打邊隻，一鍋熟…查看更多

時隔一年，今晚即興帶家人上去食～因為有小朋友店家安排咗坐餐枱冇得坐吧枱睇師傅整大阪燒～小朋友話大個要坐吧枱是晚我先到就叫咗2件關東煮：蘿蔔&炸豆腐，非常入味，特別係蘿蔔，味道偏咸，湯汁十分濃厚之後人齊叫咗：前菜牛肉干：牛味好重好香但有渣，小朋友食唔到，蒜片好香係焗嘅不是炸嘅～炒麵：好有鍋氣，小朋友食完仲話要再叫😂大蝦：好香口，小朋友第一次食蝦腳覺得好新奇😂蠔大阪燒：好足料，大阪燒一如既往豪華大阪燒：第一次食，同蠔一樣係推介，帶子嫩滑，好食黃豆粉大福：好食，呢個必試總結：同一年前比味道依然，保持到水準家人食完都讚好，當晚係平日，不算full，大家都坐得好舒服，上菜速度都可以，食完一樣接一樣～全部人都滿意！服務：人手充足，服務周到～特別係皮膚黑黑頭髮卷卷果位靚仔哥哥，主動介紹2種大蝦嘅分別俾我哋知，又識俾suggestion 我哋，對住小朋友又好有耐性，佢全程負責service 我哋呢枱，好滿意但埋單果位高高哋白白淨就比較cool啦，惜字如金，簽完單粒聲唔出就走咗～…查看更多

經開飯訂枱～～13:40上到去因為同架𨋢3枱人，我哋排中間但安排入座嘅職員唔知點解會跳過我哋，直接先安排後邊果枱入座先，而我前邊嘅應該係walk in客要等安排入座，我哋排係佢後邊自然要等，最後係排中間嘅我哋最遲入座。其實相差都係1分鐘左右，但俾人嘅感覺就係混亂～入到去坐低，見都係點心紙，可能因為午市以飲茶食點心為主，之後問咗可以打邊爐，啲職員好快手咁set好餐具同更換餐牌俾我哋～我哋點咗：木瓜豆乳湯底香江拼花花綠綠（冇圖）：普通蔬菜拼盤，不太乾淨蝦（冇圖）：新鮮👍煎蘿蔔糕：（冇圖）香口、鬆軟👍藥膳鳳爪：（冇圖）家人話藥味重👍特飲買3送1（因為係小朋友，送果杯轉做蘋果汁）其他：1. 可能我哋中午要求打邊爐，好多食材明顯是隔夜準備好的～ 湯底味道一般冇咩特色2. 部分職員語氣不太好，會有啲說話俾客人聽～3.餐具唔乾淨，有污迹同黏手，唔知點解我係呢度冇人提過呢個問題～總結：味道：不過不失，如果食材新鮮啲應該會加分。服務：部分職員很nice，會同小朋友玩，又肯為小朋友轉蘋果汁，但部分職員態度一般。價錢：偏貴，性價比好一般。個餐廳賣點係display 靚，由湯底、食材到特飲，所有display都好靚好吸睛，非常適合打卡，擺上網可以呃好多like🤣 …查看更多

因為係開飯book咗枱，所以唔洗等去到就有位👏🏻 午餐係點心時段，叫咗以下幾樣：酸菜魚荔枝球抹茶流心奶黃包太極馬拉糕蘿蔔糕熊仔奶茶👍：點心造型精緻可愛有創意，味道都有特色，可見師傅是花了心思係菜色上的；酸菜魚好食份量足，魚片一啲都唔腥，就算唔食魚的人都食金到👎：午市員工太忙，添水比較慢；碗筷有迹，記得要洗同抹下會好啲～總結：點心價位偏高，但造型精緻有特色，味道都唔錯，值得一試。午市雖然人多，但都冇趕客，我哋食足2個鐘，非常好👍…查看更多

