callmefoodiee的个人专页

樓上酒吧+餐廳, 環境真心一般, 服務都ok, 只係上菜既速度都相當慢！1. 白酒忌廉汁燴蜆 $128 白酒忌廉汁都幾濃郁, 偏咸, 調味上做得唔錯, 配埋蜆既鮮甜, 都算出色! 但份量真心算少, 成碟最多得十幾隻蜆...每人幾隻就食完2. 香煎帶子黑松露牛肝菌意大利飯 $228份量較少，一人幾啖就冇晒，帶子得兩粒，都唔大粒2. Baba Yaga $118呢杯真心伏，好似辣椒水咁，完全飲唔出有其他味！個人都飲得辣！但佢真係齋辣！3. Blue sheet $108呢杯就不過不失啦，有粒荔枝做吓樣，不過杯野都真心唔靚！而家餐廳有價惠，點一樣食物，可以$48優惠價叫任何一杯飲品（包括酒精類）（以上價錢未包加一服務費）…查看更多

滿心期待試下呢間餃子，餐廳環境都幾好，似茶餐廳間隔，但係都睇落光線充足，環境衛生！食量唔大，兩個人就叫左以下既野試試佢！1. 雙拼水餃$58揀左鮮肉麻辣菜圃餃+鮮肉黑松露餃，配蟲草南瓜雞湯！一上菜，見有煲到淋晒嘅南瓜蓉，即刻試啖先，一試…凍既！明晒…姐係湯還湯…南瓜蓉還南瓜蓉，係分開的！個湯都有南瓜味嘅，但係雞味同蟲草味…請恕我品嚐唔到。餃子方面，都算大粒既，但餡料方面就還好啦，唔係成粒爆餡果啲，鮮肉麻辣菜脯餃都真係幾辣既，就同餐廳提供既辣菜脯味道一樣，撈埋豬肉一齊，都幾惹味！鮮肉黑松露餃個人就認為一般啦，成粒味道以黑松露為主，撈咗椰菜，唔係好感覺到鮮肉既存在，味道上冇乜層次，黑松露嘅味道蓋過咗其他餡料。2. 洋蔥牛肉芝士餡餅 $37（試食價，原價$40）餡餅要半個鐘先上菜，一份得一個餡餅，廚房有幫手切開一半，餡餅外皮真係煎到好脆，餡料嚟講，芝士都幾多，但係牛肉就打到肉泥咁，冇乜口感，味道就不過不失啦！但$37來講，都真係唔抵食3. 紅豆冰奶茶 $10 （跟餐價）紅豆冰奶茶唔太甜（冇走甜，都冇少甜），紅豆都唔甜，同埋唔夠爛。只能說呢度唔係茶餐廳，要求唔好太高啦！4. 麻辣海蜇 （follow 社交平台：免費，原價：$40）辣就夠辣啦，但冇辣既香味同麻，海蜇剪到一粒粒咁，真心冇乜口感，份量都唔多，青瓜都得嬷粒，但免費既，就唔會要求太多。小店唔需要加一，係唯一既少少安慰！…查看更多

Lunch time 係科學園，間間都勁多人，見呢間環境都ok，一於試下佢！職員手腳好快，無論執野速度定上菜時間👍🏻食物方面叫左個船麵$38，麵有唔同選擇，例如粉絲、米粉、金邊粉等，另外需要至少加兩款餸，每款+$10，今次叫左蝦球同豬頸肉，賣相算係咁，配料有芽菜、韭菜等，湯底都幾濃郁，但味道上比較港式，唔係泰式船面既味道！蝦球都算彈牙，有3隻，但冇乜味道，明顯用水烚完再放落個麵度😂豬頸肉就不過不失啦，都有5塊左右，不過食落有少少豬臊味🙃（以上價錢未計加一服務費）…查看更多

