Crystal Small Fish的個人專頁

好耐冇同老公出嚟撐枱腳，近近地揀咗屋企附近一間法國餐廳ÔDELICE，之前好多朋友都推介，終於抽到時間嚟食☺️入到餐廳，裝修好靚，環境好舒適。我哋點咗2A+2B晚市套餐，套餐菜式選擇多，每一款都好吸引，仲包餐湯🤩法國田螺經典法國美食，田螺質地非常柔嫩，與香草蒜味牛油完美結合，濃郁美味。配上芝士薯蓉，為整道菜增添了豐富的口感，昇華整道菜式。法式煮青口青口肉質鮮嫩，湯汁裏白酒的酸度與牛油的醇厚相互交融，完美帶出海鮮的鮮味，是非常開胃的前菜。煎鴨肝，油封鴨腿意粉鴨肝金黃酥脆，外層微焦，內部則保持著柔滑的口感，每一口都散發著濃郁的香氣；油封鴨腿肉質嫩滑，油脂充分滲透；搭配白汁意粉形成了完美的對比，滋味無窮。香煎三文魚外皮香脆可口，三文魚肉質鮮嫩，配上大蜆、燒茴香和海鮮汁燴飯，口感豐富，層次分明，完美帶出海洋的味道。我哋另外仲叫咗兩杯無酒精雞尾酒：Strawberry Cucumber Cooler 同 Honey Ginger Punch，味道清甜，非常開胃。我哋好滿意今次嘅晚餐，下次要帶埋小朋友一齊再嚟食😌…查看更多

自三月開始，每次經過K11 Art Mall，都會俾Arte by Padaria嘅甜點吸引住😍當中最吸引我哋嘅就係香港首創的「鹹甜點藝術品」法式可頌夾心球。每一個都具有三重層次的口感：鬆脆可頌酥皮、絕配夾心餡料及軟綿綿瑪德蓮的蛋糕。晴晴揀咗流心黑朱古力可頌球，三重口感配以香濃朱古力，相信冇人可以抗拒😋 共七款不同口味可供選擇❤️除咗可頌球，我哋仲試咗草莓忌廉芝士紅絲絨曲奇，特厚特大嘅曲奇一直係我哋嘅最愛，質感介乎於脆餅與蛋糕之間就是最高級的味覺享受！草莓忌廉芝士同紅絲絨曲奇味道好夾，絕對要encore！創意曲奇備有8款口味，每款都加入2至3種帶有不同口感的餡料。除咗可頌球同曲奇，呢度嘅創意慕絲撻系列都非常吸引，6款口味以「浪漫」的法式甜點風格裝飾，各有其獨特美感，下次一定要試埋❤️…查看更多

成日食肉，有時都好想食清啲，對身體好處多☺️ 今次專登去咗灣仔嘅OVO Cafe，到達嘅時候以為只係一間花店，望清楚原來入面有Cafe，環境真係好靚好舒服。我一直以為素食好少選擇，睇完個餐牌完全改觀，食物款式多元化，最後揀咗兩個小食同兩個主菜。.鹽酥素雞脾 + 川辣素杏鮑菇素雞俾炸得好香脆，酥脆香口。麻辣味嘅杏鮑菇非常惹味，啱晒鍾意食辣嘅我。忌廉芝士西蘭花西蘭花味道清新，芝士鹹香味同西蘭花好夾，沒有多餘的調味，恰到好處。咖喱喇沙湯麵喇沙湯麵味道正宗，估唔到Cafe可以食到咁正宗嘅喇沙，湯麵入面嘅材料完全唔似素食，素丸好似真正嘅肉丸，非常驚喜。忌廉芝士牛肝菌扁意粉意粉硬度恰到好處，牛肝菌汁非常香濃，看似簡單嘅意粉，竟然俾咗好大驚喜我哋，誠意推介！除咗食物呢度嘅咖啡都好好飲😌…查看更多

觀塘真係好多美食，特別係啲工廠大廈入面，成日都會搵到驚喜！今次我哋就喺成運工業大廈搵到間緊隱世雞煲，仲可以打埋邊爐😍 呢度環境都算唔錯，坐低就會即刻奉上小食涼拌青瓜絲，仲有醬料盤俾你揀適合自己嘅醬料。我哋叫咗一個招牌雞鍋同幾款火鍋配料。巧得招牌雞鍋招牌雞鍋醬汁香濃，加入洋蔥、彩椒、香菜等配料炒香，惹味非常！雞肉鮮嫩可口，煮得恰到好處。吃完雞塊，加入清湯仲可以打邊爐❤️掛架安格斯牛頸脊擺盤非常有心思，打卡一流。牛頸脊肉質鮮嫩，肥瘦適中，絕對係打邊爐首選，我習慣烚到八成熟，入口嫩滑🤤蝦滑拼墨魚滑好開心餐廳俾我哋雙拼，一次過滿足晒兩個願望！兩款都非常鮮甜彈牙，爸爸表示好滿意😎炸芋頭拼魚皮同樣係兩款我好鍾意食但怕食唔晒嘅食物，雙拼份量啱啱好，啱晒兩口子撐枱腳。芋頭同魚皮都係即炸，可以就咁食，亦可以打邊爐😌最後原來仲有甜品雪糕糯米糍，真係好滿足❤…查看更多

