yaucancan的个人专页

心血來潮想食車仔麵🤪入左去呢間試下新野啦🤪嘩嘩嘩有驚喜😻😱只係一碗車仔麵，但已經滿足左我3個願望第一，食車仔麵既靈魂-辣汁香辣惹味濃郁得黎帶點微甜吊味食過返尋味第二個願望大滿足：味蕾大躍動！乾淨而肥美仲要極度入味既豬大腸😻😻呢樣嘢喺屋企好難整，所以一定要出街先食到仲有我最喜愛既豬紅係好入味，所以唔腥😻我最喜愛魚面彈彈爽爽的口感呢次最驚喜係面裡埋藏魚蛋味，巧正呀！😻第三個願望：舒適晚餐, 午餐價錢不解釋，看圖啦🤪店面乾淨企理，格局類似小型茶餐廳唔駛再多人焗坐一張圓檯，比較舒適既車面環境，讚呀！I will be back🤪…查看更多

同事今日帶我地捐窿吃好東西，一行四人去左香車街街市江記一嚐地道午餐久違了的開放式麵檔廚房，簡簡單單的幾張圓枱櫈，枱上有經典銀茶壺筷子桶，調味四寶…食出地道香港味:)菜色選擇簡而精，主要有兩三款：牛腩麵，鳳爪麵，雲吞麵等… 我地都比較貪心，叫左鳳爪雲吞麵… 鎮店鳳爪名不虛傳，鳳爪是配有香料的甜滷汁淆製而成的，鳳爪是被炸過後才滷製，所以口感是諗而不爛，外皮仍舊有咬口，味道由外皮到膠原位都富帶含滷汁香味，一個字：高!雲吞就是自家包製，看見師傅親自碎菜碎肉，皮很有質感，肉味鮮，肉饀略為乾身，不過都okok.湯頭是帶點甜的鳳爪滷水汁加上帶點微辣咸香的咸菜，配上粗幼適中彈牙嫩滑的麵條，而麵條又沾上濃湯味道，我自己再加點鎮江醋吃，真的很配，巧巧chee耶38蚊高質味蕾享受，讚!…查看更多

無意之中見到店面poster 下午茶$150 任食， 見平，沒帶太多期望約了三五知己來個重聚的下午茶，但求有個靚境吹吹水:)行了一round, 驚喜無限:)先來一點清清地，特別推介南瓜，清甜而富口感，煙三文魚好比酒店，厚切、微咸帶出煙三文魚的香味，很出色! 我自己不停encore! 凍蝦是爽爽的、鮮甜的、蝦頭藏滿了蝦膏，高呀！後是炸物，左邊的紅椒炸芝士，乾爽香脆，濃厚芝士帶點辣味中和的濃膩，不俗。炸蝦炸得很爽脆，只是略欠蝦味。紅酒牛尾的紅酒汁很出色，酒味帶出牛尾香，若然牛尾諗一點入味則更佳。燒雞串很juicy, 配上椰香花生沙嗲醬，惹味非常!亮點! 右下角的朱古力粒，朱古力味濃香滑富口感不太甜，必食! 隔離是炸了還是煙韌的椰奶球，很特別耶! 泡芙Ok Ok蜜桃橙流心蛋糕，切開蜜桃流心，一啖咬落質感類似疏乎厘的軟棉口感再加上流動著的蜜桃橙流心，口感富層次味道清新香甜，正! 這個甜品很小遇到，一定要食!用150吃了CP值300元的自助餐，我會再回來試午餐!…查看更多

星期日食指大動又不想走太遠，於是走去南豐吃個晚飯。別輕看今時今日的茶餐廳，享受茶樓級數的餸菜卻不用加一加茶芥。今次首先吃了小妹最喜愛的瑤柱豆苗，嫩口而不油膩的豆苗，加上味道濃淡適中的瑤柱蠔油獻汁，正!然後來了個鎮店之寶香煎豬肉蓮藕餅，外面金黃脆口內裡濕潤而帶點彈性，再加上爽爽藕粒增加口感層次，重點是調味不太濃能將蓮藕豬肉味道帶出來，推薦!再來了一客小妹最喜愛的黃金蝦，在家真的很難做出這味菜，所以出街才有機吃…火喉控制得不俗，吃落甘香乾爽不油膩，蝦殼也是脆脆的，而蝦肉是爽爽的，為食的我連殼吃還有清蒸龍躉仔，蔥花夾集了薑絲伴著咸中帶微甜的鼓汁，魚肉成熟程度剛剛好，okok整體來說，小菜質素好比酒樓，最欣賞這餐廳的食物美味而不油膩，味道濃淡度適中。會再encore! …查看更多