無論咩時段，成日都見到呢間餐廳keep住有人排隊，一於試下佢！餐廳門面…有一個大玻璃可以睇到師傅係度整烏冬，烏冬既製作過程透明，比食客欣賞/了解手打烏冬既製作！1. 親子煮烏冬 $88呢個揀左傳統味噌湯做湯底，湯既味道好濃，味噌好突出，烏冬好掛湯汁👍🏻雞肉有少少老，而且份量唔多，得幾舊，但都好濃郁湯汁味！雞蛋係全生，但烏冬係以石鍋盛載，上到枱都仲係滚湯咁，如果唔鐘意個蛋太生，可以焗左一陣先食，或者搞散個蛋落個湯度又得。2. 黑豚肉煮烏冬$98呢個就揀左黃金鏗魚湯，個湯清清地，但都幾濃鏗魚味，黑豚肉有啲肥，但肉質唔錯，唔會好嚡。唔鐘意重口味既朋友，揀黃金鏗魚湯就啱晒啦。（以上價錢未計加一服務費）利申：並冇任何試食活動/優惠！全部正價！(按餐廳MENU上價格付款)…查看更多

呢間小店門面唔算大，都冇好靚嘅裝修，晚餐時間條街都靜英英冇乜人，真係完全唔起眼。但係佢嘅食物真係算幾高質！而且價錢都算平，性價比高👍🏻1. 醬燒牛肉丼 $93呢個我覺得係必食之選🥰個飯係正常份量，但係牛肉真係算幾多！一碗有成六七塊牛，牛肉都有返啲厚度，而且肉質一啲都唔韌，配埋佢嘅醬汁，食落真係有種幸福感🥰仲有溫泉蛋呀！撈埋個飯，滿滿嘅蛋香同牛肉既美味，真係停唔到口😋2. 赤武士辛味拉麵 $108拉麵嘅份量都唔少，有原隻糖心蛋，仲有兩三塊大大叉燒，湯底睇落紅卜卜，好似好辣，但其實還好啦，唔算太辣，味道適中，唔會太鹹，配埋拉麵，就啱啱好！小店來講，呢間真係高質，可以返兜👍🏻利申：並冇任何試食活動/優惠！全部正價！(按餐廳MENU上價格付款)…查看更多

餐廳環境幾好，但座位唔算多，而且有60分鐘限時，不過食物都上得好快！1. 天丼蕎麥麵定食 $148呢個定食相當抵食！有天丼之餘，仲有蕎麥麵(可轉烏冬)，而且仲可以揀冷麵，或者熱湯麵！天婦羅方面有虎蝦、魷魚、北海道舞茸菇、茄子、南瓜、法國邊豆、日本雞蛋。食材方面都算有質素，虎蝦大隻又彈牙，魷魚唔會靱，天婦羅雞蛋係流心，啲蛋汁勁香，撈落啲飯度勁好味！鐘意食澱粉既朋友，又想試唔同野既話，呢個定食就啱晒啦！2. 特選天丼 $178至於呢個特選天丼，天婦羅既份量真係不得了，有虎蝦、鱚魚、海鰻半條、魷魚、北海道舞茸菇、茄子、南瓜、法國邊豆、日本雞蛋。虎蝦仲要有3隻咁多，份量真係一啲都唔少，淨食天婦羅都飽晒！(以上價錢未計加一服務費)…查看更多

呢間舖頭都幾多元，有甜食都有鹹食，但係佢哋嘅主題都以健康養顏為主，例如花膠、燕窩、雪燕、桃膠等等。好多唔同嘅煮法&口味👍🏻👍🏻例如麻辣花膠、麻辣鮑魚、湯品等等，樣樣都好正😍佢哋主要做外賣，所以可以訂購返屋企慢慢嘆😋😋今次就試下甜品先！因為我地堂食，店員都以燉盅裝比我地👍🏻仲有冷熱可選🫶🏻1. 冰糖紅棗杞子桃膠飲 $48呢個糖水清清地，但又唔會太甜，味道啱啱好！不過重點都係勁足料！有大大粒嘅紅棗，杞子都唔少，桃膠真係好多，而且大大粒，勁有口感😍2. 特濃4.3牛乳雪燕飲 $58用4.3牛乳，奶味真係勁濃郁！加埋雪燕嘅份量，真係啖啖都充滿雪燕同牛奶，超級養顏，但係價錢又唔貴，同一個普通甜品差唔多👍🏻👍🏻舖頭仲有冰糖燕窩可以選購！即刻買左一盒試下🙈…查看更多