今次真係要好好讚下OpenRice ，屋企人無啦啦話想食長腳蟹，當時中午11點，我之前食過呢間知道有就提議呢間，啦啦聲去OpenRice 見可以即時訂位仲做緊65折，太驚喜👍環境：當日唔full，加上啲人應該係附近返工的人，個個都食得好斯文～成個用餐環境好舒服～食物：一開始會上碗花膠湯，足料，佢哋話有2塊花膠但我果碗得1塊，但我本身唔食花膠，ok的。呢餐，我特別鐘意佢嘅燒鵝，皮又脆又香肉唔鞋，驚喜👍 另外mini burger 都好正，係新鮮肉做，肉質juice唔鞋 ，size細細好啱小朋友同女仔👍 海鮮：有長腳蟹、蝦、鳳尾蝦、魷魚仔、青口同生蠔，當晚最差係生蠔，好瘦～但算新鮮、蠔味都重。魚生：有三文魚、吞拿魚&北寄貝，最好食係三文魚，甘香，其他2款普通。熱盤：鼓椒蜆、蝦、青口，我淨係食咗蜆，冇大排檔嘅鍋氣，但蜆細細有甜味冇沙，收貨👍主菜：有4款，我哋簡咗2款，蒸魚&焗龍蝦。可能因為已經飽飽哋，呢個龍蝦感覺一般，肉有啲鞋，可能早1-2分鐘出爐會好啲，但廚師細心一早起咗肉出嚟，係壳入返鋪菠菜再放肉焗，客人食起上嚟好方便，可以好斯文咁食👍 至於蒸魚係屋企人點，佢話覺得腥食唔落，食咗少少就停咗～甜品：有蛋糕、有撻、有2款雪糕，我覺得咁多款甜品蛋撻最好食，encore咗1次😋 雪葩係紅桑子，酸味味好濃嘅果味，似真係用新鮮紅桑子汁打出嚟嘅咁～當晚我哋有65折，唔知係咪呢個原因，呢餐比之前食選擇係少，冇餐茶，只提供2款果汁。最最最主要，我哋嘅焗龍蝦係只有半隻，但我睇其他食評相係1隻對開🤔 如果真係因為價錢，我覺得呢個安排係明智嘅～主菜份量少啲價錢平啲，客人可以留肚食出邊嘅嘢🤣 服務：呢間服務一直都係👍 今次我哋早去，雖然仲set緊都安排我哋坐底慢慢等。另外呢餐唔包餐茶，但老人家想飲熱茶，staff話要額外加$80，我哋最後冇加，staff提供熱水俾我哋，我以為會俾1杯熱水，點知係成壺+杯+碟1set咁上🤣，真係俾個👍佢總結，係開心滿意嘅一餐～…查看更多

真係好surprise， 估唔到啲嘢食樣樣都俾到驚喜我🤩香港好少見大阪燒專門店，正宗大阪燒就更少見。見到開飯排第二位即刻約朋友去試下。當晚上去已經好full, 好彩朋友一早book咗位，餐廳一早reserved 吧枱俾我哋，可以一邊食一邊睇師傅整大阪燒。我哋隔離係2位日本人，同師傅一直用日文傾解，雖然我哋唔識日文，但都feel到居酒屋果種氣氛，好輕鬆、好熱鬧～真係好似返咗鄉下咁👏🏻當晚食咗幾樣嘢1. 鰻魚玉子燒2. 燒牛肉前菜3. 蠔大阪燒4. 燒大蝦5. 雪大福6. 柚子梳打感受：2個人埋單708，我哋覺得性價比好高🤩 服務超水準，師傅很熱情，每位工作人員都好nice有笑容㗎😱唯一缺點係餐廳抽氣扇麻麻，order多嘅時候會煙霧彌漫，但人少時就唔會。…查看更多

公司附近新開一間炸雞店 見到餐牌上有炸醬麵，menu 上有👍又話係秘製醬汁$58，於是就試下啦～點知拎到返屋企打開呆左，個麵底係公仔麵，on top薄薄一pat醬，個醬得肉碎&醬，冇菜冇蝦仁，味道甚至根本唔係韓國炸醬麵嘅炸醬味道店主係咪以為香港人冇去過韓國未食過正宗炸醬麵呀另外配有半隻超切得好岩殘mini得好可憐嘅烚蛋，承惠$58，真係感覺呃錢，完全冇誠意。其實香港仲有大把地方食正宗炸醬麵，唔洗考慮呢間～幫襯嘅95%都係買炸雞，大家記得要識簡啦～～…查看更多