老友發起邊爐飯局，價錢合理，食材吸引，第一時間報名啦！一行四人，gogogo!這裡的劃一海鮮邊爐餐，7海鮮+3粥料+5食材=$200加一 ， fair deal!先到達的是鍋心前菜沙律，日式麻醬伴新鮮時蔬，一邊等待粥底滾起，一邊吃前菜，體貼週到!接著就是每人半隻爆膏肉蟹，鮮甜多膏啖啖肉，正! 個粥底係粥水，待我們淥熟所有食物，等食物精華滲入粥水裡面，才放置有米粥落去煲~陣間會講然後來了蓋著碟子的鮮蝦，為何蓋著碟?這些都是活蝦，蓋著以防跳出來，哈哈哈~大隻爽甜亦都係啖啖肉另外每人一隻咬落諗諗的鮑魚，數隻肥美的花甲及車厘蜆，仲有鮮甜的蚌… 樣樣都鮮甜!新鮮!黎緊有龍躉，以這個價錢，有這品種已經好好，肉身爽、厚肉，當然塊皮就冇大龍躉咁肥甘厚身啦，ok:)之後我地加左50大元吃桶蠔，這個價，街市都買唔到，好鍋心! 蠔唔多縮水，肥美同爽，不俗!店舖推介雞軟骨丸，彈牙有雞味有肉汁，吃落夾雜著碎軟骨，幾得意豬肉片牛肉片有肉類本身的味道，軟諗諗的，不俗! 嚮鈴浸一秒湯瞬即夾起，濕中帶香脆，我本人比較喜愛濕濕脆脆帶油香的東西… PS.只有新鮮嚮鈴先有呢個效果! 友人們已經飽了，俾我鯨吞大半碟吃了一頓大餐，吃一點清新嫩滑的准山平衡下，感覺輕盈一點嗎?壓軸登場豬油渣+冬菜+蔥蒜粒+南瓜粒+芋粒+粟米件+有米粥倒入海鮮n咁多味食材餚製而成的極品粥水… 我只有四個字去形容：鮮味至極! 真係大滿足兼勁鍋心除了食材多靚正之外，值得一讚既係侍應們雖然忙碌，但仍然笑面迎人有問必答，超贊!10個like!…查看更多

一個人的浪漫again, 見到呢間茶記幾新淨，光線充足，坐得舒服，重點係唔駛捧餐! 見人地食緊既水餃大大隻又飽滿，諗都唔駛諗叫左個水餃每隻餃都有一隻食麵湯匙咁大，所以都唔叫麵底，一啖咬落去，有濕潤結實的半肥瘦豬肉及爽彈蝦仁伴隨著爽脆黑木耳，口感豐富，成隻餃包到好滿，沒有空隙似的，吃落有種滿足的感覺!豬肉的油香伴著蝦仁的鮮甜，再加上清爽的黑木耳平衡豬油香的肥甘，各樣味道恰到好處，有回味無窮既感覺! 會encore, 多層次的口感+完美配搭的味道，這個價錢很超班!再黎呢邊做野既話，想再試埋燒味，個樣好得! …查看更多

久聞《十八座狗仔粉》這名字，到今天一人浪漫之時，終有機會一試聞名已久的狗仔粉！店舖面積較細，座位比較窄，一/二人quick食好地方。今次點了狗仔粉及千味醬雜燴。粗狀的麵條帶一丁點q彈口感，伴著豬油渣、菜蒲、蔥花… 加上帶黏性的湯頭再加上一點點辣，中和湯粉的黏性及油膩感，perfect!雜燴，就是豬皮蘿蔔豬肚豬腸~豬皮爽、蘿蔔大件冇渣、豬肚大小適中，夠厚夠諗、豬腸肥甘冇臭味，加上咸甜辣都齊既千味醬，都幾惹味! 不過我本身怕甜，所以覺得千味醬既甜醬份量多左小小，可能正常辣配呢個甜度會好味d?食左咁多野47大元，都合理吖!其實一個人，一碗細粉，一碗魚蛋or雙併已經好夠… 今次貪心左不過我有的是食力!下次想試火鴨絲………查看更多