餐廳環境都幾舒適，大部份都係卡位，唔會好迫👍🏻燈光少少昏暗，加上餐廳佈置走泰國風，營造咗一種泰國餐廳嘅氛圍，幾有feel👍🏻1. 泰式小食拼盤 $168小食拼盤嚟講，款式都幾多，有魚餅、春卷、蝦餅、雞翼、兩款串燒，每款都有兩件。味道就不過不失啦，不過上到枱每一件炸物都係熱辣辣，好明顯即刻炸起👍🏻2. 黃咖喱牛肉 $128咖喱都幾香，不過就偏水，完全唔杰身，牛肉係牛腩嘅位置，不過就煮得有少少老，肉質有啲嚡口。3. 泰式炒粉絲128粉絲食得出係泰式粉絲，有少少野菌同蛋炒，不過份量唔多，而且粉絲比較乾身，好快就黐埋一舊，味道冇乜特別，唔算好食。4. 冬陰功海鮮湯$148冬陰功湯偏酸，辣味唔算勁，海鮮嘅份量都幾多，啲蝦都算大隻👍🏻（以上價錢未計加一服務費）值得一提嘅係，OpenRice訂座有八八折，晚市時段都有呀👍🏻利申：並冇任何試食活動/優惠！全部正價！(按餐廳MENU上價格付款)…查看更多

餐廳唔大, 但佈置得幾別緻, 都有少少泰國FEEL, 不過服務方面有待改進, 好幾次想搵店員都係低頭用緊電話, 完全冇理鋪面客人需要，一開始只係叫左三樣野食，但店員都落雨漏左單。1. 聖芭東酸辣鳳爪 $58呢道鳳爪份量唔算多，但鳳爪都好有咬口，而且都幾辣，果種辣唔係入口/食既時候既辣，係食完之後既後勁，真心辣到要搵野解辣！不過除左辣，其他味道都幾淡，酸味都完全唔夠。又唔係難食，但就係味道未到位咁。2. 辣椒膏金不換炒海鮮(配粉絲) $128呢個睇落好似幾好食咁，不過有一陣味...真係成個菜既敗筆，我既形容係...有陣「膠味」，仲要係成碟食物都有呢陣味，咁都真係忍唔住問左一問店員，我唔知佢理唔理解我所講既味道，但佢直接就話佢地用既辣椒膏係咁，佢講到咁，我都唯有接受。海鮮份量唔算多，有蜆、青口、蝦、魚等，大概每樣三件左右。粉絲好索汁，醬汁既份量都多。3. 泰式春雞(半隻) $88春雞真係好春雞，大概有6舊雞左右，但呢個菜...只係得好少好少醬汁，啲雞冇乜味道，肉質勁老勁嚡口，只係得雞腿正常少少冇咁嚡。4. 冬蔭公湯麵 $68有蝦有魷魚，都係每樣三件左右，豆卜就多少少，冬蔭公湯...少少辣，少少酸，椰奶味重，但完全食唔出其他香料既味道，香茅、魚露、南薑、香茜葉等等，都完全食唔出，係幾失望！(以上價錢未計加一服務費)…查看更多

呢間係大圍屹立左好多年既茶餐廳，無論平日定假日，午餐時間人流都唔少！主打鹽焗雞，不過都有每日唔同既經濟飯餐。1. 鹽焗雞飯$53呢個雞飯都算唔錯，雞味都重，雞肉咸香，肉質好鮮嫩，雞既份量一啲都唔少，而且仲有配沙薑汁醮雞，性價比幾高。另外，仲可以指定要雞既唔同部位，例如雞髀、雞翼、雞胸等，或者白飯轉炒底又得！不過價錢就有少少出入啦！餐廳內點鹽焗雞飯既人都幾多！2. 福建炒飯 57呢個炒飯就…一般般啦！炒飯既餡料算幾多，不過…個炒飯唔熱😢成碟飯就扣晒分lu，始終炒飯來講，鑊氣係好重要！…查看更多