老公最近返總公司開會，發現之前食過嘅Flames係佢公司樓下都有分店，搞到佢心思思又想食。好啦！又係時候再去撐枱腳試吓其他菜式😌燒大蝦三文魚籽龍蝦汁扁意粉燒大蝦肉厚肥美，鮮甜彈牙，龍蝦汁意粉濃郁香濃，配上三文魚籽帶來獨特口感，令人回味。香草紅酒汁燴牛面肉配忌廉薯蓉烤蔬菜牛面肉肉質嫩滑，紅酒汁香氣撲鼻，搭配忌廉薯蓉口感綿密，烤蔬菜清甜爽口，組合豐富多元。澳式雞鹽薯條薯條炸至金黃酥脆，外脆內軟，搭配獨特的雞鹽調味，帶有特別的香料風味，香脆可口令人停唔到口。我哋今次嘅菜式都好滿意，仲諗定下次要食啲咩添😂…查看更多

女女最鍾意同媽媽去撐枱腳，小朋友最鍾意食西餐，今次就帶咗佢去觀塘嘅 Bubble Tree食午餐，食完順便去附近公園玩☺️.餐廳細細，但係食物種類一啲都唔少，女女好想食佢最出名嘅鰻魚飯，但女女就想食意粉同All Day Breakfast 🍳 最後當然都係呀女話事😂All Day Breakfast呢個All Day Breakfast都好大份，炒蛋好香滑，腸仔同煙肉都煎到好香口，大啡菇好厚實，牛角包夠晒牛油味，沙律清新。藍青口蒜香白酒忌廉汁意粉藍青口非常新鮮，肉質彈牙，意粉軟硬度適中，白酒忌廉汁非常香濃，帶有海鮮嘅味道，忌廉汁份量非常足夠，意粉唔會好乾。另外仲叫咗鮮奶咖啡同埋朱古力，餐廳都好用心拉咗個心心❤️下次一定要同爸爸嚟試埋佢哋最多人推薦嘅鰻魚飯🤤…查看更多

我係北方人，從小屋企就成日整餃子，由餃子皮到餡料都係𤋮爸爸自己整。而家已經冇人再包俾我食，唯有周圍物色好食嘅餃子店。記得好多年前開始，仲喺鰂魚涌嘅時候，我已經食緊海樂餃子店，大大粒餃子，就好似自己細個食嘅餃子咁，是回憶的味道。而家每逢我掛住爸爸嘅餃子，就會嚟食。我最鍾意就係食韭菜豬肉同埋冬菇木耳雞肉，羊肉餃子都非常好味😋 我就鍾意食湯餃，湯底冇味精，健康好味。有時我會帶埋小朋友，佢哋就鍾意食煎餃，脆卜卜🤩…查看更多

自從搬咗去將軍澳，我哋得閒就會入西貢拍拖食吓嘢，自從上年去M Square慶祝完生日，我就愛上咗呢間餐廳，得閒就同老公嚟拍拖👩🏻‍❤️‍👨🏻餐廳位於WM酒店內，環境非常舒適，餐廳內有多部電視播放唔同體育比賽項目，老公最鍾意嚟睇足球比賽。如果同朋友嚟，仲可以喺餐廳入面打桌球，除咗拍拖仲好適合一班朋友聚會。除咗餐廳環境呢度嘅食物質素都非常高質，性價比好高，仲有好多選擇，真係每個月嚟都食唔晒！Baked Black Cod銀鱈魚沾上蒜蓉包糠焗製，表面香脆可口，內𥚃魚肉非常嫩滑，超好吃！伴上香濃牛油味的薯茸和燈籠椒忌廉汁，倍添美味😋Grilled Beef Steak Salad味道香濃的烤牛扒伴上清新的青瓜、小蕃茄、黑醋洋蔥、燈籠椒，羅馬生菜，再加上菲達芝士，紅腰豆和蜜糖芥末醬，口感非凡，味道非常夾，啱晒鍾意食沙律嘅我☺️Cast Iron French Toast法式多士配士多啤梨、拖肥醬和雲尼拿雪糕，絕對係完美組合。法式多士表面焦香，內裏軟綿綿，蛋味香濃，令人一試難忘😍除咗食物，呢度嘅飲品都好有質素，下次一定要帶埋兩個細再食過😎…查看更多