811，小妹﹠表弟弟大壽之日，去海馬公園遊玩之先，必先來個生日大餐。心血來潮，想吃拉麵，碰巧登隆街附近有車往海馬公園，好！試試風聞其名多時的“豚王”。十一時許到達豚王，已有幾位有心人在場等候入場夏日炎炎，店員很周到，每位在門外的客人均獲發大扇一把以解乾煎之苦。:)十一時半，終於開店了！轉瞬間，店舖已座無虛席，欲為這富有拉麵店特式的裝潢留倩影...有難度！下次再影先為桌上的佐料拍照吧！有辣芽菜、辣雪菜、芝麻等...溫馨提示：辣芽菜伴麵增添惹味！豚王有4款拉麵：豚王（原味豬骨湯底）、黑王（墨汁＋黑蒜油）、赤王（地獄湯底）及青王（巴馬芝士＋BASIL香草）酷愛海鮮的我們，不用多想，立即柯打了黑王兩碗！湯底選了普通濃度、 淡辣、多蒜、PORK＋椰菜＋紫菜！:)吃麵之先，把紫菜放入熱燙的濃湯，將滲入帶有香濃蒜味的墨汁湯的紫菜放於口中，濃湯的鹹度濃度適中，嗒落又帶點墨汁鮮味，紫菜帶點清香，正！喝一啖水，清清味蕾，再夾起帶點杰湯的麵條，湯的鮮美惹味濃郁不用多說，麵條咬落有點口感，一口湯一注麵，齒頰留香，味覺享受盡於此！美中不足之處，麵條不夠細滑，有丁點“鞋”口。…查看更多

大病過後，立志在假期以外的日子，以七成蔬果三成肉為小女子的新飲食習慣。今天沒準備自家制飯盒，加上天氣炎熱，於是往位於公司不遠處的PIAGO覓食，見到匠工房秀吉...這裡的廚房是開放式的，某年月日，我在此處等待朋友在附近換雪糕，站於廚房外觀看廚師姐姐們炒麵、製作鱆魚丸、煎煎餅等...定睛觀看，轉瞬間已是十五分鐘...重點在於，於整個流程見證著炒麵煎餅足料，姐姐不斷加芽菜、椰菜等配料，鱆魚丸也不欺場，廚師姐姐均於每一粒小丸子內擺放數枚大大粒鱆魚肉！多菜少肉，腦海飄境此情景，買了ＳＥＴ　Ａ，炒麵拼煎餅，$27炒麵鹹甜度適中，麵條有點似拉麵，不油膩，有咬口！ 麵條夾雜著不少爽甜椰菜絲、紅蘿蔔絲、芽菜，增添口感層次，加上帶點香口的洋蔥絲，再以$27元套餐麵來說，這是超班之選！不過，煎餅的質素就...大相逕庭了。可能因著成本問題，麵粉太多，外皮太厚，入口的感覺似是放了一團熟麵粉加椰菜落口，若不伴著燒汁吃，完全吃不到任何味道，口腔內只有麵粉味...但，燒汁味濃得很！我只得將整塊餅反轉，用筷子一口一口的夾起沒有醬汁的餅，每一啖餅伴著一點的醬汁吃，剩下佈滿醬汁的餅皮...實在太硬太濃味哩...於十年前在西田吃的煎餅咬落有少少薯香，少少粉粉地軟軟的，夾雜著椰菜絲，伴著少量沙律醬及燒汁吃，超好味！不過$27, 可滿足多菜少肉的原則,OK 啦…查看更多

去到金不換, 已是晚上八時許。時間不早, 卻全場滿座, 我們一行四人等了15分鐘方能進場。先黎一個前菜 - 刺身虎蝦鮮甜虎蝦與生蒜一起, 入口前點一點旁邊的辣汁, 甜酸辣集於一身,刺激我的味覺神經, 正! :) 溫馨提示:要留低伴蝦的辣汁, 待用 鐵板蠔仔煎 :) :) :) :) 唔好睇少佢蠔仔細細, 雖然佢細細粒, 但係...原來佢脹卜卜咬落... 啖啖肉, 很肥美兼且幾夠味!! 超級好吃!菠蘿炒飯有魷魚、蟹柳、腰果、肉鬆及菠蘿等材料炒成, 屬平穩之作...伴蝦的辣汁撈飯, 好惹味!生菜包食泰菜必叫ITEM, 不過不失, OK!冬蔭功湯(細)夠4人份量, 一人一隻蝦, 湯底有鮮蝦味, 夠酸夠辣夠濃郁, 並且唔頸渴! 值得ENCORE!甜品們... :) 這裡的甜品唔會太甜, 我個人喜歡簡單的甜品, 這裡的木薯正合我心意, 木薯咬落有D口感, 唔會太淋太粉, 甜甜地, 伴著椰奶, 增添椰香味, 帶點奶滑感! GOOD! GOOD! GOOD!芒果黑糯米, 芒果清甜, 香味濃郁, 可能椰漿黑糯米份量偏多, 有點膩的感覺...南瓜燉蛋, 唔太甜, 頗健康, 不過我覺得燉蛋唔夠滑... :) :) :) :) 一定要飲MANGO DRINK!!!勁重鮮芒果味, 甜度剛剛好, 勁多芒果茸, 超好飲!溫馨提示: 2個人分一杯已經好滿足!!! 超大杯...…查看更多