1. 粟米天婦羅 $68呢舊野…真心食之無味…棄之可惜😮‍💨佢只係一舊粉同啲粟米黐埋一齊…再炸左😵就算幾好味既醬…都彌補唔到🥴👎🏻👎🏻2. 黑松露忌廉意粉 $139個汁都算好重黑松露味，但係個汁唔算杰身…意粉難以掛汁。野菌分量都算多。3. 士多啤梨藍莓香蕉班戟 $129Pancake係原味，食落去好有空氣感，好鬆軟，係個底熟左少少，不過整體係唔錯，甜度啱啱好，唔會太甜，加上有三款水果伴碟，甜甜酸酸，中和下，配搭唔錯👌🏻（以上價錢未計加一服務費）…查看更多

餐廳勁靚，周圍都係靚靚壁畫，天花仲佈滿乾花，吊落尼，立體感十足，仲會有少少乾花味，少女心🆙🆙🆙打卡一流！1. 香烤法式春雞(半隻) $148春雞都算幾大隻，唔會好MINI，而且春雞肉質好JUICY，而且仲好入味！個薯蓉勁滑溜，奶味都幾重👍🏻有少少薯粒，提升口感🆙2. 北海道帆立貝海膽醬扁意粉 $178帆立貝味道都算鮮味，口感都OK，唔會好似擦紙膠咁，海膽醬汁好濃郁，都幾杰身，海膽味都突出，扁意粉勁掛汁，食到啖啖海膽味, YUMMY!!(以上價錢未計加服務費)…查看更多

呢個餐廳真係不得了，成間餐廳都有花牆，真係打卡人士之選！而且STAFF仲會好熱情咁幫手照相嫁！餐廳仲養左隻免仔，間中會走來走去，完全唔怕陌生人，超可愛呀！1. 黑松露野菌忌廉意粉 $158呢個意粉個汁勁濃郁，黑松露味勁出位！而且個汁比較杰身，令意粉超級掛汁，啖啖都嘆月滿黑松露嘅味道！野菌嘅份量都唔少👍🏻2. 菠蘿照燒雞黑漢堡  $158個包選用左竹炭包，仲做到外脆內軟咁。照燒雞排好嫩滑呀，而且塊雞扒都有返啲厚度呀！另外仲配搭芝士味粟米片，同埋胡麻醬沙律菜。份量都唔少！利申：並冇任何試食活動/優惠！全部正價！(按餐廳MENU上價格付款)…查看更多

呢間餐廳真係要book咗位先好去食，如果唔係至少要等半個鐘以上！就算平日都好多人！但係佢係真心好食，可以翻兜再翻兜！1. 泰式燒春雞釀香茅黃飯 $228呢個真係好足料！隻春雞唔算細，仲要釀滿香茅飯係隻雞個肚度！香茅飯勁香！春雞啲皮燒到香脆，完全冇脂肪，但係啲肉質依然juicy 😋😋大推！！！！！！！💯2. 肉碎生菜包$88生菜包有雞、豬同鴨肉可以揀，都幾特別，雞肉同鴨肉就比較少有！今次都係揀咗最普遍嘅豬肉，肉碎炒得好香，有少少辣，好惹味！3. 小食拼盤 $268拼盤份量都唔少，有蝦餅、魚餅、春卷、香蘭葉包雞，每款都有幾件！上到枱，每樣嘢都仲熱辣辣，好明顯啱啱炸起👍🏻👍🏻👍🏻（以上價錢未計加一服務費）利申：並冇任何試食活動/優惠！全部正價！(按餐廳MENU上價格付款)…查看更多

朋友生日, 因為想食片皮鴨, 就BK左呢間食飯。如果要食，真心要預先bk位，平日都好多人食！1. 古琴酒糟烤北京填鴨配料有京蔥、青瓜、哈蜜瓜、京醬、秘製的蜂蜜黃梅醬、餅皮，片皮鴨比較油膩，配合京蔥、青瓜同哈密瓜，食落比較清新，去油膩感！餅皮都好煙靭！2. 揚州水晶肉個人好鍾意水晶肉，好似食啫喱咁，但係又好有口感😋3. 金腿濃湯津白個湯煮到奶白咁, 真係幾濃郁, 津白煮到啱啱好, 唔會太淋/太生, 加埋金華火腿既咸香, 恰到好處。4. 四喜烤麩健康素食，好索汁同入味！利申：並冇任何試食活動/優惠！全部正價！(按餐廳MENU上價格付款)…查看更多