最近諗住帶女女去荃灣貓之茶房睇貓貓，發現原來貓貓們搬咗去新地方，地點比以前更加方便，喺正兩個荃灣站中間，而家連搭西鐵嘅朋友都可以好方便去到😎呢度按小時收費，唔使一定叫嘢食，除咗可愛嘅貓貓，仲有好多書同埋漫畫可以攞嚟睇，同朋友嚟仲可以一齊玩board game，除咗啱晒帶小朋友嚟，仲好啱同朋友一齊嚟😌想食嘢飲嘢嘅話，呢度好方便，有自助售賣機賣咖啡同蛋糕小食，而且價錢相宜，我哋最後買咗兩杯飲品同兩件芝士蛋糕。除咗自助售賣機，呢度仲有啲茶包可以自己沖茶飲。女女話好鍾意個柚子芝士蛋糕，酸酸甜甜好開胃。另外仲有藍莓芝士蛋糕，味道都唔錯😌 好開心可以同女女過咗個休閒嘅下午❤️…查看更多

我最鍾意食川菜，特別係麻辣火鍋，一吃解千愁，仲會覺得好幸福，鍾意食麻辣嘅一定明😎 最近聽一個朋友講，香港有間好正宗嘅麻辣火鍋，即刻訂位同老公去撐枱腳。.一去到即刻比呢度嘅裝修吸引住，好有特色，仲有中國傳統服飾俾你著住打卡😆我哋點咗經典鴛鴦湯底。麻辣湯底好夠辣，攞嚟配羊肉就啱晒，我哋試咗兩款羊肉 - 小肥羊同埋高鈣羊，兩款都好鮮味，高鈣羊有啲軟骨，啱晒鍾意口感嘅我，爸爸就鍾意小肥羊，啖啖肉😋我哋仲叫咗鱔片，魚皮彈牙滑脫脫，肉質鮮甜，估唔到鱔除咗清蒸之外，打邊爐都咁好味。不得不提店長推薦嘅四菌子，係我最鍾意嘅火鍋料，除咗平時都有食過嘅竹笙同黑皮雞縱菌，仲有我第一次試嘅金耳菌同繡球菌。金耳菌充滿膠質，好似食緊花膠咁😮 繡球菌就好爽口，吸曬火鍋嘅湯汁，好正🤤 仲有火鍋粉都好味☺️最後我哋仲每人叫咗一杯手打黑加侖檸檬茶，酸酸甜甜超解渴，啱晒配火鍋❤️…查看更多

晴晴最近開始迷上KUROMI，特別係薰衣草紫色嘅KUROMI，真係超靚超可愛😍 媽媽知道銅鑼灣富山麵家已經搖身一變成KUROMI主題拉麵店，推出多款KUROMI美食，梗係要帶晴晴去朝聖打卡食好嘢😎 我哋仲好貪心叫咗好多嘢食😆特製黑咖喱撈麵 - 經典黑色KUROMI造型，黑咖喱撈麵加埋紫菜碎、薯仔、叉燒粒，味道好特別。特製牛奶拉麵 - KUROMI造型魚旦非常可愛，牛奶湯頭濃郁，晴晴最鍾意。明太子章魚燒 - 外層酥脆，內裡鬆軟，每一啖都令人回味無窮。冇諗過拉麵店嘅章魚燒竟然咁好味😂紫薯味蒸包 - 造型超可愛，小朋友最鍾意❤️特製蝶豆花啫喱梳打及特製荔枝啫喱梳打 - 兩款梳打超解渴，配上冰涼甜甜的啫喱，非常特別。呢度真係好啱鍾意打卡嘅媽媽帶埋小朋友一齊嚟😊…查看更多

兩個小朋友大晒，而家只要有時間我哋都會偷偷出嚟拍拖，享受二人世界❤️ 今次近近哋去咗觀塘Flames，呢度裝飾精緻，氣氛浪漫，好適合情侶去撐枱腳😊海鮮香草茄醬薄餅 - 薄餅口感豐富，海鮮鮮甜彈牙，煙三文魚的煙燻風味令人愉悅。蒜和意大利蕃莤提供了濃郁的香氣，而忌廉和聖馬札諾蕃茄則增添了醬汁的豐富口感。最後，馬蘇里拉芝士的融化使整個薄餅更加美味。蟹肉巴馬臣芝士蕃茄忌廉汁通粉 - 蟹肉鮮甜多汁，搭配巴馬臣芝士的濃郁風味，為通粉增添了豐富的層次感。蕃茄忌廉汁的酸甜口感與通粉完美融合，令人回味無窮。牛油烤蔬菜 - 簡單卻美味的健康選擇。西蘭花、椰菜花、甘筍、粟米仔和薯仔經過烤制後，散發出濃郁的香氣。牛油的滋味與蔬菜的天然甜味相融合，帶來口感豐富的美味享受。我哋都好滿意今次嘅用餐體驗，下次有機會一定要再去😊…查看更多

又到一年一度老公生，今年我揀咗去Mano慶祝，整個用餐體驗都令人非常滿意。餐廳的氛圍非常溫馨舒適，裝潢簡潔而現代，讓人感到放鬆和愉悅。服務人員非常友善和專業，知道我老公生日，仲幫我哋影咗好多相😊❤️香煎北海道帶子三文魚籽龍蝦汁扁意大利麵❤️ - 帶子和三文魚籽的組合非常獨特，帶有鮮美的海鮮風味。龍蝦汁的濃郁口感與扁意大利麵完美融合，讓人回味無窮。🧡香草烤原條鱸魚🧡 - 呢道主菜給人留下了深刻的印象。鱸魚的質地鮮嫩，經過香草烤製後，散發出迷人的香氣。每一口都帶來豐富的口感和滿足感，絕對是一道令人難以忘懷的美味佳餚。💛巴馬臣芝士薯條💛 - 薯條炸得金黃酥脆，搭配上濃郁的巴馬臣芝士，口感豐富而濃郁。每一口都帶來了令人愉悅的融合口感，絕對是一道不可錯過的美味小吃。💚提拉米蘇💚 - 作為甜點，這道提拉米蘇絕對是一個完美的結尾。它的層次豐富，濃郁的咖啡味和柔軟的蛋糕層相得益彰。每一口都帶來了濃郁的甜美和令人愉悅的口感，絕對是一道令人回味無窮的甜點。老公好滿意今次生日飯，Mano嘅食物味道獨特而美味，每一道菜都展現了廚師的精湛技藝。服務人員的專業和友善態度使整個用餐過程更加愉快。…查看更多

媽媽每個星期都會同爸爸出去撐枱腳，今次經過將軍澳中心，就決定試吓老媽拌麵😋 媽媽一直以為呢間餐廳淨係得拌麵食，原來仲有好多唔同嘅台式美食，多款小食、飯類、小菜、甜品等。今次我哋叫咗麻醬手撕雞肉燥飯、話梅酸汁豬手鍋、地獄麻辣肥牛拌刀削麵、百香國寶茶。麻醬手撕雞肉燥飯麻醬手撕雞拌上青瓜絲同紅蘿蔔絲，味道同口感都好清新，肉燥飯味道香濃，兩種味道加埋一齊好夾。話梅酸汁豬手鍋呢個絕對係媽媽最愛，酸酸甜甜嘅話梅汁中和左豬手嘅油膩感，豬手炆得啱啱好，口感好好，唔會好韌。地獄麻辣肥牛拌刀削麵拌麵係餐廳嘅主打，加上肥牛同麻辣汁，真係食唔停口。百香國寶茶酸酸甜甜嘅國寶茶，味道好清新，絕對係台灣嘅味道。.下次一定要試埋佢哋嘅小食同埋甜品😋…查看更多

女女話好耐冇同我拍拖，話好想同我去Cafe chill下，媽媽梗係冇問題啦❤️ 即刻搵吓邊度有靚Cafe！女女最鍾意獨角獸🦄️ 見Pause it有獨角馬拉花咖啡，仲係2021年Latte Art嘅優勝者，梗係要去見識下😍 我揀咗Vanilla Latte，女女唔飲得咖啡，就揀咗充滿少女味嘅Sweet Potato Latte，兩杯都拉咗好靚嘅獨角獸🦄️ 女女超開心！聽講佢哋仲會喺觀塘定期舉辦拉花咖啡班，搞到我都想去學吓。我哋仲叫咗一個意粉，同埋一個甜品，兩樣都好好食，女女大叫好味😋Spaghetti Carbonara with Japanese Soft Boiled Egg - 芝士味香濃，意粉硬度啱啱好唔會太淋，醬汁份量適中，唔會水汪汪，加埋雞蛋同煙肉，味道絕配👍🏻French Toast with Maple Syrup - 法式多士蛋味香濃，配上甜忌廉、楓糖漿同水果，每一啖都令人覺得好幸福😌…查看更多